کولمبیا کے علاقے کالی میں ایئربیس پر کار بم دھماکے اور ڈرونز سے حملوں کے نتیجے میں 8 افراد لقمہ اجل بن گئے جبکہ 36 زخمی ہو گئے۔
غیر ملکی ذرائع ابلاغ کے مطابق پولیس کا کہنا ہے کہ حملہ آور کا ہدف ملٹری ایوی ایشن اسکول تھا، دھماکا اس قدر شدید تھا کہ قریبی عمارتیں بھی لرز اٹھیں اور لوگوں نے قریبی عمارتیں بھی خالی کردیں۔
غیرملکی میڈیا کا کہنا ہے کہ زخمیوں میں سے کئی افراد کی حالت نازک ہے، دھماکے سے علاقے میں افراتفری پھیل گئی جبکہ حملے کی وجہ کا تاحال علم نہیں ہوسکا ہے۔
دوسری جانب امدادی کارکن فوری طور پر موقع پر پہنچ گئے اور زخمیوں کو قریبی اسپتال منتقل کردیا گیا ہے۔
کولمبیا میں 57 فوجی اغواء کرلیے گئے
کولمبیا کی فوج کی جانب سے یہ اعلان کیا گیا ہے کہ ملک کے جنوب مغربی پہاڑی علاقے میں شہریوں نے 57 فوجیوں کو اغوا کرلیا گیا ہے، جو ایف اے آر سی کے علیحدہ گروپوں کے دباؤ میں آئے تھے۔
رپورٹ کے مطابق فوجی حکام کا اس حوالے سے کہنا ہے کہ فوجیوں کو اغوا کرنے کا واقعہ کاوکا کے علاقے کے ایل پلیٹیڈو کے قریب پیش آیا، جو کہ ملک میں کوکین کی پیداوار کے حوالے سے ایک اہم ترین علاقہ ہے اور جہاں اب بھی شدید کشیدگی کی لہر جاری ہے۔
رپورٹس کے مطابق فوجیوں کا یہ اغوا اس بات کی علامت ہے کہ کولمبیا کے جاری تنازعہ میں کشیدگی مزید بڑھتی جا رہی ہے، خاص طور پر ان علاقوں میں جہاں منشیات کی تجارت اور غیر قانونی گروہ سرگرم ہیں۔
کولمبیا یونیورسٹی نے وفاقی فنڈنگ بحال کرنے کیلئے ٹرمپ انتظامیہ سے ڈیل کرلی
ایف اے آر سی کے علیحدہ شدہ دھڑے ان علاقوں میں اپنی گرفت مضبوط کر چکے ہیں، جس کے باعث یہاں کی عوام اور سکیورٹی فورسز دونوں کو شدید مشکلات کا سامنا ہے۔
