ARYNews.tv | Urdu – Har Lamha Bakhabar

Tag: کورونا وائرس

  • بھارت میں کرونا سے ہلاک ہونے والوں کی اصل تعداد کتنی ہے؟

    بھارت میں کرونا سے ہلاک ہونے والوں کی اصل تعداد کتنی ہے؟

    واشنگٹن: بھارت میں کرونا وبا کے دوران کو وِڈ نائنٹین سے ہلاک ہونے والوں کی اصل تعداد سے متعلق ایک سنگین انکشاف سامنے آیا ہے۔

    یونیورسٹی آف واشنگٹن کے انسٹیٹیوٹ فار ہیلتھ میٹرکس اینڈ ایویلویشن کا کہنا ہے کہ بھارت میں مرنے والوں کی تعداد 10 لاکھ سے زیادہ ہو سکتی ہے، جو کہ رپورٹ کی گئی تعداد سے تقریباً 3 گنا زیادہ ہے۔

    رپورٹ تیار کرنے والے ماہر شماریات نے کہا ہے کہ بھارت میں کرونا سے ہلاک لاکھوں افراد کی گنتی ہی نہیں ہوئی، اموات سے متعلق 3 لاکھ 96 ہزار کا سرکاری ڈیٹا وبا سے ہوئی اموات کی حقیقی تعداد سے بہت کم ہے۔

    بھارت میں اپنے چاہنے والوں سے محروم ہونے والے لوگوں، ماہرین صحت اور ماہر شماریات کا کہنا ہے کہ یہ حقیقی نمبر سے بہت کم ہے، اس سلسلے میں وال اسٹریٹ جرنل کی ایک رپورٹ میں کہا گیا ہے کہ اصل تعداد دس لاکھ سے بھی زیادہ ہو سکتی ہے۔

    انسٹیٹیوٹ کے ڈائریکٹر کرسٹوفر مُرے نے بتایا کہ جیسے ہی اپریل میں پورے بھارت میں کرونا وائرس کے کیسز تیزی سے بڑھنے لگے، اسی دوران مشرقی ریاست بہار میں ایک 70 سالہ خاتون شیلا سنگھ کی اس کے گھر پر موت ہو گئی۔

    جب کرونا وائرس کے لیے ایک ریپڈ انٹیجن ٹیسٹ کیا گیا تو یہ مثبت آیا، ساتھ میں ایک پھیپھڑے کے اسکین میں وائرل نمونیا اور کو وِڈ انفیکشن کے امکان کا اشارہ بھی ملا، تاہم شیلا سنگھ کی موت کو بھارت میں کو وِڈ سے ہونے والی اموات میں شمار ہی نہیں کیا گیا۔

  • خطرے کی گھنٹی، بھارتی کرونا وائرس نے نئی شکل اختیار کر لی

    خطرے کی گھنٹی، بھارتی کرونا وائرس نے نئی شکل اختیار کر لی

    نئی دہلی: بھارت میں کرونا وبا کی دوسری لہر کے دوران تباہی مچانے والی کرونا وائرس کی نئی قسم نے پھر شکل بدل لی ہے۔

    تفصیلات کے مطابق بھارت میں کرونا وائرس کی سامنے آنے والی انتہائی متعدی قسم انڈین ویرینٹ یا ڈیلٹا ویرینٹ (B.1.617.2) نے ایک بار پھر شکل تبدیل کر لی ہے، ماہرین کا کہنا ہے کہ اس نئے ویرینٹ کو ڈیلٹا پلس یا AY.1 کا نام دیا گیا ہے۔

    نہ صرف بھارت بلکہ پوری دنیا میں بھارتی کرونا وائرس نے دہشت پھیلائی تھی، تاہم اس نئے ویرینٹ کے بارے میں سائنس دانوں کا کہنا ہے کہ اس سے خوف زدہ ہونے کی ضرورت نہیں ہے۔

    ماہرین کے مطابق کرونا وائرس اپنی شکل مستقل بدل رہا ہے، ڈیلٹا پلس دراصل کرونا کے ڈیلٹا ویرینٹ سے بنا ہے، جس سے رواں سال بہت زیادہ بیماری پھیلی تھی، اور جس نے بھارت سمیت کئی ممالک میں کہرام مچا دیا تھا۔

