Tag: کورونا ٹیسٹ

  • کورونا کا نیا ویرینٹ ، بیرون ملک سے پاکستان آنے والے مسافروں کے لئے بڑی خبر آگئی

    کورونا کا نیا ویرینٹ ، بیرون ملک سے پاکستان آنے والے مسافروں کے لئے بڑی خبر آگئی

    اسلام آباد: کورونا کے نئے ویرینٹ کے پیش نظر بیرون ملک سے پاکستان آنے والوں کے کورونا ٹیسٹ دوبارہ شروع کرنے کا فیصلہ کرلیا۔

    تفصیلات کے مطابق نیشنل کمانڈ اینڈ آپریشن سنٹر (این سی اوسی) نے بیرون ملک سے آنے والوں کے کورونا ٹیسٹ دوبارہ شروع کرنے کا فیصلہ کرلیا۔

    این سی او سی اجلاس میں کورونا کے نئے ویرینٹ جے این ون پر غور کیا گیا اور ہوائی اڈوں، بارڈرز پر کورونا ٹیسٹنگ دوبارہ شروع کرنے کی منظور کیا۔

    پاکستان میں اب تک کوویڈ کے نئے ویرینٹ جے این ون کا کوئی کیس رپورٹ نہیں ہوا۔

    گذشتہ روز وفاقی حکومت نے کورونا کی ٹیسٹنگ بڑھانے کا فیصلہ کیا تھا اور اس سلسلے میں این سی او سی نے وفاقی و صوبائی محکمہ صحت کے نام مراسلہ جاری کیا تھا

    مراسلے میں کہا گیا تھا کہ ملک میں آئی ایل آئی کیسز میں اضافہ ہو رہا ہے یہ آئی ایل آئی انفلوئنزا سے ملتی جلتی بیماری ہے، پڑوسی ممالک میں کورونا جے این ون کیسز رپورٹ ہو رہے ہیں۔

    مراسلے میں ہدایت کی گئی تھی کہ وفاقی اور صوبائی ادارے صورتحال کی مسلسل مانیٹرنگ کریں اور متعلقہ ادارے کورونا ٹیسٹنگ میں اضافہ کریں۔

  • ملکہ برطانیہ کے حوالے سے اہم خبر آ گئی

    ملکہ برطانیہ کے حوالے سے اہم خبر آ گئی

    لندن: ملکہ برطانیہ کا کرونا ٹیسٹ پازیٹو آ گیا ہے۔

    بکنگھم پیلس سے جاری بیان کے مطابق ملکہ الزبتھ کو معمولی علامات نمودار ہوئی ہیں، جب ان کا ٹیسٹ کیا گیا تو کرونا پازیٹو آ گیا۔

    بیان کے مطابق 95 سالہ ملکہ الزبتھ (اپریل میں وہ 96 برس کی ہو جائیں گی) کو ‘ہلکی سردی جیسی علامات’ کا سامنا ہے، تاہم توقع ہے کہ وہ ونڈسرکاسل میں رواں ہفتے ہلکے پھلکے فرائض کی انجام دہی جاری رکھیں گی۔

    بکنگھم پیلس کے بیان میں کہا گیا ہے کہ ملکہ طبی امداد حاصل کرتی رہیں گی، اور تمام احتیاطی تدابیر پر عمل پیرا رہیں گی، واضح رہے کہ ملکہ اپنے بڑے بیٹے اور وارث، پرنس آف ویلز کے ساتھ رابطے میں تھیں، جن کا کرونا ٹیسٹ گزشتہ ہفتے مثبت آیا تھا۔

    بتایا جاتا ہے کہ ونڈسر کیسل میں جہاں ملکہ رہائش پذیر ہیں، بہت سے افراد کا کرونا وائرس کا ٹیسٹ مثبت آیا ہے۔

    خیال رہے کہ 6 فروری کو ملکہ الزبتھ نے اپنی حکمرانی کی 70 سالہ پلاٹینم جوبلی منائی تھی، وہ برطانیہ پر سب طویل عرصے کے لیے حکمرانی کرنے والی ملکہ بن گئی ہیں۔

    انھوں نے اس موقع پر تین ماہ سے زیادہ عرصے بعد اپنی پہلی بڑی عوامی سرگرمی انجام دی تھی، اور سینڈرنگھم ہاؤس میں خیراتی کارکنوں سے ملاقات کی تھی۔

