Tag: کویت

کویت سٹی: کویت کی کرونا ایمرجنسی کی سپریم کمیٹی نے نجی نرسریوں کو دوبارہ کام شروع کرنے کی منظوری دے دی۔

تفصیلات کے مطابق کویت میں پرائیویٹ نرسریز کو اگلے تعلیمی سال کے آغاز ہی سے کام دوبارہ شروع کرنے کی منظوری دے دی گئی، اس سلسلے میں سیکریٹریٹ جنرل برائے وزرا کونسل نے وزارت سماجی امور اور کمیونٹی ڈویلپمنٹ کو آگاہ کر دیا۔

روزنامہ الرای کی رپورٹ میں کہا گیا ہے کہ وزرائے مجلس کے سیکریٹری جنرل کی جانب سے پانی و بجلی اور توانائی کے وزیر ڈاکٹر مشعان العتیبی کو ایک مراسلہ ارسال کیا گیا ہے جس میں نرسریوں کا کام دوبارہ شروع کرنے کے منصوبے کے بارے میں اعلان کیا گیا۔

مراسلے میں کہا گیا ہے کہ سپریم کمیٹی نے 28 اپریل کو اصولی طور پر نرسریز کو کام کی اجازت دینے پر اتفاق کیا تھا، بشرط یہ کہ وزارت سماجی امور اور صحت بچوں کو کرونا وائرس کے انفیکشن سے بچانے کے لیے کوئی طریقہ کار وضع کرے، اور اس سلسلے میں نرسریوں کی کوششوں کے بارے میں کرونا ایمرجنسی کمیٹی کو ایک رپورٹ فراہم کی جائے۔

کویت: ممنوعہ ممالک کے مسافروں کے لیے بڑی خوش خبری

واضح رہے کہ کویت نے ممنوعہ ممالک سے آنے کے لیے غیر ملکیوں کو کسی تیسرے ملک میں 14 دن گزارنے سے بھی استثنیٰ دے دیا ہے، ویکسینیشن کرنے والے تارکین وطن براہ راست سفر کر کے اب کویت آ سکتے ہیں، قرنطینہ کے لیے کسی تیسرے ملک میں رکنے کی ضرورت نہیں ہے۔

کویت سٹی: ممنوعہ ممالک سے کویت آنے کے لیے غیر ملکیوں کو کسی تیسرے ملک میں 14 دن گزارنے سے استثنیٰ دے دیا گیا۔

تفصیلات کے مطابق کویتی حکام نے کہا ہے کہ ویکسینیشن کرنے والے تارکین وطن براہ راست سفر کر کے اب کویت آ سکتے ہیں، قرنطینہ کے لیے کسی تیسرے ملک میں رکنے کی ضرورت نہیں ہے۔

کویت کے سرکاری ذرائع کے حوالے سے روزنامہ القبس کی رپورٹ میں کہا گیا ہے کہ یکم اگست سے ممنوعہ ممالک سے واپس آنے والے ویکسینیٹڈ تارکینِ وطن پر ملک میں داخلے سے قبل کسی تیسرے ملک میں دو ہفتے گزارنے کا قانون اب لاگو نہیں ہوگا۔

کویت میں نئی پابندی عائد

حکام کا کہنا ہے کہ مذکورہ قانون ماضی کے فیصلوں کا حصہ ہے، تاہم اب تارکین وطن براہ راست پروازوں سے ملک میں داخل ہو سکتے ہیں، تاہم ملک میں داخلے سے قبل تارکین وطن کو کویت میں منظور شدہ ویکسینز میں سے کوئی بھی ایک لینی ہوگی۔

دیگر طے شدہ شرائط کے مطابق کویت میں آمد سے قبل غیر ملکی 72 گھنٹے قبل کی پی سی آر منفی رپورٹ پیش کریں گے، تاہم کویت میں داخل ہونے والے تارکینِ وطن کو آمد کے بعد گھریلو قرنطینہ کی مدت پوری کرنی ہوگی۔

گھریلو قرنطینہ کے دوران دوسرا پی سی آر ٹیسٹ کروانا ہوگا، جس کا نتیجہ منفی آنے کی صورت میں گھریلو قرنطینہ ختم ہو جائے گا۔

کویت وزرا کونسل اس سلسلے میں بھی جلد فیصلہ کرے گی کہ ملک میں گرمیوں کی چھٹیاں گزارنے کے لیے آنے والے خاندانوں میں چھوٹے بچوں کو ویکسینیشن سے مستثنیٰ کیا جائے یا ویکسین کی شرط لازمی قرار دی جائے۔

