ARYNews.tv | Urdu – Har Lamha Bakhabar

Tag: کویت

  • کویت کا 58واں قومی دن، کویتی پرچم برج خلیفہ کی زینت بن گیا

    کویت کا 58واں قومی دن، کویتی پرچم برج خلیفہ کی زینت بن گیا

    دبئی/کویت: کویت کے 58 ویں قومی دن کے موقع پر اماراتی حکام نے برج خلیفہ کو کویتی پرچم سے سجا دیا، اس موقع اماراتی صدر شیخ خلیفہ بن زید نے امیر کویت شیخ صبح الاحمد کو مبارک باد پیش کی۔

    تفصیلات کے مطابق متحدہ عرب امارات کے صدر اور حاکم ابو ظبی نے کویت کے قومی دن کے حوالے سے کویتی شہریوں کو ہدیہ تبریک و تہنیت پیش کرتے ہوئے کہا ہے کہ ’کویت کی عوام نگینے کی طرح ہماری زمین، ہمارے دل اور ہماری تاریخ سے جڑے ہوئے ہیں‘۔

    اماراتی خبر رساں ادارے کا کہنا تھا کہ یو اے ای کے وزیر اعظم و حاکم دبئی شیخ محمد بن راشد المکتوم نے کویت کے قومی دن 25 فروری کے حوالے سے نیک تمناؤں کا اظہار کرتے ہوئے کویت عوام اور ریاست کے دائمی استحکام اور ترقی کی دعا کی۔

     

    متحدہ عرب امارات کی مسلح افواج کے ڈپٹی سپریم کمانڈر اور ابوظبی کے ولی عہد شیخ محمد بن زید النہیان نے کویتی امیر اور عوام کو قومی دن کے موقع پر مبارک باد دیتے ہوئے کہا کہ ’دونوں ملکوں کی عوام ملک کر کام کریں گے تاکہ مشترکا طور پر ترقی حاصل کریں‘۔

    اماراتی خبر رساں ادارے کا کہنا ہے کہ امارتی حکام نے اتوار کے روز کویت کے 58 ویں قومی دن کے موقع پر کویتی پرچم کو دنیا کی بلند ترین عمارت برج خلیفہ کی زینت بناکر کویتی عوام سے اظہار یکجہتی کیا ہے۔

    مزید پڑھیں : کویت کے قومی دن پر دبئی کے حاکم کا تاریخ ساز تحفہ

    یاد رہے کہ ایک روز قبل حاکم دبئی شیخ محمد نے سماجی رابطے کی ویب سائٹ ٹویٹر پر کویت کے قومی دن 25 فروری کے حوالے امیر کویت کے بنائے گئے دنیا کا سب سے بڑے پورٹریٹ کی ویڈیو کی ویڈیو شیئر کی تھی۔

    اماراتی خبر رساں ادارے کا کہنا تھا کہ متحدہ عرب امارات کی مٹی پر 1 لاکھ 70 ہزار اسکوائر فٹ کے رقبے پر بنائی کی امیر کویت شیخ صبح ال احمد الجبیر الصبح کی تصویر دنیا کی سب سے بڑی تصویر ہے اور اس تصویر کے ساتھ ’امیر انسانیت‘ بھی تحریر ہے۔

    اماراتی میڈیا کا کہنا ہے کہ شیخ صبح کی تصویر دبئی کے قدرا صحرا میں سرخ مٹی سے بنائی گئی ہے جسے تقربیاً 2400 گھنٹوں میں مکمل کیا گیا ہے۔

  • کویت کے قومی دن پر دبئی کے حاکم کا تاریخ ساز تحفہ

    کویت کے قومی دن پر دبئی کے حاکم کا تاریخ ساز تحفہ

    دبئی/کویت : حاکم ِ دبئی شیخ محمد بن راشد المکتوم نے کویت کے 58 ویں قومی دن کے موقع پر صحرا میں کویتی امیر کا دنیا کا سب سے بڑا پورٹریٹ بنا دیا۔

