ARYNews.tv | Urdu – Har Lamha Bakhabar

Tag: کولوراڈو

  • امریکی ریاست میں مٹر جتنے اولے برس پڑے، لوگ گھروں میں محصور

    امریکی ریاست میں مٹر جتنے اولے برس پڑے، لوگ گھروں میں محصور

    کولوراڈو: امریکی ریاست کولوراڈو میں مٹر جتنے اولے برس پڑے، لوگ گھروں میں محصور ہو گئے ہیں۔

    امریکی میڈیا رپورٹس کے مطابق ریاست کولوراڈو میں مٹر کے سائز کے اولوں کے ساتھ شدید بارش ہوئی ہے، موٹے موٹے اولوں اور تیز بارش کے بعد ریاست میں سیلابی صورت حال کا سامنا ہے۔

    سڑکیں سفید ہو گئی ہیں، اور شدید ژالہ باری نے لوگوں کو گھروں میں محصور کر دیا ہے۔

    کولوراڈو کے ایک بڑے حصے پر پیر سے سیلاب کا خطرہ منڈلا رہا ہے، جس میں ڈینور شہر کا علاقہ بھی شامل ہے، ریاست بھر میں متعدد موسمی انتباہات جاری کیے جا چکے ہیں جن میں ڈینور سمیت کئی علاقوں میں شدید بارشوں کے نتیجے میں سیلاب کی وارننگ بھی شامل ہے۔

  • ٹریفک پولیس نے تیز رفتاری پر گاڑی رکوائی تو ڈرائیونگ سیٹ پر کتا بیٹھا مل گیا

    ٹریفک پولیس نے تیز رفتاری پر گاڑی رکوائی تو ڈرائیونگ سیٹ پر کتا بیٹھا مل گیا

    کولوراڈو: امریکا میں ایک شخص نے چالان سے بچنے کے لیے کتے کو اسٹیئرنگ تھما دیا، جب ٹریفک پولیس نے تیز رفتاری پر گاڑی رکوائی تو ڈرائیونگ سیٹ پر کتا بیٹھا مل گیا۔

    امریکی میڈیا رپورٹس کے مطابق ریاست کولوراڈو میں ایک شخص نے تیز رفتاری پر جرمانے سے بچنے کے لیے پولیس کو یہ کہتے ہوئے گمراہ کرنے کی کوشش کی کہ دراصل اس کا پالتو کتا ڈرائیونگ کر رہا تھا۔

    سپرنگ فیلڈ پولیس ڈیپارٹمنٹ کے مطابق ہفتے کی رات ساڑھے گیارہ بجے انھوں نے ایک تیز رفتار گاڑی کو روکا، جب گاڑی رکی تو ڈرائیونگ سیٹ پر کتا بیٹھا ہوا تھا، اور پسنجر سیٹ کی جانب سے ایک شخص نکلا۔

    اس نے دعویٰ کیا کہ وہ گاڑی نہیں چلا رہا تھا، تاہم جب اہل کار نے اس سے شراب نوشی کے بارے استفسار کیا تو وہ بھاگ کھڑا ہوا، پولیس کے مطابق وہ نشے میں تھا، تاہم چند قدم بعد ہی پکڑا گیا۔

    پولیس اہل کار نے شبہ ظاہر کیا کہ اس نے چالان سے بچنےکے لیے کتے کے ساتھ ڈرائیونگ سیٹ بدلی تھی۔ معلوم ہوا کہ مذکورہ شخص کے خلاف پہلے دو وارنٹ نکلے ہوئے تھے، جس پر اسے جیل بھیج دیا گیا، اور اس کے کتے کو بھی اس کے ساتھ جیل میں رہنے کی اجازت دی گئی تھی تاکہ وہ اس کی دیکھ بھال کر سکے۔

    تاہم پالتو کتے کو محض ورننگ دے کر چھوڑا گیا، کیوں کہ اسے کسی قسم کے الزامات کا سامنا نہیں تھا۔ واضح رہے کہ امریکا میں کتوں کے خلاف مجرمانہ تفتیش نئی بات نہیں ہے۔

  • 26 بچے تہہ خانے میں چھپا کر رکھنے والی ڈے کیئر سینٹر کی مالکن گرفتار

    26 بچے تہہ خانے میں چھپا کر رکھنے والی ڈے کیئر سینٹر کی مالکن گرفتار

    امریکا میں ایک ڈے کیئر سینٹر کی مالکن کو گنجائش سے زائد بچے رکھنے پر 6 سال قید کی سزا سنا دی گئی، 26 عدد بچے بیسمنٹ میں موجود تھے جہاں پیاس اور گھٹن سے ان کی حالت ابتر تھی۔

    امریکی ریاست کولوراڈو میں ڈے کیئر سینٹر چلانے والی کارلا میری فیتھ نامی خاتون کو نومبر 2019 میں گرفتار کیا گیا تھا۔ فیتھ کو صرف 6 بچے رکھنے کا لائسنس دیا گیا تھا تاہم وہ اس سے کہیں زیادہ بچوں کو اپنے سینٹر میں رکھے ہوئے تھی۔