    تاہم، سائنس دان اس نئے ویرینٹ کو لے کر زیادہ فکر مند نہیں ہیں، ان کا کہنا ہے کہ ابھی اسے لے کر کوئی فکر کی بات نہیں، کیوں کہ ملک میں ابھی اس کے بہت کم کیسز سامنے آئے ہیں۔

    ماہرین کا کہنا ہے کہ ابھی اس کی جانچ کی جائے گی کہ یہ نیا ویرینٹ قوت مدافعت کو شکست دے کر ان لوگوں کے جسموں میں داخل ہو سکتا ہے یا نہیں جن کو ویکسین لگ چکی ہے۔

  • کورونا وائرس سے متعلق پابندیوں ، سندھ حکومت کا ایک اور بڑا فیصلہ

    کورونا وائرس سے متعلق پابندیوں ، سندھ حکومت کا ایک اور بڑا فیصلہ

    کراچی : سندھ حکومت نے کورونا وائرس سے متعلق پابندیاں جاری رکھنے کا فیصلہ کرلیا ، وزیراعلیٰ سندھ نے عوام کےتعاون کا شکریہ ادا کرتے ہوئے کہا اب کیسزکم ہورہےہیں، اگریہ تعاون جاری رہاتوجلدصورتحال پرقابوپالیں گے۔

    تفصیلات کے مطابق وزیراعلیٰ سندھ مراد علی شاہ کی زیر صدارت کوروناوائرس سےمتعلق ٹاسک فورس کااجلاس ہوا ، جس میں بریفنگ دیتے ہوئے بتایا گیا کہ گذشتہ روز 22 ہزار 043 ٹیسٹ کیے گئےجوایک ریکارڈ ہے، 22043 ٹیسٹ کےنتیجے میں 1293 کیسز سامنے آئے، جو 5.9فیصدشرح ہے، سختی کرنےسےکیسزکی شرح کم ہوئی ہے۔

    اجلاس میں وزیراعلیٰ سندھ نے کہا کہ اگرعوام نےتعاون جاری رکھاتو وباکےپھیلاؤ کوروک سکیں گے، کل 24 اموات رپورٹ ہوئیں جو پریشان کن بات ہے۔

    اس وقت کراچی کےکیسز کی شرح 8.34 فیصدہے، حیدرآبادمیں کیسز کی شرح4.42 فیصداور دیگر اضلاع میں 3.3فیصدہے، 20 مئی کوکراچی میں 12.86 فیصد اورحیدرآباد میں 11 فیصدشرح تھی۔

    عید کے بعد کیسز 8.63 فیصد تھے اور اموات 1.18 فیصد تھیں، عید کے بعد دوسرے ہفتے کیسز6.8 فیصد اور 0.90 اموات تھیں، صرف مئی میں کورونا سے307مریض انتقال کرگئے ہیں۔

    صوبائی ٹاسک فورس اجلاس میں کوروناوائرس سےمتعلق پابندیاں جاری رکھنےکافیصلہ کیا گیا ، وزیراعلیٰ سندھ نے عوام کےتعاون کا شکریہ ادا کرتے ہوئے کہا اب کیسزکم ہورہےہیں، اگریہ تعاون جاری رہاتوجلدصورتحال پرقابوپالیں گے۔

  • کورونا وائرس، سندھ میں پابندیاں مزید 2 ہفتے برقرار رکھنے کا فیصلہ

    کورونا وائرس، سندھ میں پابندیاں مزید 2 ہفتے برقرار رکھنے کا فیصلہ

    کراچی : سندھ ٹاسک فورس نے پابندیاں مزید 2ہفتےبرقراررکھنے کا فیصلہ کرتے ہوئے کہا سیاحتی مقامات،سی ویو، ہاکس بے،تفریحی پارکس 2 ہفتے کے لیے بند کرنے کا اعلان کردیا۔

    تفصیلات کے مطابق وزیراعلیٰ سندھ مراد علی شاہ کی زیرصدارت کورونا پرصوبائی ٹاسک فورس کا اجلاس ہوا ، جس میں وزیراعلیٰ سندھ نے بتایا کہسندھ میں کل سب سے زیادہ 24ہزار299نمونوں کی جانچ کی گئی، گزشتہ روز2136 نئے کیسز رپورٹ ہوئے۔

    اس وقت صوبے میں تشخیص کی شرح 8.8 فیصد ہے، 13 مئی یعنی عید پر 1232 کیسز تھے اور 19 مئی کو 2076 کیسز اور 21 مئی کو 2136 کیسز تھے، ظاہر ہوتا ہے کہ کیسز کی شرح عید کے بعد بڑھ رہی ہے۔

