ARYNews.tv | Urdu – Har Lamha Bakhabar

Tag: کوسٹل ہائی وے

  • گوادر : کوسٹل ہائی وے پر مسلح افراد نے 6 مسافروں کو قتل کردیا

    گوادر : کوسٹل ہائی وے پر مسلح افراد نے 6 مسافروں کو قتل کردیا

    گوادر: کوسٹل ہائی وے پر مسلح افراد نے فائرنگ کرکے 6 مسافروں کو قتل کردیا ، جاں بحق افراد گوادر سے کراچی جا رہے تھے۔

    تفصیلات کے مطابق گوادر میں افسوسناک واقعہ پیش آیا ، کوسٹل ہائی وے پر مسلح افراد نے فائرنگ کردی ، جس کے نتیجے میں 6 مسافر جاں بحق ہوگئے۔

    سیکورٹی ذرائع نے بتایا گزشتہ شب گوادر کوسٹل ہائی وے پر دہشتگردوں کی جانب سے گاڑیاں روک کر مسافروں کی شناخت پریڈ کی گئی اور ناکہ بندی کے دوران فائرنگ کرکے 6 مسافروں کو قتل کیا گیا اور تین مسافروں کو یرغمال بنا کر ساتھ لے گئے۔

    سیکورٹی ذرائع کا کہنا تھا کہ ناکہ بندی کوسٹل ہائی وے کلمت کے مقام پر گئی حملہ آوروں نے دو باوزرز گاڑیوں کو بھی نذر آتش کردیا، سیکورٹی فورسز کا علاقے سرچ آپریشن جاری ہے۔

    ڈپٹی کمشنر گوادر نے بتایا کہ واقعہ کلمت کےمقام پر پیش آیا اور حملہ آوروں نے گوادر سے کراچی جانے والے مسافروں پر فائرنگ کی تاہم فورسزکی نفری حادثے کی جگہ روانہ کردی گئی ہے۔

    پولیس کا کہنا ہے کہ جاں بحق افراد گوادر سے کراچی جا رہے تھے جس میں سے ایک شخص کا تعلق ملتان سے ہے جبکہ دیگر کی شناخت کا عمل جاری ہے۔

    وزیراعظم شہباز شریف نے کلمت میں مسافروں پرفائرنگ کے واقعے کی شدید الفاظ میں مذمت کرتے ہوئے 5 افراد کے جاں بحق ہونے پر گہرے دکھ اور رنج کا اظہار کیا۔

    وزیراعظم نے واقعے کی تحقیقات کر کے ذمہ داران کا تعین اور قرارواقعی سزایقینی بنانےکی ہدایت کرتے ہوئے کہا کہ شرپسندعناصر بلوچستان کے امن و ترقی کے دشمن ہیں۔

    شہباز شریف کا کہنا تھا کہ شرپسندعناصرکی معصوم لوگوں کےخلاف بزدلانہ کارروائیاں انکی حیوانیت کی واضح عکاسی کرتی ہیں، شرپسند عناصر کے ملک دشمن عزائم کو کبھی کامیاب نہیں ہونے دیں گے۔

    وزیراعظم نے قانون نافذ کرنے والے اداروں کے اہلکاروں کی دشمن عناصر کیخلاف کارروائیوں کی پذیرائی کی اور کہا سیکیورٹی فورسز کے افسران وجوان شب وروزملک دشمن عناصرکےعزائم کو خاک میں ملا رہےہیں، مجھ سمیت پوری قوم کواپنی سیکیورٹی فورسز اورقانون نافذ کرنے والے اداروں پر فخر ہے۔

    دوسری جانب وزیر داخلہ محسن نقوی نے کلمت میں مسافروں پر فائرنگ کے واقعہ کی مذمت کی اورجاں بحق افراد کے لواحقین سے دلی ہمدردی تعزیت کا اظہار کیا۔

    انہوں نے کہا دہشت گردوں نے بزدلانہ کارروائی کرکے معصوم لوگوں کونشانہ بنایا، بے گناہ افراد کو ناحق قتل کرنا انسانیت سوز جرم ہے، شناخت کرکے مسافروں کو نشانہ بنانا بربریت اور درندگی ہے۔

    وفاقی وزیر کا مزید کہنا تھا کہ جاں بحق افراد کے لواحقین کے غم میں برابر کے شریک ہیں،بزدلانہ کارروائیاں دہشتگردی کیخلاف پختہ عزم کو کمزور نہیں کر سکتیں۔

