انطالیہ : وزیر خارجہ شاہ محمود قریشی نے کویتی وزیر خارجہ سے ملاقات میں کہا کہ پاکستان فوڈسیکیورٹی شعبےمیں کویت کی معاونت کرنے کیلئے تیار ہے۔
تفصیلات کے مطابق وزیر خارجہ شاہ محمود قریشی نے انطالیہ سفارتی فورم پرکویت کے وزیر خارجہ سےملاقات کی ، ملاقات میں دو طرفہ تعلقات ،مختلف شعبہ جات میں تعاون کےفروغ پرتبادلہ خیال کیا گیا۔
دوران ملاقات شاہ محمود قریشی نے کہا کہ پاکستان کویت کےساتھ تعلقات کوبہت زیادہ اہمیت دیتاہے، کویت میں مقیم پاکستانی کویت کی ترقی میں اپناحصہ ڈال رہےہیں، پاکستان فوڈسیکیورٹی شعبےمیں کویت کی معاونت کرنے کیلئے تیار ہے۔
Good to meet FM Sheikh Ahmad Nasser Al-Mohammad Al-Sabah today. 🇵🇰 welcomes ease of visa restrictions for our nationals. Pakistan and Kuwait share excellent bilateral relations & we look forward to deepening cooperation at all levels through our ongoing leadership level exchanges pic.twitter.com/YDT7RHl82Q
— Shah Mahmood Qureshi (@SMQureshiPTI) June 19, 2021
دونوں وزرائے خارجہ نے علاقائی اوربین الاقوامی فورمزپردو طرفہ تعاون کےفروغ پراتفاق کیا ، کویتی وزیر خارجہ نےشاہ محمودقریشی کودورہ کویت کی دعوت دی ، جس پر وزیرخارجہ شاہ محمودقریشی نےدعوت کو شکریہ کے ساتھ قبول کیا۔
ملاقات میں وزرائے خارجہ کے درمیان دیرپااسٹریٹجک شراکت کاری کیلئےجامع پلان مرتب کرنےپراتفاق کیا گیا اور دو طرفہ تعاون بڑھانے کیلئےمشترکہ کوششیں بروئےکارلانےکےعزم کااظہار کیا۔
یاد رہے اس سے قبل وزیرخارجہ نے ترکی میں یورپین خارجہ امور کے سربراہ سے ملاقات کی تھی ، ملاقات میں پاک یورپ تعلقات اورافغان عمل پرتبادلہ خیال کیاگیا اور مقبوضہ کشمیر سمیت عالمی اور علاقائی صورتحال بھی زیرغورآئی۔
شاہ محمود نے فیٹف پلان کے جامع نفاذ سے متعلق پیشرفت سے آگاہ کیا کرتے ہوئے کہا تھا کہ اسٹریٹجک انگیجمنٹ پلان سےدوطرفہ تعلقات مزیدمضبوط ہوئےہیں، جی ایس پی پلس کا دوطرفہ تجارت کےفروغ میں اہم کردار ہے۔
