ARYNews.tv | Urdu – Har Lamha Bakhabar

Tag: کورونا کا شکار

  • شہبازشریف دوسری بار کورونا کا شکار

    شہبازشریف دوسری بار کورونا کا شکار

    لاہور : اپوزیشن لیڈر شہبازشریف دوسری بار کورونا کا شکار ہوگئے ، جس کے بعد انھوں نے خود کو گھرمیں قرنطینہ کرلیا ہے۔

    تفصیلات کے مطابق مسلم لیگ ن کی ترجمان مریم اورنگزیب نے شہبازشریف کے کورونا میں مبتلا ہونے کی تصدیق کرتے ہوئے کہا کہ شہبازشریف کا دوسری بار کورونا ٹیسٹ مثبت آگیا ہے ، جس کے بعد انھوں نے خود کو گھرمیں قرنطینہ کرلیا۔

    مریم اورنگزیب نے شہباز شریف کی صحتیابی کے لیےعوام،پارٹی وابستگان سے دعا کی اپیل کرتے ہوئے کہا کہ ڈاکٹروں نےشہبازشریف کومکمل آرام کامشورہ دیا ہے۔

    یاد رہے جون 2020 میں اپوزیشن لیڈر شہبازشریف کا کورونا وائرس ٹیسٹ مثبت آیا تھا۔

    خیال رہے کورونا کی پانچویں لہر میں متعدد سیاستدان کورونا کا شکار ہوچکے ہیں ، 13 جنوری کو وفاقی وزیر تعلیم شفقت محمود نے کوویڈ 19 مثبت آنے کا اعلان کیا جبکہ ان سے قبل صدر عارف علوی کا دوسری مرتبہ کوویڈ 19 کا ٹیسٹ مثبت آیا تھا۔

    واضح رہے پاکستان میں مسلسل دوسرے دن 5000 سے زیادہ کوویڈ 19 کیسز رپورٹ ہوئے اور 8 افراد کا انتقال ہوا، اس دوران کورونا کی شرح ساڑھے 9 فیصد رہی۔

  • کورونا کے وار میں تیزی، ایک دن میں 34 ہیلتھ کیئر ورکرز کورونا کا شکار

    کورونا کے وار میں تیزی، ایک دن میں 34 ہیلتھ کیئر ورکرز کورونا کا شکار

    اسلام آباد : پاکستان میں ایک دن میں 34 ہیلتھ کیئر ورکرز کورونا کا شکار ہوگئے جبکہ تاحال 164 ہیلتھ ورکرز کورونا سے جاں بحق ہو چکے ہیں۔

    تفصیلات کے مطابق پاکستان میں کورونا پھر زور پکڑنے لگا، ملک میں 24 گھنٹے کے دوران ملک میں 34 ہیلتھ ورکرز کورونا سے متاثر ہوئے ، جس کے بعد کورونا سے متاثرہ ہیلتھ ورکرز کی تعداد 16ہزار788ہوگئی۔

    وزارت صحت کا کہنا ہے کہ 24گھنٹے میں متاثرہ ہونے والوں میں 21 ڈاکٹر، 3 نرسز، 10اسپتال ملازمین شامل ہیں جبکہ ملک میں تاحال 164 ہیلتھ ورکرز کورونا سے جاں بحق ہو چکے ہیں۔

    ذرائع کے مطابق 367 ہیلتھ ورکرز گھر اور 22 اسپتالوں میں زیرعلاج ہیں جبکہ ملک میں16ہزار235ہیلتھ ورکرز کوروناسےصحت یاب ہو چکے ہیں۔

    وزارت صحت نے بتایا ہے کہ کورونا سے متاثرہ اور جاں بحق بیشتر ہیلتھ ورکرز کا تعلق سندھ سے ہے،سندھ میں 5907 ہیلتھ ورکرز متاثر اور 57 جاں بحق ہو چکے ہیں۔

    ذرائع کا کہنا ہے کہ پنجاب میں 3489 ہیلتھ ورکرز متاثر 29 جاں بحق، کے پی میں 3982 ہیلتھ ورکرز متاثر ، 44 جانبحق اور بلوچستان میں 847 ہیلتھ ورکرز متاثر اور 9 جاں بحق ہو چکے ہیں۔

