ARYNews.tv | Urdu – Har Lamha Bakhabar

Tag: کویت

  • کویت: حکام کا منافع خوری کرنے والے تاجروں سے سختی سے نمٹنے کا فیصلہ

    کویت: حکام کا منافع خوری کرنے والے تاجروں سے سختی سے نمٹنے کا فیصلہ

    کویت سٹی: کویت کی وزارت تجارت و صنعت نے تاجروں سے سختی سے نمٹنے کی ٹھان لی، شہریوں کو دھوکا دہی کی اطلاعات دینے کی تاکید کردی گئی۔

    مقامی میڈیا کے مطابق کویت کی وزارت تجارت و صنعت نے ہاٹ لائن نمبر پر دھوکا دہی یا زیادہ قیمتوں کی اطلاع دینے کی تاکید کی ہے۔

    وزارت تجارت و صنعت (ایم او سی آئی) نے شہریوں اور تارکین وطن سے ہاٹ لائن نمبر 135 کے ذریعے تجارتی دھوکا دہی یا زیادہ قیمتوں کی اطلاع دینے کو کہا ہے۔

    وزارت نے تصدیق کی ہے کہ وہ کسی بھی خلاف ورزی کرنے والے کے خلاف قانونی اقدامات اٹھائے گی اور جو بھی جواز کے بغیر قیمتوں میں اضافے کی کوشش کرتا ہے، اس پر قانونی طور پر منظور شدہ زیادہ سے زیادہ جرمانہ عائد کیا جائے گا کیونکہ یہ پرائس کنٹرول اور صارفین کے تحفظ کے ضوابط کی خلاف ورزی ہے۔

  • کویت میں تارکین وطن کی ضرورت

    کویت میں تارکین وطن کی ضرورت

    کویت سٹی: کویت کی پیٹرولیم کارپوریشن نے حکومت سے تارکین وطن کو بھرتی کرنے کی سفارش کردی ہے۔ پیٹرولیم کارپوریشن نے حکام سے غیر ملکی کارکنوں کو داخلے کے لیے استثنیٰ دینے کی درخواست کی ہے۔

    مقامی میڈیا کے مطابق تیل کے ایک اعلیٰ عہدیدار کا کہنا ہے کہ پیٹرولیم کارپوریشن نے متعلقہ سرکاری ایجنسیوں سے درخواست کی ہے کہ وہ کویت کے ذریعہ عمل میں لائے جانے والے اسٹریٹجک منصوبوں کے لیے غیر ملکی کارکنوں کے داخلے کے لیے استثنیٰ دے۔

    ذرائع کا کہنا ہے کہ تیل کے ایسے پروجیکٹس ہیں جو گزشتہ اگست سے ختم ہو چکے ہیں جبکہ کویت ہوائی اڈے کی بندش سے اب مختلف ممالک سے مینو فیکچر داخل ہونے میں دشواری کا سامنا کرنا پڑتا ہے۔

    علاوہ ازیں تیل کے شعبے کے منصوبوں جیسے ماحولیاتی ایندھن کے منصوبے، الزور ریفائنری، گیس کی درآمد کی سہولت اور تیل اور گیس کی تیاری کے کچھ اہم منصوبے اپنے آخری مراحل میں ہیں۔

    ان منصوبوں کے لیے تیار کی گئی مینو فیکچررز اور مشاورتی فرموں کو حتمی کارروائی میں داخل ہونے کی ضرورت ہے بصورت دیگر ان منصوبوں کا آغاز ملتوی ہوجائے گا اور عدم عمل کے نتائج مہینوں تک برداشت کرنا ہوں گے اور اس کے نتیجے میں ہونے والے نقصانات لاکھوں دینار تک پہنچ سکتے ہیں۔

  • کویتی حکام کا گھریلو ملازمین کے حوالے سے اہم فیصلہ

    کویتی حکام کا گھریلو ملازمین کے حوالے سے اہم فیصلہ

    کویت سٹی: کویت کی حکومت نے گھریلو ملازمین کے لیے سخت فیصلہ کرتے ہوئے ان کے راشن کارڈ منسوخ کرنے کا فیصلہ کرلیا۔

    کویتی میڈیا کے مطابق وزارت تجارت نے 60 ہزار گھریلو ملازمین کے راشن کارڈ منسوخ کرنے کا فیصلہ کرلیا ہے، اس فیصلے سے ریاست کو 4 لاکھ دینار سالانہ کی بچت ہوگی۔