  • سندھ میں سرکاری کرونا ٹیسٹ مشکوک ہو گئے، سنگین بدعنوانیوں کا انکشاف

    سندھ میں سرکاری کرونا ٹیسٹ مشکوک ہو گئے، سنگین بدعنوانیوں کا انکشاف

    کراچی: سندھ میں سرکاری طور پر کرونا ٹیسٹ کروانے میں سنگین بدعنوانیاں سامنے آ گئی ہیں، کراچی سے کیے جانے والے کرونا کے ٹیسٹ لیاقت یونیورسٹی آف میڈیکل اینڈ ہیلتھ سائنسز، جامشورو کی لیبارٹری سے کروائے جانے کا انکشاف ہوا ہے۔

    سرکاری رپورٹس میں دعویٰ کیا گیا ہے کہ لیاقت میڈیکل یونیورسٹی جامشورو روزانہ 7 سے 9 ہزار کرونا کے ٹیسٹ کرتی ہے، جب کہ حیرت انگیز طور پر کراچی کی 25 سرکاری اور غیر سرکاری لیبارٹریاں لیاقت یونیورسٹی سے کم کرونا ٹیسٹ کرتی ہیں۔

    ذرائع محکمہ صحت سندھ کا کہنا ہے کہ کرونا ٹیسٹ کِٹس کی خریداری، اور ٹیسٹ کروانے کے عمل میں سنگین مالی بدعنوانی ہو رہی ہیں، لیاقت میڈیکل یونیورسٹی کو جعلی خط پر 35 کروڑ روپے بھی جاری کیے گئے تھے، اس سلسلے میں انکوائری کا نوٹیفکیشن بھی سامنے آ گیا ہے، تاہم ابھی تک انکوائری کمیٹی کی ایک بھی میٹنگ نہیں ہو سکی، معاملہ دبایا جا رہا ہے۔

    پیسے لیکر کرونا کی جعلی رپورٹ بنانے پر نجی لیب کی برانچ سیل، ملازم گرفتار

    ذرائع کا کہنا ہے کہ صوبہ سندھ کی کرونا سچویشن رپورٹ میں ڈیٹا الگ اور این سی او سی کو الگ ڈیٹا فراہم کیا جاتا ہے، ماہرین کا کہنا ہے کہ کسی بھی لیبارٹری کا ایک دن میں 8 سے 9 ہزار کرونا ٹیسٹ کرنا انتہائی مشکوک ہے۔

    رپورٹس کے مطابق انڈس اسپتال میں 4000 کی گنجائش کے باوجود چند سو ٹیسٹ کرائے جاتے ہیں، کراچی یونیورسٹی لیب بھی 3 ہزار ٹیسٹ کر سکتی ہے، لیکن صرف چند سو کروائے جاتے ہیں۔

    ڈاؤ یونیورسٹی، سول اور جناح کی گنجائش بھی ہزاروں ٹیسٹ روزانہ کرنے کی ہے، لیکن چند سو کروائے جاتے ہیں، جناح اسپتال کے ٹیسٹ بھی لیاقت یونیورسٹی کے کھاتے میں ڈالنے کا انکشاف ہوا ہے۔

    جناح اسپتال انتظامیہ کا کہنا ہے کہ جناح اسپتال کی لیب روزانہ 3 سو سے 5 سو ٹیسٹ کرتی ہے، لیکن یہ بھی رپورٹس میں ظاہر نہیں ہو رہے۔

  • مریم نواز کے شوہر  کیپٹن (ر) صفدر کا کورونا ٹیسٹ ایک بار پھر مثبت آگیا

    مریم نواز کے شوہر کیپٹن (ر) صفدر کا کورونا ٹیسٹ ایک بار پھر مثبت آگیا

    لاہور : سابق وزیر اعظم نواز شریف کے داماد اور مریم نواز کے شوہر کیپٹن (ر) صفدر کا کورونا ٹیسٹ  ایک بار پھر مثبت آگیا، وہ گلگت بلتستان انتخابی مہم کے دوران کورونا میں مبتلا ہوئے تھے۔

    تفصیلات کے مطابق مسلم لیگ ن کے رہنما اور مریم نواز کے شوہر کیپٹن (ر)صفدرکاکوروناٹیسٹ ایک بارپھرمثبت آگیا، کیپٹن(ر)صفدرشریف میڈیکل سٹی کے انتہائی نگہداشت وارڈ میں زیرعلاج ہیں۔