    تفصیلات کے مطابق متحدہ عرب امارات کے نائب صدر اور وزیر اعظم و حاکم دبئی شیخ محمد بن راشد المکتوم نے کویت کے قومی دن کے حوالے سے کویتی شہریوں کو ہدیہ تبریک و تہنیت پیش کرتے ہوئے کہا ہے کہ ’کویت کی عوام نگینے کی طرح ہماری زمین، ہمارے دل اور ہماری تاریخ سے جڑے ہوئے ہیں‘۔

    عرب خبر رساں ادارے کا کہنا تھا کہ حاکم دبئی شیخ محمد نے سماجی رابطے کی ویب سائٹ ٹویٹر پر کویت کے قومی دن 25 فروری کے حوالے امیر کویت کے بنائے گئے دنیا کا سب سے بڑے پورٹریٹ کی ویڈیو کی ویڈیو شیئر کی۔

    اماراتی وزیر اعظم نے نیک تمناؤں کا اظہار کرتے ہوئے کہا کہ کویتی عوام اور ریاست کے دائمی استحکام اور ترقی کی دعا کی، کویت کے امیر درحقیقت انسانیت کے امیر (شہزادے) ہیں کویت اور امیر کویت خوشحالی اور امن کے سال دیکھتے رہیں گے۔

    ان کا کہنا تھا کہ اماراتی اور کویتی حکام مل کر کام کریں گے تاکہ ساتھ کامرانی حاصل کریں اور مشترکا طور پر ترقی کی سیڑھیاں چڑھیں۔

    اماراتی خبر رساں ادارے کا کہنا تھا کہ متحدہ عرب امارات کی مٹی پر 1 لاکھ 70 ہزار اسکوائر فٹ کے رقبے پر بنائی کی امیر کویت شیخ صبح ال احمد الجبیر الصبح کی تصویر دنیا کی سب سے بڑی تصویر ہے اور اس تصویر کے ساتھ ’امیر انسانیت‘ بھی تحریر ہے۔

    اماراتی میڈیا کا کہنا ہے کہ شیخ صبح کی تصویر دبئی کے قدرا صحرا میں سرخ مٹی سے بنائی گئی ہے جسے تقربیاً 2400 گھنٹوں میں مکمل کیا گیا ہے۔

  • اماراتی حکام نے کویت سے پرندے اور انڈے درآمد کرنے پر پابندی لگادی

    اماراتی حکام نے کویت سے پرندے اور انڈے درآمد کرنے پر پابندی لگادی

    ابوظبی : متحدہ عرب امارات نے شہریوں کی صحت کو یقینی بنانے کے لیے کویت سے پرندوں اور انڈوں کی درآمد پر عارضی طور پر پابندی عائد کردی۔

    تفصیلات کے مطابق متحدہ عرب امارات کی وزارت برائے ماحولیات کی جانب سے جمعے کے روز اعلان کیا گیا کہ کویت سے درآمد کیے جانے والے آرائشی پرندے، مرغیاں اور جنگلی پرندوں سمیت انڈے اور پولٹری گوست پر پابندی عائد کردی ہے۔

    اماراتی خبر رساں ادارے کا کہنا ہے کہ وزارت ماحولیات نے یہ فیصلہ پرندوں میں پھیلنے والے (ایچ 5 این 8) برڈ فلو وائرس کے باعث کیا گیا ہے۔

    مقامی میڈیا کا کہنا ہے کہ پرندوں اور انڈوں کی درآمدات پر پابندی کا اعلان جانوروں کی صحت کے حوالے کام کرنے والی ایمرجنسی سینٹر کی جانب سے جاری کردہ نوٹیفکیشن کی بنیاد پر کیا گیا ہے۔

    وزارت ماحولیات کے ڈائریکٹر ڈاکٹر ماجد سلطان کا کہنا تھا کہ ’’اس فیصلے سے ظاہر ہوتا ہے کہ ہم اپنے شہریوں کی صحت اور انہیں صحت بخش غذا اور ماحول کی فراہمی کے سلسلے میں مستعد ہیں اور بائیو سیفٹی کو یقینی بنانے کے لیے تمام تر اقدامات کریں گے اور وائرس کو ملک میں داخل ہونے سے پہلے ہی روک لیں گے‘‘۔

