ARYNews.tv | Urdu – Har Lamha Bakhabar

Tag: کورونا وائرس

  • چوبیس گھنٹوں میں کرونا وائرس کے 17 مریض جاں بحق

    چوبیس گھنٹوں میں کرونا وائرس کے 17 مریض جاں بحق

    اسلام آباد: ملک میں گزشتہ 24 گھنٹوں کے دوران کرونا وائرس کے مزید 17 مریض جاں بحق ہو گئے ہیں۔

    نیشنل کمانڈ اینڈ آپریشن سینٹر کے اپ ڈیٹ کے مطابق گزشتہ چوبیس گھنٹوں کے دوران کرونا وائرس کے انفیکشن سے مزید سترہ مریض جاں بحق ہو گئے، جس کے بعد مجموعی اموات کی تعداد 6129 ہو گئی ہے۔

    ملک میں گزشتہ 24 گھنٹوں میں 730 افراد میں کرونا وائرس کی تصدیق ہوئی ہے، این سی او سی کے مطابق اب تک ملک میں کرونا وائرس کے مصدقہ کیسز کی تعداد 2 لاکھ 85 ہزار 921 ہو چکی ہے۔

    ملک میں کرونا کے فعال کیسز کی تعداد 16 ہزار 599 ہے، جب کہ کرونا کے 2 لاکھ 63 ہزار 193 مریض صحت یاب ہو چکے ہیں، 785 مریضوں کی حالت تشویش قرار دی جا رہی ہے۔

    گزشتہ چوبیس گھنٹوں کے دوران پاکستان بھر میں کرونا وائرس کی تشخیص کے لیے 20 ہزار 631 ٹیسٹ کیے گئے، مجموعی طور پر اب تک ملک بھر میں 21 لاکھ 86 ہزار 442 ٹیسٹ کیے جا چکے ہیں۔

    صوبہ سندھ میں کرونا کے مصدقہ کیسز کی تعداد 1 لاکھ 24 ہزار 556 ہو گئی ہے، پنجاب میں 94 ہزار 715 کیسز، خیبر پختون خوا میں 34 ہزار 859 کیسز، اسلام آباد میں 15 ہزار 296 کیسز، بلوچستان میں 11 ہزار 956 کیسز، گلگت بلتستان میں 2 ہزار 382 کیسز، جب کہ آزاد کشمیر میں 2 ہزار 157 کیسز کی تصدیق ہو چکی ہے۔

    سندھ میں کرونا کے 2282 مریض جاں بحق ہوئے، پنجاب 2174 مریض، خیبر پختون خوا میں 1231، اسلام آباد میں 171 مریض، بلوچستان میں 138، گلگت بلتستان میں کرونا کے 57 مریض جاں بحق ہو ئے، جب کہ آزاد کشمیر میں 59 مریض جاں بحق ہو چکے ہیں۔

  • دنیا بھر میں کرونا کیسز کی تعداد 2 کروڑ سے زائد ہو گئی

    دنیا بھر میں کرونا کیسز کی تعداد 2 کروڑ سے زائد ہو گئی

    کراچی: نہایت مہلک اور متعدی نئے کرونا وائرس کی عالمگیر وبا سے دنیا بھر میں 2 کروڑ سے زائد افراد متاثر ہو گئے ہیں۔

    تفصیلات کے مطابق دنیا کے 213 ممالک اور علاقوں میں پنجے گاڑنے والی کو وِڈ 19 کی وبا سے 2 کروڑ 26 ہزار افراد متاثر ہو گئے ہیں، جب کہ وائرس سے ہونے والی ہلاکتوں کی تعداد بھی بڑھ کر 7 لاکھ 34 ہزار ہو گئی۔

    کرونا وائرس انفیکشن سے اب تک دنیا بھر میں 1 کروڑ 29 لاکھ لوگ صحت یاب ہو چکے ہیں، جب کہ 64 ہزار سے زائد مریضوں کی حالت تشویش ناک ہے، دنیا بھر میں کرونا کے فعال کیسز کی تعداد 63 لاکھ 90 ہزار 636 ہے۔