    ڈاکٹروں نے کیپٹن صفدر اعوان کو مزید دو ہفتوں کے لئے آرام کرنے کا مشورہ دیا ہے۔

    یاد رہے گلگت بلتستان انتخابی مہم کےدوران کیپٹن (ر) صفدر کورونامیں مبتلاہوئےتھے، جس کے بعد انھوں نے لاہورپہنچ کر خود کو جاتی امرامیں قرنطینہ کرلیا تھا۔

    خیال رہے پاکستان میں کورونا کی دوسری لہر نے شدت اختیار کرلی ہے ، جس کے باعث کورونا وائرس کیسز اور اموات میں مسلسل اضافہ ہو رہا ہے ، ملک بھر میں وائرس سے اموات کی تعداد 7 ہزار 744 ہوگئیں جبکہ چوبیس گھنٹے کے دوران دو ہزارنوسو چون افراد میں وائرس کی تصدیق ہوئی اور پاکستان میں کورونا کے ایکٹیو کیسز کی تعداد 40 ہزار 379 جا پہنچی۔

  • کورونا ٹیسٹ : برطانیہ سے پاکستان آنیوالے مسافروں کیلئے بڑی خبر

    کورونا ٹیسٹ : برطانیہ سے پاکستان آنیوالے مسافروں کیلئے بڑی خبر

    اسلام آباد : وزیر اعظم کے معاون خصوصی برائے اوورسیز پاکستانیز زلفی بخاری نے کہا ہے کہ برطانیہ سے پاکستان آنیوالے مسافروں پر کسی مخصوص ادارے سے کورونا ٹیسٹ کرانے کی شرط عائد نہیں ہو گی وہ کسی بھی تصدیق شدہ ادارے سے ٹیسٹ کرواسکتے ہیں۔

    تفصیلات کے مطابق کورونا کی دوسری لہر کے باعث مختلف ممالک میں کیسز میں اضافہ ریکارڈ کیا جارہا ہے، اس کے پیش نظر حکومت پاکستان نے برطانیہ سے پاکستان آنیوالے مسافروں کیلئےکورونا ٹیسٹ لازمی قرار دے دیا۔

    وزیر اعظم کے معاون خصوصی برائے اوورسیز پاکستانیز زلفی بخاری نے سماجی رابطے کی ویب سائٹ ٹوئٹر پر اپنے پیغام میں کہا پالیسی کے مطابق برطانیہ سے پاکستان آنیوالے تمام افراد کو ٹیسٹ کرانا ہوگا تاہم کسی مخصوص ادارے سے ٹیسٹ کرانے کی شرط عائد نہیں ہو گی، ٹیسٹ نیشنل ہیلتھ سروسزیا تصدیق شدہ ادارے سے قابل قبول ہوگا۔

    یاد رہے پاکستان سے بیرون ملک جانے والے مسافروں کے لیے سول ایوی ایشن اتھارٹی نے نئی ٹریول ایڈوائزری جاری کی تھی ، جس میں کہا گیا تھا کہ مسافروں کے لیے کورونا ٹریکنگ موبائل ایپ انسٹال کرنا لازمی ہوگا، مسافر ملک سے باہر جائیں یا واپس وطن آئیں، موبائل ایپ لازم ہوگی۔

    سی اے اے حکام کا کہنا تھا کہ مسافر سفر سے پہلے پاس ٹریک موبائل ایپ یا ویب سائٹ پر اپنا کورونا سے متعلق ڈیٹا اپ لوڈ کریں گے، موبائل ایپ کے ذریعے مسافروں کی قرنطینہ کے دنوں میں نگرانی کی جائے گی۔

    ترجمان سول ایوی ایشن اتھارٹی کے مطابق کورونا سے متاثرہ کیٹیگری بی ممالک سے آنے والے مسافروں کو چھیانوے گھنٹے تک پرانا کورونا ٹیسٹ رزلٹ جمع کروانا بھی لازم ہوگا۔

  • اسکولز کھلنے سے قبل اساتذہ اور طلبا کیلئے نئی مشکل کھڑی ہوگئی

    اسکولز کھلنے سے قبل اساتذہ اور طلبا کیلئے نئی مشکل کھڑی ہوگئی

    لاہور : وزیر تعلیم پنجاب مراد راس کا کہنا ہے کہ اسکولز کھلنے پراساتذہ کورونا ٹیسٹ اپنی جیب سے کرائیں حکومت مدد نہیں کرے گی جبکہ طلبا کو ماسک بھی اپنی جیب سے خریدنا ہوگا۔