    اماراتی خبر رساں ادارے کا کہنا ہے کہ پہلے سے درآمد شدہ غذائی اشیاء کے نمونے لیباٹری میں بھجوائے گئے ہیں تاکہ معلوم کیا جاسکے کہ مذکورہ اشیاء ملک میں فروخت کرنے کےلیے محفوظ ہیں یا نہیں۔

    مزید پڑھیں :‌ یو اے ای نے بھارت سے فروٹ اور سبزیوں کی درآمد پر پابندی لگادی

    یاد رہے کہ اماراتی حکام گزشتہ برس اگست میں مشرقی ملائیشیا سے درآمد کیے جانے والے پرندوں اور انڈوں پر بھی پابندی عائد کرچکا ہے، اماراتی وزارت برائے ماحولیات نے ایچ ایس این 1 نامی خطرناک وائرس کو ملک میں داخل ہونے کےلیے روکنے کےلیے یہ اقدامات کیے تھے۔

    غیر ملکی خبر رساں ادارے کا کہنا تھا کہ عالمی ادارہ صحت کی جانب سے 6 اگست کو خبردار کیا تھا کہ مشرقی ملائیشیا سے درآمد ہونے والی پولٹری اشیاء (پرندوں اور انڈوں) میں برڈ فلو کا وبائی مرض بہت زیادہ پھیلا ہوا ہے۔

    مزید پڑھیں : یو اے ای نے بھارت سے فروٹ اور سبزیوں کی درآمد پر پابندی لگادی

    خیال رہے کہ متحدہ عرب امارات کی وزارت ماحولیات گزشتہ برس مئی میں شہریوں کی صحت کو یقینی بنانے کے لیے بھارتی شہر کیرالہ سے تازہ پھلوں اور سبزیوں کی امپورٹ پر بھی پابندی عائد کرچکی ہے، جبکہ جنوبی افریقہ سے زندہ جانوروں کی درآمد بھی بند کردی گئی تھی۔

  • کویت ایئر پورٹ پر تین روز سے پھنسے پاکستانیوں کو بورڈنگ پاس جاری

    کویت ایئر پورٹ پر تین روز سے پھنسے پاکستانیوں کو بورڈنگ پاس جاری

    کراچی: کویت ایئر پورٹ پر تین روز سے محصور ہوئے پاکستانیوں کی سن لی گئی،پاکستانی سفارتی عملہ کویت ایئر پورٹ پہنچ گیا، مسافروں سے ملاقات کے بعد بورڈنگ پاسز بھی جاری کر دیے گئے۔

    تفصیلات کے مطابق اے آر وائی نیوز کویت میں پھنسے پاکستانیوں کی آواز بن گیا، سفارت خانے کی مداخلت پر کویت سے لاہور آنے والے مسافروں کو بورڈنگ پاس جاری کر دیا گیا۔

    [bs-quote quote=”ایئر پورٹ پر محصور پاکستانیوں کی واپسی کا عمل پیر تک مکمل ہونے کا امکان ہے۔” style=”style-7″ align=”left” color=”#dd3333″ author_job=”ترجمان دفتر خارجہ”][/bs-quote]

    کویت میں پھنسے مسافروں کو وطن لانے کے لیے پرواز کویتی وقت کے مطابق رات 10 بجے لاہور کے لیے روانہ ہوگی۔

    خیال رہے کہ مسافر تین روز قبل امریکا سے براستہ کویت لاہور آ رہے تھے تاہم موسم کی خرابی کے باعث ایئر پورٹ پر محصور ہو کر رہ گئے تھے۔

    کویتی ایئر پورٹ پر پھنسے پاکستانیوں کا کوئی پُرسانِ حال نہیں تھا، مسافروں میں بزرگ، خواتین اور بچے شامل ہیں جو تین دن سے ایئر پورٹ پر اذیت جھیل رہے ہیں۔

    واضح رہے کہ سعودی عرب، کویت، اور اردن میں طوفانی بارشوں اور سیلاب نے تباہی مچائی ہے جس کے باعث درجنوں افراد جاں بحق ہو چکے ہیں اور نظامِ زندگی مفلوج ہو کر رہ گیا ہے۔

