کویت سٹی: کویت میں گھرمیں آگ سے 9 افراد جاں بحق ہوگئے،جب کہ ایک شخص نہایت نازک حالت میں زیر علاج ہے،زخمی و ہلاک شدگان کا تعلق پاکستان سے ہے۔
تفصیلات کے مطابق کویت کی رہائشی عمارت میں آگ لگنے کے باعث 9افراد ہلاک ہو گئے ہیں جن کا تعلق پاکستان سے ہے۔
واقعہ کویت کے علاقے فراوانیا میں پیش آیا جبکہ اس افسوسناک واقعے میں 24 افراد زخمی ہوئے ہیں۔ زخمیوں میں خواتین اور بچے بھی شامل ہیں، خاندان کا ایک شخص گھرسےباہر ہونے کی وجہ سےبچ گیا۔
Kuwait residential fire kills 9 Asians, injures… by arynews
ذرائع کے مطابق گزشتہ رات بدنصیب گھر میں شارٹ سرکٹ ہونے کی وجہ سے آگ بھڑک اُٹھی جس میں جھلس کر ایک ہی خاندان کے 10 میں 9 افراد جھلس کر جاں بحق ہو گئے جب کہ حادثے میں اکیلے بچ جانے والے محمد طارق اسپتال میں زیرِ علاج ہیں جہاں اُن کی حالت نہایت نازک بتائی جارہی ہے۔
زخمی ہونے والوں کو طبی امداد کیلئے قریبی ہسپتال منتقل کر دیا گیاہے، دفتر خارجہ کے مطابق جاں بحق افراد کا تعلق پاکستان میں پنجاب کے شہر میاں چنوں سے ہے۔
کویتی میڈیا کے مطابق ہلاک ہونے والوں میں 1 مرد 3 خواتین اور 5 بچے شامل ہیں،آگ اتنی شدید تھی کہ اہل خانہ میں سے کسی کو باہر نکلنے کا موقع نہیں مل سکا،ایک شخص نازک حالت میں زندگی و موت کی جنگ لڑ رہا ہے
اسپتال انتطامیہ کے مطابق لاشوں کی حالت نہایت خراب ہے جس کے باعث میتوں کی پاکستان کی منتقل ناممکن ہے اس لیے میتوں کی تدفین کویت میں ہی ممکن ہوسکے گئی۔
اہلِ خانہ کی کویت میں جھلس کر ہلاک ہونے کی کبر ملتے ہی پاکستان کی علاقے میاں چنوں میں واقع محمد اآصف کے اآبائی گھر میں کہرام مچ گیا، محمد آصف کے والد نہایت غم زدہ ہیں انہوں نے حکومت سے اپیل کی ہے جکہ انہیں کویت کا ویزہ دیا جائے تا کہ وہ اپنے پیاروں کی آضری رسومات میں شرکت کر سکیں۔
گلف نیوزکے مطابق آگ لگنے کا واقعہ شارٹ سرکٹ کےباعث پیش آیا، جس نے دیکھتے ہی دیکھتے پورے گھر کو اپنی لپیٹ میں لے لیا، آگ لگنے سے چوبیس افراد زخمی ہوئے،پانچ زخمیوں کی حالت تشویشناک بتائی جا رہی ہے،زخمی ہونے والوں میں 4 فائر فائتڑز بھی شامل ہیں۔
