ARYNews.tv | Urdu – Har Lamha Bakhabar

Tag: کورونا

  • پاکستان میں کورونا سے مزید 13 ہلاکتیں ، 567 مریضوں کی حالت تشویشناک

    اسلام آباد: پاکستان میں کورونا کے مزید 13 مریض انتقال کرگئے ، جس کے بعد اموات کی تعداد 6ہزار638 تک جا پہنچی جبکہ اور567 مریضوں کی حالت تشویشناک ہیں۔

    تفصیلات کے مطابق نیشنل کمانڈاینڈآپریشن سینٹر نے ملک میں کورونا کے حوالے سے تازہ ترین اعداد و شمارجاری کردیئے ہیں، جس میں بتایا گیا کہ ملک میں 24 گھنٹے میں کورونا کے 13 مریض انتقال کرگئے ، جس کے بعد کورونا سے جاں بحق افراد کی تعداد 6ہزار638 ہوگئی۔

    این سی اوسی کا کہنا ہے کہ ملک میں 24 گھنٹے کے دوران 32ہزار465 کورونا ٹیسٹ کیے گئے، جس میں سے کورونا کے 641 مثبت کیسز سامنے آئے ، جس کے بعد ملک میں کورونا کے مصدقہ کیسز کی تعداد 3 لاکھ 22 ہزار 452 تک جا پہنچی جبکہ کورونا وائرس کے9 ہزار174 فعال کیسز ہیں۔

    نیشنل کمانڈاینڈآپریشن سینٹر نے کہا ہے کہ ملک میں 24 گھنٹے کے دوران 805 کورونا مریض صحتیاب ہوئے اور اب تک مجموعی طور پر کورونا کے3لاکھ6ہزار640 مریض صحت یاب ہوچکے ہیں جبکہ کورونا کے567کیسزتشویشناک یاسنجیدہ نوعیت کےہیں

    اعداد و شمار کے مطابق سندھ میں کورونا کیسز کی تعداد ایک لاکھ 41 ہزار 474، پنجابایک لاکھ ایک ہزار425 ، خیبر پختونخوا میں 38 ہزار 565، بلوچستان میں 15 ہزار644 ہیں جبکہ گلگت بلتستان میں 4ہزار 33 اور آزاد کشمیر میں 3 ہزار398 کورونا کیسز سامنے آئے۔

  • پاکستان میں کورونا سے مزید 8 اموات ، 531 نئے کیسز رپورٹ

    پاکستان میں کورونا سے مزید 8 اموات ، 531 نئے کیسز رپورٹ

    اسلام آباد : پاکستان میں کورونا کے مزید 8 مریض جاں بحق ہوگئے اور 531 نئے کیسز رپورٹ ہوئے ، جس کے بعد جاں بحق افرادکی تعداد6588 جبکہ کورونا کے فعال کیسز کی تعداد 8ہزار651 ہوگئی۔

    تفصیلات کے مطابق نیشنل کمانڈاینڈآپریشن سینٹر سے کوروناکیسزکےتازہ ترین اعداد و شمارجاری کردیئے ہیں، جس میں بتایا گیا کہ ملک میں 24 گھنٹے میں کورونا کے 8 مریض جاں بحق ہوئے ، جس کے بعد کورونا سے جاں بحق افراد کی تعداد 6588 ہوگئی۔

    این سی اوسی نے بتایا کہ ملک بھرمیں 24 گھنٹے میں 30 ہزار 22 کورونا ٹیسٹ کیے گئے، اس دوران کورونا کے مزید 531 کیس سامنے آئے ، جس کے بعد اب تک رپورٹ ہونے والے کیسز کی تعداد 3 لاکھ 19 ہزار 848 ہوگئی جبکہ کورونا کے فعال کیسز کی تعداد 8 ہزار 651 ہے۔

    نیشنل کمانڈاینڈآپریشن سینٹر کا کہنا ہے کہ گزشتہ 24 گھنٹےمیں کوروناکے424مریض صحت یاب ہوئے جبکہ اب تک 3لاکھ4ہزار609کورونامریض صحت یاب ہوچکے ہیں اور کورونا کے 516 کیسز تشویشناک اور سنجیدہ نوعیت کے ہیں۔

