ARYNews.tv | Urdu – Har Lamha Bakhabar

Tag: کورونا کیسز کی تعداد

  • وفاقی دارالحکومت میں کورونا کیسز کی تعداد میں کمی

    وفاقی دارالحکومت میں کورونا کیسز کی تعداد میں کمی

    اسلام آباد: وفاقی دارالحکومت میں کورونا کیسز کی تعداد میں کمی ہوئی ، ایک دن میں 241 کورونا کیسز سامنے آئے اور 5مریضوں کا انتقال ہوا۔

    تفصیلات کے مطابق وفاقی دارالحکومت میں کورونا کیسز کی تعداد میں کمی ریکارڈ کی گئی ، ڈی ایچ اواسلام آباد کا کہنا ہے کہ گزشتہ 24گھنٹے میں 241 کورونا کیس رپورٹ ہوئے اور کورونا کے 5مریضوں کا انتقال ہوا۔

    ڈاکٹرزعیم ضیا کا کہنا تھا کہ 24گھنٹےمیں مثبت کیسزکی شرح5.1فیصدریکارڈ کی گئی ، جس کے بعد اسلام آبادمیں مجموعی کیسز کی تعداد68 ہزار 906 اور اموات کی تعداد 631 ہوگئیں۔

    خیال رہے ملک میں کورونا کی تیسری لہر شدت اختیار کرگئی ہے ، ملک میں 24 گھنٹوں میں کرونا کے مزید 112 مریض انتقال کر گئے، جب کہ کرونا کے 4 ہزار 976 نئے کیسز سامنے آئے۔

    نیشنل کمانڈ اینڈ آپریشن سینٹر کی رپورٹ کے مطابق ملک میں اب تک مجموعی طور پر کرونا کے 7 لاکھ 50 ہزار 158 کیسز کی تصدیق کی جا چکی ہے، جب کہ اموات کی تعداد بڑھ کر 16 ہزار 94 ہو گئی ہے۔

  • کیسز میں اضافہ ، پنجاب میں کورونا شدت اختیار کرنے لگا

    کیسز میں اضافہ ، پنجاب میں کورونا شدت اختیار کرنے لگا

    لاہور : لاہور میں کورونا کیسز کی تعداد میں اضافہ شدت اختیار کر گیا، 546 افراد موذی مرض کا شکار ہوگئے جبکہ 30 افراد جان سے گئے۔

    تفصیلات کے مطابق ترجمان پرائمری اینڈ سیکنڈری ہیلتھ کیئر کی جانب سے بیان میں کہا گیا ہے کہ کورونا کے وار میں تیزی سے اضافہ ہونے لگا ہے، لاہور میں سب سے زیادہ 546 کیس سامنے آئے ہیں، جس کے بعد پنجاب میں کورونا وائرس کے کنفرم مریضوں کی تعداد ایک لاکھ 75 ہزار 051 ہوگئی۔

    ترجمان نے بتایا کہ ننکانہ میں 6، قصور میں 4، شیخو پورہ میں 8، راولپنڈی میں 44، جہلم میں 2، حافظ آباد میں 16 اور گوجرانوالہ میں 16 کیسز رپورٹ ہوئے جبکہ سیالکوٹ میں 28، نارووال میں 1، گجرات میں 42 ، ملتان میں 14 ، خانیوال میں 2، وہاڑی میں 2، فیصل آباد میں 56 ،چنیوٹ میں 4، ٹوبہ میں 5، جھنگ میں 15 اور رحیم یار خان میں 11 کیسز سامنے آئے۔
    .
    اسی طرح سرگودھا میں 11، میانوالی میں 2 ، بہاولنگر میں 1، بہاولپور میں 2، لودھراں میں 1، راجن پور میں 1، ڈیرہ غازی خان میں 7، ساہیوال میں 11 ، پاکپتن میں 1 اور اوکاڑہ میں 1 کیسز رپورٹ ہوئے۔

    ترجمان کا کہنا ہے کہ کورونا وائرس سے مزید 30 ہلاکتیں ہوئیں ، جس کے بعد اموات کی کل تعداد 5 ہزار 510 ہوچکی ہے