  • بلوچستان میں کوسٹل ہائی وے کی بحالی کا کام جاری

    بلوچستان میں کوسٹل ہائی وے کی بحالی کا کام جاری

    کوئٹہ: صوبہ بلوچستان میں بارشوں اور سیلاب کے بعد کوسٹل ہائی وے اور آر سی ڈی ہائی وے کی بحالی کا کام پاک فوج کی زیر نگرانی جاری ہے، حب اور اوتھل کے علاقے میں ریلیف اور ریسکیو آپریشن بھی کیا گیا۔

    تفصیلات کے مطابق بلوچستان کے سیلاب متاثرہ علاقوں میں پاک فوج، سول انتظامیہ کے ساتھ مل کر امدادی کارروائیوں میں مصروف عمل ہے۔

    پاک فوج اور حکومت بلوچستان کے محکمہ مواصلات اور تعمیرات کے باہمی تعاون کے نتیجے میں کراچی سے کوئٹہ اور گوادر جانے والی ٹریفک کے لیے کوسٹل ہائی وے اور آر سی ڈی ہائی وے کے دونوں حصے کھول دیے گئے ہیں۔

    پاک فوج نے حب اور اوتھل کے علاقے میں سیلاب کے دوران سول حکام کے ساتھ مل کر ریلیف اور ریسکیو آپریشن بھی کیا۔

    پاک فوج کی بے لوث اور ان تھک کوششوں سے لوگوں کو نہ صرف راشن اور ادویات فراہم کی جارہی ہیں بلکہ تمام اہم شاہراہوں کی بحالی کو بھی یقینی بنایا جارہا ہے۔

    پاک فوج بلوچستان کے سیلاب زدہ علاقوں میں عوام کو ہر ممکن مدد فراہم کرتی رہے گی۔

  • اورماڑہ میں شہید ہونے والے 14 جوانوں کی نماز جنازہ حب چوکی پر ادا

    اورماڑہ میں شہید ہونے والے 14 جوانوں کی نماز جنازہ حب چوکی پر ادا

    کراچی : کوسٹل ہائی وے پر اورماڑہ کے قریب دہشتگردوں سے جھڑپ میں شہید ہونے والے چودہ سیکیورٹی اہلکاروں کی نماز جنازہ حب چوکی پر اداکر دی گئی اور لاشوں کو  کراچی منتقل کردیا گیا، شہداء میں7 ایف سی اہلکار اور 7 سیکیورٹی گارڈ شامل ہیں۔

    تفصیلات کے مطابق کوسٹل ہائی وے پر اورماڑہ کے قریب دہشت گردوں سے جھڑپ میں جاں بحق چودہ افراد کی لاشیں کراچی منتقل کردی گئیں، ترجمان ایدھی فاونڈیشن کا کہنا ہے کہ کراچی منتقل کرنے سے قبل حب کے علاقے میں اجتماعی نماز جنازہ ادا کی گئی، نماز جنازہ میں ایف سی بلوچستان کے اعلیٰ حکام نے شرکت کی۔

    کراچی منتقل کی گئی لاشوں میں سات ایف سی اہلکار اور سات سیکیورٹی گارڈز شامل ہیں، لاشوں کو ابتدائی ضابطے کی کاروائی کے بعد ورثا کے حوالے کیا جائے گا۔

    مزید پڑھیں : کوسٹل ہائی وے پر فورسز اور دہشتگردوں‌ میں‌ جھڑپ، 14 سیکیورٹی اہلکار شہید

    واضح رہے کہ بلوچستان کے علاقے اورماڑہ کے قریب فورسز اور دہشت گردوں کے درمیان جھڑپ ہوئی تھی ، جس میں ایف سی بلوچستان کیسات جوانوں نے جام شہادت نوش کیا جبکہ جھڑپ میں سات سیکیورٹی گارڈزبھی شہید ہوئے۔

    آئی ایس پی آرنے بتایا او جی ڈی سی ایل کا قافلہ فورسز کی حفاظت میں گوادر سے کراچی جا رہا تھا، جھڑپ کے دوران دہشت گردوں کو بھاری نقصان ہوا تاہم فورسز نے اوجی ڈی سی ایل کے قافلے کو علاقے سے بحفاظت نکال لیا تھا۔