    اعدادو شمار کے مطابق ملک بھرمیں تاحال39لاکھ 14 ہزار 818 کورونا ٹیسٹ کیے جا چکے ہیں جبکہ سندھ میں کورونا کیسز کی تعداد ایک لاکھ 40 ہزار، پنجاب ایک لاکھ 892 ، خیبر پختونخوا میں 38 ہزار367، بلوچستان میں 15 ہزار541 ہوگئی، جبکہ اسلام آباد میں 17 ہزار428 ، گلگت بلتستان میں 3 ہزار 955 اور آزاد کشمیر میں3 ہزار131 کیسز رپورٹ ہوئے۔

    یاد رہے وزیراعظم عمران خان نے کہا تھا کہ قوم کو کورونا کی لہراور مزید نقصان سے بچانے کیلئےبروقت فیصلہ سازی ضروری ہے، سرد موسم میں کورونا کی وبا کے پھیلاؤ کا خطرہ بڑھے گا ، جس کے لیے وفاقی اور صوبائی حکومتوں کو ابھی سے حکمت عملی اختیار کرنےکی ضرورت ہے، حفاظتی اقدامات اور ماسک کے استعمال کو ہر صورت یقینی بنایا جائے۔

  • پاکستان میں کورونا سے مزید 9 مریض جاں بحق، مجموعی کیسز 3 لاکھ 16ہزار934 تک جا پہنچی

    پاکستان میں کورونا سے مزید 9 مریض جاں بحق، مجموعی کیسز 3 لاکھ 16ہزار934 تک جا پہنچی

    اسلام آباد : پاکستان میں چوبیس گھنٹے کے دوران کورونا سے 9 مریض جاں بحق اور 583 نئے کیسز سامنے آئے ، جس کے بعد اموات کی تعداد 6 ہزار 544 اور مجموعی کیسز 3 لاکھ 16ہزار934 تک جا پہنچی۔

    تفصیلات کے مطابق نیشنل کمانڈ اینڈ آپریشن سینٹر نے ملک میں کورونا صورتحال کے تازہ اعداو شمار جاری کردیئے، جس میں بتایا گیا کہ ملک بھر میں 24 گھنٹےمیں کورونا وائرس سے مزید9 افراد جاں بحق ہوئے ، جس کے بعد ملک بھر میں کورونا وائرس سے اموات 6544 ہوگئی۔

    این سی اوسی کا کہنا ہے کہ 24گھنٹے میں ملک بھر میں 31ہزار 168 کورونا ٹیسٹ کیے گئے، جس میں سے 583 افراد میں کورونا وائرس کی تصدیق ہوئی ، جس کے بعد ملک میں مجموعی کیسز کی تعداد 3 لاکھ 16 ہزار 934 تک جا پہنچی جبکہ کورونا کے فعال کیسز کی تعداد 8 ہزار15 ہے۔

    اعدادو شمار کے مطابق پنجاب میں کورونا کیسز کی تعداد ایک لاکھ 272، سندھ میں ایک لاکھ 39 ہزار 195، بلوچستان میں 15 ہزار 460، خیبر پختونخوا میں 38 ہزار 175 ہے جبکہ گلگت بلتستان میں 3 ہزار 886، اسلام آباد میں 17 ہزار 9 اور آزاد کشمیر میں 2 ہزار 937 کیسز رپورٹ ہوئے۔

    نیشنل کمانڈ اینڈ آپریشن سینٹر کا کہنا ہے کہ اب تک 3 لاکھ 2 ہزار 375 مریض صحتیاب ہوچکے ہیں جبکہ کورونا کے 497 کیسز تشویش ناک اور سنجیدہ نوعیت کے ہیں۔

    خیال رہے نیشنل کمانڈاینڈآپریشن سینٹر نے ایس او پیز پر عملدرآمد نہ ہونے پر کورونا کے پھیلاؤ کا خدشہ ظاہر کردیا ، اسد عمر کا کہنا تھا کہ ایس اوپیزپرعملدرآمد سے کورونا کی دوسری لہر سے بچاؤ ممکن ہے۔

