ARYNews.tv | Urdu – Har Lamha Bakhabar

Tag: کویت

  • کویت بجلی کی بندش سے تاریکی میں ڈوب گیا، وجہ سامنے آگئی

    کویت بجلی کی بندش سے تاریکی میں ڈوب گیا، وجہ سامنے آگئی

    کویت کے وزارت بجلی و پانی و توانائی کا کہنا ہے کہ مملکت کے 11رہائشی علاقوں سے مرکزی سپلائی لائن اور ٹراٹسفرمرز میں مرمت کے لیے بجلی منقطع کی گئی۔

    غیر ملکی ذرائع ابلاغ کے مطابق کویت کے وزارت بجلی و پانی و توانائی نے کہا ہے کہ ملک میں بجلی کی سپلائی کو برقرار، منظم اور درست رکھنے کے لیے مرمت کا کام ضروری ہے۔

    وزارت نے اپنے بیان میں کہا کہ اصلاح و مرمت کے دوران صباح الأحمد، النہضہ، الاندلس، عبد اللہ المبارک، الجابریہ، الشویخ اور الشامیہ کے علاوہ دیگر رہائشی علاقوں سے باری باری بجلی کی فراہمی معطل کی گئی۔

    یاد رہے کہ سال کے ان گرم ترین دنوں کے دوران کویت میں پہلی مرتبہ اتنے وسیع رقبے سے بجلی کی فراہمی کو معطل کیا گیا ہے۔

    کویت کے وزارت بجلی و پانی و توانائی کے مطابق گزشتہ عرصے کے دوران یہ بات نوٹ کی گئی کہ مرکزی ٹرانسفرمرز زیادہ گرم ہو رہے ہیں جس کے حل کے لیے مرمت کا کام انتہائی ضروری تھا۔

    دوسری جانب کویت آنے والے افراد کی تعداد میں بڑا اضافہ دیکھنے میں آیا ہے، جولائی میں 23 ملین دینار سے زائد کے ٹکٹس فروخت ہوئے تھے۔

    ٹورازم اینڈ ٹریول آفس کویت نے جولائی میں فروخت ہونے والی ٹکٹوں کے حوالے سے اعداد و شمار جاری کیے ہیں جس سے پتا چلتا ہے کہ پچھلے ماہ 23.87 ملین دینار کے ٹکٹس فروخت ہوئے ہیں جبکہ جون کے مقابلے میں یہ فروخت تقریباً 3.7 فیصد زیادہ ہے۔

    جون کے مہینے میں 23 ملین دینار کے ٹکٹس فروخت ہوئے تھے، تاہم اس ماہ فروخت میں بڑے اضافے کے باوجود سال 2024 کے پہلے سات مہینوں میں ٹکٹوں کی سیل پچھلے سال کے مقابلے میں کم رہی۔

    6 مغویو ں کی لاشیں، اسرائیلی فوج نے سرنگ کی ویڈیو جاری کردی

    رواں سال کے پہلے سات ماہ میں ٹکٹوں کی مجموعی سیل 150.79 ملین دینار رہی جبکہ سال 2023 کی اسی مدت میں مجموعی فروخت 153.15 دینار رہی تھی۔

  • کویت: رئیل اسٹیٹ کے کاروبار سے منسلک افراد کیلئے اہم خبر

    کویت: رئیل اسٹیٹ کے کاروبار سے منسلک افراد کیلئے اہم خبر

    کویت میں اب رئیل اسٹیٹ کے کاروبار سے منسلک افراد کو پہلے سے زیادہ ہوشمندی کے ساتھ اپنے کاروباری معاملات چلانا ہونگے۔

    حکومت نے رئیل اسٹیٹ میں جعلسازی کے مرتکب افراد کے لیے بڑی سزا کا اعلان کیا ہے جس کے تحت جعلی ڈیل کرنے والوں یا اس میں ملوث افراد کو 10 سال کے لیے جیل کی سلاخوں کے پیچھے بھیج دیا جائے گا۔

    اس کے علاوہ جرم کے مرتکب افراد کو تین ملین کویتی دینار کا جرمانہ بھی ادا کرنا ہوگا، اس حوالے سے حکومتی کا ذرائع نے انتباہ دیا کہ حکومت کا یہ فیصلہ حتمی ہے۔

    کویت کی اعلیٰ عدالت نے کہا ہے کہ عمارتوں کی خرید و فروخت میں جعلی معاہدوں یا کسی بھی دھوکہ دہی کی صورت میں رئیل اسٹیٹ کمپنی کے منیجر کو 10 سال قید کی سزا دی جائے گی۔

    عدالت نے بھاری جرمانے کی بھی تصدیق کرتے ہوئے کہا کہ مدعا علیہ کو 30 لاکھ کویتی دینار کا جرمانہ بھی ادا کرنا ہوگا۔

  • کویت آنے والے لوگوں کی تعداد میں بڑا اضافہ

    کویت آنے والے لوگوں کی تعداد میں بڑا اضافہ

    خلیجی ملک کویت آنے والے لوگوں کی تعداد میں بڑا اضافہ دیکھنے میں آیا ہے، جولائی میں 23 ملین دینار سے زائد کے ٹکٹس فروخت ہوئے۔

