ARYNews.tv | Urdu – Har Lamha Bakhabar

Tag: کورکمانڈرز کانفرنس

  • کورکمانڈرز کانفرنس :عسکری قیادت عوام کی حمایت سے اپنی آئینی ذمہ داریاں نبھانے کیلئے پُرعزم

    کورکمانڈرز کانفرنس :عسکری قیادت عوام کی حمایت سے اپنی آئینی ذمہ داریاں نبھانے کیلئے پُرعزم

    راولپنڈی : آرمی چیف جنرل عاصم منیر کی زیر صدارت کورکمانڈرز کانفرنس میں دہشت گردی کی باقیات کیخلاف جاری آپریشنز پر اطمینان کا اظہار کرتے ہوئے کہا کہ عسکری قیادت عوام کی حمایت سے اپنی آئینی ذمہ داریاں نبھانے کیلئے پُرعزم ہیں۔

    تفصیلات کے مطابق پاک فوج کے شعبہ تعلقات عامہ آئی ایس پی آر کی جانب سے جاری اعلامیے میں کہا گیا ہے کہ آرمی چیف جنرل سیدعاصم منیرکی زیرصدارت257ویں کورکمانڈرز کانفرنس جی ایچ کیو میں ہوئی۔

    آئی ایس پی آر نے بتایا کہ کورکمانڈرز کانفرنس میں پاکستان کو درپیش بیرونی اور اندرونی سیکیورٹی چیلنجز کا تفصیل سے جائزہ لیا گیا اور خطے کی مجموعی سیکیورٹی صورتحال بھی زیر غور آئی۔

    کانفرنس میں دہشت گردی کی باقیات کیخلاف جاری آپریشنز پر اطمینان کا اظہار کرتے ہوئے کہا کہ عسکری قیادت ہر طرح کے چیلنجز سے نمٹنے کے لیے تیار ہے۔

    کانفرنس نے شرکاء نے واضح کیا کہ عسکری قیادت ملک کو درپیش چیلنجز سے پوری طرح آگاہ ہے اور اپنے آئینی مینڈیٹ کے تحت اپنی زمہ داریاں پوری کرنے کےلئے مکمل طور پر تیار ہے۔

    اعلامیے میں کہا کہ سیکیورٹی فورسز پاکستان کے عوام کی حمایت سے اندرونی اور بیرونی خطرات سے نمٹنے کےلئے پرعزم ہیں، جبکہ دہشتگردی کی لعنت سے نمٹنے کےلئے اجتماعی قومی اپروچ وقت کہ ضرورت ہے۔

    آئی ایس پی آر کا کہنا تھا کہ مغربی سرحد پر سیکیورٹی فورسز دہشت گردوں کے خلاف خفیہ معلومات کی بناء پر آپریشن کر رہی ہیں۔

    کور کمانڈرز کانفرنس کے شرکاء نے واضح کیا کہ دہشتگردی کی لعنت سے نمٹنے کےلئے حکومت اور عوام کے تعاون سے طویل مدت سے نبرد آزما ہیں اور حکومت کی منظوری سے انسداد دہشتگردی مہم کو منطقی انجام تک لے جائیں گے۔

    کانفرنس کے شرکاء نے حکومت نیشنل سیکیورٹی کمیٹی کی طرف سے متعین کردہ اہداف کو یقینی بنانے کے عزم کا اعادہ کیا اور اس بات پر زور دیا کہ اہداف کے حصول کےلئے تمام جز ملکر منظم کاوشیں کریں گے۔

  • کورکمانڈرز کانفرنس ، افغانستان کراس بارڈ سے بڑھتے فائرنگ کے واقعات کا سختی سے نوٹس

    کورکمانڈرز کانفرنس ، افغانستان کراس بارڈ سے بڑھتے فائرنگ کے واقعات کا سختی سے نوٹس

    راولپنڈی : آرمی چیف جنرل قمر جاوید باجوہ کی زیرصدارت کورکمانڈرز کانفرنس میں افغانستان کراس بارڈ سے بڑھتے فائرنگ کے واقعات کا سختی سے نوٹس لیا گیا ، شرکاء نے کہا افغانستان میں دہشت گردگروپ سراٹھارہےہیں، افغان سرزمین پاکستان کیخلاف استعمال ہونےسے روکا جائے۔

    تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر اپنے پیغام میں بتایا کہ آرمی چیف جنرل قمر جاوید باجوہ کی زیرصدارت کورکمانڈرز کانفرنس ہوئی ، کانفرنس میں عالمی،علاقائی،مقامی سیکیورٹی صورتحال پرتبادلہ خیال کیا گیا اور ایل اوسی ورکنگ باؤنڈری،پاک افغان بارڈرصورتحال بھی زیرغور آئی۔