  • پاکستان میں کورونا سے مزید 6 افراد جاں بحق ، 516 مریضوں کی حالت تشویشناک

    پاکستان میں کورونا سے مزید 6 افراد جاں بحق ، 516 مریضوں کی حالت تشویشناک

    اسلام آباد : پاکستان میں چوبیس گھنٹے کے دوران کورونا سے مزید چھ مریض جان سے گئے ، جس کے بعد اموات کی تعداد 6 ہزار 523 ہوگئی جبکہ 516 مریضوں کی حالت تشویشناک ہے۔

    تفصیلات کے مطابق نیشنل کمانڈ اینڈ آپریشن سینٹر نے ملک میں کورونا صورتحال کے تازہ اعداو شمار جاری کردیئے، جس میں بتایا گیا کہ ملک بھر میں24گھنٹےمیں کورونا وائرس سے مزید 6 افراد جاں بحق ہوئے ، جس کے بعد ملک بھر میں کورونا وائرس سےاموات 6523 ہوگئی۔

    این سی اوسی کا کہنا ہے کہ 24گھنٹے میں ملک بھر میں 28 ہزار 280 کورونا ٹیسٹ کیے گئے، جس میں سے 467 افراد میں کوروناوائرس کی تصدیق ہوئی ، جس کے بعد ملک میں مجموعی کیسز کی تعداد 3 لاکھ 15 ہزار 727 تک جا پہنچی جبکہ کورونا کے فعال کیسز کی تعداد 8588 ہے۔

    نیشنل کمانڈ اینڈ آپریشن سینٹر کے مطابق ملک بھر کے 735 اسپتالوں میں کورونا کے 793 مریض زیرعلاج ہیں ، جس میں سے 516 کیسز تشویشناک یا سنجیدہ نوعیت کےہیں اور 86 مریض وینٹی لیٹر پر ہیں جبکہ صحت یاب افراد کی تعداد 3 لاکھ 616 ہوچکی ہے۔

    اعدادو شمار کے مطابق اب تک مجموعی طور پر 37لاکھ 2 ہزار 607 کورونا کے ٹیسٹ کیےجاچکے ہیں جبکہ سندھ میں کورونا کیسز کی تعداد ایک لاکھ 38 ہزار 593 ، پنجاب ایک لاکھ33 ، خیبرپختونخوا میں38 ہزار 105، بلوچستان میں 15 ہزار 420 ہیں۔

    خیال رہے نیشنل کمانڈاینڈآپریشن سینٹر نے ایس او پیز پر عملدرآمد نہ ہونے پر کورونا کے پھیلاؤ کا خدشہ ظاہر کردیا ، اسد عمر کا کہنا تھا کہ ایس اوپیزپرعملدرآمد سے کورونا کی دوسری لہر سے بچاؤ ممکن ہے۔

  • محکمہ صحت سندھ نے کورونا سے متعلق خطرے کی گھنٹی بجادی

    محکمہ صحت سندھ نے کورونا سے متعلق خطرے کی گھنٹی بجادی

    کراچی : محکمہ صحت سندھ نے کورونا سے متعلق خطرے کی گھنٹی بجادی اور کہا گذشتہ 13دنوں میں کورونا کی تعداد میں اضافہ ریکارڈ کیا گیا، ستمبر میں 2459 افراد میں کورونا کیسز اور 36 افراد جاں بحق ہوئے۔

    تفصیلات کے مطابق سندھ میں کورونا کیسز میں پھر سے اضافہ ہونے لگا، محکمہ صحت سندھ کی رپورٹ میں بتایا گیا کہ گذشتہ 13دنوں میں کورونا کی تعداد میں اضافہ دیکھنے میں آیا۔

    محکمہ صحت نےرپورٹ وزیراعلیٰ سندھ کوارسال کردی ، جس میں کہا گیا ہے کہ ستمبرمیں 2459افراد میں کورونا وائرس کی تصدیق ہوئی، رواں ماہ کورونا وائرس کے شکار 36افراد جاں بحق ہوئے۔