    تفصیلات کے مطابق وزیر تعلیم پنجاب مراد راس نے اپنے بیان میں کہا ہے کہ اسکولز کھلنے پراساتذہ کوکورونا ٹیسٹ خودکرانا ہوگا، سرکاری طور پراساتذہ کےکورونا ٹیسٹ نہیں کرائے جائیں گے۔

    مراد راس کا کہنا تھا کہ بغیر کورونا ٹیسٹ اساتذہ کواسکول میں داخل ہونے کی اجازت نہیں ہوگی، کورونا ٹیسٹ اساتذہ اپنی جیب سے کرائیں حکومت مدد نہیں کرے گی۔

    وزیر تعلیم پنجاب کا کہنا تھا کہ طلبا کےلیےماسک پہننا لازمی ہوگا ،بغیر اسکول میں داخلے پر پابندی ہوگی۔

    ڈاکٹر مراد راس نے مزید کہا کہ طلبا کو ماسک بھی اپنی جیب سے خریدنا ہوگا، مفت فراہم نہیں کیےجائیں گے، طلباجیب خرچ کینٹین میں خرچ کرنے کی بجائے اس سے ماسک خریدیں۔

    ذرائع کا کہنا ہے کہ نجی و سرکاری اسکولوں میں تقریباً15 لاکھ اساتذہ پڑھاتےہیں، 6 ماہ کے دوران پنجاب حکومت تقریباً9 لاکھ کورونا ٹیسٹ کرسکی۔

    اساتذہ نے کہا ہے کہ ایک ماہ سےبھی کم میں 15 لاکھ اساتذہ کےکورونا ٹیسٹ کیسے ممکن ہوں گے؟

  • صرف 800 روپے میں کورونا ٹیسٹ کرنے والی کٹ 2 ماہ بعدبھی منظور نہ ہو سکی

    صرف 800 روپے میں کورونا ٹیسٹ کرنے والی کٹ 2 ماہ بعدبھی منظور نہ ہو سکی

    لاہور : پنجاب یونیورسٹی کی صرف 800 روپے میں کورونا ٹیسٹ  کرنے والی کٹ 2 ماہ سے ڈرگ ریگولیٹری اتھارٹی آف پاکستان کی منظوری کی منتظر ہے جبکہ ویکسین کی تیاری کے لئے آلات کی خریداری کا اشتہار بھی روک دیا گیا ہے۔

    تفصیلات کے مطابق پنجاب یونیورسٹی کے پروفیسرز نے کورونا وائرس کا ٹیسٹ کرنے کے لئے سب سے سستی ڈائگناسٹک کٹ بنائی تھی، جس کو دو ماہ قبل منظوری کے لیے ڈرگ ریگولیٹری اتھارٹی آف پاکستان کے پاس بھجوایا گیا تھا۔

    وائس چانسلر پنجاب یونیورسٹی ڈاکٹر نیاز کا کہنا ہے کہ یہ اب تک کی سب سے سستی ڈائگناسٹک کٹ ہے، جو 9000 روپے کے بجائے صرف 800 روپے میں کرونا ٹیسٹ کرسکتی ہے۔ لیکن ڈریپ کی طرف سے انہیں نظرانداز کیا جارہا ہے۔

    ان کا کہنا تھا کہ پنجاب یونیورسٹی کا کرونا وائرس کی ویکسین کی تیاری کے لئے آلات کی خریداری کا اشتہار بھی روک دیا گیا ہے، پنجاب یونیورسٹی نے 20 اپریل کو کرونا وائرس کی سستی ڈائیگناسٹک کٹ کی منظوری کے لئے خط ڈریپ کو خط لکھا تھا تاہم ڈریپ حکام اور حکومت پنجاب نے سستی ڈائیگناسٹک کٹ کی منظوری کو لٹکا دیا۔

    خط میں پنجاب یونیورسٹی کی تجرباتی کٹ کی منظوری کے لئے ٹرائل کی درخواست کی تھی لیکن پنجاب یونیورسٹی کی جانب سے تجرباتی کٹس کی فراہمی کے باوجود ٹرائل شروع نہ ہو سکے اور ٹرائل شروع نہ کرنے پر پنجاب یونیورسٹی حکام کا ڈریپ سے دوبارہ رابطہ کیا ہے۔