    کرونا کیسز اور اموات کے لحاظ سے امریکا سب سے زیادہ متاثرہ ملک ہے، جہاں اب تک 1 لاکھ 65 ہزار 617 اموات ہو چکی ہیں، جب کہ مجموعی کیسز کی تعداد 51 لاکھ 99 ہزار سے زائد ہے، فعال کیسز کی تعداد بھی 23 لاکھ 59 ہزار سے زائد ہو چکی ہے، زیر علاج 17 ہزار سے زائد کرونا مریضوں کی حالت تشویش ناک ہے، جب کہ 26 لاکھ سے زائد کرونا مریض صحت یاب ہو چکے ہیں۔

    24 گھنٹوں میں ملک میں کرونا کے 15 مریض جاں بحق

    برازیل میں کرونا سے اب تک 1 لاکھ ایک ہزار 136 مریض ہلاک ہو چکے ہیں، اب تک 30 لاکھ 35 ہزار سے زائد کرونا کیسز رپورٹ ہو چکے ہیں، جن میں 21 لاکھ 18 ہزار سے زائد صحت یاب ہو گئے ہیں۔

    بھارت کا کرونا کیسز کی تعداد کے لحاظ سے دنیا بھر میں تیسرا نمبر ہے، جہاں اب تک 22 لاکھ 15 ہزار سے زائد افراد وائرس کا شکار ہو چکے ہیں، جب کہ وائرس انفیکشن سے مرنے والے کی تعداد بڑھ کر 44 ہزار 466 ہو گئی ہے۔

  • 24 گھنٹوں میں ملک میں کرونا کے 15 مریض جاں بحق

    24 گھنٹوں میں ملک میں کرونا کے 15 مریض جاں بحق

    اسلام آباد: گزشتہ چوبیس گھنٹوں کے دوران ملک میں کرونا وائرس انفیکشن سے مزید 15 مریض جاں بحق ہو گئے ہیں۔

    نیشنل کمانڈ اینڈ آپریشن سینٹر کی اپ ڈیٹ کے مطابق پاکستان میں یومیہ رپورٹ ہونے والے کرونا کیسز اور اموات میں کمی آ رہی ہے، مزید پندرہ اموات کے بعد ملک بھر میں کرونا وائرس سے اموات کی تعداد 6097 ہو گئی ہے۔

    این سی او سی کا کہنا ہے کہ 24 گھنٹوں میں کرونا کے 539 نئے کیسز کی تصدیق ہوئی ہے، جس کے بعد ملک میں کرونا کے فعال کیسز کی تعداد 17799 ہو گئی، جب کہ اب تک مجموعی طور پر تصدیق شدہ کیسز کی تعداد 2 لاکھ 84 ہزار 660 ہے۔

    اب تک کرونا کے 2 لاکھ 60 ہزار 764 مریض وائرس سے صحت یاب ہو چکے ہیں، جب کہ 776 مریضوں کی حالت تشویش ناک ہے۔

    24 گھنٹوں میں ملک بھر میں کرونا کے 20 ہزار 495 ٹیسٹ کیے گئے، جب کہ اب تک مجموعی طور پر 21 لاکھ 47 ہزار 584 کرونا ٹیسٹ کیے جا چکے ہیں۔

    این سی او سی کے مطابق ملک بھر میں کرونا کے لیے مختص 1859 وینٹی لیٹرز میں سے اس وقت 149 پر مریض موجود ہیں۔

    صوبہ سندھ میں کرونا وائرس کے کیسز کی تعداد 1 لاکھ 23 ہزار 849 ہو چکی ہے، پنجاب 94 ہزار 477 کیسز کے ساتھ دوسرے نمبر پر ہے، خیبر پختون خوا میں 34 ہزار 692 کیسز سامنے آ چکے ہیں، بلوچستان میں 11 ہزار 906 کیسز، اسلام آباد میں 15 ہزار 261 کیسز، گلگت بلتستان 2 ہزار 334، جب کہ آزاد کشمیر 2 ہزار 141 کیسز سامنے آ چکے ہیں۔

  • کرونا ویکسین کی فی خوراک کتنے روپے کی ہوگی؟

    کرونا ویکسین کی فی خوراک کتنے روپے کی ہوگی؟

    پونے: بھارتی شہر پونے میں ویکسین تیار کرنے والے سیرم انسٹی ٹیوٹ نے کم آمدنی والے ممالک کے لیے ممکنہ کرونا ویکسین کی قیمت 225 روپے مقرر کر دی ہے۔