    وزارت تجارت نے اعلان کیا کہ وہ جنوری کے آغاز سے اپنے کفیل کے تحت کام نہ کرنے والے 60 ہزار گھریلو ملازمین کے فوڈ راشن کارڈ منسوخ کردیں گے۔

    ذرائع کے مطابق کچھ گھریلو ملازمین ملک چھوڑ کر جا چکے ہیں اور ان کے کفیلوں نے ان کے راشن کارڈز کے اسٹیس اپ ڈیٹ نہیں کیے ہیں اور اپنے ملازمین کے راشن کارڈز پر اضافی راشن لے رہے ہیں جبکہ گھریلو ملازم اب ان کا ماتحت نہیں ہے۔

    ذرائع کا کہنا ہے کہ اس فیصلے سے اب ملک کو 4 لاکھ دینار کی سالانہ بچت ہوگی۔

    وزیر تجارت فیصل المدلج نے نشاندہی کی کہ گھریلو ملازمین کویتی شہریوں کے مقابلے میں فوڈ راشن کارڈ سے بالکل وہی فوائد حاصل کرتے ہیں جو ایک کویتی شہری کو حاصل ہیں۔

    جہاں تک نئے گھریلو کارکنوں کا تعلق ہے وزارت تجارت نے مطالبہ کیا کہ انہیں اپنے کفیلوں کے راشن کارڈ کے تحت فوری طور پر شامل کیا جائے، خاص طور پر چونکہ بہت سے لوگوں نے اپنے ڈیٹا کو اپ ڈیٹ کیے بغیر اپنے ورک پرمٹ میں تبدیلی کی ہے لہٰذا ایسے افراد کو راشن کارڈز کے فوائد حاصل نہیں ہوں گے۔

    وزارت تجارت تمام کویتی شہریوں کو چاول اور روٹی سے لے کر تیل اور مرغی تک کی سبسڈی والی اشیائے خور و نوش فراہم کرتی ہے، ہر کویتی شہری کے گھر کو راشن کارڈ دیا جاتا ہے جبکہ گھریلو ملازمین کو گھر کا ایک حصہ ہونے کے حساب سے ہی راشن دیا جاتا ہے۔

  • کویت میں عام تعطیل کا اعلان

    کویت میں عام تعطیل کا اعلان

    کویت سٹی: کویت میں نئے سال کی عام تعطیل کا اعلان کردیا گیا، وزرا کی کونسل نے ملک کو نئے سال کی مبارکباد اور برکات پیش کی ہیں۔

    مقامی میڈیا رپورٹ کے مطابق کویت کے وزرا کی کونسل نے جمعہ یکم جنوری 2021 کے بجائے اتوار 3 جنوری 2021 کو سرکاری تعطیل کرنے کا فیصلہ کیا ہے۔

    کونسل نے عزت مآب امیر کویت، ولی عہد شہزادہ اور کویت کے معززین کے علاوہ عوام اور رہائشیوں کو نئے سال 2021 کے قریب آنے کے موقع پر مبارکباد اور برکت پیش کیں۔

    وزرا کی کونسل نے تمام شہریوں اور رہائشیوں سے مطالبہ کیا کہ وہ صحت کی ہدایات پر عمل کریں اور انفرادی اور معاشرے کی صحت کو محفوظ رکھنے اور کرونا وائرس سے بچاؤ کے لیے سماجی فاصلوں کے اصولوں پر عمل پیرا رہیں۔

    کونسل کا کہنا تھا کہ وائرس سے انفیکشن کی شرح اور اس کے پھیلاؤ کو روکنے کے لیے کوویڈ 19 کی ویکسی نیشن کی قومی مہم کو نافذ کیا جارہا ہے۔

    کونسل نے کہا کہ امید کی جارہی ہے کہ اس سے اس وبا کا خاتمہ ہو گا اور اللہ نے چاہا تو ہم ایک بار پھر سے عام زندگی میں واپس لوٹ آئیں گے۔

  • کویت نے پروازیں بحال کرنے کی شرط عائد کردی

    کویت نے پروازیں بحال کرنے کی شرط عائد کردی

    کویت سٹی: کویت کے حکام کا کہنا ہے کہ کویت میں بین الاقوامی پروازیں بحال کرنے کا دارومدار صحت کی صورتحال پر ہے، اس بارے میں ابھی کوئی بھی فیصلہ کرنا جلد بازی ہوگا۔

    کویتی میڈیا کے مطابق حکام کا کہنا ہے کہ کویت کے ہوائی اڈے کے دوبارہ کھلنے کا انحصار کرونا وائرس کی نئی لہر کے پھیلاؤ پر ہے جبکہ کویت کے ہوائی اڈے پر شپنگ اور سرکاری طیاروں کی پروازیں معطل نہیں کی جائیں گی۔