    رپورٹ میں بتایا گیا کہ شاپنگ مالز ،مارکیٹس سے488افراد میں وائرس کی تصدیق ہوئی اور سندھ کےدیہی اضلاع میں بھی کورونا کےکیسزکی تعداد میں اضافہ ہوا ، جبکہ 15 ستمبر سے تعلیمی ادارے کھولنے کا اعلان کیا گیا ہے۔

    یاد رہے چند روز قبل وزیراعلیٰ سندھ مراد علی شاہ نے بتایا تھا کہ صوبے میں ایک بار پھر کرونا کے کیسز کی تعداد میں اضافہ ہوگیا۔

    خیال رہے ملک میں گزشتہ 24 گھنٹوں کے دوران کورونا وائرس کے 4 مریض جاں بحق ہوئے جس کے بعد ملک میں کرونا وائرس سے اموات کی تعداد 6 ہزار 383 ہوگئی۔

    نیشنل کمانڈ سینٹر کا کہنا ہے کہ 24 گھنٹوں کے دوران کورونا وائرس کے 539 نئے کیسز سامنے آئے، ملک میں مجموعی کرونا کیسز کی تعداد 3 لاکھ 2 ہزار 20 ہوچکی ہے جبکہ کورونا وائرس کے فعال کیسز کی تعداد 5 ہزار 831 ہے اور 2 لاکھ 89 ہزار 806 مریض صحتیاب ہوچکے ہیں۔

  • پنجاب میں کورونا کا زور ٹوٹنے لگا، مسلسل چوتھے روز کوئی ہلاکت رپورٹ نہیں ہوئی

    پنجاب میں کورونا کا زور ٹوٹنے لگا، مسلسل چوتھے روز کوئی ہلاکت رپورٹ نہیں ہوئی

    لاہور : پاکستان میں کورونا کا زور ٹوٹنے لگا، پنجاب میں مسلسل چوتھے روز کورونا وائرس سے کوئی ہلاکت نہیں ہوئی جبکہ 99 نئے کیسز رپورٹ ہوئے۔

    تفصیلات کے مطابق پنجاب میں کورونا کیسز اور اموات میں بتدریج کمی آرہی ہے ، 24 گھنٹوں میں پنجاب میں کورونا وائرس کے 99نئے کیسز سامنے آئے، جس کے بعد صوبے میں کورونا وائرس کے کنفرم مریضوں کی تعداد96,057 ہو گئی۔

    ترجمان پرائمری اینڈ سیکنڈری ہیلتھ کیئر کا کہنا ہے کہ لاہور میں 36، راولپنڈی 6، جہلم 1اورگوجرانوالہ میں 12 کیسز ، سیالکوٹ 3، نارووال 2، گجرات1، حافظ آباد1 ،ملتان 8، خانیوال2، فیصل آباد 9، ٹوبہ 2 اور رحیم یار خان میں 1، سرگودھا3، میانوالی 1، بہاولنگر 1، بہاولپور 2، ڈیرہ غازی خان5، مظفر گڑھ 1، راجن پور1، ساہیوال 1اور پاکپتن میں 1 کیس رپورٹ ہوا۔

    ترجمان کے مطابق کورونا وائرس سے مزید کوئی ہلاکت نہیں ہوئی، جس کے بعد اموات کی کل تعداد 2،188 ہوگئی جبکہ کورونا وائرس کو شکست دینے والوں کی تعداد 91,134 ہو چکی ہے۔

    ترجمان پرائمری اینڈ سکینڈری ہیلتھ کیئر کا کہنا ہے کہ اب تک857,216ٹیسٹ کیے جا چکے ہیں، عوام سے گزارش ہے کہ حفاظتی تدابیر اختیار کرکے خود کو محفوظ بنائیں اور کورونا وائرس کی علامات ظاہر ہونے پر فوراََ1033 پر رابطہ کریں۔

  • اسد عمر کی کورونا کیخلاف خیبر پختونخواہ حکومت کے اقدامات کی تعریف

    اسد عمر کی کورونا کیخلاف خیبر پختونخواہ حکومت کے اقدامات کی تعریف

    پشاور : وفاقی وزیر اسد عمر نے کورونا کیخلاف خیبر پختونخواہ حکومت کے اقدامات کی تعریف کرتے ہوئے کہا وبا موجود ہے، عوام کوعید پر ایس اوپیز پر عملدرآمد کرنا ہوگا۔