    سیکریٹری صحت نے بریفنگ دیتے ہوئے بتایا 15سے 21 مئی تک کراچی میں 13.97 فیصد کیسز ہوئے، حیدرآباد میں 10.83 اور دیگراضلاع میں 5.40 فیصد کیس رپورٹ، ہفتہ وار رپورٹ کے حساب سے کراچی شرقی میں 15 فیصد کیسز ، ضلع وسطی میں 13 فیصد ، ملیر اور غربی میں 10 فیصد کیس ہیں جبکہ حیدر آباد میں 11 فیصد اور سکھر میں 8 فیصد کیس ہیں۔

    اجلاس میں سندھ ٹاسک فورس نے پابندیاں مزید 2ہفتےبرقراررکھنےکافیصلہ کرتے ہوئے کہا سیاحتی مقامات،سی ویو، ہاکس بے،تفریحی پارکس 2 ہفتےکے لیے بند رکھیں جائیں گے اور شادی ہالزبھی بندرہیں گے تاہم واکنگ ٹریکس کھلے رکھے جائیں گے۔

    دکانیں پیرسےشام 6 بجے تک ایس او پیز کے تحت کھلی رہیں گی ، انٹر سٹی ٹرانسپورٹ 50 فیصد مسافروں کےساتھ چلے گی جبکہ ڈپارٹمنٹل اسٹور بھی شام 6 بجے تک کھلے رہیں گے۔

    سندھ ٹاسک فورس برائےکورونا اجلاس میں کہا گیا کہ اسکولوں کے کھلنے کافیصلہ کوروناصورتحال بہترہونےپرکیاجائیگا جبکہ وزیرتعلیم کواساتذہ کی ویکسی نیشن کیلئےبندوبست کرنے کی ہدایت کردی۔

  • کورونا وائرس : پاکستان کے کس ضلع میں مثبت کیسزکی شرح 5فیصد سے زائد؟ تفصیلات سامنے آگئیں

    کورونا وائرس : پاکستان کے کس ضلع میں مثبت کیسزکی شرح 5فیصد سے زائد؟ تفصیلات سامنے آگئیں

    اسلام آباد : ملک کے52 اضلاع کوروناوباکی زیادہ لپیٹ میں ہیں ، ان اضلاع میں مثبت کیسز کی شرح 5 فیصد سے زیادہ ہے، پنجاب کے زیادہ تر اضلاع کورونا سے متاثر ہے۔

    تفصیلات کے مطابق ملک بھر میں مثبت کیسز کی شرح 5 فیصد سے زائد والے اضلاع کی تفصیلات سامنے آگئیں ، جس میں بتایا گیا ملک کے52 اضلاع کورونا وبا کی زیادہ لپیٹ میں ہیں ، ان اضلاع میں مثبت کیسز کی شرح 5 فیصد سے زیادہ ہے۔

    کورونا وائرس سے متاثرہ زیادہ تراضلاع کاتعلق پنجاب سےہے ، صوبے کے 20اضلاع میں مثبت کیسزکی شرح5فیصدسےزائدہے جبکہ کے پی میں 14، سندھ  میں 12 اضلاع میں کیسزکی شرح 5فیصدسےزائد ہے۔

    آزادکشمیرکے4 اضلاع مظفرآباد،پونچھ، باغ، سدھنوتی ، بلوچستان کے ایک ضلع کوئٹہ میں مثبت کورونا کیسز کی شرح 5فیصد سے زائد ہے جبکہ اسلام آباد میں کیسزکی شرح بھی 5 فیصد سے زائد ہے۔

    کراچی کے تمام اضلاع ، حیدرآباد، بدین، دادو ، جامشورو،شہیدبینظیر آباد، سکھر میں کوروناکیسز کی شرح 5 فیصد سے زائد جبکہ لاہور، راولپنڈی، اٹک، بہاولپور  ، بھکر،ڈی جی خان،فیصل آباد ، گجرات، خانیوال، خوشاب میں مثبت کیسز کی شرح 5 فیصد سے زائد ریکارڈ کی گئی۔

    اسی طرح لیہ، لودھراں، میانوالی، ملتان، مظفرگڑھ،رحیم یار خان ، اوکاڑہ،سرگودھا،ٹوبہ ٹیک سنگھ ، پشاور، ایبٹ آباد،بنوں ، بونیر،چارسدہ،اپر، لوئر دیر ، ہری پور ، کوہاٹ ، کرم،مردان ، نوشہرہ،صوابی،سوات میں مثبت کیسز کی شرح 5 فیصد سے زائد ہے۔