    سول ایوی ایشن ذرائع کے مطابق کویت نے بین الاقوامی ہوائی اڈے پر آنے اور جانے والی تجارتی پروازوں کو معطل کرنے کے بارے میں جو فیصلہ لیا ہے اس کا اطلاق ہوائی کارگو اور سرکاری ایئر لائنز کے سوا تمام ایئر لائنز پر ہوگا۔

    ذرائع کا کہنا ہے کہ ہوائی اڈے کو بند کرنے کا فیصلہ تحقیق، مطالعہ اور صحت کی صورتحال کی تشخیص اور ابھرتے ہوئے کرونا وائرس کی نئی لہر کے پھیلاؤ پر ہوگا۔

    ذرائع کے مطابق پروازوں کی معطلی میں توسیع کے فیصلے کے بارے میں ابھی فیصلہ کرنا جلد بازی ہے، یہ معاملہ صحت حکام کی جانچ سے متعلق ہے۔

    یورپ یا کچھ ممالک میں پھنسے ہوئے شہریوں کے بارے میں ایک سوال کے جواب میں ذرائع کا کہنا تھا کہ انہیں ہوائی اڈے پر دوبارہ کام ہونے تک انتظار کرنا ہوگا۔ گھریلو ملازمین کی واپسی کے لیے طے شدہ پروازیں ہوائی اڈے کے افتتاح کے بعد طے کی جائیں گی۔

  • امیرِ کویت کے بعد ایک اور اہم شخصیت کا انتقال، شاہی خاندان افسرہ

    امیرِ کویت کے بعد ایک اور اہم شخصیت کا انتقال، شاہی خاندان افسرہ

    کویت سٹی: امیر کویت  شیخ صباح  الاحمد الجابر الصباح کے بعد شاہی خاندان اور قطر کی اہم شخصیت انتقال کرگئیں۔

    گلف نیوز کی رپورٹ کے مطابق کویت کے سابق وزیر دفاع شیخ النصیر الصباح الحمد طویل علالت کے بعد ہفتے کے روز انتقال کرگئے، اُن کی عمر 72 سال تھی۔

    رپورٹ کے مطابق شیخ النصیر الصباح امیر کویت شیخ صباح الاحمد الجابر الصباح کے صاحبزادے تھے، وہ اپنے والد کے انتقال کے 80 روز بعد دنیا کو الوادع کہہ گئے۔

    کویت کی سرکاری نیوز ایجنسی نے سابق وزیر دفاع کی تصدیق کی جبکہ شاہی خاندان اور حکومتی شخصیات نے بھی انتقال پر گہرے دکھ اور رنج کا اظہار کرتے ہوئے اہل خانہ کے لیے صبر کی دعا بھی کی۔

    مزید پڑھیں: امیر کویت کے لیے امریکہ کی جانب سے اعلیٰ عسکری اعزاز

    موجودہ امیر کویت شیخ نواف الاحمد نے بھی شیخ النصیر الصباح کے انتقال پر افسوس کا اظہار کیا۔

    واضح رہے کہ کویت کے امیر شیخ صباح الاحمد الجابر الصباح اگست کی انتیس تاریخ کو طویل علالت کے بعد انتقال کرگئے تھے، شیخ صباح الاحمد الجابرالصباح 2006 میں امیر کویت بنے اور اپنی علالت تک اس عہدے پر فائز رہے، وہ کویت کے وزیر اعظم بھی رہے ہیں اس سے قبل انہوں نے چالیس سال تک بطور وزیر خارجہ ذمہ داریاں انجام دیں۔

  • کویت میں تمام بین الاقوامی پروازیں بحال کیے جانے کا امکان

    کویت میں تمام بین الاقوامی پروازیں بحال کیے جانے کا امکان

    کویت سٹی: باخبر ذرائع کا کہنا ہے کہ کویت میں تمام بین الاقوامی پروازیں بحال کیے جانے کا امکان ہے، اس حوالے سے حکام کی گفت و شنید اور جائزہ اجلاس جاری ہیں۔

    کویتی میڈیا کا کہنا ہے کہ اگلے ماہ جنوری میں کویت کے بین الاقوامی ہوائی اڈے پر آنے اور جانے والی اور 34 ممنوعہ ممالک سمیت تمام ممالک کے ساتھ براہ راست پروازیں بحال کرنے کا امکان ہے۔