    غیر ملکی میڈیا کے مطابق بھارتی ریاست مہاراشٹر کے شہر پونے میں قائم سیرم انسٹی ٹیوٹ نے آنے والی ممکنہ کرونا ویکسین کی قیمت زیادہ سے زیادہ دو سو پچیس روپے متعین کی ہے، یہ قیمت بھارت اور دیگر کم اور درمیانے درجے کی آمدنی والے ممالک کے لیے مقرر کی گئی ہے۔

    ویکسین کے سلسلے میں بل اینڈ میلنڈا گیٹس فاؤنڈیشن کے تحت گلوبل الائنس فار ویکسین اینڈ امیونائزیشن (گاوی) 15 کروڑ ڈالر کا ایک رسک فنڈ بھی فراہم کرے گا، اس فنڈ کا استعمال برطانیہ کی کمپنی آسترازینیکا اور امریکی بایوٹیک کمپنی نوواویکس کی ممکنہ ویکسین کی تیاری میں مدد کے لیے کیا جائے گا۔

    خیال رہے کہ کو وِڈ 19 سے بچاؤ کی ویکسین کی جلد تیاری اور وسیع سطح پر تمام ممالک کی اس تک رسائی کے لیے گاوی، عالمی ادارہ صحت (WHO) اور کوایلیشن فار ایپی ڈیمک پریپیئرڈنیس انوویشن (سی ای پی آئی) کے درمیان پارٹنر شپ بھی عمل میں آئی ہے، اس پارٹنر شپ کے تحت 92 ممالک کے لیے ویکسین کی مذکورہ قیمت کا تعین کیا گیا ہے۔

    کرونا ویکسین کتنے کی ملے گی؟ عالمی معیار کا تعین ہو گیا

    سیرم انسٹی ٹیوٹ نے بھی بھارت میں گاوی اور بل اینڈ میلنڈا گیٹس فاؤنڈیشن کے ساتھ مذکورہ ممالک کے لیے 10 کروڑ خوراکیں تیار کرنے اور تقسیم کرنے کے لیے شراکت داری کر لی ہے، اس معاہدے کے تحت بھارت کو برطانوی کمپنی AstraZeneca سے ویکسین کی 1 ارب خوراکوں میں سے 50 فی صد اور نوواویکس سے 1 ارب خوراکوں کا ایک حصہ حاصل ہونے کی امید ہے۔

    سی ای او سیرم انسٹی ٹیوٹ کا کہنا تھا کہ 2021 کی پہلی شش ماہی میں 10 کروڑ خوراکوں کی تیاری اور تقسیم کے لیے یہ کمپنی ویکسین کی تیاری کے عمل میں تیزی لائے گی۔

  • چوبیس گھنٹوں میں ملک بھر میں کرونا سے 14 مریض جاں بحق

    چوبیس گھنٹوں میں ملک بھر میں کرونا سے 14 مریض جاں بحق

    اسلام آباد: نیشنل کمانڈ اینڈ آپریشن سینٹر سے کرونا کے تازہ ترین اعداد و شمار جاری کرتے ہوئے کہا گیا ہے کہ گزشتہ 24 گھنٹوں کے دوران ملک بھر میں کرونا وائرس سے 14 مریض جاں بحق ہو گئے ہیں۔

    تفصیلات کے مطابق بہترین حکمت عملی اور بروقت فیصلوں کے باعث پاکستان میں کرونا وائرس سے اموت اور مریضوں میں مسلسل کمی ہو رہی ہے، گزشتہ چوبیس گھنٹوں کے دوران ملک میں 842 افراد میں کرونا وائرس کی تصدیق کی گئی ہے۔

    این سی او سی کے مطابق ملک بھر میں کرونا وائرس سے تاحال 6068 مریض جاں بحق ہو چکے ہیں، جب کہ اب تک مجموعی طور پر 2 لاکھ 83 ہزار 487 کیسز کی تصدیق کی جا چکی ہے۔