  • پنجاب میں کورونا وائرس کا زور ٹوٹنے لگا ، کیسز میں کمی

    پنجاب میں کورونا وائرس کا زور ٹوٹنے لگا ، کیسز میں کمی

    لاہور : پنجاب میں کورونا وائرس کا زور ٹوٹنے لگا، جس کے باعث مریضوں کی شرح میں کمی ہوئی ، گذشتہ 24 گھنٹوں میں مزید 63 افراد جان کی بازی ہار گئے جبکہ 1266 نئے کیسز سامنے آئے۔

    تفصیلات کے مطابق پنجاب میں کورونا کیسز میں کمی دیکھنے میں آرہی ہے ، ترجمان پرائمری اینڈ سیکنڈری ہیلتھ کیئر کا کہنا ہے کہ پنجاب میں کورونا وائرس کے 1266 نئے کیسز رپورٹ ہوئے ، جس کے بعد کورونا وائرس کے کنفرم مریضوں کی تعداد 322,117 ہو گئی۔

    ترجمان نے بتایا کہ صوبہ بھر میں کورونا وائرس سے مزید 63 افراد جاں بحق ہو گئے ، لاہور میں 26 ہلاکتیں ہوئیں ، جس کے بعد پنجاب میں کورونا وائرس سے اموات کی کل تعداد 9188 اور لاہور میں اموات کی کل تعداد 3767 ہو چکی ہے۔

    اعدادو شمار کے مطابق لاہورمیں 476، ننکانہ 7، قصور 15، شیخوپورہ 5، راولپنڈی 84، جہلم 7، چکوال 21، مظفرگڑھ 24، حافظ آباد 4 اور گوجرانوالہ میں 44 ، سیالکوٹ 12، نارووال 1، گجرات 7، منڈی بہاؤالدین 1، ملتان 142، خانیوال 10، راجن پور 3، لیہ 15، ڈیرہ غازی خان 21 اور وہاڑی میں 22 کیس سامنے آئے ۔

    اسی طرح فیصل آباد 75، چنیوٹ 7، ٹوبہ ٹیک سنگھ 6، جھنگ 19 اور رحیم یار خان میں 31 کیسز ، سرگودھا 39، میانوالی 27، خوشاب 31، بہاولنگر 12، بہاولپور 64، لودھراں 5، بھکر 1، ساہیوال 10، پاکپتن 14 اوراوکاڑہ میں 4 کیسز رپورٹ ہوئے۔

  • بھارت: لاک ڈاؤن کی خلاف ورزی پر سرِ عام سزا دینے کا عمل شروع، ویڈیو دیکھیں

    بھارت: لاک ڈاؤن کی خلاف ورزی پر سرِ عام سزا دینے کا عمل شروع، ویڈیو دیکھیں

    ممبئی: بھارتی ریاست مہاشٹرا کی پولیس نے کرونا لاک ڈاؤن کی خلاف ورزی کرنے والوں کو سرعام سزا دینا شروع کردی۔

    تفصیلات کے مطابق بھارت میں کرونا کی نئی قسم کی ہلاکت خیزی جاری ہے، یومیہ بنیادوں پر جہاں لاکھوں نئے کیسز رپورٹ ہورہے ہیں وہیں اموات میں بھی اضافہ ہوا ہے۔

    بھارت میں کرونا سے مرنے والوں کی تعداد میں اس حد تک اضافہ ہوا ہے کہ اب قبرستانوں تدفین اور شمشان گھاٹوں میں آخری رسومات ادا کرنے کی گنجائش ختم ہوگئی ہے، جس کی وجہ سے شہری اپنے پیاروں کی لاشیں گھروں میں رکھ کر باری کے منتظر ہیں۔

    کرونا کی بگڑتی صورت حال کے بعد زیادہ متاثر ہونے والی ریاست کی حکومتوں نے سخت لاک ڈاؤن نافذ کرنے کا اعلان کیا۔ مہارشٹرا کی ریاست بھی اُن ریاستوں میں شامل ہیں جہاں صورت حال گھمبیر ہوچکی ہے۔