    ڈی جی آئی ایس پی آر کا کہنا تھا کہ اجلاس میں ملک کودرپیش چیلنجزاورآپریشنل تیاریوں پر بھی غور کیا گیا ، آرمی چیف نے پاک فوج کی آپریشنل تیاریوں پراظہار اطمینان کیا۔

    کورکمانڈرز کانفرنس میں افغان امن عمل میں پیشرفت اور اس کے بارڈر پراثرات پر بھی غور کیا گیا اور شرکا نے علاقائی امن واستحکام کےفروغ کیلئے مکمل تعاون کےعزم کا اعادہ کرتے ہوئے افغانستان کراس بارڈسےبڑھتے فائرنگ کےواقعات کاسختی سے نوٹس لیا۔

    اجلاس میں شرکاء نے کہا افغانستان میں دہشت گردگروپ سراٹھارہےہیں، افغان سرزمین پاکستان کیخلاف استعمال ہونےسےروکاجائے ، علاقائی سیکیورٹی صورتحال میں مؤثربارڈرکنٹرول منیجمنٹ ضروری ہے۔

    ڈی جی آئی ایس پی آر نے کہا پاکستان نےبارڈرکنٹرول مینجمنٹ کےلئےمؤثراقدامات کررکھےہیں، افغانستان بھی بہترمینجمنٹ کیلئےضروری اقدامات کرے۔

    میجر جنرل بابر افتخار کا کہنا تھا کہ ضم قبائلی اضلاع،بلوچستان میں سماجی واقتصادی اقدامات پربھی گفتگو ہوئی ، سماجی واقتصادی ترقی سےامن کومزید تقویت ملے گی۔

    آرمی چیف نے کورونا تیسری لہرمیں سول انتظامیہ کی بھرپورمددپرفارمیشنزکےکردارکوسراہا اور کہا فارمیشنزکےتعاون سے وبا کے پھیلاؤ کے روک تھام میں مددملی۔

  • پاک فوج قومی اداروں کی مدد سے تمام چیلنجز سے نمٹنےکیلئےتیار ہے، آرمی چیف

    پاک فوج قومی اداروں کی مدد سے تمام چیلنجز سے نمٹنےکیلئےتیار ہے، آرمی چیف

    راولپنڈی: سپہ سالار پاک فوج جنرل قمرجاوید باجوہ کا کہنا ہے کہ پاک فوج قومی اداروں کی مدد سے تمام چیلنجز سےنمٹنےکیلئے تیار ہے۔

    تفصیلات کے مطابق آرمی چیف کی زیر صدارت جی ایچ کیو میں 237ویں کور کمانڈرز کانفرنس کا انعقاد کیا گیا، جس میں خطے کی سیکیورٹی صورت حال سمیت قومی سلامتی کے معاملات اور بارڈرز کی صورتحال خصوصی طور پر مقبوضہ کشمیر میں بھارتی مظالم کا بھی تفصیل سے جائزہ لیا گیا۔

    https://twitter.com/OfficialDGISPR/status/1331210925945319425?s=20

    ڈی جی آئی ایس پی آر کے مطابق کور کمانڈرز کانفرنس میں افغان امن عمل میں مثبت پیش رفت پر بھی غور کیا گیا، اجلاس کے شرکا نے پاکستان کو غیر مستحکم کرنے کیلئے بھارتی ریاستی دہشتگردی پر تشویش کا اظہار کیا اس کے علاوہ سی پیک سبوتاژ کرنے کیلئے بھارت کی دہشتگردوں کو مالی امداد، ٹریننگ کیمپس پر بھی تشویش کا اظہار کیا۔

    ڈی جی آئی ایس پی آر کے مطابق شرکا سے خطاب میں آرمی چیف نے کہا کہ پاک فوج قومی اداروں کی مدد سے تمام چیلنجز سے نمٹنے کیلئےتیار ہے، ہم ان چیلنجرز کو امن واستحکام کا موقع بنائیں گے، کانفرنس کےشرکا کی جانب سے بھی مادر وطن کے دفاع کویقینی بنانےکیلئےعزم کااعادہ کیا گیا۔

    بعد ازاں کور کمانڈر کانفرنس کا اعلامیہ جاری کیا گیا، اعلامیے کے مطابق اجلاس میں سی پیک کیخلاف بھارتی سازشوں، دہشتگردوں کی مالی معاونت کے ثبوتوں کا جائزہ لیا گیا۔