    ملک میں کرونا کے فعال کیسز کی تعداد 17815 ہے، کرونا کے 2 لاکھ 59 ہزار 604 مریض صحت یاب ہو چکے ہیں، ملک بھر کے 735 اسپتالوں میں کرونا کے 1344 مریض زیر علاج ہیں، کرونا مریضوں کے لیے 1859 وینٹی لیٹرز مختص ہیں اور صرف 160 مریض وینٹی لیٹر پر زیر علاج ہیں، 801 مریضوں کی حالت تشویش ناک ہے۔

    24 گھنٹوں میں ملک بھر میں 24366 کرونا ٹیسٹ کیے گئے، تاحال 21 لاکھ 3 ہزار 699 کرونا ٹیسٹ کیے جا چکے ہیں۔

    سندھ میں کرونا وائرس کیسز کی تعداد 123246 ہے، پنجاب میں 94223، خیبر پختون خوا میں 34539، بلوچستان میں 11835، اسلام آباد میں 15214، گلگت بلتستان میں 2301، اور آزاد کشمیر میں 2129 کیسز کی تصدیق کی جاچکی ہے۔

  • چوبیس گھنٹوں میں ملک بھر میں کرونا کے 17 مریض جاں بحق

    چوبیس گھنٹوں میں ملک بھر میں کرونا کے 17 مریض جاں بحق

    اسلام آباد: ملک میں کرونا کیسز اور اموات کی تعداد میں بتدریج کمی کا سلسلہ جاری ہے، گزشتہ 24 گھنٹوں میں ملک بھر میں کرونا وائرس کے 17 مریض جاں بحق ہوئے۔

    نیشنل کمانڈ اینڈ آپریشن سینٹر سے جاری کرونا کے تازہ ترین اعداد و شمار کے مطابق 24 گھنٹوں میں ملک میں 782 افراد میں کرونا وائرس کی تصدیق ہوئی ہے، جس کے بعد ملک میں کرونا کے فعال کیسز کی تعداد 18494 ہو گئی ہے۔

    این سی او سی کے مطابق اب تک ملک میں 2 لاکھ 82 ہزار 645 مصدقہ کرونا کیس سامنے آ چکے ہیں، جن میں سے تاحال 2 لاکھ 58 ہزار 99 مریض صحت یاب ہوئے ہیں، جب کہ ملک بھر میں 6052 مریض جاں بحق ہو چکے ہیں۔

    این سی او سی کا کہنا ہے کہ سندھ میں ایک لاکھ 22 ہزار 759 کرونا کیس رپورٹ ہو چکے ہیں، پنجاب میں 94040، خیبر پختون خوا میں 34432 کرونا کیس سامنے آ چکے ہیں، اسلام آباد میں 15182 کرونا کیس، گلگت بلتستان میں 2287، بلوچستان میں 11821 جب کہ آزاد کشمیر میں کرونا کے 2124 مصدقہ کیس رپورٹ ہو چکے ہیں۔

    سندھ میں کرونا کے 2250، پنجاب 2164 مریض جاں بحق ہو چکے ہیں، خیبر پختون خوا میں 1219، اسلام آباد میں 170، بلوچستان میں 137 مریض، گلگت بلتستان میں کرونا کے 55 مریض جب کہ آزاد کشمیر میں تاحال کرونا وائرس سے 57 مریض جاں بحق ہو چکے ہیں۔

    گزشتہ 24 گھنٹوں میں ملک بھر میں 20461 کرونا ٹیسٹ کیے گئے، ملک میں تاحال 20 لاکھ 79 ہزار 333 کرونا ٹیسٹ کیے جا چکے ہیں، ملک بھر کے 735 اسپتالوں میں کرونا کے 1294 مریض زیر علاج ہیں، ملک بھر میں کرونا مریضوں کے لیے 1859 وینٹی لیٹرز مختص ہیں، جب کہ ملک بھر میں 163 مریض وینٹی لیٹر پر زیر علاج ہیں۔

  • گزشتہ چوبیس گھنٹوں کے دوران ملک میں کرونا سے 15 مریض جاں بحق

    گزشتہ چوبیس گھنٹوں کے دوران ملک میں کرونا سے 15 مریض جاں بحق

    اسلام آباد: ملک میں کرونا کیسز اور اموات کی تعداد میں بتدریج کمی کا سلسلہ جاری ہے، گزشتہ 24 گھنٹوں میں ملک بھر میں کرونا وائرس کے 15 مریض جاں بحق ہوئے۔

