ARYNews.tv | Urdu – Har Lamha Bakhabar

Tag: کورونا کیسز

  • پاکستان میں کورونا کیسز میں اضافہ، ایک دن میں 4 ہزار کیسز رپورٹ ،88 اموات

    پاکستان میں کورونا کیسز میں اضافہ، ایک دن میں 4 ہزار کیسز رپورٹ ،88 اموات

    اسلام آباد : پاکستان میں کورونا کیسز میں مسلسل اضافہ ہورہا ہے ، ایک دن میں تقریباََ 4 ہزار کیسز رپورٹ ہوئے اور 88 مزید افراد جاں بحق ہوئے۔

    تفصیلات کے مطابق نیشنل کمانڈ اینڈ آپریشن سینٹر (این سی او سی) نے ملک میں کورونا صورتحال کے حوالے سے تازہ اعدادو شمار جاری کردیئے ہیں ، جس میں بتایا گیا ہے کہ پاکستان میں کورونا کی تیسری لہر میں گزشتہ 24 گھنٹوں میں مزید88 مریض انتقال کرگئے ، جس کے بعد کورونا سے اموات کی مجموعی تعداد 20 ہزار 177 تک پہنچ گئی۔

    این سی او سی کا کہنا تھا کہ 24گھنٹوں میں کورونا کے 62ہزار238 ٹیسٹ کئے گئے ، جس میں سے 4 ہزار 7 نئے کورونا کیسز رپورٹ ہوئے اور ملک بھر میں مثبت کیسز کی شرح تقریبا 6.43 فی صد رہی۔

    نیشنل کمانڈ اینڈ آپریشن سینٹر نے بتایا ملک بھر میں کورونا سے متاثرہ افراد کی مجموعی تعداد 8 لاکھ 97 ہزار 468 ہو گئی ہے اور ملک بھرمیں فعال کیسز کی تعداد 63 ہزار 436 ہے اور 8 لاکھ 13 ہزار 855 افراد کورونا سے صحت یاب ہوچکے ہیں۔

    اعدادو شمار کے مطابق سندھ میں کورونا سے متاثرہ ہونے والوں کی تعداد 3 لاکھ 6 ہزار 707، پنجاب 3 لاکھ 33 ہزار ، خیبرپختونخوا میں ایک لاکھ 29 ہزار 13، بلوچستان 24 ہزار 413 جبکہ وفاقی دارالحکومت اسلام آباد میں کورونا کے80 ہزار 156 کیسز اور گلگت بلتستان میں 5 ہزار 471 کورونا کیسز سامنے آئے۔

  • وفاقی دارالحکومت میں 10 دن کے کم ترین کورونا کیسز رپورٹ

    وفاقی دارالحکومت میں 10 دن کے کم ترین کورونا کیسز رپورٹ

    اسلام آباد : وفاقی دارالحکومت میں 10 دن کے کم ترین 283 کورونا کیس رپورٹ ہوئے اور مثبت کیسزکی شرح 7.87 فیصد رہی ، ڈی ایچ او اسلام آباد کا کہنا  ہے کہ شہرمیں کورونا صورتحال تسلی بخش ہے۔

    تفصیلات کے مطابق وفاقی دارالحکومت اسلام آباد میں کورونا کیسز میں بتدریج کمی دیکھنے میں آئی، ڈی ایچ اواسلام آباد کا کہنا ہے کہ 24 گھنٹے میں 10دن کےکم ترین 283 کورونا کیس رپورٹ ہوئے اور مثبت کیسزکی شرح 7.87 فیصدریکارڈ کی گئی۔

    ڈی ایچ او اسلام آباد نے کہا ہے کہ شہرمیں کورونا صورتحال تسلی بخش ہے، کوروناکیسز میں کمی پرحتمی رائے دینا قبل از وقت ہے، شہر میں 24 گھنٹے میں3596 کوروناٹیسٹ کیےگئے اور کورونا کے2 مریضوں کا انتقال ہوا۔

    خیال رہے کہ گزشتہ 24گھنٹے کے دوران کورونا وائرس کے باعث پاکستان میں مزید161 اموات ہوئی ہیں جس کے بعد ملک میں کورونا سے اموات کی مجموعی تعداد 18 ہزار سے تجاوز کرگئی جبکہ 3ہزار377 نئے کیسز رپورٹ ہوئے ہیں۔