    تفصیلات کے مطابق وفاقی وزیر اسد عمر کی زیرصدارت پشاور میں این سی او سی کا اجلاس ہوا، وزیراعلی کے پی محمود خان بطور میزبان این سی او سی اجلاس میں شریک ہوئے جبکہ نیشنل کوآرڈینیٹر این سی او سی لیفٹیننٹ جنرل محمود الزمان ، کے پی حکومت کے وزرا، آئی جی پولیس ،فیصل سلطان،تانیہ ایدروس نے اجلاس میں شرکت کی جبکہ صوبائی چیف سیکرٹریز بذریعہ ویڈیو لنک اجلاس میں شریک ہوئے۔

    خیبر پختونخواہ حکومت کی جانب سے عیدالاضحیٰ، مویشی منڈیوں سے متعلقہ امور ،کورونا کا پھیلاؤ روکنے اورگائیڈ لائنز سے متعلق بریفنگ دی۔

    وفاقی وزیر اسد عمر نے کہا کے پی حکومت نے صوبے میں بہت اچھا کام کیا ہے، کے پی میں کوروناپھیلاؤمیں واضح کمی نظر آرہی ہے، کے پی حکومت کو سراہنا بھی چاہتے تھے اور مبارکباد بھی دینا چاہتے تھے تاہم وباموجودہے،عوام کوعیدپرایس اوپیزپرعملدرآمد کرنا ہوگا۔

    اسد عمر کا کہنا تھا کہ مویشی منڈیوں میں سماجی فاصلے کا خیال رکھا جائے، ماسک پہنیں، پورے خطے کے پیش نظر پاکستان میں صورت حال بہتر نظرآتی ہے، گلگت بلتستان اور کے پی کے علاقے دنیا کے خوبصورت ترین علاقوں میں آتے ہیں۔

    وفاقی وزیر نے کہا عید پر تفریحی مقامات پر جانے سے گریز کیا جائے، حالات بہتر ہوتے ہی کے پی کے سیاحت کے مقامات کھولے جائیں گے۔

    عید کوروناکے باعث جاں بحق ہونیوالوں کی یاد کے طورپر منائی جائے، وزیراعلیٰ کے پی

    وزیراعلیٰ کے پی کا کہنا تھا کہ اسدعمرنے کے پی میں این سی اوسی کی میٹنگ کی، عوام ایس اوپیز پرعمل کریں،عید سادگی سے منائیں، کورونا وبا کے دوران بہت سےلوگوں کی جانیں جاچکی ہیں۔

    محمود خان نے کہا عید کوروناکے باعث جاں بحق ہونیوالوں کی یاد کے طورپر منائی جائے ، عید کے بعد سیاحت کے شعبے سے متعلق بات چیت کی جائے گی ، عید سادگی سے مناؤں گا اور وزراودیگرسے بھی کہا ہے عید سادگی سے منائیں۔

  • کورونا سے متعلق غلط معلومات کے پھیلاؤ کو روکنے کیلیے کمیٹی تشکیل

    کورونا سے متعلق غلط معلومات کے پھیلاؤ کو روکنے کیلیے کمیٹی تشکیل

    اسلام آباد: وزیر داخلہ اعجاز شاہ کورونا سے متعلق غلط معلومات کے پھیلاؤ کو روکنے کے لیے کمیٹی تشکیل دے دی، وفاقی وزیر داخلہ نے کہا  تمام ممکن وسائل بروئے کار لاتے ہوئے ذمہ داران کا پتہ لگائیں گے۔

    تفصیلات کے مطابق کورونا سے متعلق غلط معلومات کے پھیلاؤ کو روکنے کے لیے کمیٹی تشکیل دے دی گئی، وزیر داخلہ اعجاز شاہ نے کہا کہ غلط اور غیر تصدیق شدہ معلومات پھیلانےوالوں کےخلاف کارروائی ہوگی ، مانیٹرنگ اورایکشن کوبروقت بنائیں۔

