Tag: کویت

کویت سٹی: سول ایوی ایشن نے ایئر لائنز کو ہدایت جاری کی ہے کہ 21 جنوری سے کویت پہنچنے والے مسافروں کے پی سی آر ٹیسٹ کے اخراجات ایئر لائنز برداشت کریں گی۔

تفصیلات کے مطابق سول ایوی ایشن کے ڈائریکٹوریٹ جنرل نے ایک سرکلر جاری کیا ہے، جس میں کہا گیا ہے کہ اکیس جنوری سے کویت بین الاقوامی ہوائی اڈے پر کام کرنے والی تمام ہوائی کمپنیوں کو پی سی آر ٹیسٹ کے اخراجات برداشت کرنا ہوں گے۔

ایئر لائنز کو ہدایت کی گئی ہے کہ ’کویت مسافر‘ ایپلی کیشن میں اندراج کیے بغیر کسی بھی مسافر کو کویت سے روانہ ہونے والے طیاروں میں سوار ہونے کی ہرگز اجازت نہ دی جائے۔

سرکلر کے مطابق کویت آنے والے تمام مسافروں کا ایسے ہوٹلوں میں 7 دن کی مدت کا ادارہ جاتی قرنطینہ یقینی بنایا جائے گا جو قرنطینہ کے لیے نامزد اور ایپلی کیشن پر درج ہیں، مسافر ’کویت ٹریولر‘ کے ذریعے آن لائن بکنگ کریں گے۔

کویت سے روانہ ہونے سے پہلے بھی ہوٹل بکنگ لازم قرار

پی سی آر کے سلسلے میں ایئر پورٹ پر نجی لیبارٹریوں کے لیے جگہیں مختص کرنے کا کام مکمل کیا جا چکا ہے۔

واضح رہے کہ قرنطینہ کے لیے ہوٹل کی بکنگ ناقابل واپسی ہے، مسافر اپنے بجٹ کی بنیاد پر تین، چار یا پانچ ستارہ ہوٹلوں میں انتخاب کر سکتا ہے، 7 دن تک ہوٹل میں قرنطینہ کے بعد مسافر کو اضافی 7 دن اپنے گھروں پر قرنطینہ کرنا ہوگا۔

کویت سٹی: کویت آنے سے قبل ہی نہیں، اب کویت سے روانہ ہونے سے قبل بھی واپسی کے لیے ادارہ جاتی قرنطینہ کے لیے ہوٹل کی بکنگ لازم قرار دے دی گئی۔

ڈائریکٹوریٹ سول ایوی ایشن کا کہنا ہے 21 فروری سے کویت سے روانہ ہونے والے تمام مسافروں کے لیے (کویتی شہری یا غیر ملکی) خواہ ان کے پاس ون وے ہوائی ٹکٹ ہو یا دو طرفہ، لازم ہے کہ وہ اپنی کویت واپسی پر 7 دن کے ادارہ جاتی قرنطینہ کے لیے پہلے ہوٹل کی بکنگ کریں۔

واضح رہے کہ مسافروں کی واپسی کی تاریخوں کےا بارے میں یقینی طور پر کچھ نہیں کہا جا سکتا، اس صورت میں بھی قرنطینہ کے لیے ہوٹل کی بکنگ لازمی ہے، خواہ یہ ہوٹل بکنگ 5 ماہ بعد کی ہی کیوں نہ ہو۔

سول ایوی ایشن کا کہنا ہے کہ واپسی اگر بکنگ کی تاریخ کے مطابق نہ ہو، تو بھی اس بکنگ کو بعد کی تاریخ میں تبدیل کیا جا سکتا ہے۔ احکامات کے مطابق یہ قانون ان تارکین وطن پر لاگو نہیں ہوگا جو اپنا کویت کا رہائشی اقامہ منسوخ کر چکے ہیں۔

21 فروری سے کویت آنے والے مسافروں پر بڑی شرط عائد

ڈی جی سی اے کے ترجمان سعد العطیبی نے واضح کیا ہے کہ قرنطینہ کے لیے آن لائن ہوٹل کا انتخاب اور اخراجات کی ادائیگی کے بغیر کوئی بھی شہری یا تارک وطن ملک سے روانہ نہیں ہو سکتا۔

انھوں نے مزید کہا کہ یہ رقم قابل واپسی نہیں ہوگی، اور مسافر کو 7 دن تک جاری رکھے جانے والے ادارہ جاتی قرنطینہ مدت کے اخراجات سفر سے پہلے ادا کرنا ہوں گے۔

