Tag: کوہاٹ

کوہاٹ : دہشت گردوں کے پولیس موبائل پر دستی بموں سے حملے کے نتیجے میں ایک پولیس اہلکار زخمی ہوگیا جبکہ ایک دہشت گرد ہلاک ہوا۔

تفصیلات کے مطابق کوہاٹ کے علاقے شادی پور میں دہشتگردوں نے پولیس موبائل پر دستی بموں سے حملہ کردیا ، حملے میں ایک پولیس اہلکار زخمی ہوگیا۔

آر پی او نے بتایا کہ جوابی کارروائی میں ایک دہشتگرد کو ہلاک اور متعدد کو گرفتار کر لیا گیا تاہم دہشتگردوں کے قبضے سے دستی بم اور اسلحہ بھی برآمد کیا گیا ہے۔

آر پی او کا کہنا تھا کہ دہشت گردوں کی تلاش کے لیے علاقے میں سرچ آپریشن جاری ہے۔

یاد رہے گذشتہ ہفتے بنوں میں فتح خیل کے علاقے میں پولیس چوکی پرشرپسندوں کے حملے میں 2 اہلکار شہید جبکہ دو شدید زخمی ہوگئے تھے ، جس کے بعد دہشت گردوں کی تلاش کے لئے کارروائی کا آغاز کیا گیا تھا۔

کوہاٹ: ہتھیاروں کی بھاری کھیپ اسمگل کرنے کی کوشش ناکام بنادی گئی، اسلحہ جنوبی اضلاع اور بعد ازاں وزیرستان اسمگل کیا جانا تھا۔

تفصیلات کے مطابق کوہاٹ میں گلشن آباد چیک پوسٹ پر چیکنگ کے دوران بھاری کھیپ اسمگل کرنے کی کوشش ناکام بنادی گئی۔

ڈی پی او کوہاٹ نے کہا کہ دوران چیکنگ ٹرک سے اسلحہ برآمد ہوا، اسلحہ اینٹوں سے بھرے ٹرک میں چھپایا گیا تھا۔

ڈی پی او کا کہنا تھا کہ اسلحہ میں 180 بندوقیں، 100 عدد بٹ اورپرزے برآمد کرکے سمیع اللہ نامی اسلحہ اسمگلر کو گرفتار کرلیا گیا۔

ڈی پی او کوہاٹ نے مزید بتایا کہ اسلحہ جنوبی اضلاع اور بعد ازاں وزیرستان اسمگل کیا جانا تھا۔