    وزیر داخلہ نے ڈائریکٹر سائبرونگ ایف آئی اے کو ہدایت کی کہ ذمہ داران کے خلاف کارروائی کی جائے، فیک نیوز اور غلط انفارمیشن پھیلانے والے ملک و عوام دوست نہیں۔

    اعجاز شاہ کا کہنا تھا کہ کمیٹی کی تشکیل کامقصدعوام تک صحیح معلومات کی رسائی کو یقینی بناناہے، غلط اورغیر تصدیق شدہ خبروں کا پھیلاؤ نقصان دہ ثابت ہوسکتا ہے، ہم تمام ممکن وسائل بروئے کار لاتے ہوئے ذمہ داران کا پتہ لگائیں گے۔

    یاد رہے اس سے قبل وفاقی وزیر برائے منصوبہ بندی اسد عمر نے اپنے بیان میں کہا تھا کہ کچھ لوگ کرونا کیسز میں کمی کو ٹیسٹنگ میں کمی قرار دے رہے ہیں، مریضوں میں کمی کی وجہ ٹیسٹ میں کمی نہیں بلکہ عوام کا بہتر رویہ ہے، احتیاط میں کمی کرنے سے وبا کا پھیلاؤ بڑھ سکتا ہے۔

    یاد رہے ملک بھر میں کرونا وائرس کے مصدقہ مریضوں کی تعداد 2 لاکھ 57 ہزار سے تجاوز کرگئی جبکہ وائرس سے اموات کی تعداد 5 ہزار 426 ہوگئی۔

  • ممتاز آرتھوپیڈک سرجن ڈاکٹر یونس سومرو کورونا سے لڑتے ہوئے جان کی بازی ہار گئے

    ممتاز آرتھوپیڈک سرجن ڈاکٹر یونس سومرو کورونا سے لڑتے ہوئے جان کی بازی ہار گئے

    کراچی : کورونا وائرس کے خلاف جنگ لڑنے والے فرنٹ لائن پر کام کرنے والے ممتاز آرتھوپیڈک سرجن ڈاکٹر یونس سومروانتقال کرگئے، ڈاکٹر یونس سومرو کو آتھو پیڈک کے شعبہ کا ماہر استاد کہا جاتا تھا۔

    تفصیلات کے مطابق کراچی میں کورونا کے باعث ممتاز آرتھوپیڈک سرجن ڈاکٹر یونس سومروانتقال کرگئے، پاکستان میڈیکل ایسوسی ایشن کے جنرل سیکریٹری کے مطابق ممتاز آرتھو پیڈک سرجن ڈاکٹر یونس سومرو کوویڈ 19کیخلاف فرنٹ لائن پر کام کر رہے تھے۔

    ڈاکٹر یونس سومرو سول اسپتال کراچی میں پروفیسر آف آرتھوپیڈک کے فرائض بھی انجام دے چکے تھے جبکہ ان دنوں وہ ضیاء الدین اسپتال کے شعبہ آرتھوپیڈک سے منسلک تھے اور کورونا کے باعث زیر علاج تھے۔۔

    ڈاکٹر یونس سومرو ڈاؤ میڈیکل کالج کراچی سمیت صحت سے متعلق مختلف ملکی اور غیر ملکی سمپوزیم میں بھی اہم کردار ادا کرتے تھے، انھیں آتھو پیڈک کے شعبہ کا ماہر استاد کہا جاتا تھا۔

    ڈاکٹر یونس کی نمازے جنازہ آج عصر نماز کے بعد کراچی سی ویو مسجد میں ادا کی جائے گی، وزیراعلیٰ سندھ سید مراد علی شاہ نے ڈاکٹر یونس سومرو کے انتقال پر گہرے دکھ کا اظہار کیا۔

    ینگ ڈاکٹرز ایسوسی ایشن کے چیئر مین ڈاکٹر عمر سلطان اور مرکزی کابینہ نے دلی رنج و غم کا اظہار کرتے ہوئے مرحوم کے اہل خانہ اور ملک بھر کے ڈاکٹرز سے دلی تعزیت کا اظہار کیا ہے۔

