Tag: کولکتہ نائٹ رائیڈرز

انڈین پریمیئر لیگ 2024 کا ٹائٹل اپنے نام کرنے والی کولکتہ نائٹ رائیڈرز کو ٹرافی کے ساتھ ساتھ خطیر انعامی رقم سے بھی نوازا گیا۔

حیدرآباد سن رائزر کو آئی پی ایل کے فائنل مقابلے میں یکطرفہ شکست سے دوچار کرنے والی کولکتہ نائٹ رائیڈرز کے حصے میں جیت کے ساتھ ساتھ 20 کروڑ بھارتی روپے کے انعامی رقم بھی آئی ہے۔

بھارتی بورڈ نے آئی پی ایل میں حصہ لینے والی تمام ٹیموں کے لیے ساڑھے 46 کروڑ روپے کی انعامی رقم مختص کی تھی جو انھیں پوائنٹس ٹیبل پر پوزیشن کے حساب سے دی گئی۔

فائنل کی رنراپ ٹیم حیدرآباد سن رائزر کو ساڑھے 12 کروڑ روپے کی رقم ملی، سابق چیمپئن راجھستان رائلز کے کے حصے میں 7 کروڑ بھارتی روپے کی رقم آئی۔

سیزن میں چوتھے نمر پر اختتام کرنے والی رائل چینلجرز بنگلورو کو ان کی کاوش پر ساڑھے 6 کروڑ روپے دیے گئے۔

واضح رہے کہ انڈین پریمیئر لیگ 2024 کا تاج شاہ رخ خان کی ٹیم کولکتہ کے سر سجا تھا، فائنل معرکے میں حیدرآباد کی ٹیم ریت کی دیوار ثابت ہوئے اور اسے 8 وکٹوں سے شکست کا سامنا کرنا پڑا تھا۔

آئی پی ایل 2024 میں شاندار کارکردگی دکھانے والی کولکتہ نائٹ رائیڈرز نے فائنل میں بھی حیدرآباد سن رائزر کو یکطرفہ مقابلے کے بعد شکست دیدی۔

تفصیلات کے مطابق انڈین پریمیئر لیگ 2024 کا تاج شاہ رخ خان کی ٹیم کولکتہ کے سر سج گیا، فائنل معرکے میں حیدرآباد کی ٹیم ریت کی دیوار ثابت ہوئے اور اسے 8 وکٹوں سے شکست کا سامنا کرنا پڑا۔

پہلے بیٹنگ کرتے ہوئے شکست خوردہ ٹیم 18.3 اوورز میں صرف 113 رنز بنا کر آل آؤٹ ہوگئی، کپتان پیٹ کمنز 24 رنز بنا کر ٹاپ اسکورر رہے۔

کولکتہ کی جانب سے آسٹریلوی پیسر مچل اسٹارک نے 2 جبکہ ویسٹ انڈین آندرے رسل نے 3 کھلاڑیوں کو پویلین چلتا کیا۔

فائنل مقابلے میں ہدف کے تعاقب میں کولکتہ کی ٹیم نے نہایت جارحانہ انداز اپنایا اور 114 رنز کا ہدف 11ویں اوور میں ہی صرف 2 وکٹوں کے نقصان پر پورا کرلیا۔

فاتح ٹیم کی طرف فے وینکٹش آئیر 52 اور رحمان اللہ گرباز 39 رنز بنا کر نمایاں رہے، حیدرآباد کی طرف سے کپتان پیٹ کمنز اور شہباز احمد ایک، ایک وکٹ لے سکے۔

واضح رہے کہ کولکتہ نائٹ رائیڈرز کی ٹیم تیسری بار آئی پی ایل کا ٹائٹل جیتنے میں کامیاب رہی ہے، اس سے قبل 2011 اور 2014 میں فرنچائز نے ٹرافی اپنے نام کی تھی۔