Tag: کوٹ لکھپت جیل

لاہور: مسلم لیگ ن کے رہنما احسن اقبال نے کہا ہے کہ نواز شریف مسلسل انجائنا کی تکلیف میں مبتلا ہیں، حکومت کی جانب سے ان کے علاج کے سلسلے میں سنجیدگی نہیں دکھائی جا رہی ہے۔

تفصیلات کے مطابق سابق وزیرِ اعظم نواز شریف کو کوٹ لکھپت جیل میں کئی مرتبہ انجائنا کی تکلیف اٹھی، جس کے باعث انھیں جیل سے پنجاب انسٹی ٹیوٹ آف کارڈیالوجی منتقل کیا جا رہا ہے۔

سابق وزیرِ اعظم کی صاحب زادی مریم نواز نے دعویٰ کیا کہ نواز شریف کو گزشتہ ایک ہفتے کے دوران 4 بار انجائنا کا درد اٹھا مگر حکومت انھیں کوئی طبی امداد فراہم نہیں کر رہی۔

سابق وزیرِ داخلہ احسن اقبال نے حکومت پر تنقید کی ہے کہ حکومت نواز شریف کی صحت سے کھیل رہی ہے، نواز شریف کو مسلسل انجائنا کی تکلیف ہے لیکن حکومت کی جانب سے سنجیدگی نہیں دکھائی جا رہی۔

یہ بھی پڑھیں:  نواز شریف نے جیل سے اسپتال جانے سے انکار کر دیا: ذرائع

رہنما ن لیگ نے دعویٰ کیا کہ نواز شریف کو انتقامی پالیسی کے تحت نظر انداز کیا جا رہا ہے۔

یہ بھی پڑھیں:  نوازشریف کو ایک ہفتے میں چار بار درد اٹھا، حکومت طبی سہولیات نہیں دے رہی، مریم

دوسری طرف جب کہ حکومت نواز شریف کو دل کے علاج کے لیے اسپتال منتقل کر رہی ہے، ایسے میں نواز شریف نے اسپتال جانے سے انکار کر دیا ہے۔

وزیرِ اعظم عمران خان نے بھی نواز شریف کی فوری اسپتال منتقلی کی ہدایت کی تھی۔

لاہور: سابق وزیر اعظم نواز شریف کو جیل سے اسپتال منتقل کرنے کا فیصلہ کیا گیا ہے، اب سے کچھ دیر میں انھیں جیل سے پنجاب انسٹی ٹیوٹ آف کارڈیالوجی منتقل کر دیا جائے گا۔

تاہم ذرایع نے کہا ہے کہ نواز شریف نے جیل سے اسپتال منتقل ہونے سے انکار کر دیا ہے، دوسری طرف وزیرِ اعظم عمران خان نے نواز شریف کی فوری اسپتال منتقلی کی ہدایت دی تھی۔

[bs-quote quote=”وزیرِ اعظم عمران خان نے نواز شریف کی فوری اسپتال منتقلی کی ہدایت دی تھی۔” style=”style-8″ align=”left”][/bs-quote]

مریم نواز نے کہا تھا کہ نواز شریف کو انجائنا کی تکلیف ہے مگر وہ اسپتال سے انکاری ہیں، مریم نواز سمیت لیگی رہنما نواز شریف کی صحت پر اظہار تشویش کرتے رہتے ہیں، نواز شریف بھی بیماری کو جواز بنا کر ضمانت پر رہائی چاہتے ہیں۔

اس صورت حال میں یہ نازک سوال اٹھا ہے کہ اگر نواز شریف کے اسپتال جانے سے انکار کے باعث طبیعت بگڑی تو اس کا ذمہ دار کون ہوگا؟

ذرایع نے بتایا ہے کہ نواز شریف ناشتے میں 4 دیسی انڈوں کا آملیٹ خود بناتے ہیں، نواز شریف کھانے پینے میں کوئی خاص پرہیز بھی نہیں کرتے۔

جیل ذرایع نے مزید بتایا کہ نواز شریف کے علاج اور دل کے تمام ٹیسٹ کیے جائیں گے، نواز شریف کو جیل میں 3 بار دل کی تکلیف ہوئی، وہ جیل میں پرہیزی کھانا بھی کھا رہے ہیں۔