    اعلامیے میں کہا گیا کہ بھارت پاکستان، بالخصوص آزاد کشمیر میں دہشتگردوں کی مالی معاونت کر رہا ہے، بھارت کی بلوچستان، گلگت بلتستان میں بھی دہشتگردوں کی مالی معاونت خطےکے امن کیلئے دھچکہ ہے، بھارتی دہشتگردی کےناقابل تردید ثبوت موجود ہیں۔

    ڈی جی آئی ایس پی آر کے مطابق جاری اعلامیے میں اس عزم کا اظہار کیا گیا کہ بھارتی فائرنگ سے پاکستانی شہریوں کومحفوظ بنایا جائے گا، اس کے علاوہ کسی بھی جارحیت سے ملک کو محفوظ رکھا جائے گا، آرمی چیف نے کور کمانڈرز کو وبا پر قابو پانے کیلئےقومی کوششوں میں ہاتھ بٹانےکی ہدایت کرتے ہوئے کہا کہ پاکستان اور پاکستانیوں کے لیے امن کا قیام ہمارا فرض ہے۔

  • آرمی چیف کا عید اور محرم کے دوران ہر ممکن احتیاطی تدابیر اختیارکر نے پر زور

    آرمی چیف کا عید اور محرم کے دوران ہر ممکن احتیاطی تدابیر اختیارکر نے پر زور

    راولپنڈی: آرمی چیف جنرل قمر جاوید باجوہ نے عید اور محرم کے دوران ہر ممکن احتیاطی تدابیر اختیارکر نے پر زور دیا ہے۔

    تفصیلات کے مطابق آرمی چیف جنرل قمر جاوید باجوہ کی زیرصدارت 233 ویں کورکمانڈرز کانفرنس میں پاک فوج کی تیاریوں اور علاقائی سیکیورٹی صورتحال پر تبادلہ خیال کیا گیا۔

    ڈی جی آئی ایس پی آر کے مطابق اجلاس میں داخلی اور بیرونی سیکیورٹی خدشات پر بات چیت کی گئی۔ آرمی چیف کو کرونا وبا کی روک تھام اور ٹڈی دل پر قابو پانے کے امور پر بریفنگ دی گئی۔

    آرمی چیف نے کرونا اور ٹڈی دل پر قابو پانے کی کوششوں کی تعریف کرتے ہوئے عید اور محرم الحرام کے دوران ہر ممکن احتیاطی تدابیر اختیار کرنے پر زور دیا۔

    کور کمانڈرز کانفرنس میں 5اگست کے بعد مقبوضہ کشمیر کی صورتحال اور بھارتی ظلم پر بھی گفتگو کی گئی۔کانفرنس کے شرکا نے کشمیریوں کے حق خودارادیت کی جدوجہد کو خراج تحسین پیش کیا۔

    ڈی جی آئی ایس پی آر کے مطابق آرمی چیف نے پاک فوج کی پیشہ ورانہ تیاریوں پر اطمینان کا اظہار کرتے ہوئے ملکی سیکیورٹی کے لیے خطرہ بننے والی ہر کوشش کو ناکام بنانے کے عزم کا اعادہ کیا۔

  • آرمی چیف کی زیرصدارت کورکمانڈرزکانفرنس، جیواسٹریٹیجک اورسیکیورٹی صورتحال پرغور

    آرمی چیف کی زیرصدارت کورکمانڈرزکانفرنس، جیواسٹریٹیجک اورسیکیورٹی صورتحال پرغور

    راولپنڈی : آرمی چیف آف اسٹاف جنرل قمر جاوید باجوہ کی زیر صدارت کورکمانڈرز کانفرنس کا انعقاد کیا گیا، جس میں امن واستحکام کی فضا کو مزید سازگار بنانے کے امور کا جائزہ لیا گیا۔

    پاک فوج کے شعبہ تعلقات عامہ آئی ایس پی آر سے جاری بیان کے مطابق آرمی چیف کی زیر صدارت کور کمانڈرزکانفرنس جنرل ہیڈ کوارٹر (جی ایچ کیو ) میں منعقد کی گئی، کانفرنس میں جیواسٹریٹیجک اور سیکیورٹی صورتحال پر تفصیلی گفتگو کی گئی۔

    ڈی جی آئی ایس پی آر کا کہنا ہے کہ کانفرنس میں امن واستحکام کی فضاکومزیدسازگاربنانےکےامورکاجائزہ لیاگیا جبکہ آپریشن ردالفساد میں ہونے والی پیشرفت اور کامیابیوں کو بھی زیر غور لایا گیا۔

    میجر جنرل آصف غفور نے کہا کانفرنس میں انسداد دہشت گردی آپریشن سے دیرپا امن واستحکام کے فروغ کیلئے اقدامات پرغور کیا گیا۔