    پاکستان میں کرونا وائرس کے مجموعی کیسز کی تعداد 8 لاکھ 37 ہزار 523 ہو گئی ہے، جن میں سے 7 لاکھ 33 ہزار 62 مریض صحت یاب ہو چکے ہیں۔

  • کورونا کیسز میں خطرناک حد تک اضافہ، اسپتالوں میں آکسیجن کی قلت کا خدشہ

    کورونا کیسز میں خطرناک حد تک اضافہ، اسپتالوں میں آکسیجن کی قلت کا خدشہ

    لاہور : پنجاب میں کورونا کیسز میں خطرناک حد تک اضافے کے بعد لاہور کے اسپتالوں میں آکسیجن کی قلت کا خدشہ پیدا ہوگیا ہے، پروفیسر ڈاکٹر اسد اسلم نے کہا کہ اگر عوام نے احتیاط نہ کی تو حالات کنٹرول سے باہر ہو سکتے ہیں۔

    تفصیلات کے مطابق ملک میں کورونا وائرس کی صورت حال بدتر ہوتی جارہی ہے، لاہور کے اسپتالوں میں آکسیجن کی قلت کا خدشہ پیدا ہوگیا ہے اور تمام اسپتالوں میں آکسیجن کا استعمال بڑھ گیا ہے۔

    ایک ہفتے کے دوران شہر کے 8 سرکاری اسپتالوں میں آکسیجن کے استعمال میں 35 فیصد اضافہ ہوا، میو اسپتال میں آکسیجن کے استعمال میں یومیہ 66 فیصد اضافہ، جناح اسپتال میں آکسیجن کا استعمال مزید 60 فیصد بڑھ گیا۔

    اسپتال انتظامیہ کا کہنا ہے کہ سروسز اسپتال آکسیجن کے استعمال میں 55 فیصد ،جنرل اسپتال میں 41 فیصد، نوازشریف اسپتال یکی گیٹ میں47 فیصد، گنگارام اسپتال 33 فیصد، کوٹ خواجہ سعید اسپتال میں 24 پی کے ایل آئی میں 21 فیصد اضافہ ہوا۔

    پروفیسر ڈاکٹر اسد اسلم نے کہا ہے کہ اسپتالوں میں آکسیجن سلنڈر کی سپلائی کے حوالے سے کوئی رکاوٹ نہیں، فی الحال اسپتالوں میں بروقت آکسیجن کی سپلائی کو یقینی بناتے ہیں۔

    ڈاکٹر اسد اسلم کا کہنا تھا کہ اگر عوام نے احتیاط نہ کی تو حالات کنٹرول سے باہر ہو سکتے ہیں، ایک ہفتے کے دوران آکسیجن کے استعمال میں دگنا اضافہ ہوا ہے۔

  • بلوچستان میں بھی کورونا کیسز میں 4 گنااضافہ، عوام سے ایس اوپیز پر عمل کرنے کی اپیل

    بلوچستان میں بھی کورونا کیسز میں 4 گنااضافہ، عوام سے ایس اوپیز پر عمل کرنے کی اپیل

    کوئٹہ : وزیر داخلہ بلوچستان کا کہنا ہے کہ گزشتہ ماہ کی نسبت رواں ماہ کورونا کیسز میں 4 گنااضافہ ہوا، عوام سے اپیل ہے کہ کورونا سے بچاؤ کیلئے ماسک ،حفاظتی دوری سمیت ایس اوپیز پر عمل کریں۔

    تفصیلات کے مطابق وزیر داخلہ بلوچستان میرضیااللہ لانگو نے کوروناوائرس سے بچاؤ کیلئے عوام سے اپیل کرتے ہوئے کہا ہے کہ کورونا وائرس کی تیسری لہر خطرناک صورتحال اختیار کررہی ہے ، گزشتہ ماہ کی نسبت رواں ماہ کورونا کیسز میں 4 گنااضافہ ہوا۔

    میر ضیاءلانگو کا کہنا تھا کہ محکمہ داخلہ بلوچستان کی جانب سے دفعہ 144نافذ کی گئی ہے ، بلوچستان میں ہفتے میں 2 روز بین الصوبائی ٹرانسپورٹ پر پابندی ہے ، کسی علاقے میں کیسز بڑھنے پر اسمارٹ لاک ڈاؤن کیا جاسکتا ہے۔