  • کوسٹل ہائی وے پر بس کھائی میں جاگری، 9 افراد جاں بحق

    کوسٹل ہائی وے پر بس کھائی میں جاگری، 9 افراد جاں بحق

    گوادر: صوبہ بلوچستان میں مکران کوسٹل ہائی وے پر بس کھائی میں جا گری جس کے نتیجے میں 9 افراد جاں بحق جبکہ متعدد افراد زخمی ہوگئے۔

    تفصیلات کے مطابق بلوچستان میں مکران کوسٹل ہائی وے پر بس حادثے کا شکار ہوگئی جس کے نتیجے میں 9 افراد جان کی بازی ہار گئے جبکہ متعدد افراد زخمی ہوگئے۔

    ریسکیو حکام کے مطابق اوڑمارہ سے کراچی جانے والی بس کوسٹل ہائی وے پر بزی ٹاپ کے قریب بریک فیل ہونے کے باعث گہری کھائی میں جا گری۔ حادثے میں زخمی ہونے والے افراد کو طبی امداد کے لیے اسپتال منتقل کر دیا گیا۔

    گوادر میں بس کو حادثہ، 9 افراد جاں بحق

    اس سے قبل گزشتہ ماہ گوادر میں بس کھائی میں گرنے سے 9 افراد جاں بحق جبکہ متعدد زخمی ہوئے تھے۔ بس گوادر سے کراچی جا رہی تھی کہ بزی ٹاپ کے قریب حادثے کا شکار ہوگئی تھی۔

    بلوچستان میں ٹریفک حادثہ، 7 افراد جاں بحق

    یاد رہے کہ رواں سال اگست میں بلوچستان کے ضلع قلعہ عبداللہ میں مسافر کوچ اور پک اپ میں تصادم کے نتیجے میں 7 افراد جان کی بازی ہار گئے جبکہ ایک مسافر زخمی ہوگیا تھا۔

  • پسنی کوسٹل ہائی وے پر گاڑی کوحادثہ، 3 افراد جاں بحق

    پسنی کوسٹل ہائی وے پر گاڑی کوحادثہ، 3 افراد جاں بحق

    گوادر: صوبہ بلوچستان میں پسنی کوسٹل ہائی وے پر تیز رفتاری کے باعث گاڑی الٹ گئی جس کے نتیجے میں 3 افراد جاں بحق جبکہ 9 افراد زخمی ہوگئے۔

    تفصیلات کے مطابق پسنی کوسٹل ہائی وے پر گاڑی حادثے کا شکار ہوگئی، افسوس ناک واقعے میں 3 افراد جان کی بازی ہار گئے۔

    اسسٹنٹ کمشنر پسنی نے بتایا کہ جاں بحق افراد میں اسسٹنٹ ڈائریکٹرفشریز، خاتون اوربچہ شامل ہے، زخمیوں میں 5 خواتین اور4 بچے شامل ہیں۔

    اسسٹنٹ کمشنر کے مطابق جاں بحق اور زخمی افراد کا تعلق ایک ہی خاندان سے ہے، متاثرہ فیملی پشکان سے کراچی جا رہی تھی۔

    اس سے قبل گزشتہ روز بھکر میں ایم ایم روڈ پر فاضل اڈا کے قریب بس اور ٹریک میں تصادم ہوا جس کے نتیجے میں 5 افراد جاں بحق جبکہ 18 زخمی ہوگئے تھے۔

    کوئٹہ قومی شاہراہ پر ہولناک ٹریفک حادثہ، 13 افراد جاں بحق

    یاد رہے کہ 3 جون کو بلوچستان کے شہر ژوب میں کوئٹہ قومی شاہراہ پر قلعہ سیف اللہ کے قریب ٹرک اور وین میں آپس میں ٹکرا گئی تھی جس کے باعث تیرہ افراد جاں بحق ہوئے تھے۔

    پولیس کا کہنا تھا کہ حادثے میں جاں بحق ہونے والے 5افراد کا تعلق ایک ہی خاندان سے ہے، مسافر وین کوئٹہ سے ژوب آرہی تھی۔

  • کوسٹل ہائی وے واقعے میں بیرونی ہاتھ ملوث ہے، دفتر خارجہ

    کوسٹل ہائی وے واقعے میں بیرونی ہاتھ ملوث ہے، دفتر خارجہ

    اسلام آباد: دفتر خارجہ کے ترجمان نے کہا ہے کہ بلوچستان کوسٹل ہائی وے واقعے میں بیرونی ہاتھ ملوث ہے جسے جلد بے نقاب کیا جائے گا۔