    دوسری طرف ترجمان دفترِ خارجہ نے کہا ہے کہ کویتی ایئر پورٹ بارشو ں میں ایمرجنسی کے نفاذ کے باعث بند کیا گیا، ائیر پور ٹ بند ہونے سے پا کستان آ نے والی 3 پروازیں منسوخ ہوئیں، جس کی وجہ سے پاکستان آنے والے مسافر محصور ہوئے۔

    یہ بھی پڑھیں:  سعودی عرب، کویت، اردن میں طوفانی بارشوں اور سیلاب سے تباہی، درجنوں افراد جاں بحق

    ترجمان نے کہا کہ کویت میں پاکستانی سفارت خانے کا عملہ ائیر لائن عملے سے رابطے میں ہے، کچھ پاکستانیوں کو آج را ت وطن واپس پہنچا دیا جائے گا، ایئر پورٹ پر محصور پاکستانیوں کی واپسی کا عمل پیر تک مکمل ہونے کا امکان ہے۔

    ترجمان کے مطابق کچھ افراد کو کل آنے والی پرواز میں ایڈجسٹ کیا جائے گا، جب کہ سفارتی عملہ ضروریات پوری کرنے کے لیے مسافروں سے رابطے میں ہے، کویت میں پاکستانی سفارت خانے کے 2 افسران مستقل ایئر پورٹ پر موجود ہیں۔

  • پاکستان آئے کویتی وفد کے رکن کا بٹوا چرانے والا پکڑا گیا

    پاکستان آئے کویتی وفد کے رکن کا بٹوا چرانے والا پکڑا گیا

    اسلام آباد: پاکستان کے دورے پر آئے کویتی وفد کے رکن کا اقتصادی امور ڈویژن میں اجلاس کے دوران دینار سے بھرا پرس چوری کرنے والا  پکڑ میں آ گیا۔

    تفصیلات کے مطابق کویتی وفد کے رکن کا دینار سے بھرا بٹوا چوری کرنے والا پکڑا گیا، سی سی ٹی وی فوٹیج میں سرکاری افسر ضرار حیدر کو پرس اٹھاتے دیکھا گیا۔

    وزیرِ اطلاعات فواد چوہدری کہتے ہیں کہ یہ زرداری اور نواز شریف کی بیوروکریسی ہے، اس کی اخلاقی تربیت انھی کے زیرِ اثر ہوئی، ہماری بیوروکریسی آئی تو ایسا نہیں کرے گی۔

    سرکاری افسر ضرار حیدر کی چوری نے پاکستانیوں کا سر شرم سے جھکا دیا ہے، سی سی ٹی وی میں چور سرکاری افسر ضرار حیدر کو ٹیبل سے پرس اٹھاتے دیکھا گیا۔

    دوسری طرف چور پکڑے جانے کے بھی کئی گھنٹے گزر چکے ہیں، اقتصادی امور ڈیژن میں گریڈ بیس کے افسر ضرار حیدر کے خلاف ابھی تک کوئی کارروائی نہیں ہو سکی۔

    خیال رہے کہ دینار سے بھرا بٹوا چوری ہونے کے انتہائی شرم ناک اور نا خوش گوار واقعے کے بعد کویتی وفد ناراض ہو کر واپس چلا گیا تھا۔

    مزید پڑھیں:  فواد چوہدری کا پھر شہباز شریف کو پبلک اکاؤنٹس کمیٹی کا چیئرمین بنانے پر اعتراض

    واضح رہے کہ یہ واقعہ گزشتہ روز جمعے کو پیش آیا، کویتی وفد دو روزہ پاکستان کویت مشترکہ وزارتی کمیشن کی ملاقات کے سلسلے میں پاکستان پہنچا تھا۔

    دو نوں ممالک کے وفود کی ملاقات کے اختتام پر وفد کے سربراہ نے اپنے بٹوے کی گم شدگی کی شکایت کی تھی، جس کے بعد کمرے کے سی سی ٹی وی فوٹیج کے ذریعے چور کا پتا چلایا گیا۔

  • وزیرخزانہ کی کویت کے تاجروں کو پاکستان میں سرمایہ کاری کی پیشکش

    وزیرخزانہ کی کویت کے تاجروں کو پاکستان میں سرمایہ کاری کی پیشکش

    اسلام آباد: وزیرخزانہ اسد عمر کا کہنا ہے کویت کے سرمایہ کار ٹیکسٹائل سمیت دیگر شعبوں میں سرمایہ کاری کے پرکشش مواقع سے فائدہ اٹھا سکتے ہیں۔