    وزیر داخلہ بلوچستان نے مزید کہا کہ رمضان المبارک میں گائیڈ لائنز پر عملدرآمد کرایا جائے گا، عوام ایس اوپیز پر عمل نہیں کرتی تو حکومت سخت فیصلے کرسکتی ہے ۔

    انھوں نے اپیل کی کہ کوروناسےبچاؤکیلئےماسک ،حفاظتی دوری سمیت ایس اوپیز پر عمل کریں۔

  • پنجاب میں کورونا خطرناک صورتحال اختیار کرگیا، مزید 62 اموات

    پنجاب میں کورونا خطرناک صورتحال اختیار کرگیا، مزید 62 اموات

    لاہور: پنجاب میں کورونا کیسز کی صورتحال ابتر ہوگئی اور کوروناکیسزکی شرح 14فیصدرہی جبکہ مزید 62 افراد جاں بحق ہوگئے۔

    تفصیلات کے مطابق پنجاب میں کورونا خطرناک صورتحال اختیار کرگیا، صوبے میں کورونا وائرس سے اموات کی تعداد میں مزید اضافہ ہوتا جارہا ہے۔

    محکمہ صحت پنجاب کا کہنا ہے کہ ایک روز کے دوران کورونا وائرس سے مزید 62 افراد جاں بحق ہوئے ، جس کے بعد وائرس سے اموات کی کل تعداد 6 ہزار793 ہو گئی۔

    ترجمان کے مطابق گزشتہ 24 گھنٹوں کے دوران صوبے میں کورونا کے 2990 نئے کیسز سامنے آئے اور کنفرم مریضوں کی تعداد 2 لاکھ 40 ہزار584 ہو گئی۔

    محکمہ صحت پنجاب نے بتایا کہ کورونا کیسز میں لاہور شہر سرفہرست ہے، صوبے میں کورونا کیسز کی شرح 14فیصد جبکہ لاہور میں کورونا کیسز کی شرح 22 فیصد رہی، پنجاب میں 21 ہزار 325 ٹیسٹ کئے گئے، جس میں سے 2990 مثبت آئے۔

    اعدادو شمار کے مطابق لاہورمیں 1575، ننکانہ میں 4، قصور میں 33، شیخوپورہ میں 34، راولپنڈی میں 232، جہلم میں 25 ، چکوال میں 24، اٹک میں 28، مظفرگڑھ میں 1، حافظ آباد میں 13 اور گوجرانوالہ میں 75 کیسز رپورٹ ہوئے۔

    اسی طرح سیالکوٹ میں 69، نارووال میں 9، گجرات میں 40، منڈی بہاؤالدین میں 15، ملتان میں 87، خانیوال میں 25
    ،راجن پور میں 8، لیہ میں 20، ڈیرہ غازی خان میں 19 اور وہاڑی میں 42 ، فیصل آباد میں 176، چنیوٹ 21 کیسز سامنے آئے جبکہ ٹوبہ ٹیک سنگھ 50، جھنگ 20 اور رحیم یار خان میں 72 ، سرگودھا 77، میانوالی 10، خوشاب 4، بہاولنگر 22، بہاولپور 61، لودھراں 1، بھکر 35، ساہیوال 39 ، پاکپتن 10 اوراوکاڑہ میں 14 کیسز رپورٹ ہوئے۔

  • اسلام آباد میں کورونا پھر بڑھنے لگا،کیسز کی تعداد 51 ہزار 400 سے تجاوز کرگئی

    اسلام آباد میں کورونا پھر بڑھنے لگا،کیسز کی تعداد 51 ہزار 400 سے تجاوز کرگئی

    اسلام آبا: وفاقی دارلحکومت اسلام آباد میں کورونا پھر بڑھنے لگا اور کیسز کی تعداد 51 ہزار 400 سے تجاوز کرگئی جبکہ نئی لہر30 سے 39 سال کے افراد کو زیادہ متاثر کررہی۔

    تفصیلات کے مطابق ایس او پیز کی خلاف ورزیوں اور بے احتیاطی کے باعث اسلام آباد میں کورونا پھر بڑھنے لگا، اسلام آباد میں کورونا کیسز کی تعداد 51 ہزار 400 سے تجاوز کرگئی۔

