Tag: کورونا وائرس

لاہور: سندھ، خیبرپختونخوا اور بلوچستان کے تعلیمی اداروں میں چھٹیوں کے بعد پنجاب میں بھی تعلیمی ادارے فوری بند کرنے پر غور شروع کر دیا گیا۔

تفصیلات کے مطابق وزیر تعلیم پنجاب مراد راس کی زیر صدارت محکمہ کےافسران کا اجلاس جاری ہے جس میں اسکولوں کی چھٹیوں پر غور کیا جارہا ہے۔

اجلاس میں شرکا کو بریفنگ دی گئی کہ ملک بھر میں کورونا وائرس کے کیسز رپورٹ ہوئے ہیں تاہم پنجاب میں ابھی تک کورونا کا کوئی کیس رپورٹ نہیں ہوا۔

محکمہ تعلیم کے حکام نے بتایا کہ کورونا وائرس کے خوف کے باعث سرکاری اور پرائیویٹ اسکولز میں بچوں کی حاضریاں بھی کم ہیں۔

صورتحال کے پیش نظر وزیرتعلیم مراد راس کا کہنا ہے کہ اسکولز میں چھٹیاں کب سے کرنی ہے اس پر غور جاری ہے اور اسکولوں کی تعطیلات کے حوالے سے حتمی فیصلہ آئندہ 24 گھنٹوں میں کیا جائے گا۔

ان کا کہنا ہے کہ اپنے بچوں اور اساتذہ کی صحت ہماری پہلی ترجیح ہے، مشکل صورتحال کے باعث کسی قسم کا رسک نہیں لیا جا سکتا۔

اسلام آباد: کورونا وائرس کے باعث قومی اسمبلی کا اجلاس غیر معینہ مدت کے لیے ملتوی کیے جانے کے بعد سینیٹ کی قائمہ کمیٹیوں کےاجلاس، تقریبات اور دیگر اجتماعات منسوخ کر دیے گئے۔

تقریبات اوراجلاسوں کی منسوخی کا فیصلہ چیئرمین سینیٹ صادق سنجرانی کی جانب سے کیا گیا ہے، ترجمان سینیٹ سیکرٹریٹ کا کہنا ہے کہ 2ہفتے تک تقریبات ،کمیٹیوں کے اجلاس منسوخ کر دیے گئے ہیں جس کا باضابطہ نوٹیفکیشن تھوڑی دیر میں جاری کر دیا جائے گا۔

ترجمان کا کہنا ہے کہ کورونا کےخلاف حفاظتی اقدام پر تمام اجلاس منسوخ کیے گئے، اراکین و ملازمین غیر ضروری اجتماعات سے گریز کریں۔

چیئرمین سینیٹ صادق سنجرانی کا کہنا ہے کہ عالمی سطح پر ایک مشکل صورتحال درپیش ہے اور پاکستان میں بھی کچھ مریض سامنے آئے ہیں، احتیاطی تدابیر اختیار کرنا ہماری سماجی ذمہ داری ہے۔

چیئرمین سینیٹ محمد صادق سنجرانی نے قوم سے خصوصی دعاؤں کی اپیل کرتے ہوئے کہا ہے کہ اللہ تمام انسانیت کو اس موذی وبا سے اپنی امان میں رکھے، کوشش کریں گھروں تک محدودرہیں، رش والے مقامات پر نہ جائیں اور غیرضروری نقل و حرکت سے گریز کریں۔

کراچی: سعودی حکومت کے اعلان کے بعد پی آئی اے نے 6 خصوصی پروازیں چلانے کا اعلان کر دیا ہے، جن کے ذریعے پاکستانی شہریوں کو واپس لایا جائے گا اور یہاں سے سعودی عرب پہنچایا جائے گا۔

تفصیلات کے مطابق پی آئی اے 6 خصوصی پروازوں کے ذریعے سعودی عرب سے ہم وطنوں کو پاکستان لے کر آئے گی، ترجمان پی آئی اے کا کہنا ہے کہ 14 اور 15 مارچ کو پروازیں آپریٹ کی جائیں گی۔

14 مارچ کو پی آئی اے کی پرواز پی کے 717 کراچی سے مدینہ کے لیے روانہ ہوگی، دوسری پرواز پی کے 767 کراچی سے جدہ کے لیے روانہ کی جائے گی، تیسری پرواز پی کے 8731 کراچی سے جدہ جب کہ خصوصی پرواز پی کے 8761 کراچی سے جدہ کے لیے روانہ کی جائے گی، 15مارچ کو اسلام آباد سے جدہ کے لیے پرواز پی کے 763 روانہ ہوگی۔ سعودی ایوی ایشن نے پاکستان سمیت تمام ممالک کے مسافروں کو سعودیہ عرب سے جانے کے لیے 72 گھنٹے کا الٹی میٹم دیا تھا۔