    مزید پڑھیں: بھارت: شمشان گھاٹ بھر گئے، لوگ لاشیں گھر میں رکھنے پر مجبور

    ریاست مہارشٹرا کی حکومت نے تمام علاقوں میں سخت لاک ڈاؤن کے نفاذ کے ساتھ رات کے وقت کرفیو کا اعلان کیا ہے۔ مقامی حکومت نے لاک ڈاؤن کی خلاف ورزی کرنے والے شہریوں کو سرعام سزا دینے کا اختیار پولیس کو تفویض کردیا۔

    انٹرنیٹ پر وائرل ہونے والی ویڈیو ریاست مہاشٹرا کے علاقے مندسور کی ہے، جس میں دیکھا جاسکتا ہے کہ پولیس اہلکاروں نے گشت کے دوران سڑک پر گھومنے والے افراد کی پھینٹی لگائی اور انہیں سڑک پر روک کر سزائیں بھی دیں۔

    پولیس اہلکاروں نے سڑک پر گھومنے والے افراد کا تعاقب کیا اور اُن کی باز پرس بھی کی۔ جن لوگوں نے گھروں سے باہر نکلنے کی کوئی مناسب وجہ بیان نہیں کی تو انہیں سڑک پر  اٹھک بیٹھک اور مرغا بنانے کی سزا دی گئی۔

    یہ بھی پڑھیں: اللہ سے کورونا کے خاتمے کی دعا کریں، بھارتی پولیس کی مسلمانوں سے اپیل، ویڈیو وائرل

    اہلکاروں نے سزا دینے کے کچھ دیر بعد نوجوانوں کو تاکید کر کے چھوڑا کے اب وہ گھروں میں جاکر بیٹھیں اور لاک ڈاؤن کی خلاف ورزی نہ کریں۔

  • پنجاب میں کورونا تیزی سے جانیں نگلنے لگا،مسلسل دوسرے روز 100 سے زائد اموات

    پنجاب میں کورونا تیزی سے جانیں نگلنے لگا،مسلسل دوسرے روز 100 سے زائد اموات

    لاہور: پنجاب میں مسلسل دوسرے روز بھی 100 سے زائد اموات ریکارڈ کی گئیں، جس کے بعد کورونا سے اموات کی کل تعداد 7664 تک جا پہنچی۔

    تفصیلات کے مطابق پنجاب میں کورونا وائرس تیزی سے جانیں نگلنے لگا،محکمہ صحت پنجاب کی جانب سے جاری بیان میں کہا گیاہے کہ صرف ایک روز میں کورونا وائرس سے 103 افراد دم توڑ گئے، جس کے بعد صوبے میں کورونا سے اموات کی کل تعداد 7664 ہو گئی۔

    محکمہ صحت پنجاب کاکہنا تھا کہ گزشتہ 24 گھنٹوں کے دوران پنجاب میں کورونا وائرس کے 2969 نئے کیسز سامنے آئے اور کورونا کیسز کی کل تعداد 2 لاکھ 76 ہزار 535 ہو گئی، ایک دن کے دوران لاہور میں سب سے زیادہ 1454 کیسز رپورٹ ہوئے۔

    اعدادو شمار کےمطابق ننکانہ 13، قصور 22، شیخوپورہ 40، راولپنڈی 292 ، جہلم 3، اٹک 1،چکوال 16، مظفرگڑھ 8، حافظ آباد 16 اور گوجرانوالہ 34 ، سیالکوٹ 38، نارووال 5، گجرات 20، منڈی بہاؤالدین 7، ملتان 173، خانیوال 44 کیسز رپورٹ ہوئے۔

    اسی طرح راجن پور 11، لیہ 25، ڈیرہ غازی خان 20 اور وہاڑی میں 28 ،فیصل آباد 244، چنیوٹ 12، ٹوبہ ٹیک سنگھ 6، جھنگ 5 اور رحیم یار خان میں 31 ،سرگودھا 145، میانوالی 33، بہاولنگر 13، بہاولپور 117، لودھراں 15، بھکر 7،ساہیوال 59، پاکپتن 4 اوراوکاڑہ میں 8 کیسز سامنے آئے۔

  • پاکستان میں کورونا سے مزید 41 افراد جاں بحق، 2ہزار زائد مریضوں کی حالت تشویشناک

    پاکستان میں کورونا سے مزید 41 افراد جاں بحق، 2ہزار زائد مریضوں کی حالت تشویشناک

    اسلام آباد : پاکستان میں کورونا وائرس سے مزید 41 افراد جاں بحق ہوگئے، جس کے بعد مجموعی اموات کی تعداد 10 ہزار717ہوگئیں جبکہ 2ہزار 3 سے زائد مریضوں کی حالت تشویشناک ہیں۔