اس سے قبل جیل حکام کا کہنا تھا کہ محکمہ داخلہ کی اجازت کے بعد ہی نواز شریف کو اسپتال منتقل کیا جائے گا، تاہم نواز شریف کے ڈاکٹرز نے ان کو جیل میں ابتدائی طبی امداد دی ہے۔

یہ بھی پڑھیں:  نوازشریف کو ایک ہفتے میں چار بار درد اٹھا، حکومت طبی سہولیات نہیں دے رہی، مریم

نواز شریف کو جیل سے پی آئی سی منتقل کرنے کی تیاریاں اور انتظامات مکمل کر لی گئیں، انھیں پی آئی سی کے سی سی یو میں رکھا جائے گا، سی سی یو تھری کے انچارج چیئرمین پی آئی سی ڈاکٹر ندیم حیات ملک ہیں۔

نواز شریف کے علاج کے لیے ڈاکٹرز کی ٹیم کو بھی الرٹ کر دیا گیا ہے، ڈاکٹرز کی ٹیم میں پروفیسر ندیم حیات، پروفیسر شاہد حمید اور پروفیسر حامد خلیل شامل ہیں۔

لاہور: سابق وزیرِ اعظم میاں نواز شریف کو اسلام آباد ہائی کورٹ کی جانب سے بیماری کی بنیاد پر ضمانت کی درخواست مسترد ہونے کے بعد جناح اسپتال سے کوٹ لکھپت جیل منتقل کر دیا گیا۔

تفصیلات کے مطابق نواز شریف نے اپنی بیماری کی بنیاد پر ہائی کورٹ میں ضمانت کی درخواست دی تھی جسے مسترد کر دیا گیا، جس کے بعد نواز شریف کو جناح اسپتال سے کوٹ لکھپت جیل منتقل کر دیا گیا ہے۔

[bs-quote quote=”قیدی نواز شریف کا کمرہ صاف کر دیا گیا تھا، میٹریس، برتن، کھڑکیوں کے پردے بھی مہیا کر دیے گئے ہیں۔” style=”style-8″ align=”left” author_name=”جیل ذرایع”][/bs-quote]

جناح اسپتال سے نواز شریف کی کوٹ لکھپت جیل منتقلی کے وقت مریم نواز اور مسلم لیگ ن کے کارکنوں کی بڑی تعداد بھی اسپتال کے باہر موجود تھی۔

خیال رہے کہ آج اسلام آباد ہائی کورٹ نے نواز شریف کی سزا معطلی کے تحریری فیصلے میں کہا کہ نواز شریف کو ایسی کوئی بیماری نہیں جس کا علاج ملک میں نہ ہو سکے، یہ کیس غیر معمولی نوعیت کا نہیں، سپریم کورٹ کے حالیہ فیصلوں کے نتیجے میں ضمانت نہیں دی جا سکتی۔

اسلام آباد ہائی کورٹ کا تفصیلی فیصلہ یہاں پڑھیں

تحریری فیصلے کے مطابق نیب نے نواز شریف کی طبی بنیادوں پر رہائی کی مخالفت کی، نواز شریف کے وکلا میڈیکل گراؤنڈ پر نواز شریف کی رہائی چاہتے ہیں، نواز شریف کی فریش میڈیکل رپورٹ عدالت کے سامنے لائی گئی، عدالت یہ نہیں سمجھتی کہ نواز شریف کو طبی بنیادوں پر رہائی دینی چاہیے۔

ادھر جیل ذرایع کا کہنا ہے کہ قیدی نواز شریف کا کمرہ صاف کر دیا گیا تھا، ان کے لیے میٹریس، برتن، کھڑکیوں کے پردے بھی مہیا کر دیے گئے ہیں، تمام اشیا نواز شریف کی جیل منتقلی سے کچھ دیر قبل پہنچائی گئیں۔

جیل ذرایع کا یہ بھی کہنا ہے کہ نواز شریف کے لیے کھانے میں سوپ مٹن اور گاجر کا حلوہ آیا، جب کہ نواز شریف کے کپڑوں کے علاوہ کتابیں بھی جیل پہنچائی گئی ہیں۔