ARYNews.tv | Urdu – Har Lamha Bakhabar

Tag: کورونا ویکسینیشن مہم

  • سندھ میں کورونا ویکسینیشن مہم ، کراچی بازی لے گیا

    سندھ میں کورونا ویکسینیشن مہم ، کراچی بازی لے گیا

    کراچی : سندھ میں جاری کورونا ویکسی نیشن مہم میں کراچی بازی لے گیا ، کراچی ڈویژن کی 18.74 فیصد آبادی کو ایک ڈوز لگ چکی ہے۔

    تفصیلات کے مطابق سندھ میں جاری کورونا ویکسی نیشن مہم کی تفصیلات سامنے آگئیں ، ذرائع کا کہنا ہے کہ سندھ کے چھ ڈویژنز میں کورونا ویکسی نیشن مہم جاری ہے اب تک سندھ بھر میں 1.9 ملین افراد کو ویکسین کی پہلی ڈوز جبکہ 645000 افراد کو ویکسین کی دو ڈوز لگ چکی ہیں۔

    ذرائع کا کہنا تھا کہ 24 گھنٹے میں سندھ میں 97000 افراد کو کورونا ویکسین لگائی گئی ، سندھ کی کورونا ویکسی نیشن مہم میں کراچی ڈویژن پہلے نمبر ہے، کراچی ڈویژن کی 18.74 فیصد آبادی کو ایک ڈوز لگ چکی ہے جبکہ کراچی میں 18 سال سے زائد عمر افراد کی تعداد 10.2 ملین ہے۔.

    ذرائع نے بتایا میرپورخاص ڈویژن کی 8.69 فیصد آبادی ، حیدرآباد کی 7.8 فیصد آبادی ، شہید بینظیر آباد ڈویژن کی 6.46 فیصد آبادی ، سکھر کی 5.75 فیصد آبادی اور لاڑکانہ کی 4.75 فیصد آبادی کو ویکسین کی 1 ڈوز لگ چکی ہے۔

    خیال رہے پاکستان بھر میں کورونا ویکسینیشن مہم جاری ہے جبکہ حکومت پاکستان مختلف کمپنیز کی کورونا ویکسین کی دستیابی یقینی بنانے کیلئے کوشاں ہیں۔

  • وفاقی دارالحکومت میں کورونا ویکسینیشن مہم مزید تیز کرنے کا فیصلہ

    وفاقی دارالحکومت میں کورونا ویکسینیشن مہم مزید تیز کرنے کا فیصلہ

    اسلام آباد : وفاقی دارالحکومت میں کورونا ویکسینیشن مہم مزید تیز کرنے کا فیصلہ کرتے ہوئے کہا ہے کہ تمام یوسیز میں ویکسی نیشن سینٹرز کھولے جائیں گے۔

    تفصیلات کے مطابق وفاقی دارالحکومت میں کوروناویکسی نیشن مہم مزید تیز کرنے کا فیصلہ کرلیا گیا ، اسلام آبادکی تمام یوسیز میں ویکسی نیشن سینٹرز کھولے جائیں گے ، ویکسی نیشن سینٹرز اسلام آباد کی شہری و دیہی یوسیزمیں قائم ہوں گے۔

    یونین کونسل ویکسینیشن سینٹر کے قیام کا مقصد شہریوں کوسہولت فراہم کرنا ہے، یونین کونسل سینٹرکےقیام سےویکسی نیشن کی شرح میں نمایاں بہتری آئےگی ، ویکسینیشن سینٹر بنیادی، دیہی مراکز صحت،سرکاری اسکولزمیں قائم کئے جائیں گے۔

    ویکسینیشن سینٹرز چراہ، کرپا،تمیر،پنڈبیگوال،بھمبرتراڑ ، نورپورشاہاں،سیدپور،ملپور،بارہ کہو ، بنی گالہ پھلگراں راول،شہزادٹاؤن،سوہان ، یوسی سوہان،میرہ سمبل جعفر،گولڑہ شریف ، سرائےخربوزہ،جھنگی سیداں،ترنول میں قائم ہوں گے۔

    ذرائع ڈی ایچ اوآفس کا کہنا ہے کہ یونین کونسل ویکسی نیشن سینٹر میں 4رکنی عملہ تعینات کیاجائےگا، ان سینٹرز کیلئے عارضی بنیادوں پر 92 ویکسینیٹرز  بھرتی کئے جائیں گے ، عارضی ویکسینیٹرز کی 2ماہ کیلئے بھرتیاں ہوں گی ، اس دوران ویکسینیٹرز کو ماہانہ 45 ہزارروپے وظیفہ دیا جائے گا۔

    ذرائع کے مطابق میڈیکل ونرسنگ اسسٹنٹ تجربےکےحامل افرادبھرتی کئےجائیں گے ، وفاقی دارالحکومت میں تاحال 7 لاکھ افرادکی ویکسی نیشن ہو چکی ہے۔

  • ڈبلیو ایچ او کا پاکستان میں کورونا ویکسینیشن مہم کے بہترین انتظامات کا اعتراف

    ڈبلیو ایچ او کا پاکستان میں کورونا ویکسینیشن مہم کے بہترین انتظامات کا اعتراف

    اسلام آباد: عالمی ادارہ صحت (ڈبلیو ایچ او) نے پاکستان میں کورونا ویکسینیشن مہم کے بہترین انتظامات کا اعتراف کرتے ہوئے کہا کورونا ویکسی نیشن مہم کے اقدامات قابل تعریف ہیں۔

    تفصیلات کے مطابق عالمی ادارہ صحت (ڈبلیو ایچ او) کے سربراہ ڈاکٹرپلیتھاماہی نے سماجی رابطے کی ویب سائٹ ٹوئٹر پر پاکستان میں کورونا ویکسینیشن مہم کے شاندار انتظامات کا اعتراف کرتے ہوئے جاری کوروناویکسینیشن مہم پربھرپوراظہار اطمینان کیا۔

    سربراہ ڈبلیو ایچ او ڈاکٹرپلیتھاماہی نے پاکستان کی کورونا ویکسینیشن مہم کی بھرپور تعریف کرتے ہوئے کہا پاکستان کے ویکسینیشن مہم کےاقدامات قابل تعریف ہیں، غیر ملکیوں کی ویکسینیشن مہم میں شمولیت قابل تحسین ہے۔

    ڈاکٹرپلیتھاماہی کاکہنا تھا کہ پاکستان بھر کے ویکسینیشن مراکزمیں انتظامات شاندار ہیں، ویکسینیشن مراکزمیں انتظامات کورونا ایس اوپیز کے مطابق ہیں۔

    خیال رہے پاکستان نے آج سے 50-59 عمر تک کے لوگوں کی کورونا ویکسینیشن کا آغاز ہوگیا ہے، نیشنل کمانڈ اینڈ آپریشن سنٹر (این سی او سی) نے گذشتہ ہفتے 21 اپریل سے 50 سے 59 سال کی عمر کے شہریوں کی ویکشینیشن کا فیصلہ کیا تھا۔

    توقع کی جارہی ہے کہ پاکستان کو 24 اپریل تک چین سے کوویڈ ویکسین کی 20 لاکھ خوراکیں ملیں گی، ذرائع کے حوالے سے ای آر وائی نیوز نے اطلاع دی ہے کہ یہ ویکسین 21 اپریل (آج) سے ملک میں پہنچنا شروع ہوجائے گی ، اور 20 لاکھ خوراکوں میں سے 15 لاکھ چین سے خریدی جائے گی جبکہ پڑوسی ملک کی طرف سے 500،000 کو بطور تحفہ مہیا کیا جائے گا۔