خیال رہے کہ پاکستان سمیت مختلف ممالک سے سعودی عرب آنے والے افراد پر پابندی عائد کر دی گئی ہے، ماسوائے ان افراد کے جو سعودی عرب کے شہری ہیں یا اقامتی ویزے کے حامل ہیں اور وہ شہری جو واپس اپنے ملک جانا چاہتے ہیں۔ کارگو پروازیں بھی سعودی عرب کے لیے آپریٹ کی جا سکتی ہیں اور میڈیکل ویزہ رکھنے والے یا نئے میڈیکل ویزے والے افراد سعودی عرب کا سفر کر سکتے ہیں۔

سعودی حکومت کی ہدایات کے تحت وہ افراد جو سعودی شہری ہیں یا اقامہ ویزہ رکھتے ہیں وہ افراد 72 گھنٹوں کے اندر سعودی عرب کا سفر کر سکتے ہیں اور یہ مدت اتوار 15 مارچ 2020 سہ پہر 3 بجے ختم ہو جائے گی۔

ترجمان پی آئی اے نے کہا ہے کہ قومی ایئر لائن اپنے مسافروں کو سعودی عرب لے جانے کے لیے ہر ممکن اقدامات کر رہی ہے اور سعودی عرب کا اقامتی ویزہ رکھنے والے پاکستانیوں کو سعودی عرب پہنچانے کے لیے معمول کی پروازوں کے علاوہ پاکستان کے مختلف شہروں سے اضافی پروازیں چلانے کے لیے ہنگامی بنیادوں پر منصوبہ بندی کر رہی ہے۔

دریں اثنا پاکستانی وزارت خارجہ نے سفارت خانوں اور قونصل خانوں میں ہاٹ لائن قائم کر دی ہے۔

اسلام آباد: تحریک انصاف کے سینیٹر فیصل جاوید نے کورونا وائرس کے پیش نظر نیشنل اسٹیڈیم کراچی میں کیے گئے حفاظی اقدامات کو بہترین قرار دیتے ہوئے کہا ہے کہ سندھ حکومت احتیاطی تدابیر کے ساتھ بیان بازی میں بھی احتیاط کرے۔

وزیراعلیٰ سندھ کی جانب سے کورونا وائرس کے خطرے کے باعث احتیاطی تدابیر کے تحت بغٖیر شائقین کے پی ایس ایل میچز کرانے کے فیصلے پر ردعمل دیتے ہوئے فیصل جاوید نے کہا کہ شائقین کی اسٹیڈیم آمد پرپابندی کا فیصلہ احسن اقدام ہے۔

انہوں نے کہا کہ دنیا بھر میں کورونا وائرس کیلئےاحتیاطی تدابیر اختیارکی گئیں، نیشنل اسٹیڈیم میں آج بہترین انتظامات کیےگئے ہیں۔

یہ بھی پڑھیں: کراچی، پی ایس ایل کے میچز میں شائقین کی آمد پر پابندی عائد

سینیٹر نے کہا کہ سندھ حکومت احتیاطی تدابیر کےساتھ بیان بازی میں بھی احتیاط کرے، ہر ایشو پر سیاست نہیں ہونی چاہیے، وفاقی حکومت صوبائی حکومتوں کےساتھ مل کر کام کر رہی ہے۔

واضح رہے کہ وزیراعظم عمران خان نے کرونا وائرس پر قومی سلامتی کمیٹی کا اجلاس کل طلب کیا ہے، اجلاس بلانے سے متعلق پارلیمانی پارٹی کو آگاہ کردیاگیا ہے، اجلاس میں بارڈرز کی بندش سے متعلق نیشنل پالیسی کاجائزہ لیا جائےگا۔

وزیراعلیٰ سندھ نےبیان دیا تھا کورونا پر وزیراعظم سےرابطہ نہیں ہو پا رہا، بیان کے بعد آج انہیں اجلاس میں شرکت کی دعوت دی گئی ہے۔

اسلام آباد: وزیراعلیٰ سندھ سید مراد علی شاہ وزیراعظم کی جانب سے کورونا وائرس کے پھیلاؤ کی روک تھام کے لیے بلائے گئے اجلاس میں شرکت کریں گے۔

تفصیلات کے مطابق کورونا وائرس کے پھیلاؤ کی روک تھام کیلئے قومی لائحہ عمل اپنانےکی تیاری کے سلسلے میں وزیراعظم آفس میں اجلاس بلایا گیا ہے۔

اس ضمن میں وزیراعظم آفس نے وزیراعلیٰ سندھ سید مراد علی شاہ سے رابطہ کیا اور اجلاس مین شرکت کی دعوت دی۔

ترجمان وزیراعلیٰ سندھ کا کہنا ہے کہ سید مراد علی شاہ اجلاس میں شریک ہوں گے۔

واضح رہے کہ وزیراعلیٰ سندھ نےبیان دیا تھا کورونا پر وزیراعظم سےرابطہ نہیں ہو پا رہا، بیان کے بعد آج انہیں شرکت کی دعوت دی گئی ہے۔

وزیراعظم عمران خان نے کرونا وائرس پر قومی سلامتی کمیٹی کا اجلاس کل طلب کیا ہے، اجلاس بلانے سے متعلق پارلیمانی پارٹی کو آگاہ کردیاگیا ہے، اجلاس میں بارڈرز کی بندش سے متعلق نیشنل پالیسی کاجائزہ لیا جائےگا۔