    نیشنل کمانڈ اینڈ آپریشن سینٹر نے کرونا کے تازہ ترین اعداد و شمار جاری کر دیے، ملک میں 24 گھنٹوں میں 675 افراد میں کرونا کی تصدیق ہوئی ہے، جس کے بعد ملک میں کرونا کے فعال کیسز کی تعداد 20 ہزار 836 ہو گئی ہے۔

    این سی او سی کے مطابق ملک بھر میں کرونا وائرس کے مصدقہ مریضوں کی تعداد 2 لاکھ 81 ہزار 136 ہو چکی ہے، جن میں سے 2 لاکھ 54 ہزار 286 مریض صحت یاب ہو چکے ہیں، 872 مریضوں کی حالت تشویش ناک ہے، جب کہ کرونا سے ہونے والی اموات کی کل تعداد 6014 ہو چکی ہے۔

    سندھ میں ایک لاکھ 22 ہزار 16 کرونا کیسز رپورٹ ہو چکے ہیں، پنجاب میں 93 ہزار 571، خیبر پختون خوا میں 34 ہزار 324 کرونا کیسز، اسلام آباد میں 15 ہزار 122 کرونا کیسز، گلگت بلتستان میں 2218، بلوچستان میں 11780 کیسز، آزاد کشمیر میں 2105 مصدقہ کیسز رپورٹ ہو چکے ہیں۔

    سندھ میں کرونا کے 2231 مریض جاں بحق ہوئے جب کہ پنجاب میں 2157 مریض، خیبر پختون خوا میں 1213، اسلام آباد میں 167 کرونا مریض، بلوچستان میں 136، گلگت بلتستان میں 55 مریض اور آزاد کشمیر میں تاحال کرونا وائرس سے 55 مریض جاں بحق ہو چکے ہیں۔

    این سی او سی کے مطابق گزشتہ 24 گھنٹوں میں ملک بھر میں 11 ہزار 915 کرونا ٹیسٹ کیے گئے، ملک بھر میں تاحال 20 لاکھ 43 ہزار 870 کرونا ٹیسٹ کیے جا چکے ہیں۔ ملک بھر کے 735 اسپتالوں میں کرونا کے 1381 مریض زیر علاج ہیں جب کہ کرونا مریضوں کے لیے مختص 1859 وینٹی لیٹرز میں سے 165 زیر استعمال ہیں۔

  • کرونا وائرس ہر کسی کو کیوں لاحق نہیں ہوتا، محققین کا بڑا انکشاف

    کرونا وائرس ہر کسی کو کیوں لاحق نہیں ہوتا، محققین کا بڑا انکشاف

    لندن: سائنس دانوں نے انکشاف کیا ہے کہ کرونا وائرس ہر کسی کو کیوں لاحق نہیں ہوتا، ان کا کہنا ہے کہ کرونا وائرس سے کچھ افراد اس لیے محفوظ رہتے ہیں کیوں کہ ان میں وائرس کے خلاف مدافعت موجود رہتی ہے۔

    تفصیلات کے مطابق محققین کا کہنا ہے کہ کرونا وائرس سے محفوظ کچھ افراد میں وائرس کے خلاف مدافعت کی موجودگی کا انکشاف ہوا ہے، کچھ افراد جو کو وِڈ 19 کے شکار نہیں ہوتے، ان کا مدافعتی نظام اس وائرس کے خلاف حیران کن طور پر دفاع فراہم کرتا ہے جس کی وجہ سے ان میں کرونا انفیکشن کی شدت بڑھنے کا امکان نہیں ہوتا۔

    یہ طبی تحقیق برطانوی جریدے نیچر میں شایع ہوئی، تحقیق میں 68 صحت مند بالغ افراد کے نمونوں کا تجزیہ کیا گیا جو کرونا وائرس کا شکار نہیں ہوئے تھے، معلوم ہوا کہ ان میں سے 35 فی صد کے خون میں ٹی سیلز موجود ہیں جو وائرس کے جسم میں داخل ہونے پر فعال ہو جاتے ہیں۔ واضح رہے کہ ٹی سیلز مدافعتی نظام کا حصہ ہوتے ہیں اور یہ بون میرو سے نکلتے ہیں، اور جسم کو بیماری سے تحفظ فراہم کرنے میں مدد فراہم کرتے ہیں۔