پہلی بار ملک آنے والوں کے سلسلے میں العطیبی نے اس بات کا اعادہ کیا کہ پہلی بار آنے والے افراد کو ’کویت مسافر‘ ایپلی کیشن کے ذریعے قرنطینہ کے لیے کویت پہنچنے سے قبل کسی ہوٹل کی بکنگ کرنی ہوگی۔

کویت سٹی: کویت میں عوام کی ایک بڑی تعداد نے جزوی کرفیو کو مسترد کر دیا ہے۔

تفصیلات کے مطابق ایک مقامی روزنامے کی جانب سے کیے گئے سروے میں 47.5 فی صد لوگوں نے کویت میں جزوی پابندی عائد کرنے کو مسترد کر دیا۔

یہ سروے روزنامہ القبس نے اپنے ٹویٹر اکاؤنٹ پر کیا، سروے میں 9546 افراد نے حصہ لیا، جس میں انکشاف ہوا کہ 47.5 فی صد رائے دہندگان نے کویت میں جزوی لاک ڈاؤن کے مخالف ہیں۔

ریفرنڈم میں شریک 43.7 فی صد شرکا نے پابندی عائد کرنے کے فیصلے کی حمایت کی جب کہ 8.8 فی صد نے اس پر کوئی دل چسپی ظاہر نہیں کی کہ پابندی عائد کی جائے یا نہیں۔

کیا کویت میں 6 دن کا جزوی کرفیو لگنے جا رہا ہے؟

سروے کے لیے سوال دیا گیا تھا کہ کویت میں کرونا وائرس کے نئے اسٹرین کے پھیلاؤ پر قابو پانے کے لیے کیا آپ جزوی پابندی کی حمایت کرتے ہیں؟ جواب کے لیے تین آپشن دیے گئے تھے، ہاں، نہیں، مجھے پرواہ نہیں ہے، جن میں سے کوئی ایک منتخب کیا جانا تھا۔

استفتاء «القبس»: 47.5% يرفضون فرض #الحظر_الجزئي في الكويت

• 43.7 % من المشاركين أيدوا فرض الحظر.. و8.8% غير مهتمين

• #الاستبيان شارك فيه 9546 شخصاًhttps://t.co/vLhsb2dmKc

— القبس (@alqabas) February 8, 2021

واضح رہے کہ وزرا کونسل کے اعلان کردہ فیصلوں میں کھانے کی دکانوں اور فارمیسیوں کے استثنیٰ کے ساتھ، ہیلتھ ، اسپورٹس کلب اور ہیئر ڈریسرز کی مکمل بندش کے ساتھ رات کے 8 بجے سے صبح 5 بجے تک مختلف تجارتی سرگرمیاں بند رکھنا شامل ہیں۔

کویت سٹی: کویت میں 22 فروری سے 28 فروری تک ملک میں جزوی لاک ڈاؤن کی تجویز پر غور کیا جا رہا ہے۔

تفصیلات کے مطابق وزرا کونسل کی جانب سے قومی تعطیلات کے دوران جزوی لاک ڈاؤن لگانے پر غور کیا جا رہا ہے، جس کا مقصد تقریبات کے دوران عوامی اجتماعات کو محدود کرنا ہے۔

ادھر کویت کے وزیر صحت نے ملک میں کرونا وائرس کے بڑھتے ہوئے کیسز کی تصدیق کی ہے، ان کا کہنا تھا عوامی تقریبات سے وائرس کے کیسز میں مزید اضافہ ہو سکتا ہے۔

وزیر صحت کا کہنا تھا کرونا وائرس انفیکشن اب نئی شکل اختیار کر چکا ہے جو پہلے والے اسٹرین سے زیادہ خطرناک ہے۔

کابینہ کی طرف سے کرونا وبا سے متعلق کچھ فیصلے کیے گئے ہیں جو کل اتوار سے نافذ العمل ہوں گے، وزیر صحت شیخ ڈاکٹر باسل الصباح نے کابینہ اجلاس کے بعد پریس کانفرنس میں کہا کہ دنیا میں کرونا انفیکشن کی نئی لہر جاری ہے اور ہم دنیا سے الگ نہیں ہیں۔

رپورٹ کے مطابق کویت آنے والوں پر ادارہ جاتی قرنطینہ لگانے کے فیصلے میں بیرون ملک زیر علاج طلبہ اور مریضوں، سفارت کاروں اور ان شہریوں کو شامل نہیں کیا گیا ہے جو سرکاری ذمہ دار ہیں۔

