Tag: کورونا وائرس

تہران: ایران میں ہلاکت خیز کورونا وائرس کے باعث بے احتیاطی برتنے پر دو افراد کو گرفتار کر لیا گیا۔

بین الاقوامی میڈیا رپورٹس کے مطابق کورونا وائرس کی روک تھام اور بچاؤ کے لیے حکام کی ہدایات کو نظر انداز کرنا شہریوں کو مہنگا پڑ گیا۔

زائرین کی جانب سے سوشل میڈیا پر ان افراد کی ویڈیوز شیئر کی گئیں جس میں شہری حکام کی وارننگ کو یکسر مسترد کرتے ہوئے کورونا وائرس سے بچاؤ کے لیے احتیاطی تدابیر کو جان بوجھ کر نظر انداز کررہے ہیں۔

یہ بھی پڑھیں: ایرانی سپریم لیڈر کے مشیر کرونا وائرس سے انتقال کر گئے

ویڈیوز شیئر ہونے پر حکام نے کارروائی کرتے ہوئے دو افراد کو گرفتار کر لیا جنہیں دو ماہ یا اس سے زائد کی قید اور 74 کوڑوں کی سزا کا سامنا ہے۔

اس حوالے سے ایرانی صحافی کا کہنا ہے کہ ملک بھر میں کورونا وائرس سے بچاؤ کے لیے صرف گرفتاریاں ناکافی ہیں، حکومت کو مہلک وبا پر قابو پانے کے لیے مزید سخت اقدامات کرنے چاہیے۔

واضح رہے کہ ایران میں کرونا وائرس سےاموات کی تعداد77 تک جا پہنچی ہے جبکہ وائرس سے متاثرین کی تعداد 2336 ہوگئی ہے، متاثرہ افراد کا تعلق دارالحکومت تہران ، قم اور غیلان صوبوں سے ہیں۔

ایرانی وزیر صحت نے ملک میں کرونا وائرس سے 77 افراد کی موت کی تصدیق کرتے ہوئے کہا ہے کہ وائرس سے متاثرین کی تعداد 2336 ہوگئی ہیں۔

دبئی: دنیا بھر میں تیزی سے پھیلنے والے ہلاکت خیز کورونا وائرس سے حفاظتی اقدامات کے تحت متحدہ عرب امارات کے تعلیمی اداروں کو 4 ہفتوں کے لیے بند رکھنے کا اعلان کردیا گیا۔

اماراتی میڈیا کے مطابق وزارت تعلیم کی جانب سے اعلان کیا گیا ہے کہ آئندہ اتوار سے تمام اسکولز اور ہائر ایجوکیشن انسٹیٹوٹ 4 ہفتوں کے لیے بند کیے جا رہے ہیں۔

اس حوالے سے نیوز ایجنسی نے ایک ٹوئٹ کی ہے جس میں بتایا گیا ہے کہ موسم بہار کی تعطیلات اس بار قبل از وقت کی جارہی ہیں۔

#WamBreaking| Education Ministry announces early start of spring vacation for schools and of distance learning initiative. Schools and higher education institutions to close for four weeks, starting Sunday. Programme for sanitising educational institutions launched. pic.twitter.com/pf7BGxbeke

— WAM English (@WAMNEWS_ENG) March 3, 2020

عمومی طور پر موسم بہار کی چھٹیاں 29 مارچ سے 12 اپریل تک ہوتی تھیں تاہم کورونا وائرس کے سبب احتیاطی تدابیر کے تحت 8 سے 29 مارچ تک تعلیمی ادارے بند رکھے جائیں گے۔

والدین سے کہا گیا ہے کہ وہ گھر میں طلبا کے لئے تعلیم کا ایک سازگار ماحول فراہم کریں جب کہ والدین یہ بھی یقینی بنائیں کہ ان کے بچے تمام اسباق کو مکمل کریں گے۔

واضح رہے کہ متحدہ عرب امارات میں کورونا وائرس کے مزید 6 کیسز رپورٹ ہوئے ہیں جس کے بعد امارات میں وبا سے متاثرہ افراد کی تعداد 27 ہوگئی ہے۔

بیجنگ: نہایت مہلک اور نئے وائرس COVID 91 سے دنیا بھر میں اموات کی تعداد بڑھ کر 3120 ہو گئی ہے۔