    تفصیلات کے مطابق وفاقی دارالحکومت اسلام آباد میں پاکستان اور کویت کے مشترکہ وزارتی کمیشن اجلاس کی افتتاحی نشست کی صدارت اسد عمر اور کویت کے وزیرتجارت خالد نصیرعبداللہ نے کی۔

    اس موقع پروفاقی وزیرخزانہ نے کویت کے سرمایہ کاروں کو پاکستان میں زرعی فارمنگ، دودھ اور فوڈ پروسیسنگ پلانٹس کے شعبوں میں سرمایہ کاری کی پیشکش کی۔

    اسد عمر نے کہا کہ کویت کے تاجروں کو مطلوبہ معیار کی زرعی اشیاء اپنے ملک سمیت دوسرے ملکوں کو برآمد کرنے کی اجازت ہوگی۔

    وزیرخزانہ نے کہا کویت کے سرمایہ کار گاڑیوں کے پرزہ جات، فوڈ پروسیسنگ اور ٹیکسٹائل سمیت تیل اور گیس کی تلاش کے شعبوں میں پاکستان میں قائم خصوصی اقتصادی زونز میں سرمایہ کاری کے پرکشش مواقع سے فائدہ اٹھاسکتے ہیں۔

    اسد عمر نے کہا کہ انہیں امید ہے کہ دونوں ملکوں کے تاجر اور سرمایہ کار دو طرفہ تجارت کے فروغ کی کوششیں جاری رکھیں گے۔

    دوسری جانب کویت کے وزیرتجارت نے کہا کہ دونوں ملکوں کے عوام کے باہمی فائدے کے لیے دو طرفہ اقتصادی تعلقات میں مزید استحکام کی ضرورت ہے۔

  • پاکستان کویت سےبرادرانہ تعلقات کونہایت اہمیت دیتا ہے‘ شاہ محمود قریشی

    پاکستان کویت سےبرادرانہ تعلقات کونہایت اہمیت دیتا ہے‘ شاہ محمود قریشی

    نیویارک: وزیرخارجہ شاہ محمود قریشی کا کہنا ہے کہ پاکستان اورکویت خطے کی ترقی واستحکام پر مشترکہ نقطہ نظررکھتے ہیں۔

    تفصیلات کے مطابق نیویارک میں وزیرخارجہ شاہ محمود قریشی سے کویتی نائب وزیراعظم کی ملاقات ہوئی۔

    اس موقع پرشاہ محمود قریشی نے کہا کہ پاکستان کویت سے برادرانہ تعلقات کو نہایت اہمیت دیتا ہے، دونوں ممالک خطے کی ترقی واستحکام پرمشترکہ نقطہ نظررکھتے ہیں۔

    وزیرخارجہ نے کویت کے نائب وزیراعظم سے ملاقات میں کہا کہ تیل کی تلاش، زراعت میں تجارت اور سرمایہ کاری بڑھائی جائے۔

    کویت کے نائب وزیراعظم نے وزیرخارجہ شاہ محمود قریشی کو دورہ کویت کی دعوت دی جس پر انہوں نے کہا کہ جلد کویت کا دورہ کروں گا۔

    شیخ صباح خالد الحماد الصباح نے دونوں ممالک کے درمیان مثالی تعلقات کوسراہتے ہوئے کہا کہ دونوں ممالک میں مضبوط سیاسی واقتصادی روابط قائم ہیں۔

    کویت کے نائب وزیراعظم نے دوطرفہ تعلقات میں وسعت کی خواہش کا اظہار کرتے ہوئے کہا کہ خطےمیں توانائی کے شعبے میں وسیع مواقع موجود ہیں۔

    اقتصادی تعاون تنظیم کے رکن ممالک سے برادرانہ تعلقات ہیں‘ شاہ محمودقریشی

    واضح رہے کہ وزیر خارجہ شاہ محمودقریشی کا کہنا ہے کہ اقتصادی تعاون تنظیم کے رکن ممالک سے برادرانہ تعلقات ہیں، کچھ رکن ممالک میں توانائی بحران اور کچھ کے پاس وافر ذخائر ہیں۔