    وفاقی دارلحکومت میں کورونا کےفعال کیسز کی تعداد5200 سے زائد اور کورونا کے باعث اموات کی تعداد 545 تک پہنچ گئی۔

    کورونا کی تیسری لہر میں 30 سے 39 سال کے افراد زیادہ متاثر ہورہے ہیں، اسلام آباد کے علاقے لوہی بھیر میں سب سے زیادہ کورونا کیسز واموات ریکارڈ کی گئی۔

    لوہی بھیر میں 44 افراد کورونا کے باعث جاں بحق اور 530 فعال کیسز ہے جبکہ دیگر علاقوں آئی 8 فور،ایف 11 ون، آئی 10 ٹو، جی 6 ٹو اور جی 10 ون میں اسمارٹ لاک ڈاؤن نافذ ہے۔

    دستاویز کے مطابق کورونا مریضوں کیلئے اسپتالوں میں مختص بیڈز اوروینٹی لیٹرز کی گنجائش 50 فیصدرہ گئی جبکہ اسلام آباد میں کورونا کے307 مریض مخصوص بستروں اور 44 وینٹی لیٹرز پر ہیں۔

  • کورونا کیسز میں تشویشناک حد تک اضافہ، شادی ہال بند کرنے کے حوالے سے اہم خبر آگئی

    کورونا کیسز میں تشویشناک حد تک اضافہ، شادی ہال بند کرنے کے حوالے سے اہم خبر آگئی

    لاہور: پنجاب میں کورونا کیسز میں تشویشناک حد تک اضافے کے پیش نظر شادی ہال بند کرنے پر غور کیا جارہا ہے جبکہ پیر سے میلے کے کھیل بھی بند کرنے کا امکان ہے۔

    تفصیلات کے مطابق کورونا کے بڑھتے ہوئے کیسز اور احتیاطی اقدامات کیلئے وزیراعلیٰ پنجاب نے آج کابینہ کمیٹی برائے انسداد کورونا کا اہم اجلاس طلب کر لیا ہے۔

    ذرائع کا کہنا ہے کہ اجلاس میں این سی اوسی کے فیصلوں پر عمل درآمد کو یقینی بنایا جائے گا اور 15مارچ سےتعلیمی اداروں کی چھٹیوں سمیت دیگرامورپرتبادلہ ہوگا جبکہ عوام کی زندگیوں کو محفوظ بنانے کیلئے مزید ضروری اقدامات اٹھانے پر بھی غور کیا جائے گا۔

    ذرائع کے مطابق صوبے میں کوروناکےباعث شادی ہال بند کرنے پرغور کیا جارہا ہے جبکہ پارکوں میں لگے میلے اور ٹھیلےبھی پیرسے ختم کرنے سے متعلق فیصلے متوقع ہیں۔

    اجلاس میں وزیرصحت یاسمین راشد سمیت دیگرصوبائی وزرا اوراعلی افسر شرکت کریں گے جبکہ اعلیٰ عسکری حکام اور ڈویژنل کمشنرز ویڈیو لنک کے ذریعے شریک ہوں گے۔

    وزیراعلی عثمان بزدار کاکہناتھا کورونا کے ایکٹو کیسوں کی تعداد 8،693 تک پہنچ چکی ہے، صوبے میں اب تک 5،697 کورونا کے مریض جاں بحق ہو چکے ہیں۔

    انہوں نے کہا کہ گزشتہ 24 گھنٹے کے دوران پنجاب میں کورونا کے 36 مریضوں کا انتقال ہوا جبکہ اب تک صوبے میں 34لاکھ اسی ہزار753 کے ٹیسٹ کئے جا چکے ہیں، کورونا کی موجودہ لہر کو روکنے کیلئے ایس او پیز پر سختی سے عملدرآمد کرنا ہوگا۔

  • پنجاب میں بڑھتے ہوئے کورونا کیسز: بڑی پابندی عائد

    پنجاب میں بڑھتے ہوئے کورونا کیسز: بڑی پابندی عائد

    لاہور : پنجاب میں بڑھتے ہوئے کورونا کیسز کے پیش نظر 7 اضلاع کے اسکولوں میں غیرنصابی سرگرمیوں اور اسپورٹس پر پابندی عائد کرتے ہوئے کورونا ایس او پیز پر عملدرآمد کی سختی سے ہدایت کردی ہے۔