    باخبر ذرائع کا کہنا ہے کہ صحت کے حکام آنے والے دنوں کے دوران گھریلو ملازمین کی ملک میں واپسی کے آغاز کے دوران کویت کے اندر ادارہ جاتی قرنطینہ کی کامیابی کے اقدام کا اندازہ لگائیں گے۔

    اس سے اس بات کا فیصلہ کیا جائے گا کہ اگلے مہینے براہ راست پروازیں دوبارہ شروع کرنے کی منظوری کی تیاری کی جائے یا نہیں۔

    ذرائع کا مزید کہنا ہے کہ محکمہ صحت کی جانب سے براہ راست پروازیں شروع کیے جانے سے متعلق منظوری، پوری طرح سے کرونا ویکسین کے آجانے پر مبنی نہیں ہے بلکہ ہوٹلوں اور مقامی اداروں کے ذریعہ اچھے انتظامات اور طے شدہ منصوبوں کے مطابق سول ایوی ایشن کی کامیابی پر بھی منحصر ہے۔

    ذرائع کے مطابق ہر ملک کی پروازوں کے لیے ایک مخصوص تعداد طے کی جائے گی۔

    ٹریول دفاتر اور ہوٹلز نے براہ راست پروازوں کی اجازت کا خیر مقدم کیا ہے اور متعلقہ حکام سے مطالبہ کیا ہے کہ لازمی ادارہ جاتی قرنطینہ کی مدت کو 14 دن کے بجائے 5 سے 7 دن کے درمیان کردیا جائے۔

    ان کی جانب سے کہا گیا ہے کہ ملک میں آنے والا کوئی بھی مسافر منفی کرونا وائرس کے پی سی آر سرٹیفکیٹ کے بغیر داخل نہیں ہوتا لہٰذا 14 روز کی مدت بے فائدہ ہے۔

  • کویتی وزارت صحت کی اہم کامیابی

    کویتی وزارت صحت کی اہم کامیابی

    کویت سٹی: کویت کی وزارت صحت کی تیار کردہ موبائل ایپ شلونک کو معتبر ترین ایوارڈ سے نوازا گیا، ایپ میں حفاظتی تدابیر کا اطلاق اور مطلوبہ معیار کے تقاضوں کو مدنظر رکھا گیا تھا۔

    کویتی میڈیا کے مطابق وزارت صحت کے ترجمان ڈاکٹر عبد اللہ السند نے تصدیق کی ہے کہ شلونک موبائل ایپ کو انفارمیٹکس کے لیے عزت ماب شیخ سالم العلی الصباح کے ایوارڈ میں پہلی پوزیشن سے نوازا گیا ہے۔

    یہ بات وزارت اور اس ایپ کے ذمہ داران کے لیے قابل فخر ہے خاص طور پر اس وقت جب کویت کے اندر اور کویت سے باہر ایوارڈ کے اہل ہونے والے جدید ترین منصوبوں کے مابین زبردست مقابلہ دیکھنے میں آیا۔

    ڈاکٹر عبد اللہ السند نے شلونک ایپ کی اہمیت واضح کرتے ہوئے بتایا کہ اس ایپ کی پہلی پوزیشن اور ایوارڈ ریاست کے اندر اور انٹرنیشنل جدید اور اہل منصوبوں کے مابین مسابقت میں دیا گیا ہے۔

    یہ ایپ وزارت صحت کی جانب سے تیار کی گئی تھی جس میں حفاظتی تدابیر کا اطلاق اور مطلوبہ معیار کے تقاضوں کو مدنظر رکھا گیا تھا۔

    ایوارڈ کمیٹی میں ریاست کویت میں اعلیٰ تکنیکی اور سائنسی مہارت رکھنے والے 10 ماہرین شامل تھے جبکہ اس میں جیوری اور بورڈ عرب ثالثی شامل تھے۔

  • خلائی سائنس میں کویت کی بڑی کام یابی

    خلائی سائنس میں کویت کی بڑی کام یابی

    کویت سٹی: کویت نے ریاست کا پہلا سائنسی تجربہ بین الاقوامی خلائی اسٹیشن بھیجنے میں کامیابی حاصل کر لی۔

    تفصیلات کے مطابق کویت فاؤنڈیشن فار ایڈوانسمنٹ آف سائنسز کے سائنٹفک سینٹر کے ڈائریکٹر جنرل رانا النبری نے اعلان کیا کہ ریاست نے پہلا سائنسی تجربہ بین الاقوامی خلائی اسٹیشن بھیج دیا، جو کویت کے لیے ایک تاریخی کامیابی ہے۔