    وائی ڈی اے کے مطابق ملک بھر میں اب تک سو سے زائد ڈاکٹرز کوویڈ 19کیخلاف فرنٹ لائن کا کردار ادا کرتے ہوئے شہید ہوچکے ہیں۔

    اس سے قبل کرونا وائرس کا شکار نشتر میڈیکل یونیورسٹی ملتان کے وائس چانسلر ڈاکٹر مصطفیٰ کمال پاشا بھی انتقال کر گئے تھے ، ڈاکٹر مصطفیٰ کمال پاشا کو تین دن قبل سانس لینے میں شدید تکلیف ہوئی، جس کے بعد انکو وینٹی لیٹر پر منتقل کیا گیا لیکن پھیپھڑوں سے خون رِسنے کے باعث وہ خالق حقیقی سے جا ملے۔

    مرحوم کی نماز جنازہ بعد نماز عصر نشتر گراؤنڈ میں ادا کی جائے گی، وزیر خارجہ مخدوم شاہ محمود قریشی نے نامور طبیب ڈاکٹر مصطفیٰ کمال پاشا کے انتقال پرافسوس کا اظہار کیا۔

  • کورونا اورعالمی سطح پر پروازوں کی بندش، پی آئی اے کو100ارب نقصان کا خدشہ

    کورونا اورعالمی سطح پر پروازوں کی بندش، پی آئی اے کو100ارب نقصان کا خدشہ

    کراچی : کورونا اور عالمی سطح پرپروازوں کی بندش کے باعث پی آئی اے کو 100ارب نقصان کا خدشہ ہے، برطانیہ، یورپ اورامریکا نے پی آئی اے کی پروازوں پرپابندی لگارکھی ہے۔

    تفصیلات کے مطابق عالمی وبا کورونا وائرس ، برطانیہ، یورپی یونین اور امریکا کے لئے آپریشن کی بندش سے قومی ایئرلائن کو رواں سال 100ارب روپے سے زائد کے نقصان کا اندیشہ ہے ، پی آئی اے نے اس سال ریونیو کا ہدف 196 ارب روپے رکھا تھا۔

    پی آئی اے کو امریکہ میں آپریشن کی بندش کی وجہ سے 5 پروازوں پر 28 کروڑ روپے سے زائد کا نقصان کا سامنا ہے۔

    ذرائع کے مطا بق پی آئی اے کو امریکہ کے لئے 12 پروازیں آپریٹ کرنے کی خصوصی اجازت ملی تھی اور پی آئی اے نے امریکہ کے لئے صرف 7 پروازیں آپریٹ کی ، 5 مزید پروازیں امریکہ کے لئے براہ راست آپریٹ کرنا تھی۔ لیکن امریکی ڈیپارٹمنٹ آف ٹرانسپورٹ نے پی آئی اے کی پروازوں پرپابندی لگاتے ہوئے خصو صی پروازوں کا اجازت نامہ منسوخ کردیا تھا۔

    یورپی یونین کی جانب سے پابندی کی وجہ سے پی آئی اے کو برطانیہ اور یورپ سے33ارب روپے سے زائد روینیو کے نقصان کا خدشہ ہے، پی آئی اے برطانیہ کیلئے ہفتہ وار 23پروازیں آپریٹ کررہی تھی جبکہ یورپ کیلئے 6پرواز آپریٹ ہوتی تھی۔

    سعودی عرب میں بین الاقوامی پروازوں کی بندش سے رواں سال پی آئی اے حج آپریشن بھی نہیں ہو سکا ، جس کے باعث قومی ایئرلائن کو 12ارب روپے کا نقصان کا سامنا ہے۔

    پی آئی اے کو عمرہ سیزن نہ ہونے کی وجہ سے بھی 5 ماہ کے دوران ساڑھے نو ارب روپے سے زائد کا نقصان کا سامنا رہا، پی آئی اے عمرہ سیزن میں ایک سال کے دوران 22 ارب روپے کا ریوینو حاصل کرتا ہے ، کورونا وائرس کی وجہ عمرہ زایرین پر پابندی کی وجہ سے بھی پی آئی اے کو نقصان پہنچا جبکہ کورونا وائرس کی وجہ ے علاقائی آپریشن بھی بری طرح متاثر ہوا۔