تفصیلات کے مطابق فلو سے مشابہ وائرس کا دنیا بھر میں پھیلاؤ جاری ہے، اموات کا سلسلہ بھی نہیں روکا جا سکا، وائرس سے متاثرین کی تعداد 90,932 ہو گئی جب کہ تین ہزار ایک سو بیس انسان مہلک وائرس کا شکار ہو کر ہلاک ہو چکے ہیں۔ گزشتہ 24 گھنٹوں کے دوران چین سے باہر کے ممالک میں تقریباً 40 افراد کرونا وائرس کا شکار ہو کر ہلاک ہوئے، جب کہ چین کے اندر اس دوران 31 افراد ہلاک ہوئے۔

اب تک دنیا بھر کے 76 ممالک اور علاقوں تک یہ وائرس رسائی کر چکا ہے، اور اس کا پھیلاؤ بدستور جاری ہے، شمالی افریقی مسلمان ملک تونس میں بھی کرونا وائرس کا پہلا کیس سامنے آ گیا ہے۔ سعودی عرب نے بھی پہلے کیس کا اعلان کر دیا ہے، کرونا کا شکار سعودی شہری ایران سے براستہ بحرین سعودی عرب پہنچا تھا۔

امریکا میں وائرس سے ہلاک افراد کی تعداد 6 ہو گئی ہے، جب کہ مریضوں کی تعداد 103 ہو گئی، امریکی صدر نے گزشتہ رات ہدایت جاری کی تھی کہ وائرس سے بچاؤ کے لیے ویکسین چند ماہ میں تیار کی جائے، جب کہ امریکی ڈاکٹرز کا کہنا ہے کہ کرونا وائرس کی ویکیسن بنانے میں ایک سال لگے گا۔

یورپی ملک اٹلی میں کرونا وائرس سے ہلاکتوں کی تعداد 52 ہو گئی ہے، جب کہ اب تک وائرس سے 2,036 افراد متاثر ہو چکے ہیں، وائرس سے متاثرہ 149 افراد صحت یاب ہو چکے ہیں تاہم 166 کی حالت تشویش ناک ہے۔ مجموعی طور پر دنیا بھر میں وائرس سے صحت یاب ہونے والوں کی تعداد بھی بڑھ رہی ہے، اب تک 48,176 افراد صحت یاب ہو چکے ہیں۔

خیال رہے کہ نہایت مہلک اور نئے وائرس COVID 91 سے اب تک چین میں 2,944، ایران میں 66، جاپان میں 6، جنوبی کوریا میں 28 اور ٹوکیو جاپان میں قرنطینہ میں رکھے گئے بحری جہاز ڈائمنڈ پرنسز میں 7 افراد ہلاک ہو چکے ہیں۔

تہران: ایرانی سپریم لیڈر آیت اللہ خامنہ ای کے مشیر محمد میر محمدی کرونا وائرس سے تہران میں انتقال کر گئے۔

تفصیلات کے مطابق نئے اور مہلک وائرس COVID 19 کے آگے ایرانی سپریم لیڈر کے 71 سالہ مشیر بھی زندگی ہار گئے، وہ تہران کے اسپتال میں زیر علاج تھے، آج ان کا انتقال ہو گیا۔

غیر ملکی میڈیا کے مطابق ایران میں کرونا وائرس کی ہلاکت خیزی جاری ہے، مزید 12 افراد شکار ہونے کے بعد ایران میں وائرس سے مجموعی ہلاکتیں 66 ہو گئی ہیں، جب کہ وائرس سے متاثرہ افراد کی تعداد 1,501 ہے۔

کرونا وائرس نے ایرانی رکن پارلیمنٹ کی جان لے لی

دنیا بھر میں کرونا وائرس کے مریضوں کی تعداد 89,779 ہو گئی ہے، جب کہ اموات 3,069 تک پہنچ گئیں، تاہم صحت یابی کا عمل بھی تیزی سے جاری ہے اور اب تک 45,512 افراد صحت یاب ہو چکے ہیں، دوسری طرف 7,375 افراد کی حالت تشویش ناک ہے۔

اب تک 70 ممالک اور علاقوں تک یہ وائرس پھیل چکا ہے، جب کہ ایک بین الاقوامی سواری، بحری جہاز ڈائمنڈ پرنسز متاثر ہوا، چین میں گزشتہ چوبیس گھنٹوں میں 42 نئی اموات کے ساتھ مجموعی اموات 2,912 ہو گئی ہیں۔

یاد رہے کہ دو دن قبل کرونا وائرس سے متاثر ہونے والے ایران کی پارلیمنٹ کے رکن محمد علی رمضانی دستک بھی انتقال کر گئے تھے۔