ARYNews.tv | Urdu – Har Lamha Bakhabar

Tag: کورونا ٹیسٹنگ کٹس

  • باچا خان ایئرپورٹ پر کورونا ٹیسٹنگ کٹس غیرمعیاری ہونے کا انکشاف

    باچا خان ایئرپورٹ پر کورونا ٹیسٹنگ کٹس غیرمعیاری ہونے کا انکشاف

    پشاور: باچا خان ایئرپورٹ پر کورونا ٹیسٹنگ کٹس غیرمعیاری ہونے کا انکشاف سامنے آیا جبکہ لیبارٹریز میں مسافروں کے ٹیسٹوں کا ریکارڈ بھی محفوظ کیے جانے کا کوئی انتظام نہیں۔

    تفصیلات کے مطابق پشاور کے باچا خان ائرپورٹ پرکورونا ٹیسٹنگ کے لیے قائم لیبارٹریز میں ٹیسٹنگ کٹس غیرمعیاری ہونے اور غیرتربیت یافتہ عملے کی تعیناتی کا انکشاف ہوا۔

    لیبارٹریز میں مسافروں کے کیے گئے ٹیسٹوں کا ریکارڈ بھی محفوظ کیے جانے کا کوئی انتظام موجود نہیں۔

    لیبارٹریز کی غفلت اور ناتجربہ کاری کا انکشاف اِئرپورٹ مینیجر کے جاری مراسلے میں ہوا، مراسلے میں کہا گیا کہ لیبارٹریز کو ٹیسٹنگ فیس 3 ہزارروپے تک وصول کرنے کی بھی سفارش کی گئی۔

    معاملات کی درستگی کے لیے ایئرپورٹ منیجر نے مذکورہ معاملے پر آج اجلاس طلب کرلیاگیا ، جس میں تمام ائرلائن اسٹیشن مینیجر ،،ہیلتھ افسر اور تمام لیبارٹریز انتظامیہ کو اجلاس میں شرکت کی ہدایت کی گئی۔

    خیال رہے پشاور باچا خان انٹرنیشنل ائیرپورٹ 4 ماہ سے منیجر سے محروم ہیں اور ائیرپورٹ پر افسران عارضی چارج سنبھال رہے ہیں۔

    ڈپٹی ائیرپورٹ منیجر کا عہدہ ائیر سائیڈ کے ایک افسر کو بطوراضافی چارج سونپا گیا ، ڈپٹی ائیرپورٹ منیجر نے ائیرپورٹ پر کورونا ٹیسٹنگ پر تحفظات کا اظہار کرتے ہوئے کورونا ٹیسٹ فیسوں میں کمی کا مطالبہ کیا تھا۔

    باچاخان ائیرپورٹ عملےکوکوروناٹیسٹنگ کٹس کی کمی کاسامناہے جبکہ ایئرپورٹ پرتعینات عملےکےبعض ارکان تربیت یافتہ بھی نہیں ہیں۔

  • کورونا کٹ کی اصل قیمت کیا ہے اور وصول کیا کی جارہی ہے، اے آروائی نے پتہ لگالیا

    کورونا کٹ کی اصل قیمت کیا ہے اور وصول کیا کی جارہی ہے، اے آروائی نے پتہ لگالیا

    کراچی : ملک میں مختلف کمپنیوں کی کورونا ٹیسٹنگ کٹس ہول سیل قیمت کے مقابلے مارکیٹ میں کئی گنا زیادہ فروخت کی جارہی ہے ، اے آر وائی نیوز نے کورونا کٹ کی اصل قیمت کا پتہ چلالیا۔

    تفصیلات کے مطابق ملک میں کورونا کیسز میں اضافے کے ساتھ ہی کورونا ریپڈٹیسٹنگ کٹس کے نام پر شہریوں سے لوٹ مار جاری ہے تاہم کورونا کٹ کی اصل قیمت اور فروخت کی قیمت کے حوالے سے اے آروائی نے پتہ لگالیا۔

    اے آر وائی نیوزکی تحقیقات میں پتہ چلا کہ کورونا ٹیسٹ جو ایک ہزار میں ہوسکتا ہے 3ہزار روپے تک وصول کئے جارہے ہیں جبکہ چائنہ ریپڈ ٹیسٹ کٹ کی ہول سیل قیمت350 روپے ہے ، جو 800 روپے میں فروخت ہورہی ہے۔

    ذرائع نے بتایا جرمن ریپڈ ٹیسٹ کٹ کی ہول سیل قیمت 800 روپے ہے جبکہ مارکیٹ میں 1200 تک میں فروخت کی جارہی ہے۔

    ایک بڑی کمپنی کی چوری شدہ کٹس بھی مارکیٹ میں ہول سیل ریٹ پر فروخت ہونے کا بھی انکشاف سامنے آیا ، ذرائع کا کہنا ہے کہ حکومت کودی گئی ایبٹ کی مفت کورونا کٹس مارکیٹ میں فروخت ہورہی ہیں، ان کٹس سے اسپتالوں اور لیبارٹریوں میں مفت ٹیسٹنگ ہونا تھی۔

    ذرائع کے مطابق ایبٹ کی ریپڈ ٹیسٹ کٹ میڈیکل اسٹور پر 1ہزارروپے میں فروخت ہورہی ہے ، ایبٹ کورونا کٹ کی ہول سیل ریٹ پر مارکیٹ میں فروخت ہونے پر سوالیہ نشان لگا دیا ہے۔

    اسپتالوں اور لیبارٹیرز جو ٹیسٹ لوگ خود کرسکتے ہیں، وہی ٹیسٹ مہنگے دام کئے جارہے ہیں۔