Tag: کور کمانڈر کانفرنس

راولپنڈی: کمانڈر سدرن کمانڈ لیفٹیننٹ جنرل ناصر خان جنجوعہ نے کابل میں اپنے افغان ہم منصب سے ملاقات کی ہے۔

آئی ایس پی آر کے مطابق ملاقات میں دونوں ممالک کے درمیان سرحدی امورپر بات چیت ہوئی اورموجودہ مکینزم کو بہتر بنانے کے متعدد اقدامات زیر غور آئے۔

اس سے قبل کور کمانڈر پشاور لیفٹیننٹ جنرل ہدایت الرحمان نے بھی افغانستان کا دورہ کیا تھا، ان دوروں کا مقصددونوں ممالک کی افواج کے درمیان باہمی تعاون اوراعتماد کو فروغ دینا ہے۔

دوسری جانب پاک افغان باڈر ایریا میں آج پاک فوج،  پولیس اور ایف سی نے مشترکہ گرینڈ آپریشن کیا، آپریشن کے دوران سو سے زائد مشتبہ افغان کو گرفتار کرلیا گیا جبکہ اسحلہ بھی برآمد ہوا۔

راولپنڈی: آرمی چیف جنرل راحیل شریف کی صدارت میں کور کمانڈر کانفرنس جاری ہے۔

کور کمانڈرز کانفرنس میں ملک کی مجموعی سکیورٹی صورتحال کا جائزہ لیا جا رہا ہے, شمالی وزیرستان میں دہشت گردوں کے خلاف جاری آپریشن ضربِ عضب اور خیبر ون آپریشن میں پیش رفت اور اس میں حاصل ہونے والے اہداف کا بھی جائزہ لیا جائے گا۔

آرمی چیف جنرل راحیل شریف کور کمانڈرز کو اپنے دورۂ امریکا کی تفصیلات سے بھی آگاہ کریں گے اور انھیں اعتماد میں لیں گے۔

راولپنڈی : آرمی چیف جنرل راحیل شریف کی زیرصدارت کور کمانڈر کانفرنس میں ایک بار پھر عسکری قیادت نے دہشت گردوں کے مکمل خاتمے کاعزم دہرایا ہے۔ آرمی چیف نے کہا کہ دہشت گردوں کو منظم نہیں ہونے دیا جائے گا، جوانوں کی قربانیاں قابل قدر ہیں۔۔

آرمی چیف جنرل راحیل شریف کی زیرصدارت ایک سو چھہترویں کورکمانڈرکانفرنس میں ایک بار پھردہشت گردی کے مکمل خاتمےکا عزم دہرایا گیا، کانفرنس میں آپریشن ضربِ عضب اور خیبرایجنسی میں جاری آپریشنز پرتفصیلی بریفنگ دی گئی۔

کانفرنس میں عزم ظاہر کیا گیا کہ دہشت گردوں کو دوبارہ منظم نہیں ہونے دیا جائے گا،آرمی چیف نے دہشت گردوں کیخلاف برسرپیکار جوانوں کی ہمت ا ور حوصلے کو خراج تحسین پیش کیا اور کہا کہ شدت پسندی کیخلاف جوانوں کی قربانیوں کوقابل قدر قراردیا۔

آرمی چیف نے آپریشن متاثرین کی بحالی اور جلد گھروں کو واپسی یقینی بنانے کی بھی ہدایت کی۔