  • پنجاب میں کورونا کیسز کی تعداد میں ایک بار پھر اضافہ

    پنجاب میں کورونا کیسز کی تعداد میں ایک بار پھر اضافہ

    لاہور : پنجاب میں کورونا پھر سر اٹھانے لگا، صوبے میں کورونا وائرس کے178نئے کیسز سامنے آ گئے تاہم کورونا سے کوئی ہلاکت نہیں ہوئی۔

    تفصیلات کے مطابق پنجاب میں کوروناوائرس کے کیسز کی تعدادمیں ایک بار پھر اضافہ دیکھنے میں آیا ، محکمہ ہیلتھ پنجاب کا کہنا ہے کہ صوبے میں کورونا وائرس کے178نئے کیسز رپورٹ ہوئے ، جس کے بعد کورونا مریضوں کی تعداد98،864 ہوگئی ہے۔

    ترجمان نے بتایا کہ کورونا سے کوئی ہلاکت نہیں ہوئی تاہم اموات کی تعداد2229ہے جبکہ کورونا کو شکست دینے والوں کی تعداد95،197 ہوگئی ہے۔

    اعدادو شمار کے مطابق لاہورمیں 48، ننکانہ9، قصور2،شیخوپورہ1،راولپنڈی48،چکوال1اورگوجرانوالہ میں 18 ، سیالکوٹ 3، گجرات3، ملتان4، وہاڑی 1، چنیوٹ1 اورفیصل آبادمیں 7کیسز سامنے آئے جبکہ سرگودھا میں 4، میانوالی10،خوشاب1، بہاولپور4، لودھراں 2، ڈی جی خان3، مظفر گڑھ1، ساہیوال4اوراوکاڑہ میں 3کیسز رپورٹ ہوئے۔

    ترجمان پرائمری اینڈ سیکنڈری ہیلتھ کئیر کا کہنا ہے کہ اب تک11لاکھ95ہزار559ٹیسٹ کیےجاچکےہیں، عوام سے گزارش ہے کہ حفاظتی تدابیر اختیار کرکے خود کو محفوظ بنائیں اور کورونا وائرس کی علامات ظاہر ہونے پر فورا 1033 پر رابطہ کریں۔

    خیال رہے پاکستان میں کورونا کے مزید 7مریض جاں بحق ہوگئے ، جس کے بعد تعداد6ہزار444ہوگئی ہے جبکہ ملک میں مزید798 افراد میں کوروناوائرس کی تصدیق ہوئی۔

  • سندھ میں کورونا کیسز کی تعداد 49ہزار سے تجاوز ، 793 اموات

    سندھ میں کورونا کیسز کی تعداد 49ہزار سے تجاوز ، 793 اموات

    کراچی : سندھ میں کورونا کیسز کی تعداد 49ہزار سے تجاوز کرگئی جبکہ اموات کی تعداد 793 تک جا پہنچی اور صحت یاب کیسز کی مجموعی تعداد 23ہزار113 ہوگئی۔

    تفصیلات کے مطابق سندھ حکومت کے ترجمان مرتضی وہاب نے سماجی رابطے کی ویب سائٹ ٹوئٹر پر کورونا کی صورتحال کے حوالے سے بتایا کہ سندھ میں مجموعی طور کورونا کے 2 لاکھ77ہزار54ٹیسٹ کئے گئے، آج کرائے گئے ٹیسٹوں کی تعداد 11ہزار 356 ہے۔

    مرتضی وہاب کا کہنا تھا کہ آج کورونا کے ہزار428 کیسز سامنے آئے اور صوبے میں کورونا کیسز کی تعداد49ہزار256 ہوگئی جبکہ سندھ میں کورونا سےآج17اموات ہوئیں، جس کے بعد مجموعی تعداد793ہوگئی اور صحت یاب کیسز کی تعداد23ہزار113 تک جا پہنچی۔

    خیال رہے پاکستان بھر میں کرونا کیسز کا گراف مزید بلند ہونے کے بعد کیسز کی تعداد کے لحاظ 213 ممالک میں دنیا کا 15 واں ملک بن چکا ہے، اموات اور نئے کیسز کی تعداد میں روز بہ روز اضافہ ہو رہا ہے، گزشتہ چوبیس گھنٹوں کے دوران ملک میں مزید ایک سو سات اموات ہوئیں۔