Tag: کوٹ ادو

کوٹ ادو : 3 کروڑ روپے تاوان کے لیے اغواء ہونے والے طالبعلم کو بازیاب کراکر دو اغواء کاروں کو گرفتار کرلیا گیا۔

تفصیلات کے مطابق کوٹ ادو سے تین کروڑ روپے تاوان کے لیے اغواء ہونے والے نویں کلاس کے طالبعلم کو پانچویں روز بازیاب کروالیا گیا۔

پولیس نے دو اغواء کاروں کو گرفتار کرکے ان سے بیس لاکھ روپے کی تاوان کی وصول شدہ رقم بھی برآمد کرلی۔

کوٹ ادو کی تحصیل چوک سرور شہید سے دس اپریل کو نویں کلاس کے اٹھارہ سالہ طالبعلم سہیل احمد کو اسکول جاتے ہوئے اغواء کیا گیا تھا۔

اغواء کاروں نے طالبعلم کی بازیابی کے لیے تین کروڑ روپے تاوان طلب کیا تھا۔

پولیس نے مغوی سہیل احمد کو دریائے چناب کے کچے کے علاقے سے بازیاب کروایا، ترجمان کے مطابق گرفتار ملزمان کا تعلق صوبہ سندھ کے ضلع حیدرآباد کے کچے کے علاقے سے ہے۔

کوٹ ادو : پسند کی شادی کرنیوالے جوڑے کا غیرت کے نام پر قتل کردیا گیا، پولیس نے واقعے کا مقدمہ درج کرکے ملزمان کی تلاش شروع کردی ہے۔

تفصیلات کے مطابق کوٹ ادو کے علاقے سانواں میں غیرت کے نام پر شادی شدہ جوڑے کو قتل کردیا گیا۔

پولیس کا کہنا ہے شازیہ اور طارق نے ایک سال قبل پسند کی شادی کی تھی اور خاتون نے اپنی پسند سے دوسری شادی کے لیے پہلے شوہر سے تنسیخ نکاح کروایا تھا۔

حکام نے بتایا کہ مقتولہ کے بھائی، والد اورسابقہ شوہرنے گھرمیں گھس کرفائرنگ کی۔

پولیس کی جانب سے واقعے کا مقدمہ درج کرکے ملزمان کی گرفتاری کیلئے چھاپے مارے جارہے ہیں۔

آر پی او سجادحسن خان نے معاملے کا نوٹس لیتے ہوئے ڈی پی او مظفرگڑھ سے رپورٹ طلب کرلی اور ملزمان کی فوری گرفتاری یقینی بنانے کی ہدایت کردی ہے۔

کوٹ ادو : مدرسے میں پٹاخہ ہاتھ میں پھٹنے سے 13 سالہ بچہ جاں بحق ہوگیا ، پولیس کا کہنا ہے کہ مرنے والا پٹاخہ ہاتھ میں رکھ کر کھیل رہا تھا۔

تفصیلات کے مطابق کوٹ ادو کی تحصیل چوک سرور شہید کے ایک مدرسے میں مبینہ طور پر پٹاخہ پھٹنے سے 13 سالہ طالبعلم موقع پر ہی جاں بحق ہوگیا۔

پولیس نے بتایا کہ مرنے والا 13 سالہ صائم دیگر طالبعلموں کیساتھ پٹاخوں کیساتھ کھیل رہا تھا،اس دوران صائم کے ہاتھ میں ہی پٹاخہ پھٹ گیا، جس کے باعث بچے کے سر اور چہرے پر شدید چوٹیں آئیں۔

تھانہ سٹی چوک سرور شہید پولیس کی جانب سے معاملے کی مزید تحقیقات جاری ہیں، مرنے والے طالبعلم کی لاش کو پوسٹ مارٹم کے لیے ٹی ایچ کیو ہسپتال چوک سرور شہید منتقل کردیا گیا ہے۔

چوک سرورشہید میں پٹاخے سے بچہ جاں بحق ہونے کے معاملے پر سٹی پولیس کی جانب سے قتل کو غلط رنگ دینے پر ورثا اور انجمن تاجران نے احتجاج کیا۔

ورثا نے لاش رکھ کرایس ایچ اوتھانہ سٹی سرورشہید کیخلاف شدیداحتجاج کیا ، انجمن تاجران نے اعلان کیا کہ انصاف نہ ملاتوکل شٹرڈاؤن احتجاج کیاجائےگا۔

کوٹ ادو : پنجاب کے شہر کوٹ ادو میں ایک گھر میں بنی کباڑ کی دکان میں دھماکے کے نتیجے میں 6 افراد جاں بحق ہوگئے۔

تفصیلات کے مطابق پنجاب کے شہر کوٹ ادو کے علاقے تھانہ دائرہ دین پناہ کی حدود میں گھر میں بنائی کباڑ کی دکان میں دھماکا ہوا۔

دھماکے کے نتیجے میں چھ افراد جاں بحق اور دو زخمی ہوگئے، جاں بحق افراد میں 38 سالہ بلال ،30 سالہ اقبال،40 سالہ حسینہ مائی، 28 سالہ شانو مائی، 4 سالہ سعدیہ بی بی، 3 سالہ فرحان شامل ہیں۔

دھماکے کی اطلاع ملتے ہی ریسکیو اور سیکورٹی ایجنسیاں موقع پر پہنچ گئیں تاہم فوری طور پر دھماکےکی نوعیت کا پتہ نہ چل سکا۔

آئی جی پنجاب ڈاکٹرعثمان انور نے کوٹ ادوکےعلاقے دائرہ دین پناہ میں گھرمیں دھماکے کا نوٹس لیتے ہوئے آرپی اوڈی جی خان سے رپورٹ طلب کرلی۔

آئی جی پنجاب نے ڈی پی اومظفرگڑھ کوواقعہ کی ہرپہلو سےانکوائری کاحکم دیتے ہوئے کہا کہ واقعہ کے اصل حقائق سامنے لاتے ہوئے قانونی کارروائی عمل میں لائی جائے اور پولیس ٹیمیں امدادی سرگرمیوں میں بھی بڑھ چڑھ کر حصہ لیں۔