Tag: کولکتہ

کولکتہ: پاکستان ویمن کرکٹ ٹیم کی کپتان ثناء میر نے کہا ہے کہ مہندرا سنگھ دھونی میرا پسندیدہ کرکٹر ہے لیکن ویرات کوہلی پاکستان کی خواتین ٹیم میں مسٹر پاپولر ہیں۔

بھارت کے این ڈی ٹی وی کے مطابق ثنا ءمیر نے اس راز سے پردہ اٹھایا ہے کہ پاکستان کی خواتین ٹیم میں کوہلی سب سے زیادہ پسندیدہ اور مشہور کرکٹر ہیں جبکہ جہاں تک ان کی پسند کی بات ہے تو مہندرا سنگھ دھونی ان کے فیورٹ ہیں۔

پاکستان ویمن ٹیم کی کپتان ثنا ءمیر نے کہا کہ پاکستان کی خواتین ٹیم میں چند نام ہیں جو بہت مشہور ہیں میرے خیال میں ویرات کوہلی ٹیم میں سب سے زیادہ مشہور ہے ۔ انہوں نے کہا کہ دھونی میرا فیورٹ کھلاڑی ہے ، دھونی کھیل کے میدان میں اور کھیل کے میدان سے باہر خود کو بہت اچھے سے ہینڈل کرتا ہے ۔

ثناء میر نے کہا کہ دھونی جونیئر کھلاڑیوں کی ٹیم کو بہت ہی موثر یونٹ میں تبدیل کر چکے ہیں، ثناءمیر نے اس راز سے بھی پردہ اٹھایا کہ ویرات کوہلی اور دھونی پاکستانی خواتین ٹیم میں سب سے زیادہ مشہور کرکٹر ہیں۔

ممبئی: بھارتی انتہا پسندوں نے کولکتہ میں بھی پاک بھارت میچ کی مخالفت کردی اور ددھمکی دی ہے اگر میچ کرانے کی کوشش کی گئی توایڈن گارڈن گراؤنڈ کی پچ کھو دی جائے گی۔

بھارتی میڈیا کے مطابق ہندو انتہا پسند تنظیم اے ٹی ایف آئی کے صدر وریش شنڈیالا نے تازہ دھمکی میں کہا ہےکہ پاکستان ٹیم کی میزبانی کرنا دہشت گرد حملوں میں ہلاک ہونیوالے بھارتی فوجیوں کی توہین ہے اور وہ کسی قیمت پر پاکستان ٹیم کو بھارت میں میچ کھیلنے کی اجازت نہیں دیں گے۔

اگر میچ کرانے کی کوشش کی گئی تو ایڈن گارڈن کی پچ کھود دی جائے گی،انتہا پسند تنظیم نے کولکتہ بھر میں پاکستان مخالف مظاہرہوں کا بھی اعلان کیا ہے۔