    جسم میں اگر ٹی سیلز متحرک ہوں تو اس سے یہ سمجھا جاتا ہے کہ مدافعتی نظام کو اسی طرح کی بیماری سے لڑنے کا تجربہ پہلے ہو چکا ہے، تاہم محققین کے لیے یہ امر حیرانی کا باعث تھا کہ تحقیق میں شامل افراد کے خون میں ٹی سیلز کیسے بنے جب کہ انھیں کو وِڈ نائنٹین کا تجربہ نہیں ہوا تھا۔

    محققین نے اندازہ لگایا کہ یہ کراس ری ایکٹیویٹی کی وجہ سے ہوا ہوگا، یعنی مذکورہ افراد کو ماضی میں دیگر قسم کا کرونا وائرس لاحق ہو چکا ہوگا جس کی وجہ سے ٹی سیلز متحرک ہوئے تھے۔

    ایسے 18 افراد کے خون کے نمونوں کا بھی تجزیہ کیا گیا جو کو وِڈ نائنٹین سے متاثر ہوئے تھے، تحقیق کے دوران کرونا کے 83 فی صد مریضوں میں بھی ٹی سیلز کو متحرک دیکھا گیا، تاہم محققین کا کہنا تھا کہ کو وِڈ 19 کے خلاف ان خلیات کے اثرات کے بارے میں ابھی بھی کچھ زیادہ معلوم نہیں۔

    طبی ماہرین کا کہنا ہے کہ صحت مند افراد میں ٹی سیلز کا متحرک ہونا حیران کن نہیں، دنیا میں لگ بھگ ہر فرد کو کسی ایک کرونا وائرس کا سامنا ہو چکا ہے، سارس کو وِڈ 2 ساتواں انسانی کرونا وائرس ہے اور 4 کرونا وائرس ایسے ہیں جو انسانی برادریوں میں عام ہیں جو عام نزلہ زکام کے 25 فی صد کیسز کا باعث بنتے ہیں، چوں کہ یہ سب ایک ہی خاندان سے تعلق رکھتے ہیں، تو کسی حد تک متحرک مدافعت پیدا ہو چکی ہوتی ہے۔

  • کرونا وائرس موسمی مرض ہے یا انسان کے قابو سے باہر ایک بڑی لہر؟ ڈبلیو ایچ او نے بتا دیا

    کرونا وائرس موسمی مرض ہے یا انسان کے قابو سے باہر ایک بڑی لہر؟ ڈبلیو ایچ او نے بتا دیا

    جنیوا: کرونا وائرس کی عالمگیر وبا موسمی مرض ہے یا انسان کے قابو سے باہر ایک بڑی لہر؟ اس سلسلے میں ڈبلیو ایچ او نے خبردار کر دیا ہے۔

    تفصیلات کے مطابق عالمی ادارہ صحت (ڈبلیو ایچ او) نے کہا ہے کہ COVID-19 کی عالم گیر وبا موسمی نہیں بلکہ یہ ‘ایک بڑی لہر’ ہے جو انسان کے قابو سے باہر ہے۔

    ورلڈ ہیلتھ آرگنائزیشن (WHO) نے منگل کے روز شمالی نصف کرے پر واقع ممالک میں گرمیوں میں کرونا وائرس کے پھیلاؤ کے بارے میں خوش فہمی دور کرتے ہوئے کہا ہے کہ اس وائرس کا برتاؤ انفلوئنزا جیسا نہیں ہے جو موسمی رجحانات کے مطابق چلتا ہے۔

    عالمی ادارہ صحت کا کہنا تھا کہ جس طرح ہانگ کانگ میں کرونا وائرس کی وبا کی ‘لہریں’ بار بار آئیں، اس سے یہ ظاہر ہوتا ہے کہ وائرس اس طرح سے برتاؤ کر رہا ہے جو انسانی کنٹرول سے باہر ہے، اور صرف ٹھوس اقدامات ہی اس کے پھیلاؤ کو آہستہ کر سکتے ہیں۔