    ٹورازم اینڈ ٹریول آفس کویت نے جولائی میں فروخت ہونے والی ٹکٹوں کے حوالے سے اعداد و شمار جاری کیے ہیں جس سے پتا چلتا ہے کہ پچھلے ماہ 23.87 ملین دینار کے ٹکٹس فروخت ہوئے ہیں جبکہ جون کے مقابلے میں یہ فروخت تقریباً 3.7 فیصد زیادہ ہے۔

    جون کے مہینے میں 23 ملین دینار کے ٹکٹس فروخت ہوئے تھے، تاہم اس ماہ فروخت میں بڑے اضافے کے باوجود سال 2024 کے پہلے سات مہینوں میں ٹکٹوں کی سیل پچھلے سال کے مقابلے میں کم رہی۔

    رواں سال کے پہلے سات ماہ میں ٹکٹوں کی مجموعی سیل 150.79 ملین دینار رہی جبکہ سال 2023 کی اسی مدت میں مجموعی فروخت 153.15 دینار رہی تھی۔

    2024 میں سیلز میں کمی اس سال کے شروع کے مہینوں میں کم فروخت کی وجہ سے واقع ہوئی، تاہم اپریل میں ٹریول سیزن شروع ہونے کے بعد سے ٹکٹوں کی فروخت میں اضافہ ہوا۔

    اعداد و شمار ظاہر کرتے ہیں یہ بکنگز بینک سیٹلمنٹ پلان سسٹم کے تحت ہوئیں جس کے باعث مارکیٹ شیئر میں بھی اضافہ ہوا۔

    مزید براں یہ کہ کویت میں ٹریول آفسز کی تعداد 400 سے بڑھ کر 550 تک جاپہنچی ہے، کیوں کہ بڑی کمپنیوں میں کام کرنے والے کچھ ملازمین نے اپنے ہوم بیسڈ آفسز کھول لیے ہیں جس آپریٹنگ اخراجات میں کمی کے ساتھ مارکیٹ کمپٹیشن میں بھی اضافہ ہوا ہے۔

  • کویت میں بڑی پابندی عائد کردی گئی

    کویت میں بڑی پابندی عائد کردی گئی

    کویتی وزارت تجارت نے پرائیوٹ سیکٹر میں کام کرنے والے ملازمین پر کاروبار کرنے یا کسی کاروبار میں شریک بننے پر پابندی عائد کردی ہے۔

    بین الاقوامی خبر رساں ادارے کی رپورٹ کے مطابق وزارت تجارت کا اس حوالے سے کہنا ہے کہ کویت کے نئے قوانین کے مطابق صرف وہ غیر ملکی کویت میں کاروبار کرسکتے ہیں یا کسی کاروبار میں شریک ہوسکتے ہیں جو انویسٹر کا اقامہ رکھتے ہیں۔

    وزارت تجارت کی جانب سے لیبر قوانین کے تحت دفعہ 19 میں بھی ترمیم کی ہے جس کا تعلق غیر ملکی سرمایہ داروں سے ہے۔

    کویتی وزارت تجارت کا کہنا ہے کہ اعداد وشمار سے معلوم ہوا ہے کہ کویت میں مقیم 10 ہزار غیر ملکی جو پرائیوٹ سیکٹر سے منسلک ہیں وہ 45 ہزار تجارتی لائسنس کے مالک ہیں یا کسی نہ کسی حد تک شریک ہیں۔

    وزارت تجارت کے بیان میں کہا گیا ہے کہ وہ تمام تجارتی لائسنس نیا قانون منظور ہونے کے بعد منسوخ قرار دیئے جائیں گے جن میں دفعہ 19 کے تحت نہ آنے والا کوئی غیر ملکی شریک یا مالک ہوگا۔

    کویت کی وزارت تجارت کی جانب سے کاروبار کرنے والے اور دفعہ 19 کے تحت نہ آنے والے غیر ملکیوں کو ہدایت کی ہے کہ اگر وہ کاروبار کو جاری رکھنا چاہتے ہیں تو اپنی قانونی حیثیت درست کرلیں یا کاروبار بند کردیں۔

    کویت ایئرویز نے اہم اعزاز حاصل کرلیا

    وزارت تجارت کے ماتحت مقامی مارکیٹ کا جائزہ لینے والی کمیٹی کا کہنا ہے کہ ’نافذ العمل تجارتی لائسنسوں کا جائزہ لینے سے یہ بات سامنے آئی ہے کہ ایسے 45 ہزار تجارتی لائسنس ہیں جن میں شریک یا مالک غیر ملکی ہے اور وہ خود پرائیوٹ سیکٹر میں کام کرتا ہے‘۔

  • کویت: کیا آپ نے رہائشی پتہ اپ ڈیٹ نہیں کرایا؟ تو یہ جان لیں

    کویت: کیا آپ نے رہائشی پتہ اپ ڈیٹ نہیں کرایا؟ تو یہ جان لیں

    کویت کی پبلک اتھارٹی فار سول انفارمیشن (PACI) نے 583 افراد کے رہائشی پتے حذف کرنے کا اعلان کیا ہے۔