    پنجاب یونیورسٹی کی شکایت پر فیڈرل ڈرگ انسپکٹر نے ڈپٹی ڈائریکٹر فارمیسی سروسز ڈریپ کو خط لکھا ہے، جس میں کہا گیا ہے کہ سستی ڈائیگناسٹک کٹ کے ٹرائل کے لئے کوئی جواب موصول نہیں ہو رہا اور کرونا ڈائیگناسٹک کٹ کی منظوری کے لئے محکمہ صحت پنجاب بھی کوئی جواب نہیں دے رہی۔

    پنجاب یونیورسٹی نے 2 جون کو ویکیسین کی تیاری کے لئے آلات خریدنے کے لئے اشتہار شائع کرنے کی درخواست کی تھی، ایمرجنسی اشتہار شائع نہ ہونے پر پنجاب یونیورسٹی نے 12 جون کو دوبارہ اشتہار کی اشاعت کے لئے خط لکھا لیکن 19 روز گزرنے کے باوجود کرونا وائرس کی ویکسین کے لئے آلات کی خریداری کا اشتہار شائع نہیں ہوسکی۔

  • کورونا ٹیسٹ کی قیمتوں کے‌  حوالے سے بڑی خبر

    کورونا ٹیسٹ کی قیمتوں کے‌ حوالے سے بڑی خبر

    لاہور : وزیراعلیٰ پنجاب عثمان بزدار نے پرائیویٹ لیبارٹریز کی جانب سے کورونا ٹیسٹ کیلئے مختلف نرخ کا نوٹس لیتے ہوئے کورونا ٹیسٹ کرنے کی یکساں قیمت مقرر کرنے کا حکم دے دیا اور کہا لیبارٹریزقیمتوں میں من مانی کی اجازت نہ دی جائے۔

    تفصیلات کے مطابق وزیراعلیٰ پنجاب سردارعثمان بزدار عوام کوریلیف دینےکے لئے متحرک ہیں، وزیراعلیٰ نے پرائیویٹ لیبارٹریز کی جانب سے کورونا ٹیسٹ کیلئے مختلف نرخ کا نوٹس لے لیا اور لیبارٹریز کیلئے کورونا ٹیسٹ کرنے کی یکساں قیمت مقرر کرنے کا حکم دیا۔

    عثمان بزدار نے آکسیجن سلنڈر کی قیمتوں میں اضافے اور ذخیرہ اندوزی کا بھی نوٹس لیتے ہوئے صوبائی وزیرصحت،سیکرٹری اسپیشلائزڈہیلتھ کیئرومیڈیکل ایجوکیشن کو ہدایات جاری کردیں۔

    وزیراعلیٰ پنجاب نے کہا پرائیویٹ لیبارٹریزکو کورونا ٹیسٹ قیمتوں میں من مانی کی اجازت نہ دی جائے اور محکمہ صحت،انتظامی افسران فوری اقدامات اٹھاکرعوام کو ریلیف دیں۔

    عثمان بزدار کا کہنا تھا کہ پرائیویٹ لیبارٹریزکیلئےکورونا ٹیسٹ فیس مقررکرکےاس پرعمل کرایاجائے، پرائیویٹ لیبارٹریزکوعوام کولوٹنے کی اجازت نہیں دے سکتے۔

    انھوں نے ہدایت کی آکسیجن سلنڈرکی مقرر کردہ نرخوں پردستیابی کوہرصورت یقینی بنایاجائے، ہنگامی حالات میں آکسیجن سلنڈرکی ذخیرہ اندوزی پر سخت کارروائی ہوگی۔

  • کورونا ٹیسٹ کی سست روی، جمائما گولڈ اسمتھ کی برطانوی حکومت پر کڑی تنقید

    کورونا ٹیسٹ کی سست روی، جمائما گولڈ اسمتھ کی برطانوی حکومت پر کڑی تنقید

    لندن : وزیر اعظم عمران خان کی سابق اہلیہ جمائما گولڈ اسمتھ نے برطانیہ میں کورونا ٹیسٹ کی سست روی پرتنقید کرتے ہوئے کہا برطانیہ جرمنی سے سبق سیکھے جہاں 17لاکھ افرادکاٹیسٹ ہو چکا ہے۔