    جنیوا میں بریفنگ کے دوران ڈبلیو ایچ او کی مارگریٹ ہیرس نے ایک بار پھر دہرایا کہ ہم کرونا وائرس کی وبا کی پہلی لہر میں ہیں، ایک اور بڑی لہر آنے والی ہے، اس میں بس تھوڑی سی اونچ نیچ ہو سکتی ہے، اچھا عمل یہ ہے کہ اسے پیروں تلے کچل ڈالیں۔

    انھوں نے امریکا میں موسم گرما کے دوران کرونا وائرس کیسز کی انتہائی تعداد کی طرف اشارہ کرتے ہوئے کہا کہ اس وبا کے خلاف سخت اقدامات کی ضرورت ہے اور بڑے اجتماعات سے سخت اجتناب کیا جائے، لوگوں کا اب بھی یہ خیال ہے کہ کرونا وبا موسمی ہے، لیکن ہمیں یہ سمجھنے کی ضرورت ہے کہ یہ نیا وائرس ہے اور یہ مختلف طریقے سے برتاؤ کر رہا ہے۔

    ڈاکٹر مارگریٹ ہیرس نے کہا کہ موسم گرما ایک مسئلہ ہے، کیوں کہ یہ وائرس ہر موسم کو پسند کرتا ہے، یہ بھی واقعہ ہے کہ کو وِڈ 19 نے جنوبی نصف کرے کی سردیوں میں موسمی انفلوئنزا کے ساتھ ایک ہی وقت میں وار کیا تھا۔

    انھوں نے کہا کہ پھیپھڑوں کی بیماری کا ہمارے ہیلتھ سسٹم پر پہلے ہی سے بڑا بوجھ تھا، اب یہ اور بڑھ گیا ہے، اس لیے لوگوں کو فلو کے خلاف ضرور ویکسین لگوا لینی چاہیے تاکہ اس کا بوجھ تو کم ہو جائے۔

  • پاکستان میں کرونا کے مزید 27 مریض انتقال کر گئے

    پاکستان میں کرونا کے مزید 27 مریض انتقال کر گئے

    اسلام آباد: ملک بھر میں 24 گھنٹوں میں کرونا کے مزید 27 مریض انتقال کر گئے، این سی او سی کا کہنا ہے ملک بھر میں کرونا سے اموات کی تعداد 5892 ہو گئی ہے۔

    نیشنل کمانڈ اینڈ آپریشن سینٹر کے مطابق ملک میں کرونا کیسز اور اموات کی تعداد میں بتدریج کمی کا سلسلہ جاری ہے، گزشتہ 24 گھنٹوں میں ملک میں 1063 کرونا کیسز سامنے آئے، جب کہ 24 گھنٹوں میں ملک بھر میں 27 مریضوں نے دم توڑا۔

    این سی او سی کا کہنا ہے کہ ملک بھر میں کرونا سے کُل اموات 5892 ہو گئی ہیں، جب کہ مجموعی کیسز کی تعداد 2 لاکھ 76 ہزار 288 ہے، اب تک 2 لاکھ 44 ہزار 883 کرونا مریض صحت یاب ہو چکے ہیں جب کہ 1179 مریضوں کی حالت تشویش ناک ہے۔

    سندھ میں کرونا سے 2172 اموات ہو چکی ہیں، پنجاب میں 2133، خیبر پختون خوا میں 1186، اسلام آباد میں 165 مریض جاں بحق ہو چکے ہیں، بلوچستان میں 136، گلگت بلتستان میں 50 مریض، اور آزاد کشمیر میں تاحال کرونا وائرس سے 50 مریض جاں بحق ہو چکے ہیں۔

    گزشتہ 24 گھنٹوں میں ملک بھر میں کرونا کے 21 ہزار 256 ٹیسٹ کیے گئے، ملک بھر میں اب تک 19 لاکھ 31 ہزار 102 ٹیسٹ کیے جا چکے ہیں، ملک بھر کے 734 اسپتالوں میں کرونا کے 1879 مریض زیر علاج ہیں، کرونا مریضوں کے لیے 1859 وینٹی لیٹرز مختص ہیں، جب کہ ملک بھر میں 227 مریض وینٹی لیٹر پر زیر علاج ہیں۔