    ڈے کیئر سینٹر کی مالکن نے 26 بچوں کو بیسمنٹ میں رکھا ہوا تھا جبکہ بیسمنٹ کی سیڑھیوں کو ایک مصنوعی سلائیڈنگ دیوار کے پیچھے چھپایا گیا تھا۔ تہہ خانے میں موجود 12 بچوں کی عمریں 2 سال سے بھی کم تھیں۔

    بچے پسینے میں شرابور اور پیاسے تھے جبکہ ان کے جسم بھی سوجن کا شکار تھے۔ بچوں کی نگرانی پر صرف 2 ملازمین مامور تھے جنہیں پولیس نے گرفتار کرلیا۔

    پولیس نے مذکورہ مکان پر اس وقت چھاپہ مارا جب انہیں اطلاع ملی کہ یہاں گنجائش سے زیادہ بچے رکھے گئے ہیں، پولیس کے پہنچنے پر فیتھ نے بچوں کی موجودگی سے انکار کیا اور تہہ خانے کے بارے میں پوچھنے پر کہا کہ گھر میں کوئی تہہ خانہ نہیں۔

    تاہم بچوں کے رونے کی آواز پر پولیس نے دیواروں کو دھکا دیا جس کے بعد مصنوعی دیوار اپنی جگہ سے ہل گئی اور پولیس تہہ خانے میں داخل ہوگئی۔

    فیتھ کا کہنا تھا کہ وہ اپنے پاس آنے والے والدین کو انکار نہیں کرسکی تھی لہٰذا سینٹر میں گنجائش سے زیادہ بچوں کو رکھا۔

    فیتھ اور اس کے دونوں ملازمین کو گرفتار کرلیا گیا جن کے کیس کا فیصلہ سنا دیا گیا ہے، عدالت نے فیتھ کو 6 سال قید کی سزا سنائی ہے۔

  • ریچھ سےجان بچا کرشارک کےجبڑوں میں پھنسنےوالا بدقسمت نوجوان

    ریچھ سےجان بچا کرشارک کےجبڑوں میں پھنسنےوالا بدقسمت نوجوان

    ہوائی : امریکی ریاست ہوائی میں سرفنگ کے دوران نوجوان کو شارک نے اپنے خونخوار جبڑوں کا نشانہ بنایا جس کے نتیجے میں نوجوان زخمی ہوگیا۔

    تفصیلات کے مطابق ہوائی کے آئی لینڈ کائوائی کی سمندری حدود میں سرفنگ کرنے والا نوجوان اس وقت بال بال بچ گیا جب ایک خونخوار شارک نے اس پرحملہ کردیا۔ اس واقعے میں ڈیلن مک ویلیمس نامی نوجوان کی ٹانگ زخمی ہوگئی۔

    ڈیلن مک ویلیمس نے میڈیا سے بات کرتے ہوئے بتایا کہ سرفنگ کے دوران جب شارک مچھلی نے مجھ پرحملہ کیا تو میں شدید خوف زدہ ہوگیا۔

    انہوں نے کہا کہ وہ بہت خوش قسمت ہیں کہ وہ نا صرف شارک کا شکار بننے سے محفوظ رہے بلکہ سرفنگ بورڈ کے ساتھ تیر کر واپس ساحل تک پہنچنے میں بھی کامیاب رہے۔

    ڈیلن مک ویلیمس کا کہنا تھا کہ گزشتہ سال گرمیوں میں وہ کولوراڈو کے کیمپ میں بطور انسٹرکٹر کے فرائض انجام دے رہے تھے کہ اس دوران وہ ریچھ کا شکار بننے سے بال بال بچے تھے۔

    کولوراڈو سے تعلق رکھنے والے نوجوان کا کہنا تھا کہ گزشتہ سال انہیں سانپ نے کاٹ لیا تھا جس کے بعد وہ کچھ عرصہ بیمار رہے تھے۔

    بھارتی خاتون کو تیراکی مہم کے دوران قاتل شارک نے نگل لیا

    خیال رہے کہ گزشتہ سال 14 دسمبر کو کوسٹا ریکا میں 49 سالہ بھارتی خاتون کو ٹائیگر شارک اس وقت نشانہ بنایا تھا جب وہ گروپ کے 18 ممبران کے ہمراہ سمندر کی تہہ میں تیراکی کر رہی تھیں شارک نے خاتون کے جسم کا کچھ کھانے بعد کے لاش کو چھوڑ دیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • دنیا کا خطرناک ترین جھولا

    دنیا کا خطرناک ترین جھولا

    آپ نے دنیا بھر کے ایڈونچر پارکس میں موجود خطرناک جھولوں کے بارے میں سنا ہوگا، لیکن آج جس جھولے کے بارے میں ہم آپ کو بتانے جارہے ہیں اسے دیکھ کر یقیناً آپ کی ریڑھ کی ہڈی میں سرد سی لہر دوڑ جائے گی۔

