اسلام آباد : پاکستان میں کورونا کے فعال کیسز کی تعداد 8 ہزار سے تجاوز کرگئی، جس میں سے 8 ہزار 161 مریض قرنطینہ میں ہیں۔
تفصیلات کے مطابق پاکستان میں کورونا کے زیرعلاج اور قرنطینہ مریضوں کی تعداد میں اضافہ ہورہا ہے ، ذرائع کا کہنا ہے کہ ملک بھرمیں کورونا کے ایکٹیو کیسز کی تعداد 8 ہزار 343 ہے۔
ذرائع نے کہا ہے کہ ملک بھر میں کورونا کے 8 ہزار 161 مریض قرنطینہ میں ہیں، جس میں سندھ کے 5 ہزار 723، کے پی کے 283 ، پنجاب میں کورونا کے 1 ہزار 680 اور بلوچستان کے 57مریض قرنطینہ ہیں۔
ذرائع نے بتایا کہ وفاقی دارالحکومت میں کورونا کے 383مریض ، آزادکشمیرمیں کوروناکے23 اور گلگت بلتستان 12مریض قرنطینہ ہیں۔
ذرائع کے مطابق ملک بھر میں کورونا کے 182 مریض اسپتالوں میں زیرعلاج ہیں ، پنجاب میں کورونا کے 34 ، کےپی17 ،سندھ میں کورونا کے 112 اور اسلام آباد میں 16 مریض اسپتالوں میں زیرعلاج ہیں۔
آزاد کشمیر میں 3، گلگت بلتستان اور بلوچستان میں کوئی کورونا مریض زیر علاج نہیں ہے جبکہ ملک بھر میں کورونا کے 8 مریض وینٹی لیٹر پر زیر علاج ہیں۔
ذرائع نے بتایا کہ سندھ میں 5، اسلام آباد 2،پنجاب میں ایک مریض وینٹیلیٹر پرہے جبکہ ملک بھر میں 94 مریض ہائی فلو اور 60 لوفلوآکسیجن پر زیرعلاج ہیں۔