    تفصیلات کے مطابق نیشنل کمانڈاینڈآپریشن سینٹر سے کورونا کے تازہ ترین اعداد و شمار جاری کردیئے گئے ہیں ، جس میں بتایا گیا ہے کہ 24گھنٹے میں مزید 41  افراد کا انتقال ہوگیا ، جس سے مجموعی اموات 10ہزار717 ہوگئیں۔

    این سی او سی نے کہا ہے کہ 24گھنٹےمیں40 ہزار 88 ٹیسٹ کئے گئے ، جس میں سے 2ہزار408 نئے کیسز رپورٹ ہوئے ، 24 گھنٹے میں کورونا وائرس کے ٹیسٹ مثبت آنے کی شرح 6 فیصد ہے۔

    نیشنل کمانڈاینڈآپریشن سینٹر  کا کہنا تھا کہ ملک میں کورونا کے فعال کیسز کی تعداد 34 ہزار 7 اور تصدیق شدہ کیسز کی تعداد 5 لاکھ 6 ہزار 701 ہوگئی ہے۔

    این سی او سی نے بتایا کہ 24 گھنٹےمیں کورونامیں مبتلا3 ہزار606مریض صحت یاب ہوئے، جس کے بعد صحت یاب ہونے والوں کی تعداد 4 لاکھ 61 ہزار977 ہو گئی  ہے جبکہ کورونا کے 2 ہزار340 مریضوں کے کیسز تشویشناک نوعیت کے ہیں۔

    اعدادوشمار کے مطابق سندھ میں کورونا کیسز کی تعداد 2 لاکھ 27 ہزار 885 ، پنجاب میں ایک لاکھ 46 ہزار 16، خیبر پختونخوا میں 61 ہزار 648، بلوچستان میں 18 ہزار 429 ہوگئی جبکہ گلگت بلتستان میں 4 ہزار 882، اسلام آباد میں 39 ہزار 340 اور آزاد کشمیر میں 8 ہزار 501 کیسز سامنے آئے۔

  • کورونا کے بڑھتے خطرات، پاکستان ہائی کمیشن لندن نے قونصلرسروس غیرمعینہ مدت کیلئے بند کردی

    کورونا کے بڑھتے خطرات، پاکستان ہائی کمیشن لندن نے قونصلرسروس غیرمعینہ مدت کیلئے بند کردی

    لندن : برطانیہ میں کورونا وائرس کے خطرات کے پیش نظر پاکستان ہائی کمیشن لندن نے قونصلرسروس غیرمعینہ مدت کیلئےبند کردی تاہم ویزا پاسپورٹ  اور نادرا کارڈ کیلئے آن لائن خدمات جاری رہیں گی۔

    تفصیلات کے مطابق برطانیہ میں کورونا وائرس کی نئی قسم تیزی سے پھیل رہی ہے ، کورونا وائرس کے بڑھتے کیسز کے پیشِ نظر پاکستان ہائی کمیشن لندن نے قونصلرسروس غیرمعینہ مدت کیلئے بند کردی۔

    ترجمان ہائی کمیشن کا کہنا ہے کہ معطلی کااطلاق برمنگھم،گلاسکواورمانچسٹرقونصلیٹ پربھی ہوگا، سروسزمعطلی کافیصلہ نیشنل لاک ڈاؤن کی وجہ سے کیا گیا۔

    ترجمان نے مزید بتایا کہ قونصلرسروسز منگل کے روز سےغیر معینہ مدت کیلئے بند رہیں گی تاہم ویزا پاسپورٹ اورنادرا کارڈ کیلئے آن لائن خدمات جاری رہیں گی۔

    خیال رہے کورونا وائرس کی نئی قسم میں شدت آنے کے باعث نیشنل لاک ڈاؤن کا اعلان کردیا ہے، بورس جانسن نے پرائمری اورسیکنڈری اسکول فوری بند کرنےکا اعلان کرتے ہوئے کہا تھا کہ بچوں کوآن لائن تعلیم مہیاکی جائے، انہوں نے عوام سے اپیل کی کہ عوام بلاضرورت گھروں سےنہ نکلیں، یقین ہے ہم وائرس کیخلاف جدوجہدکےآخری مرحلےمیں ہیں۔