قرنطینہ کی سہولتوں کے حوالے سے وزارت صحت کی جانب سے جلد اعلان کیا جائے گا، جب کہ ایئر پورٹ کو مکمل طور پر بند کرنے کا کوئی فیصلہ نہیں کیا گیا ہے۔

کویت سٹی: کویت واپسی کے لیے فضائی ٹکٹ کی قیمت 1400 کویتی دینار ہوگئی ہے۔

تفصیلات کے مطابق کویت واپسی کے لیے فضائی ٹکٹ کی قیمتوں میں حیرت انگیز اضافہ ہو گیا ہے، کویت کی کابینہ نے اتوار سے غیر ملکیوں کے داخلے پر پابندی کا فیصلہ کیا ہے، جس کے اثرات ٹکٹ کی قیمتوں پر مرتب ہوئے ہیں۔

خیال رہے کہ غیر ملکیوں پر کویت میں داخلے کے فیصلے کے اطلاق میں صرف 2 دن باقی رہ گئے ہیں، اور کویت واپسی کے لیے محدود سیٹیں دستیاب ہیں، چناں چہ مسافر اس فیصلے کے اطلاق سے قبل کویت آنا چاہتے ہیں۔

رپورٹ کے مطابق غیر معمولی صورت حال کے دوران ایئر ٹکٹ کی قیمتوں میں بے پناہ اضافے کے باعث مسافر انھیں خریدنے سے قاصر ہیں۔

کویتی میڈیا کے مطابق خلیجی ممالک سے واپسی کے ٹکٹ کی قیمت 650 دینار تھی، پھر 720 ہو گئی، پھر قیمت میں مزید اضافہ ہوا اور قیمت 1200 دینار تک پہنچ گئی، لیکن اب اتوار سے غیر ملکیوں کی کویت میں پابندی کے بعد قیمت 1 ہزار 400 دینار تک پہنچ چکی ہے جو اب تک کی سب سے زیادہ قیمت ہے۔

خدشہ ہے کہ پروازوں کی تعداد کو کم اور معطل کرنے کے فیصلوں کا تسلسل اس معاملے کو مزید بگاڑ دے گا کیوں کہ ایک طرف پروازوں کی منسوخی میں اضافہ دیکھا جا رہا ہے، دوسری طرف ٹکٹوں کی قیمتوں میں لگاتار تبدیلیاں سامنے آ رہی ہیں، جس کی وجہ سے ٹرانزٹ کے ممالک میں بہت سارے رہائشی شدید مشکلات کا شکار ہو گئے ہیں۔

کویت سٹی: کویت میں آکسفورڈ کی کرونا ویکسین ہنگامی صورت حال میں استعمال کرنے کی اجازت دے دی گئی۔

تفصیلات کے مطابق کویتی وزارت صحت نے آکسفورڈ کی کرونا ویکسین ایمرجنسی میں استعمال کرنے کی اجازت دے دی، یہ ویکسین انڈیا کی سیرم فیکٹری میں انٹرنیشنل کمپنی آسٹرازینیکا کے لائسنس سے تیار کی جا رہی ہے۔

جمعے کو ایک بیان میں معاون سیکریٹری صحت ڈاکٹر عبداللہ البدر نے کہا کہ تکنیکی کمیٹی نے متعدد ویکسینز کا جائزہ لیا، اور آکسفورڈ ویکسین کے حق میں رائے دی۔

کویت میں کرونا ٹیسٹ کی قیمت مقرر

ان کا کہنا تھا حکومت چاہتی ہے کہ ملک میں ویکسین پروگرام پر عمل درآمد میں تاخیر نہ ہو، اس لیے ویکسین کے ایمرجنسی میں استعمال کی اجازت دی گئی ہے، آکسفورڈ ویکسین کی پہلی کھیپ چند روز میں کویت پہنچ جائے گی۔

آکسفورڈ ویکسین سے متعلق ڈاکٹر عبداللہ البدر نے کہا کہ اس ویکسین کو برطانیہ کا متعلقہ ادارہ منظور کر چکا ہے، عالمی ادارہ صحت نے سیرم فیکٹری کے حق میں بھی رائے دی ہے، جب کہ جی سی سی ہیلتھ کونسل نے بھی اس کی منظوری دی ہے۔

معاون سیکریٹری صحت نے واضح کیا کہ آکسفورڈ ویکسین کے استعمال کی منظوری تکنیکی کمیٹی نے تحقیق اور مطالعے کے بعد دی ہے۔