    تفصیلات کے مطابق پنجاب میں کورونا کیسز کی دوبارہ بڑھتی صورتحال کے باعث 7 اضلاع کے اسکولوں میں غیرنصابی سرگرمیوں اور اسپورٹس پر پابندی عائد کردی۔

    اس حوالے سے محکمہ اسکول ایجوکیشن ڈیپارٹمنٹ نے نوٹیفکیشن جاری کردیا ہے ، جس میں کہا گیا ہے کہ 20فیصد سے زائد کیسزوالے اضلاع میں غیرنصابی سرگرمیاں نہیں ہوں گی۔

    نوٹیفکیشن کے مطابق مذکورہ اضلاع میں لاہور، فیصل آباد،گجرات ،ملتان، رحیم یار خان، سیالکوٹ ،راولپنڈی شامل ہیں ، ان 7اضلاع کو اسکولوں میں ایکٹیوٹی کرانے سے روک دیا گیا ہے۔

    نوٹی فکیشن میں مذکورہ اضلاع میں اسکولوں کو کورونا ایس او پیز پر عملدرآمد کی سختی سے ہدایت کی گئی ہے۔

    یاد رہے چند روز قبل کورونا کے بڑھتے ہوئے کرونا کیسز کے پیش نظر مقامی انتظامیہ نے لاہور کے مزید 12 علاقوں میں اسمارٹ لاک ڈاؤن نافذ کردیا تھا، مذکورہ علاقوں میں شاپنگ مالز، ریستورنٹس اور دفاتر بند رہیں گے۔

  • کورونا کے بڑھتے ہوئے کیسز، لاہور کے مزید 6 علاقوں میں اسمارٹ لاک ڈاؤن نافذ

    کورونا کے بڑھتے ہوئے کیسز، لاہور کے مزید 6 علاقوں میں اسمارٹ لاک ڈاؤن نافذ

    لاہور : کورونا کے بڑھتے ہوئے کیسز کے پیش نظر لاہور کےمزید 6 علاقوں میں اسمارٹ لاک ڈاؤن لگادیا گیا ، اسمارٹ لاک ڈاؤن کا مقصد کورونا سے زیادہ متاثر ہونے والے علاقوں سے لوگوں کی آمدورفت کو محدود کرنا ہے۔

    تفصیلات کے مطابق کورونا کے بڑھتے ہوئے کیسز کے پیش نظر لاہور کے مزید علاقوں میں اسمارٹ لاک ڈاؤن لگادیا گیا ، کیپٹن (ر) محمدعثمان نے کہا ہے کہ زیادہ کورونا ٹیسٹ مثبت آنے والوں علاقوں میں سمارٹ لاک ڈاؤن لگایا جا رہا ہے۔

    سیکرٹری پرائمری اینڈ سیکنڈری ہیلتھ کیئر کا کہنا تھا کہ لاہور کے مزید 6علاقوں میں اسمارٹ لاک ڈاؤن لگایا گیا ، جن میں گلی نمبر4 اے بلاک، بلڈنگ  نمبر 20،سیکٹر ایف،گلی نمبر2 اے بلاک عسکری10 شامل ہیں۔

    کیپٹن (ر) محمدعثمان نے کہا ہے کہ گلی نمبر3 زیڈبلاک فیز3اورمین غازی روڈ ایس بلاک فیز2 ڈی ایچ اے اورگلی نمبر7 سرور کالونی، مین سٹریٹ فضل پارک شادباغ میں بھی اسمارٹ لاک ڈاون لگا دیا گیا ہے۔

    ترجمان کے مطابق لاک ڈاؤن والے علاقوں میں تمام شاپنگ مالز،ریسٹورانٹ،دفاتر(نجی اور سرکاری)بند رہیں گے، علاقہ مکینوں کی نقل و حمل محدود ہو گی اور انتہائی ضرورت کے پیش نظر ایک فرد ایک سواری استعمال کر سکے گا۔

    سیکرٹری پرائمری اینڈ سیکنڈری ہیلتھ کیئر کا کہنا ہے کہ ہر قسم کے اجتماعات پر مکمل پابندی ہو گی ، تمام میڈیکل سروسز، فارمیسی، میڈیکل اسٹور، لیبارٹریاں، کولیکشن پوائنٹس،ہسپتال اور کلینکس 24 گھنٹے کھلے رہیں گے۔