کویت سٹی: پارلیمانی وزرا نے 60 سال سے زائد عمر کے تارکینِ وطن کے رہائشی اقاموں کی تجدید کے فیصلے پر نظر ثانی کی تجویز پیش کر دی ہے۔

تفصیلات کے مطابق کویت میں پبلک اتھارٹی برائے افرادی قوت نے فیصلہ کیا تھا کہ معمر تارکین وطن کے رہائشی اجازت ناموں کی مزید تجدید نہیں کی جائے گی، تاہم رکن پارلیمنٹ عبداللہ التوراجی نے اس فیصلے پر نظرثانی کی تجویز پیش کی ہے۔

پارلیمنٹ کے رکن نے کہا کہ کویت میں پیدا ہونے والے افراد، اور کویتی خواتین سے شادی کرنے والوں کو نئے ضوابط سے مستثنیٰ قرار دینے کے لیے، ان تارکین وطن کی درجہ بندی کی جائے۔

التوراجی نے کہا کہ ساٹھ سال سے زیادہ عمر کے تارکین وطن کو بھی پابند کیا جائے، کہ وہ سرکاری اسپتالوں میں میڈیکل کیئر نہ لیں، یا وزٹ ویزا رکھنے والےاور انشورنس بیمہ نہ ہونے پر عائد فیس کی ادائیگی لازمی کریں۔

انھوں نے سفارش کی کہ رہائشی اجازت ناموں کی تجدید نہ کرنے کے فیصلے سے لیبر مارکیٹ اور بعض تکنیکی خدمات کی فیسوں پر اثرات مرتب ہو سکتے ہیں، اس لیے اس کے نفاذ کے پہلے 6 ماہ کے دوران مطالعہ کیا جائے کہ کیا اثرات مرتب ہوتے ہیں۔

اجلاس میں قانون سازوں کی جانب سے یہ استفسار بھی کیا گیا کہ وہ تارکین وطن کی تعداد جاننا چاہتے ہیں، جو کویت میں پیدا ہوئے اور کویتی خواتین سے شادی کی، اور وہ تارکین وطن جو مختلف نوعیت کے جرائم میں ملوث تھے۔

کویت سٹی: کویت میں کرونا وائرس کی نہایت متعدی بھارتی قسم کے کیسز کی تصدیق ہو گئی ہے۔

عرب نیوز کے مطابق کرونا وائرس کا انڈین ویرینٹ کویت بھی پہنچ گیا ہے، کویت میں اس ویرینٹ کے کئی کیسز سامنے آئے ہیں۔

کویت کی وزارت صحت نے پیر کو اعلان کیا ہے کہ ریاست میں سامنے آنے والے بھارتی قسم کے کرونا وائرس کیسز کو بغور مانیٹر کیا جا رہا ہے، ترجمان عبداللہ السند نے بتایا کہ ڈیلٹا ویرینٹ (عام طور پر بھارتی انڈین ویرینٹ کے نام سے مشہور) کے کیسز کی تصدیق وزارت صحت کے ایک تفصیلی تجزیے میں ہوئی ہے۔

ان کا کہنا تھا کہ کچھ افراد میں کرونا وائرس کی رپورٹ مثبت آئی تھی، گہرے لیبارٹری تجزیے کے بعد معلوم ہوا کہ انھیں ڈیلٹا ویرینٹ کا انفیکشن لاحق ہوا ہے، تصدیق کے بعد تمام کیسز کو باقاعدگی کے ساتھ مانیٹر کیا جا رہا ہے۔

بھارتی کرونا قسم: عالمی ادارہ صحت نے دنیا کو خبردار کردیا

واضح رہے کہ رواں ماہ عالمی ادارہ صحت (ڈبلیو ایچ او) نے خطرے کا اظہار کرتے ہوئے کہا تھا کہ بھارت میں پائے جانے والے ‘کو وِڈ ویرینٹ’ کا ایک اسٹرین باعث تشویش بنا ہوا ہے، اور مختلف ممالک اس پر گہری نظر رکھ رہے ہیں۔

ماہرین کے مطابق ڈیلٹا ویرینٹ ’ٹریپل میوٹنٹ ویرینٹ‘ ہے کیوں کہ اس میں مزید اسٹرین پیدا ہوتے ہیں، عالمی ادارے نے پہلے اس ویرینٹ کے تمام اسٹرین کو تشویش ناک قرار دیا تھا لیکن اب کہا جا رہا ہے کہ صرف ایک ہی اسٹرین خطرہ ہے، یعنی بی 1.617.2 نامی اسٹرین بڑے پیمانے پر خطرہ بنا ہوا ہے۔