    آرمی چیف کا کہنا تھا کہ مشترکہ کوششوں سےمحرم الحرام میں بہترسیکیورٹی ممکن ہوئی جبکہ شرکا کو دورہ چین سے متعلق بھی آگاہ کیا۔

    کور کمانڈرزکانفرنس کے شرکا نے یوم دفاع پر شہدا کو بھرپورخراج عقیدت پیش کرنے پر قوم سے اظہار تشکر کیا۔

  • جنرل قمرباجوہ کی زیرصدارت کورکمانڈرز کانفرنس کا انعقاد

    جنرل قمرباجوہ کی زیرصدارت کورکمانڈرز کانفرنس کا انعقاد

    راولپنڈی: آرمی چیف آف اسٹاف جنرل قمر جاوید باجوہ کی زیر صدارت کورکمانڈرز کانفرنس کا انعقاد کیا گیا جس میں ملک کے امن و استحکام کے لیے حاصل کی جانے والی کامیابیوں کے سلسلے کو جاری رکھنے پر اتفاق کیا گیا۔

    پاک فوج کے شعبہ تعلقات عامہ آئی ایس پی آر سے جاری بیان کے مطابق آرمی چیف کی زیر صدارت کور کمانڈرزکانفرنس جنرل ہیڈ کوارٹر میں منعقد کی گئی جس میں ملک کے داخلی و خارجی سیکیورٹی صورتحال پر تفصیلی گفتگو کی گئی۔

    ڈی جی آئی ایس پی آر کا کہنا ہے کہ کانفرنس میں شدت پسندوں کے خلاف جاری آپریشن اور خوشحال بلوچستان پروگرام پر غور کیا گیا جبکہ دیرپا امن و استحکام کے لیے حاصل ہونے والی کامیابیوں کو آگے لے کر چلنے کے عزم کا اظہار بھی کیا گیا۔

    واضح رہے کہ گزشتہ برس نومبر میں آرمی چیف آف اسٹاف کی جانب سے خوشحال بلوچستان کے پیکج کا آغاز کیا گیا تھا جس کا مقصد صوبے میں معاشی استحکام اور سیکیورٹی صورتحال کو بہتر بنانا ہے۔

  • دہشت گردی سے پاک پاکستان چاہتے ہیں، آرمی چیف

    دہشت گردی سے پاک پاکستان چاہتے ہیں، آرمی چیف

    راولپنڈی: ملکی عسکری قیادت نے پاکستان میں دہشت گردی کے واقعات میں بھارتی خفیہ ایجنسی را کے ملوث ہونے کا سختی نوٹس لیا ہے اور اس عزم کا اظہار کیا ہے کہ ہر قیمت پر دہشت گردی سے پاک پاکستان یقینی بنایا جائے گا۔

    پاک فوج کے سربراہ جنرل راحیل شریف کی سربراہی میں منعقدہ ایک سو بیاسویں کور کمانڈر کانفرنس میں پاک فوج کی پیشہ وارانہ اور تربیتی امور سمیت اندرونی اور بیرونی سیکورٹیٰ کی صورتحال پر تبادلہ خیال کیا گیا جبکہ دہشت گردوں کے خلاف جاری آپریشن ضرب عضب اور خفیہ معلومات پر کیے جانے والے آپریشن پر اطمینان کااظہار کیا گیا۔

     آرمی چیف نے بتایا کہ قوم کی مدد سے آپریشن ضرب عضب میں نمایاں کامیابی ملی ہیں اور دہشت گردوں کو محدود کردیا گیا ہے، انہوں نے ہدایت کی کہ ملک بھر میں دہشت گردوں اور جرائم پیشہ عناصر کے خلاف کارروائیاں مزید تیز کی جائیں،کانفرنس میں پاکستان میں دہشت گردی کے واقعات میں را کے ملوث ہونے کا سختی سے نوٹس لیا گیا۔

    جنرل راحیل شریف کا کہنا تھا کہ دہشت گردی سے پاک پاکستان ہمارا قومی عزم ہے۔ دہشت گردوں نے ہزاروں بے گناہ شہریوں بشمول بچوں کو شہید کیا، قانون نافذ کرنے والے ادارے اور پاک فوج ان دہشت گردوں کے خلاف جان کی قربانی دے کر جدوجہد کررہے ہیں، یہ قربانیاں رائیگاں نہیں جائیں گی، اس جنگ کو منطقی انجام تک پہنچایا جائے گا اور ہر قیمت پر ملک کو ان عناصر سے پاک کیا جائے گا۔