    دفتر خارجہ کے ترجمان کی جانب سے ہفتہ وار بریفنگ میں بلوچستان میں پیش آنے والے کوسٹل ہائی وے واقعے کی شدید الفاظ میں مذمت کی گئی۔ڈاکٹر فیصل کا کہنا تھا کہ بلوچستان دہشت گردی میں بیرونی ہاتھ ملوث ہے جس کو جلد بے نقاب کیا جائے گا،بھارت بلوچستان میں ملوث رہا اس لیے کلبھوشن وہاں سے پکڑا گیا۔

    اُن کا مزید کہنا تھا کہ پاکستان افغانستان میں مفاہمتی عمل کیلئےسہولت کاری جاری رکھےگاگزشتہ بریفنگ کےدوران ریمارکس کاغلط مطلب لیاگیا۔ یاد رہے مکران کوسٹل ہائی وے پر بزی ٹاپ کے قریب گزشتہ شب دہشت گردی کا واقعہ پیش آیا تھا جس میں نامعلوم دہشت گردوں نے شناخت کے بعد فائرنگ کر کے 14 افراد کو قتل کردیا۔ ذرائع کا کہنا تھا تمام افرادکوبسوں سے اتار کرقتل کیاگیا۔

    مزید پڑھیں: فوادچوہدری نے کوئٹہ ، حیات آباد اور کوسٹل ہائی وے واقعے کوبہیمانہ قرار دے دیا

    ترجمان پاک بحریہ کا کہنا ہے کہ دہشت گردوں نے بسوں میں سوار14 افراد کوشہید کیا، شہدا میں پاک بحریہ کے اہلکاربھی شامل ہیں۔ اس سے قبل گزشتہ ماہ کوئٹہ میں سریاب روڈ پر نامعلوم ملزمان کی جانب سے فائرنگ کی گئی تھی جس کے نتیجے میں بلوچستان یونیورسٹی کے سپرنٹنڈنٹ جان کی بازی ہارگئے تھے۔

    دوسری جانب وزیراعلیٰ بلوچستان جام کمال نے کوسٹل ہائی وے پرفائرنگ کے واقعے کی مذمت کرتے ہوئے کہا کہ واقعہ ملک کوبدنام اور بلوچستان کی ترقی روکنے کی گھناؤنی سازش ہے، ترقی اور امن کا سفر ہر صورت جاری رہے گا۔ وزیر داخلہ بلوچستان نے بھی کوسٹل ہائی وے پر فائرنگ کےواقعےکی مذمت کرتے ہوئے کہا سیکیورٹی ادارے جلدملزمان تک پہنچ جائیں گے ، گرفتاری کےلیےٹیمیں تشکیل دے دی گئیں، عوام کی جان و مال کی حفاظت کرنا ہماری ذمہ داری ہے۔

  • کوئٹہ: کوسٹل ہائی وے پرفائرنگ سے 14 افراد قتل

    کوئٹہ: کوسٹل ہائی وے پرفائرنگ سے 14 افراد قتل

    کوئٹہ: صوبہ بلوچستان میں کوسٹل ہائی وے پر دہشت گردوں نے فائرنگ کرکے 14 افراد کو قتل کردیا۔

    تفصیلات کے مطابق بلوچستان میں کوسٹل ہائی وے پر دہشت گردوں کی فائرنگ سے 14 افراد جان کی بازی ہار گئے۔

    لیویز ذرائع کے مطابق کوسٹل ہائی وے پر بزی ٹاپ کے قریب تمام افراد کو بسوں سے اتار کر قتل کیا گیا۔ قانون نافذ کرنے والے اداروں نے علاقے کو گھیرے میں لے کر دہشت گردوں کی تلاش شروع کردی۔

    لیویز ذرائع کا کہنا ہے کہ فائرنگ کے واقعے میں جاں بحق افراد کی لاشیں اورماڑہ کے اسپتال میں منتقل کردی گئیں۔

    وزیراعلیٰ بلوچستان جام کمال نے کوسٹل ہائی وے پرفائرنگ کے واقعے کی مذمت کرتے ہوئے کہا کہ واقعہ ملک کوبدنام اور بلوچستان کی ترقی روکنے کی گھناؤنی سازش ہے۔

    جام کمال نے مزید کہا کہ ترقی اور امن کا سفر ہر صورت جاری رہے گا۔

    ترجمان پاک بحریہ کا کہنا ہے کہ دہشت گردوں نے بسوں میں سوار14 افراد کوشہید کیا، شہدا میں پاک بحریہ کے اہلکاربھی شامل ہیں۔