    ذرائع کے مطابق اسلام آباد میں 1532 ہیلتھ ورکرز ، گلگت بلتستان میں266 ہیلتھ ورکرز اور آزادکشمیر میں 765 ہیلتھ ورکرز متاثر ہوئے۔

    وزارت صحت کا کہنا تھا کہ جاں بحق ہونے والے ہیلتھ ورکرزوں میں 13 کا تعلق اسلام آباد سے ، 3 کا گلگت بلتستان سے اور 9 کا تعلق آزاد کشمیر سے ہیں۔

  • خطرناک صورتحال ، اسلام آباد میں 5 ہزار 497 بچے کورونا کا شکار

    خطرناک صورتحال ، اسلام آباد میں 5 ہزار 497 بچے کورونا کا شکار

    اسلام آباد: وفاقی دارلحکومت میں کورونا تشویشناک صورتحال اختیار کرنے لگا، 10 سال کے 5 ہزار 497 بچے کورونا کا شکار ہوگئے۔

    تفصیلات کے مطابق کورونا کے بچوں پر بھی تیزی سے وار جاری ہے ، وفاقی دارلحکومت اسلام آباد میں 10 سال کے 5 ہزار 497 بچے کورونا پازیٹو ہوچکے ہیں۔

    ذرائع کا کہنا ہے کہ اسلام آباد میں 11 تا 20سال عمرکے 5 ہزار 186 ، 21 تا 30 سال عمر کے 11 ہزار 148 افراد میں کورونا کی تصدیق ہوئی۔

    ذرائع کے مطابق وفاقی دارلحکومت میں31 تا 45سال کے 15 ہزار 993 افراد ، 46 تا 60 سال کے 10 ہزار 796 افراد ، 61تا80سال کے 5 ہزار 738 اور 81 سال سےزائدعمر کے 525 افراد کوروناپازیٹو ہوئے۔

    یاد رہے اسلام آباد میں مثبت کورونا کیسز کی شرح ریکارڈ سطح 15.9 فیصد پر پہنچ گئی ہے ، ڈی ایچ او ڈاکٹر زعیم ضیا کا کہنا ہے کہ اسلام آباد میں 24 گھنٹے میں 856کورونا کیسز رپورٹ ہوئے ، اب تک مجموعی طور پر 56 ہزار 460 کیسز اور 561 اموات ہوچکی ہیں۔

    ڈاکٹر زعیم ضیا کا کہنا تھا کہ 24 گھنٹے میں کورونا کے 2مریض جاں بحق ہوئے جبکہ کورونا کیلئے مختص 64 فیصد وینٹی لیٹرز زیر استعمال ہیں۔

  • شہباز شریف اور دیگر رہنماؤں کے بعد ایاز صادق بھی کورونا کا شکار

    شہباز شریف اور دیگر رہنماؤں کے بعد ایاز صادق بھی کورونا کا شکار

    لاہور : سابق سپیکر قومی اسمبلی سردار ایاز صادق بھی کورونا وائرس میں مبتلا ہو گئے، جس کے بعد وہ قرنطینہ میں چلے گئے ہیں۔

    تفصیلات کے مطابق مسلم لیگ ن کے سینیٹر رہنما سردار ایاز صادق نے سماجی رابطے کی ویب سائٹ پر پیغام جاری کرتے ہوئے تصدیق کی کہ کورونا وائرس کا ٹیسٹ کروایا ہے جو مثبت آیا ہے، احباب سے دعا کی التماس کرتا ہوں، رپورٹ آنے کے بعد خود کو قرنطینہ کر لیا ہے۔

    سردار ایاز صادق نے پیغام کا اختتام سورۃ انشراح کی آیت پر کیا گیا، بے شک مشکل کے بعد آسانی ہے۔

    یاد رہے قومی اسمبلی میں قائد حزب اختلاف شہباز شریف بھی کورونا وائرس کا شکار ہیں جبکہ مسلم لیگ ن کے رہنما احسن اقبال، شاہد خاقان عباسی، طاہرہ اورنگزیب اور مریم اورنگزیب کا کورونا ٹیسٹ بھی مثبت آ چکا ہے اور تمام رہنماؤں نے خود کو قرنطینہ کر لیا ہے۔

    اس سے قبل وزیر ریلوے شیخ رشید سمیت کئی اراکین اسمبلی میں کورونا ٹیسٹ کی تصدیق ہوئی تھی۔