     انہوں نے کہا کہ کراچی میں آپریشن بلاامتیاز اور غیر سیاسی ہے اور ملک میں امن و امان کو یقینی بنایا جائے گا۔

  • کورکمانڈرز کانفرنس، آپریشن ضرب عضب پرتبادلہ خیال

    کورکمانڈرز کانفرنس، آپریشن ضرب عضب پرتبادلہ خیال

    راولپنڈی: آرمی چیف جنرل راحیل شریف کی زیر صدار ت کور کمانڈررز کانفرنس میں پاک فوج کے پیشہ وارانہ اور تربیتی امور پر تبادلہ خیال ہوا۔

    پاک فوج کے سربراہ جنرل راحیل شریف کی زیر صدار ت کور کمانڈررز کانفرنس جی ایچ کیو راولپنڈی میں ہوئی ، معمول کی اس ماہانہ کور کمانڈڈرز کانفرنس کے دوران پاک فوج کے پیشہ وارانہ اور تربیتی امور پر تبادلہ خیال ہوا۔

     کانفرنس میں شدت پسندوں کے خلاف شمالی وزیرستان میں جاری آپریشن ضرب عضب اور خیبر ایجنسی میں جاری آپریشن خیبر ون میں اب تک کی کارکردگی پر اطمینان کا اظہار کیا گیا۔

     ذرائع کے مطابق کانفرنس میں آپریشن کے دوران کلیئر کئے گئے علاقوں میں آئی ڈی پیز کی واپسی کے امور پر بھی تبادلہ خیال ہوا ، جبکہ خطے کی مجموعی سیکیورٹی صورتحال سمیت پاک افغان بارڈر کے امور اور پاک افغان عسکری قیادت کے مابین رابطوں میں پیش رفت سے کانفرنس کے شرکاء کو آگاہ کیا گیا ۔

  • دہشتگردی اورفرقہ واریت کاخاتمہ کریں گے، راحیل شریف

    دہشتگردی اورفرقہ واریت کاخاتمہ کریں گے، راحیل شریف

    راولپنڈی: آرمی چیف جنرل راحیل شریف نے کہا ہے کہ دہشتگردی اورفرقہ واریت کابلاتفریق خاتمہ کیا جائےگا۔

    ترجمان پاک فوج کے مطابق آرمی چیف کی زیرصدارت کورکمانڈر کانفرنس ختم ہو گئی ، جس میں ملک کی مجموعی سیکورٹی صورتحال، پیشہ وارانہ امور پرتبادلہ خیال کیا گیا۔

    اجلاس میں قومی ایکشن پلان پرموثراندازمیں عملدرآمد کرنےکا فیصلہ کیا گیا، آرمی چیف کا کہنا تھا کہ قومی ایکشن پلان پر وفاقی اورصوبائی حکومتوں سے ملکر عملدرآمد کریں گےتاکہ دہشت گردی اور فرقہ وارایت کا بلاتفریق خاتمہ کیاجاسکے گا۔

     ترجمان پاک فوج کے مطابق کور کمانڈرز کانفرنس کا دوسرا دور کل بھی ہوگا جس میں آرمی چیف جنرل راحیل شریف بریگیڈیئر پوسٹوں پر رکی ہوئی تقرریوں کے حوالے سے اعلان کریں گے، اس کے علاوہ پاکستان اور افغانستان کے عسکری کمانڈرز کی سطح پر ہونے والے رابطوں پر بھی بات چیت کی گئی۔

  • راولپنڈی: آرمی چیف کی زیرِصدارت کورکمانڈرز کانفرنس جاری

    راولپنڈی: آرمی چیف کی زیرِصدارت کورکمانڈرز کانفرنس جاری

    راولپنڈی: آرمی چیف کی زیرصدارت کورکمانڈرز کانفرنس جاری ہے، جس میں ملکی کی سیکیورٹی صورتحال سمیت آرمی چیف کے دورۂ کابل کا جائزہ لیا جائے گا ۔

    راولپنڈی میں جاری معمول کی کورکمانڈرکانفرنس میں اندرون و بیرون ملک سیکیورٹی کی مجموعئ صورتحال اور آرمی چیف جنرل راحیل شریف کے دورہ کابل کا بھی جائزہ لیا جائے گا ، ذرائع کے مطابق کانفرنس میں آرمی چیف جنرل راحیل شریف کے مجوزہ دورہ امریکا پر بھی تبادلہ خیال ہوگا۔

    کورکمانڈر کانفرنس میں آپریشن ضربِ عضب اور آپریشن خیبر ون کی حکمت عملی اور نتائج کا جائزہ بھی لیا جائے گا۔