    تفصیلات کے مطابق وزیر اعظم عمران خان کی سابق اہلیہ جمائما گولڈ اسمتھ نے سماجی رابطے کی ویب سائٹ ٹوئٹر پر کوروناٹیسٹ کی سست روی پر برطانوی حکومت پر کڑی تنقید کی۔

    جمائما نے کہا کہ یومیہ صرف 18 ہزار 665 ٹیسٹ کیےجارہےہیں،ایک لاکھ ٹیسٹ روزانہ کا ہدف کیسے پوراہوگا؟ بولیں ٹین ڈاوننگ اسٹریٹ ہر فرد کا ٹیسٹ یقینی بنائے تاکہ کورونامتاثرین کی درست تعدادکاتعین کیاجاسکے۔

    ان کا کہناتھا کہ برطانوی حکومت جرمنی سےسبق سیکھےجواب تک سترہ لاکھ افراد کے ٹیسٹ کر چکے ہیں۔

    خیال رہے دنیابھرمیں کوروناکےمریضوں کی تعداد21لاکھ82ہزارسےزائدہوگئی جبکہ وائرس سے اموات کی تعداد ایک لاکھ45ہزار سے تجاوز کرگئی ہے جبکہ 5لاکھ 47ہزارسےزائدمریض صحت یاب ہوئے۔

    برطانیہ میں کوروناوائرس سے اموات کی تعداد 13ہزار729 تک جا پہنچی ہے جبکہ ایک لاکھ سےزائد افراد متاثر ہیں۔

  • کورونا ٹیسٹ کی یومیہ استعداد 10ہزار تک بڑھانے کا بڑا اعلان

    کورونا ٹیسٹ کی یومیہ استعداد 10ہزار تک بڑھانے کا بڑا اعلان

    لاہور : وزیراعلیٰ پنجاب عثمان بزدار نے کوروناٹیسٹ کی یومیہ استعداد10ہزارتک بڑھانے کا بڑا اعلان کردیا اور کہا 8 نئی لیبزبنانے کا کام آخری مراحل میں ہے، پنجاب میں 2945مریضوں میں سے508صحتیاب ہوچکے ہیں ۔

    لاہور:وزیراعلیٰ پنجاب عثمان بزدار کی زیرصدارت راولپنڈی کے ارکان اسمبلی کا اجلاس ہوا ، جس میں عثمان بزدار نے کوروناٹیسٹ کی یومیہ استعداد10ہزارتک بڑھانےکااعلان کرتے ہوئے کہا پنجاب جلد10ہزارکوروناٹیسٹ کی صلاحیت حاصل کر لے گا، 8 نئی لیبزبنانے کا کام آخری مراحل میں ہے۔

    وزیراعلیٰ پنجاب کا کہنا تھا پنجاب میں 43 ہزار سے زائد کورونا ٹیسٹ کئے جا چکے ہیں ،پنجاب میں 4500بستروں پر مشتمل فیلڈ اسپتال قائم کر دیئے، فیلڈ اسپتال لاہور،پنڈی،گوجرانوالہ،سرگودھاودیگر شہروں میں ہیں۔

    عثمان بزدار نے کہا کہ فیلڈ اسپتالوں میں بستروں کی تعداد10 ہزار تک بڑھاسکتےہیں ، کورونا سے بچاؤ کے لئے لاک ڈاؤن کے مثبت نتائج سامنے آرہے ہیں ، پنجاب میں ایس او پیزکے مطابق کنسٹرکشن انڈسٹری کھول رہے ہیں۔

    ان کا کہنا تھا کہ مختلف انڈسٹریز کو کھولنے کا کیس ٹو کیس جائزہ لیا جائے گا، مقامی سطح پر لاک ڈاؤن میں نرمی یا سختی کا اختیار کمشنر کوہوگا، لاک ڈاؤن میں نرمی کاعوام ناجائزہ فائدہ نہ اٹھائیں۔

    وزیراعلیٰ پنجاب نے مزید کہا کہ ڈینگی سے بچاؤ کے لئے مہم بھی شروع کی جا رہی ہے ، گندم خریداری کاہدف پورا کریں گے ، پنجاب میں 2945مریضوں میں سے508صحتیاب ہوچکے ہیں اور صحتیاب افرادکاپلازمہ لیکرتشویشناک مریضوں کاعلاج کیاجارہاہے۔

    ارکان اسمبلی کا کہنا تھا کہ ثابت ہو گیا کہ عثمان بزدار کی کارکردگی اورویژن سب سے بہتر ہے۔