    اس سے قبل گزشتہ ماہ کوئٹہ میں سریاب روڈ پر نامعلوم ملزمان کی جانب سے فائرنگ کی گئی تھی جس کے نتیجے میں بلوچستان یونیورسٹی کے سپرنٹنڈنٹ جان کی بازی ہارگئے تھے۔

    بلوچستان: نامعوم افراد کی فائرنگ، 5 افراد ہلاک

    یاد رہے کہ 2 فروری کو بلوچستان کے علاقے کیچ میں نامعلوم افراد نے فائرنگ کرکے 5 افراد کو ہلاک کردیا تھا۔

    لیویز حکام کا کہنا تھا کہ زمران کے پہاڑی علاقوں میں لاشوں کی اطلاع ملی جس پر لیویز اہلکار موقع پر پہنچے اور لاشوں کو قبضے میں لے کر اسپتال منتقل کیا۔

    لیویز حکام کا کہنا تھا کہ ابتدائی تفتیش کے مطابق مارے جانے والے افراد منشیات ڈیلرتھے، جنہیں نامعلوم افراد نے فائرنگ کرکے قتل کیا۔

  • گوادر میں مسافر بس اورٹرک کا تصادم،5 افراد جاں بحق 15 زخمی

    گوادر میں مسافر بس اورٹرک کا تصادم،5 افراد جاں بحق 15 زخمی

    گوادر : گوادرکے قریب کوسٹل ہائی وے پر ٹرک اور مسافر کوچ میں تصادم میں 5 افراد جاں بحق اور 15 سے زائد مسافر زخمی ہو گئے ہیں۔

    لیویز ذرائع کے مطابق کوسٹل ہائی وے پر مسافر بس سامنے سے آتے ٹرک سے ٹکرا گئی، تصادم اتنا شدید تھا کہ مسافر بس مکمل طور پر تباہ ہو گئی جب کہ بس میں سوار مسافروں میں سے 5 افراد موقع پر دم توڑ گئے۔

    ریسکیو اداروں نے فوری طور پر پہنچ کر امدادی کاموں کا آغاز کردیا اور حادثے میں زخمی ہونے والے 15 سے زائد مسافروں کو قریبی اسپتال منتقل کردیا جہاں انہیں فوری طبی امداد دی جا رہی ہے جہاں 4 زخمیوں کی حالت تشویشناک بتائی جا رہی ہے۔

    لیویز حکام کے مطابق ہلاک ہونے والے مسافروں کے ورثاء کو اطلاع دے دی گئی ہے،ورثاء کے اسپتال پہنچنے کے بعد میتیں آبائی علاقوں کی جانب روانہ کردی جائیں گی۔

    پولیس کا کہنا ہے کہ زخمی مسافرابھی بیان قلم بند کرانے کے قابل نہیں ہیں، طبی امداد ملنے کے بعد مسافروں کے بیانات قلم بند کیے جائیں گے اس کے بعد ہی حادثے کی وجہ کا تعین کیا جاسکتا ہے اس سے قبل کچھ کہنا نا ممکن ہے۔

    تا ہم خیال کیا جا رہا ہے کہ حادثہ ٹرک ڈرائیور کی بے احتیاطی اور تیز رفتاری کے باعث پیش آیا ہے۔

  • حب: کوسٹل ہائی وے پر2مختلف حادثات،8افراد جاں بحق،10زخمی

    حب: کوسٹل ہائی وے پر2مختلف حادثات،8افراد جاں بحق،10زخمی

    حب: کوسٹل ہائی وے پر ٹریفک کے دو مختلف حادثات میں آٹھ افراد جاں بحق اورر دس افراد زخمی ہوگئے جس میں سے سات کی حالت تشویشناک بتائی جاتی ہے۔

    مکران کوسٹل ہائی وے بزی اسٹاپ کے قریب پہلے حادثہ ٹرک الٹنے کے باعث پیش آیا، جس میں دو افراد جاں بحق ہوئے، حادثے میں ایک شخص زخمی بھی ہوا۔

    دوسرے حادثے میں کراچی سے تربت جانے والی مسافر کوچ مند کے مقام پر الٹ گئی، جس سے چھ افراد کی لاشیں نکال لی گئی ہیں، ابھی تک دو افراد کی لاشیں مسافر کوچ کے تلے دبی ہوئی ہیں جس کو ریسکیو ٹیمیں نکالنے کی کوشش کررہی ہیں۔