  • شاہ سلمان بن عبد العزیز نے سعودی، کویت رابطہ کونسل کی منظوری دے دی

    شاہ سلمان بن عبد العزیز نے سعودی، کویت رابطہ کونسل کی منظوری دے دی

    ریاض : شاہ سلمان بن عبد العزیز نے سعودی عرب اور کویت کے درمیان رابطہ کونسل کے قیام کی منظوری دیتے ہوئے وزیر خارجہ عادل الجبیر کو کونسل کا سربراہ مقرر کردیا۔

    تفصیلات کے مطابق سعودی عرب کی مرکزی کابینہ کا اجلاس گزشتہ روز جدہ میں ریاست کے حکام سلمان بن عبد العزیز کی زیر صدارت منعقد ہوا، جس میں سعودی عرب اور کویت کے درمیان بنائی جانے والی رابطہ کونسل کے قیام کی منظوری دی گئی۔

    غیر ملکی خبر رساں ادارے کا کہنا تھا کہ سعودی عرب کی مرکزی کابینہ کے منعقدہ اجلاس کے دوران شاہ سلمان بن عبد العزیز نے ملک کے وزیر خارجہ عادل الجبیر کو رابطہ کونسل کا سربراہ منتخب کیا۔

    عرب میڈیا کے مطابق سعودی عرب کی حکومت ماضی میں بھی کئی ممالک کے ساتھ سیاسی و اقتصادی بنیادوں پر رابطوں کے لیے کونسل کا قیام عمل میں لانے کے لیے اقدامات کرچکی ہے۔

    خیال رہے کہ سعودی حکام اس سے قبل متحدہ عرب امارات، عراق اور مصر کے ساتھ بھی رابطہ کونسل قائم کرچکا ہے، سعودی حکام کا کہنا ہے کہ دیگر ممالک کے ساتھ رابطہ کونسلوں کے قیام کا مقصد سعودی حکومت اور دیگر ممالک کے مابین مشترکہ معاونت کو فروغ دینا ہے۔

    یاد رہے کہ ایک برس قبل سعودی عرب اور اس کے اتحادی ممالک نے قطر پر دہشت گردوں کی حمایت اور ان کے لیے مالی وسائل کی فراہمی کا الزام لگایا تھا، جس کے بعد سے سعودی عرب اور اس کے اتحادیوں نے قطر سے تعلقات منقطع کردیے تھے۔

    خیال رہے کہ خلیجی بحران کے بعد سعودی عرب نے قطر کے ساتھ اپنی سرحد پر نہر کھدوانے کا منصوبہ بنالیا ہے جس کے بعد قطر ایک تنہا جزیرہ بن جائے گا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • کویت اور فلپائن میں سفارتی بحران شدید: فلپائنی سفیر کو ملک چھوڑنے کا حکم

    کویت اور فلپائن میں سفارتی بحران شدید: فلپائنی سفیر کو ملک چھوڑنے کا حکم

    کویت: خلیجی ریاست کویت نے فلپائنی سفیر کو ایک ہفتے کے اندر اندر ملک چھوڑنے کا حکم دے دیا، جس کے بعد دونوں ملکوں کے درمیان سفارتی بحران مزید شدید ہوگیا ہے۔

    کویت نے منیلا میں متعیّن کویتی سفیر کو بھی واپس طلب کر لیا ہے، قبل ازیں کویتی وزارت خارجہ نے فلپائنی سفیر کو طلب کرکے ان سے فلپائنی حکومت کے نامناسب رویے پر باقاعدہ احتجاج کیا تھا۔

    واضح رہے کہ کویت میں فلپائنی شہریوں کے ساتھ مبینہ ناروا سلوک کی اطلاعات پر فلپائنی صدر روڈریگو نے جنوری میں اپنے شہریوں کو کویت میں بھیجنے پر پابندی عاید کردی تھی۔

    فلپائن کے سفارتی عملے نے گھروں میں کام کرنے والی ملازماؤں کو ناروا سلوک کی اطلاعات پر ریسکیو کے نام پر کویتی حکومت کو اطلاع دیے بغیر نکالنے کی کارروائیاں کی تھیں جس پر کویت نے سفارت خانے سے شدید احتجاج کیا تاہم عملے نے باضابطہ طور پر معذرت کرلی تھی۔