    انھوں نے اپنے ایک بیان میں سائنٹفک سینٹر کے 4 طلبہ کے ڈیزائن کردہ تجربے کی کامیابی پر فخر کا اظہار کیا، ان کا کہنا تھا کہ طلبہ نے کرونا وبا کی وجہ سے بہت مشکل حالات میں یہ تجربہ ڈیزائن کیا۔

    النبری نے بتایا کہ اسپیس ایکس کے ذریعے ڈیزائن کیا گیا فالکن 9 راکٹ اتوار کے روز امریکا کے کینیڈی اسپیس سینٹر سے لانچ کیا گیا۔

    انھوں نے مزید بتایا کہ اس تجربے کا انتخاب آربیٹل اسپیس (یو اے ای کی کمپنی) کے تعاون سے سائنٹفک سینٹر کے 2019 کے سالانہ ایونٹ میں ہونے والے ایک مقابلے میں کیا گیا تھا، یہ کیوب سیٹ ٹیکنالوجی کے ذریعے خلا تک رسائی فراہم کرتا ہے۔

    آربیٹل اسپیس کے بانی اور جنرل منیجر ڈاکٹر بسام الفیلی نے کویتی نوجوانوں کو بااختیار بنانے اور خلائی سائنس کے شعبے کی ترقی میں نمایاں کردار ادا کرنے پر سائنٹفک سینٹر کی کاشوں کو سراہا۔

    آربیٹل اسپیس کی تعلیمی سرگرمیوں اور مواصلات کی ڈائریکٹر نادا الشمری نے کہا کہ اس تجربے کو مکمل کرنے اور طلبہ کے خواب کو پورا کرنے کے لیے تمام مطلوبہ سامان مہیا کرنے اور ان کے لیے مناسب ماحول پیدا کرنے کے لیے سائنٹفک سینٹر کے ساتھ ناسا اور بین الاقوامی کمپنیوں نے بھی تعاون کیا۔

    انھوں نے کہا کہ ہم نوجوانوں کو سائنسی مواقع فراہم کر کے ان کی صلاحیتوں کی نشوونما کرتے رہیں گے۔

  • پاکستان کا خلیجی ریجن میں اختلافات کے حل کی کوشش میں پیش رفت کا خیر مقدم

    پاکستان کا خلیجی ریجن میں اختلافات کے حل کی کوشش میں پیش رفت کا خیر مقدم

    اسلام آباد: پاکستان نے خلیجی ریجن میں اختلافات کے حل کی کوشش میں پیش رفت کا خیر مقدم کیا ہے۔

    تفصیلات کے مطابق خلیجی ریجن میں جاری اختلافات کے حل کی کوشش میں پیش رفت ہوئی ہے، ترجمان دفتر خارجہ نے اس سلسلے میں کہا ہے کہ ہم اختلافات کے خاتمے کے لیے کویت کی مخلصانہ کوششوں کو سراہتے ہیں۔

    ترجمان نے کہا پاکستان اختلافات ختم کرانے کے لیے مفاہمت کے فروغ کو سراہتا ہے، امید ہے ان ممالک میں اعتماد اور مفاہمت خطے میں خوش حالی کا باعث ہوگا۔

    یاد رہے کہ سعودی عرب، متحدہ عرب امارات، بحرین اور مصر نے جون 2017 میں قطر کی مبینہ طور پر دہشت گردی کی حمایت اور ایران کے ساتھ روابط کی بنا پر تعلقات ختم کرتے ہوئے قطر کے آگے کئی مطالبات رکھے تھے۔

    بھائیوں کے درمیان اتفاق سے عرب ممالک کے درمیان وحدت پیدا ہوگی: کویت

    قطر کے بائیکاٹ کے کی وجہ سے خطے میں اختلافات نے جنم لیا تھا جس کے خاتمے کے لیے کویت اور امریکا نے مرکزی کردار ادا کیا۔

    دو دن قبل سعودی وزیر خارجہ شہزادہ فیصل بن فرحان نے کہا تھا کہ خلیجی بحران کے حل کے لیے کویت کی کوششیں قابل قدر ہیں، دوسری طرف امیر کویت شیخ نواف الاحمد جابر الصباح نے سعودی عرب کے شاہ سلمان کو مکتوب بھیجا تھا۔

    امیر کویت کا کہنا تھا کہ بھائیوں کے درمیان طے پانے والے اتفاق سے خلیج تعاون کونسل اور عرب ممالک کے درمیان وحدت و مضبوطی پیدا ہوگی تاکہ دنیا بھر کو درپیش چیلینجز سے بہتر طریقے سے نمٹا جا سکے۔