    کیپٹن(ر)محمد عثمان کے مطابق ملک شاپس،چکن اور گوشت/مچھلی کی شاپس اور بیکریاں صبح 7سے شام 7بجے تک کھلی رہیں گی جبکہ گروسری اسٹورز، جنرل سٹورز،آٹا چکیاں،فروٹ،سبزی کی دوکانیں، تندور اور پیڑول پمپس 9بجے سے شام 7بجے کھل سکیں گی۔

    سیکرٹری پرائمری اینڈ سیکنڈری ہیلتھ کیئر کا کہنا تھا کہ اسمارٹ لاک ڈاؤن کا مقصد کورونا سے زیادہ متاثر ہونے والے علاقوں سے لوگوں کی آمدورفت کو محدود کرنا ہے ، متاثر ہ علاقوں میں اسمارٹ لاک ڈاؤن سے ہی کورونا سے زیادہ لوگوں کو متاثر ہونے کے خطرے سے بچا یا جا سکتاہے۔

    ترجمان نے کہا کہ احتیاط نہ کرنے سے کورونا وائرس دوبارہ تیزی سے پھیل سکتا ہے،یاد رکھیے پہلے سے زیادہ احتیاط کر کے ہی اس موذی بیماری دوبارہ پھیلاؤ سے بجا جا سکتا ہے۔

  • سندھ بھر میں سرکاری اسپتال ایک بار پھر کورونا کیسز سے بھرنے لگے

    سندھ بھر میں سرکاری اسپتال ایک بار پھر کورونا کیسز سے بھرنے لگے

    کراچی: سندھ بھر میں محکمہ صحت کے ماتحت سرکاری اسپتال ایک بار پھر کورونا کیسز سے بھرنے لگے ہیں، سندھ بھرمیں روزانہ 2 ہزار نئے کیسز اور 15 سے زائد اموات ہورہی ہیں۔

    تفصیلات کے مطابق سندھ بھرمیں کورونا کے کیسز میں بے حد اضافہ ہونے لگا اور محکمہ صحت کے ماتحت سرکاری اسپتال ایک بار پھر کورونا کیسز سے بھرنے لگے ہیں۔

    محکمہ صحت کے ایم سی کے ماتحت 13 بڑے اسپتالوں میں کورونا وارڈ فعال ہی نہ ہوسکے جبکہ کے ایم سی کے ماتحت سب سے بڑے عباسی شہید اسپتال میں 125 بستروں پر مشتمل کورونا وارڈ اورآئی سی یو بھی غیر فعال ہیں، جس کے باعث کورونا کے مشتبہ مریض دیگر اسپتالوں میں ریفر کیا جارہا ہے۔

    چند سرکاری اسپتالوں میں محدود وقت میں کورونا کے ٹیسٹ ہونے پرمتاثرہ افراد شدید مشکلات سے دو چار ہوگئے ، سندھ بھرمیں روزانہ 2 ہزار نئے کیسز اور 15 سے زائد اموات ہورہی ہیں۔

    طبی ماہرین کا کہنا ہے کہ لوک ڈاون سے بچنے کے لئے عوام ماسک لگاکر احتیاط اپنائیں۔

    یاد رہے متعلقہ حکام نے این سی او سی کو کورونا کیسزاور اموات پر بریفنگ دیتے ہوئے کہا تھا کہ ملک میں مثبت کورونا کیسز کی شرح 7.46 فیصد ہو چکی ہے، این سی او سی نے مثبت کورونا کیسز کی شرح میں اضافے پر اظہار تشویش کیا۔

    خیال رہے ملک میں گزشتہ 24 گھنٹوں کے دوران کرونا سے مزید 34 افراد جاں بحق ہو گئے جبکہ 2 ہزار 756 نئے کرونا کیسز رپورٹ ہوئے۔

    جس کے بعد ملک میں اموات کی تعداد 7 ہزار 696 اور مصدقہ کیسز کی تعداد 3 لاکھ 76 ہزار 929 ہو گئی ہے جب کہ 1 ہزار 677 مریضوں کی حالت تشویش ناک ہے۔