    کویت: حکومت کی جانب سے جارحانہ بیانات پر فلپائنی سفیر دفتر خارجہ طلب

    خیال رہے کہ کویت نے ملازماؤں کو نکالنے کی کارروائیوں میں مصروف سفارتی عملے کے دو ارکان کو گرفتار بھی کیا تھا، فلپائن کے وزیر برائے امور خارجہ نے ہنگامی پریس کانفرنس میں کہا تھا کہ ایسے واقعات کا اعادہ نہیں ہوگا اور دونوں ممالک تارکین وطن کے تحفظ کے ایک معاہدے پر کام کر رہے ہیں۔

    کویت، بالکونی میں کپڑے لٹکانے اور سکھانے پر پابندی

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کویت، بالکونی میں کپڑے لٹکانے اور سکھانے پر پابندی

    کویت، بالکونی میں کپڑے لٹکانے اور سکھانے پر پابندی

    کویت: کویتی حکومت نے بالکونی میں کپڑے لٹکا کر سکھانے پر پابندی عائد کرتے ہوئے ٹیم تشکیل دے دی جو عوام کو متنبہ کرے گی کہ وہ اس عمل سے گریز کریں وگرنہ جرمانہ ادا کرنے کے لیے تیار ہوجائیں۔

    عرب میڈیا کے مطابق کویت کے دارالحکومت کویت سٹی میں حکومت نے شہر کی خوبصورتی کو برقرار رکھنے کے لیے بالکونی میں کپڑے سکھانے پر پابندی عائد کردی۔

    گورنر کویت کی جانب سے ایمرجنسی ٹیم تشکیل دی گئی ہے جو مختلف علاقوں میں دورے کرے گی اور بالکونی میں کپڑے سکھانے والے شہریوں کو متنبہ کرے گی کہ وہ اس عمل سے باز رہیں بصورتِ دیگر بھاری جرمانہ عائد کیا جائے گا۔

    مزید پڑھیں: کویت: ٹریفک قوانین کی خلاف ورزیوں‌ پر غیر ملکیوں‌ کو بے دخل کرنے کی سفارش

    عرب میڈیا کے مطابق گھروں کی بالکونی میں سکھانے کے لیے لٹکائے جانے والے کپڑے شہر کی خوبصورتی کو متاثر کرتے ہیں اسی باعث حکومت نے فی الفور پابندی عائد کی جس کا اطلاق فلیٹوں کے رہائشی افراد پر بھی ہوگا۔

    حکومت کی جانب سے تشکیل دی جانے والی ٹیم کے سربراہ زید ال ایزنی کا کہنا ہے کہ ہم آگاہی کے لیے ہر شہر ، گلی اور محلے میں پوسٹرز، بینرز اور اسٹیکر چسپاں کریں گے۔ اُن کا کہنا تھا کہ آگاہی مہم ختم ہونے کے بعد اگر کسی نے خلاف ورزی کی تو اُس پر 100 سے 300 کویتی دینار جرمانہ عائد کیا جائے گا علاوہ ازیں اگر کسی فلیٹ کی بالکونی مین کپڑے لٹکے نظر آئے تو انتظامیہ (یونین) کے خلاف بھی کارروائی عمل میں لائی جائے گی۔

    یہ بھی پڑھیں: کویت: غیر ملکی ملازمین کی تعداد کم کرنے کا فیصلہ

    زی ال ایزنی کا کہناتھا کہ اگر کسی نے کپڑے دھو کر بالکونی میں لٹکائی تو اُس پر پہلی بار رقم کا جرمانہ عائد کیا جائے گا بعد ازاں اس سے ایک قدم آگے بڑھاتے ہوئے مزید سخت ایکشن لیا جائے گا۔

    اُن کا کہنا تھا کہ ٹیم نے آگاہی کے لیے حکمتِ عملی مرتب کرلی ہے تاکہ کسی شہری کے ساتھ زیادتی نہ ہو، عوام کو یہ بھی آگاہ کیا جائے گا کہ اُن کے اس عمل سے ماحول کو شدید نقصان پہنچتا ہے‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