راولپنڈی : پاک فوج نے برف پوش پہاڑی سلسلے کنکورڈیا اور شگر کے مقام پر پھنسے غیر ملکی کوہ پیماؤں کو بحفاظت بچالیا، تمام کوہ پیماؤں کو شدید زخمی حالت میں ریسکیو کیا گیا۔
تفصیلات کے مطابق پاک فوج نے ریسکیوآپریشن کرتے ہوئے غیرملکی کوہ پیماؤں کو بحفاظت بچالیا، 17 اگست 2023 کو 1 مقامی گائیڈ،ایک پولش، اور چار برطانوی کوہ پیماؤں کی ٹیم کنکورڈیا اور شگر کے مقام پر بری طرح پھنس گئی۔
4 برطانوی کوہ پیماؤں کو برف پوش پہاڑی سلسلہ کنکورڈیا کے مقام اور ایک پولش کوہ پیما بشمول مقامی گائیڈ کو شگر کے مقام جو تقریباً 17000فٹ کی بلندی پر ریسکیو کیا گیا۔
برطانوی کوہ پیماؤں میں جارج ہرسٹ،ڈیوڈکوپ،سٹیفن ریان اورڈیرن کوربی شامل ہیں جبکہ پولش کوہ پیماکانام مسٹر ایڈم ہےجومقامی گائیڈمحمداقبال کےہمراہ تھے۔
اطلاع ملنے پر پاک فوج کی طرف سے فوری کارروائی عمل میں لاتے ہوئےآرمی ایوی ایشن ہیلی کاپٹروں کےذریعے ریسکیوآپریشن کیاگیا اور تمام کوہ پیماؤں کو شدیدزخمی حالت میں ریسکیوکیا، جن کو سانس لینے میں دشواری کا مسئلہ تھا۔
ریسکیو آپریشن میں پاک فوج کے جوانوں نے بروقت طبی امداد پہنچاتے ہوئے کوہ پیماؤں کو بچا کر ایک نئی مثال قائم کی ، غیرملکی کوہ پیماپاک فوج کے مشکور اور ان کی کاوشوں کےمعترف