    امریکی ریاست کولو راڈو کے پہاڑی علاقے میں واقع ماؤنٹین پارک میں اس خطرناک جھولے پر بیٹھنا یا تو آپ کی زندگی کا ناقابل فراموش خوشگوار تجربہ ہوسکتا ہے، یا ساری عمر نہ بھول سکنے والا کوئی بھیانک خواب۔

    ایک پہاڑ کی چوٹی سے 100 میل فی گھنٹہ کی رفتار سے 200 فٹ نیچے جانے والا یہ جھولا بڑے بڑے دلیروں کو خوف کے مارے چلانے پر مجبور کردیتا ہے۔

    چند منٹوں پر مبنی اس مختصر سفر میں آپ خود کو بلند پہاڑی سے نہایت برق رفتاری کے ساتھ نیچے زمین کی طرف جاتے محسوس کریں گے۔

    اس دوران آپ کو اپنے آس پاس مختلف پہاڑ نظر آئیں گے جن کے قریب سے ہوا کی رفتار سے گزر پانا، اور کچھ دیر تک زمین سے بے حد اوپر فضا میں لٹکتے رہنا غیر معمولی دل گردے کے افرد کا ہی کام ہے۔

    ذرا دیکھیں یہ جھولا کیسے کسی کے بھی ہوش اڑا سکتا ہے۔

    اگر آپ خطروں کے کھلاڑی اور مہم جوئی کے شوقین ہیں تو زندگی میں ایک بار آپ کو یقیناً اس جھولے سے لطف اندوز ہونا چاہیئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • چالاک لومڑیاں چھت پر کیسے چڑھیں؟

    چالاک لومڑیاں چھت پر کیسے چڑھیں؟

    امریکی ریاست کولوراڈو کے ایک علاقے بریکن رج کے رہائشی اس وقت حیران رہ گئے جب ایک صبح گھروں سے نکلنے کے بعد انہوں نے ایک گھر کی چھت پر 2 لومڑیوں کو براجمان پایا۔

    ریاست کولو راڈو سمیت پورے امریکا میں اس وقت شدید برفباری جاری ہے۔ یہ منظر بھی ایسی ہی ایک سرد ترین اور برفیلی رات گزرنے کے بعد اگلی صبح دیکھا گیا۔ اس منظر کو دیکھتے ہی لوگوں کو پہلا خیال یہ آیا کہ آخر یہ لومڑیاں بغیر کسی سیڑھی اور سہارے کے چھت تک پہنچیں کیسے؟

    fox-2

    fox-3

    اور پھر جلد ہی یہ معمہ بھی حل ہوگیا۔ شدید برفباری کے بعد بعض لوگوں نے اپنے گھر کے سامنے سے برف ہٹا کر اسے ایک طرف ڈھیر کردیا تھا اور یہ ڈھیر چھوٹی چھوٹی پہاڑیوں کی شکل اختیار کرگیا تھا۔

    fox-4

    چنانچہ اپنی چالاکی کے لیے مشہور لومڑیاں بآاسانی ان برفانی پہاڑیوں پر چڑھ کر گھر کی چھت کے اوپر بیٹھ گئیں جہاں آتش دان کی چمنی سے نکلنے والے دھویں نے اس جگہ کو گرم کردیا تھا۔

  • بارہ سنگھوں کی ونڈو شاپنگ

    بارہ سنگھوں کی ونڈو شاپنگ

    امریکی ریاست کولو راڈو کے علاقہ ایسٹس پارک میں ایک بازار میں موجود افراد اس وقت دل تھام کر رہ گئے جب انہوں نے وہاں متعدد بارہ سنگھوں کو آزادانہ گھومتے دیکھا۔

    ایسٹس پارک کے ایک رہائشی نے اپنے فیس بک پر ایک منفرد ویڈیو پوسٹ کی جس میں بارہ سنگھوں کا ایک غول بازار سے گزر رہا ہے۔

    انہیں آتا دیکھ کر پہلے تو وہاں موجود لوگ سہم گئے کہ شاید اب یہ اتنے سارے انسانوں کو دیکھ کر حملہ کردیں گے۔ لیکن بارہ سنگھوں کا یہ غول بغیر کسی کو کچھ کہے پر امن انداز میں وہاں سے گزر گیا۔

    ان میں کئی بھاری جسامت کے بارہ سنگھے بھی تھے لیکن وہ بھی خاموشی سے وہاں سے گزر گئے۔

    جس طرح یہ بارہ سنگھے دکانوں میں جھانکتے ہوئے گزر رہے ہیں اس سے بظاہر تو لگ رہا ہے جیسے بارہ سنگھوں کا یہ غول ونڈو شاپنگ کر رہا ہے۔