جنوبی وزیرستان : کور کمانڈر پشاور نے قبائلیوں کی قربانیوں کو بھرپورخراج عقیدت پیش کرتے ہوئے کہا دہشت گردوں کے خلاف بے مثال کامیابیاں قبائلیوں کی قربانیوں سے ممکن ہوئیں۔

تفصیلات کے مطابق آئی ایس پی آر کی جانب سے بیان میں کہا گیا ہے کہ کورکمانڈر پشاور لیفٹیننٹ جنرل حسن اظہر حیات نے جنوبی وزیرستان کا دورہ کیا۔

دورے میں کور کمانڈر پشاور نے سراروغہ میں محسودجرگہ کےعمائدین سے بات چیت کی۔

اس موقع پر کور کمانڈر نے قبائلیوں کی قربانیوں کو بھرپورخراج عقیدت پیش کرتے ہوئے کہا دہشت گردوں کے خلاف بے مثال کامیابیاں قبائلیوں کی قربانیوں سےممکن ہوئیں۔

لیفٹیننٹ جنرل حسن اظہر حیات کا کہنا تھا کہ مقامی لوگ سیکیورٹی فورسزکے ساتھ کندھے سے کندھا ملا کر لڑے ، پاک فوج علاقے میں سماجی واقتصادی ترقی کے لیے ہر ممکن مدد فراہم کرے گی۔

ترجمان نے بتایا کہ قبائلی عمائدین نےامن کی بحالی پر پاک فوج کا شکریہ ادا کرتے ہوئے سیکیورٹی فورسز کو مکمل حمایت کا یقین دلایا۔

وزیراعظم نواز شریف نے سوات میں فوجی چھاوٴنی کی منظوری دے دی، انکا کہنا ہے کہ سوات کے عوام اور فوج نے دہشتگردی کے خلاف بے انتہا قربانیاں دی ہیں۔

   دورہ سوات کے موقعے پر وزیراعظم نواز شریف نے چیف آف آرمی اسٹاف راحیل شریف اور کور کمانڈر پشاور خالد ربانی سے ملاقات کی، جنرل راحیل شریف نے وزیراعظم کو سوات اور ملاکنڈ ڈویژن کے حالات پر بریفنگ دی، اس موقع پر وزیراعظم نے سوات میں فوجی چھاوٴنی کے قیام کی باقاعدہ منظوری دے دی۔

اس سے پہلے وزیراعظم نے سرکٹ ہاوٴس سوات میں یوتھ لون کی تقریب سے خطاب کرتے ہوئے کہا کہ نوجوانوں کے لئے قرضہ اسکیم سے لاکھوں افراد کو روزگار اور نوکریاں ملیں گی اور اس اسکیم کی سب سے ذیادہ ضرورت خیبر پختون خواہ اور فاٹا کے جوانوں کو ہے کیونکہ دہشت گردی کی وجہ سے یہاں کے لوگوں کے کاروبار خراب ہوئے ہیں۔

وزیراعظم نے کہا کہ ہر سیاسی پارٹی کے کارکنوں کو یہ قرضہ دیا جائیگا، انہوں نے کہا کہ سوات کے لوگوں نے امن قائم کرنے کیلئے بہت قربانیاں دی ہیں،سوات کے عوام اور افواج پاکستان کی وجہ سے یہاں امن قائم ہوا ہے۔