کراچی: پیپلزپارٹی کے چیئرمین بلاول بھٹو زرداری کا کہنا ہے کہ حکومت ٹی اوآرزنہ مان کردیگرآپشنزپرمجبور کررہی ہے، حکومت نہ مانی توڈٹ جائیں گے، حکومت کو بھاگنے نہیں دینگے۔

تفصیلات کے مطابق پانامہ لیکس پر بنائی جانے والی پارلیمانی کمیٹی کی اہم بیٹھک آج ہورہی ہے، پانامہ لیکس کے ہنگامے سے نکلنے کیلئے حکومت کی ہر کوشش ناکام ہوتی دکھائی دے رہی ہے، پیپلزپارٹی کے چیئرمین بلاول بھٹو زرداری نے بھی حکومت کا ساتھ نہ دینے کی ٹھان لی۔

بلاول بھٹو زرداری کا کہنا ہے کہ پانامالیکس پر مشاورت اپوزیشن سے ہوگی حکومت سے نہیں، اپوزیشن جوبھی فیصلہ کرے پیپلز پارٹی ہراول دستہ ہوگی۔

بلاول بھٹو زرداری نے بھی دو ٹوک الفاظ میں کہا ہے کہ حکومت ٹی اوآرزنہ مان کردیگرآپشنزپرمجبور کررہی ہے، ٹی او آرز پر حکومت نہ مانی توڈٹ جائیں۔

واضح رہے کہ عمران خان ٹی او آرز کی ناکامی پر پہلے ہی سڑکوں پر آنے کا اشارہ دے چکے ہیں اب بلاول بھٹو زرداری نے بھی حکومت کےلئے خطرے کی گھنٹی بجادی ہے۔

حکومت آج نئی تجاویز لے کرآرہی ہے اوراپوزیشن کو رام کرنے کے لئےحکومتی ارکان خورشید شاہ کے گھٹنوں کو ہاتھ لگانے سے بھی دریغ نہیں کررہے۔

کراچی: بلاول بھٹوزرداری نے کہا ہے کہ پاکستان پیپلزپارٹی ون یونٹ بجٹ کو مسترد کرتی ہے۔

سماجی رابطے کی ویب سائٹ ٹوئٹر پر اپنے پیغام بلاول بھٹو زرداری کا کہنا تھا کہ لگتا ہے وفاقی بجٹ فیڈریشن کو توڑنے کے لئے بنایا گیا۔

بلاول بھٹو نے اپنے ٹوئٹ میں مزید کہا کہ وفاقی بجٹ وفاق کو توڑنے کے مترادف ہے، پنجابستان کے لئے بنائے گئے ون یونٹ بجٹ کو مسترد کرتے ہیں۔

Seems this budget has been designed to break the federation. We reject one unit budget for Punjabistan.

— BilawalBhuttoZardari (@BBhuttoZardari) June 7, 2016

دوسری جانب گزشتہ روز قومی اسمبلی کے اجلاس میں بجٹ پر بحث کرتے ہوئے اپوزیشن لیڈر خورشید شاہ کا کہنا تھا کہ بجٹ کی کوئی سمت نظر نہیں آرہی بجٹ کسان دوست ہے یا مزدور دوست یا پھر کیا صوبے اس بجٹ سے خوش ہیں۔

کراچی: پیپلزپارٹی کے دووزرائے اعظم کے نام ای سی ایل میں ہونے پربلاول بھٹو زرداری بھڑک اٹھے، کہتے ہیں اس طرح بلیک میل نہیں کیا جاسکتا۔

بلاول بھٹو زرداری حکومت پربرس پڑے انہوں نے کہا کہ پیپلزپارٹی کے دووزرائے اعظم کے نام ای سی ایل میں رکھنا بلیک میلنگ ہے، بلاول بھٹو نے کہا کہ یوسف رضاگیلانی،پرویزاشرف کاای سی ایل میں نام سیاسی انتقام ہے، حکومت کواس پرشرم آنی چاہیے۔

بلاول کا کہنا تھا حکومت سیاسی انتقام کا نشانہ بنارہی ہے، ای سی ایل میں نام ڈال کربلیک میل نہیں کیاجاسکتا، پیپلزپارٹی کے دو سابق وزرائے اعظم کے ناموں کی ایگزٹ کنٹرول لسٹ میں موجودگی کامعاملہ گذشتہ روزسامنےآیا۔

وزارت داخلہ زرائع کے مطابق گیلانی اورراجہ پرویزکےنام نیب کی درخواست پرٖ ڈالےگئے تھے، چوہدری نثار نے ای سی ایل پرنظرثانی میں بھی دونوں کےنام نہیں نکالے۔

کوٹلی : پاکستان پیپلزپارٹی کے چئیرمین بلاول بھٹو زداری نے وزیر اعظم کا استعفی مانگ لیا، انہوں نے کہا کہ میاں صاحب آپکے دن گنے جاچکے ہیں.

تفصیلات کے مطابق کوٹلی آزاد کشمیر میں بلاول بھٹو زرداری نے جلسے سے خطاب کرتے ہوئے کہا کہ آج میرے لئے بہت خوشی کا دن ہے میں یہاں کشمیر کی سرزمین پر کھڑا ہوں، انہوں نے کہا کہ آج کا جلسہ شہید کشمیری بھائیوں کے نام کرتا ہوں.

بلاول بھٹو زرداری نے حکومت کو تنقید کا نشانہ بناتے ہوئے کہا کہ موجودہ حکومت کشمیریوں کےساتھ ہونے والے جبر پر خاموش ہے.

انہوں نے کہا کہ میاں صاحب آپ نے جلسہ عام میں اس وقت کے وزیراعظم سے استعفی مانگا تھا، آج وہی مطالبہ آپ سےکرتا ہوں آپ استعفی دیں .

پاناما لیکس پر انہوں نے کہا کہ وزیراعظم ایک وزیر کو جرمنی اور دوسرے کو امریکہ روانہ کردیتے ہیں اور بھر بھی چین نہیں آتا تو خود پاناما کے وزیر خزانہ کے پاؤں پکڑنے چلے جاتے ہیں.

بلاول بھٹو کا کہنا تھا کہ اسلام آباد میں بیٹھے ہوئے بادشاہ سلامت کشمیر کونسل کے اربوں روپے کے فنڈز اپنے لوگوں میں تقسیم کر رہے ہیں.

انہوں نے اورنج ٹرین کے منصوبے کو تنقید کا نشانہ بناتے ہوئے کہا کہ یہ منصوبہ دنیاکا مہنگا ترین منصوبہ ہے جس میں 162 روپے خرچ کئے جارہے ہیں، کاش یہ پیشہ آزاد کشمیر ہر خرچ ہوتا، ساتھ ہی ان کا کہناتھا کہ کشمیر کو اسپیشل پیکچ دیا جائے.