    غیر ملکی میڈیا رپورٹ کے مطابق یہ کارروائی یا تو بلڈنگ مالک کے اعلان کی بنیاد پر یا متعلقہ بلڈنگ ختم ہو جانے کی وجہ سے کی گئی ہے۔

    اتھارٹی نے اس تبدیلی سے متاثر ہونے والے افراد پر زور دیا ہے کہ وہ سرکاری گزٹ میں اشاعت کی تاریخ سے 30 دنوں کے اندر ”پاسی” کے ہیڈ کوارٹر کا دورہ کریں۔

    متاثرہ افراد کو ضروری معاون دستاویزات فراہم کرکے اپنے پتے کو اپ ڈیٹ کرنا ہوگا تاہم ایسا نہ کرنے والے شخص کو 100 دینار جرمانہ ہو سکتا ہے۔

    آپ کا پتا درست ہے یا نہیں اس کی تصدیق paci کی آفیشل ویب سائٹ پر اپنا بطاقہ نمبر لکھ کر کی جا سکتی ہے۔

    دوسری جانب کویتی وزارت داخلہ نے کہا ہے کہ متعدد افراد کے خلاف ملک بدری کی کارروائی کا آغاز کردیا گیا ہے۔

    رپورٹ کے مطابق وزارت داخلہ نے کہا ہے کہ جن افراد نے اپنے اسپانسرز کے ساتھ وزٹ ویزا کے دورانیہ سے زیادہ قیام کیا ہے۔ ان کے خلاف ایکشن لیا جارہا ہے۔

    کویت ایئرویز نے اہم اعزاز حاصل کرلیا

    وزارت کے مطابق اوور اسٹائرز اور ان کے اسپانسرز، درست رہائشی اجازت نامے رکھنے کے باوجود، وزٹ ویزا کے ضوابط اور ان کے دستخط شدہ وعدوں کی شرائط پر عمل کرنے میں ناکامی پر ڈی پورٹ کیا جارہا ہے۔

  • کویت سے کن افراد کو ملک بدر کیا جانے لگا؟ اہم خبر

    کویت سے کن افراد کو ملک بدر کیا جانے لگا؟ اہم خبر

    کویتی وزارت داخلہ نے کہا ہے کہ متعدد افراد کے خلاف ملک بدری کی کارروائی کا آغاز کردیا گیا ہے۔

    بین الاقوامی خبر رساں ادارے کی رپورٹ کے مطابق وزارت داخلہ نے کہا ہے کہ جن افراد نے اپنے اسپانسرز کے ساتھ وزٹ ویزا کے دورانیہ سے زیادہ قیام کیا ہے۔ ان کے خلاف ایکشن لیا جارہا ہے۔

    بیان کے مطابق کویت میں یہ کارروائی پہلے نائب وزیر اعظم اور وزیر داخلہ شیخ فہد یوسف سعود الصباح کی ہدایات کے بعد کی گئی ہے۔

    وزارت کے مطابق اوور اسٹائرز اور ان کے اسپانسرز، درست رہائشی اجازت نامے رکھنے کے باوجود، وزٹ ویزا کے ضوابط اور ان کے دستخط شدہ وعدوں کی شرائط پر عمل کرنے میں ناکامی پر ڈی پورٹ کیا جارہا ہے۔

    کارروائی کا آغاز ایسے وقت میں کیا گیا ہے جب جنرل ڈپارٹمنٹ آف ریذیڈنسی افیئرز انویسٹی گیشن نے دیگر حکام کے ساتھ مل کر یہ دریافت کیا کہ متعدد خواتین نے اپنے شوہروں اور بچوں کو (جو وزٹ ویزے پر تھے) کو ملک میں اپنی قانونی مدت سے زیادہ قیام کرنے کی اجازت دی تھی۔ اب ان سپانسرز اور ان کے آنے والوں کے خلاف ایکشن لیا جارہا ہے۔

    سعودی عرب، 5 ملزمان کو سزائے موت دیدی گئی

    کویت کی وزارت داخلہ کی جانب سے تمام سیاحوں کے لیے اس ضرورت کا اعادہ کیا کہ وہ اپنے ویزا کی مدت کی سختی سے پابندی کریں اور کسی بھی قسم کی کارروائی سے محفوظ رہنے کے لئے میعاد ختم ہونے پر ملک سے روانہ ہوجائیں۔

  • کویت کے شہریوں کا لبنان سے انخلاء شروع

    کویت کے شہریوں کا لبنان سے انخلاء شروع

    کویتی شہریوں کے انخلاء کے لیے کویت کا بحری جہاز ہفتے کے روز لبنان روانہ ہو گیا، ایک دن قبل خلیجی ملک نے سلامتی کی صورتِ حال کے باعث اپنے شہریوں کو ملک چھوڑنے کے لیے ہدایات جاری کی تھیں۔

    کویت کی سرکاری خبر رساں ایجنسی کے یو این اے کی رپورٹ کے مطابق حزب اللہ اور اسرائیل کے درمیان فوجی کشیدگی میں اضافہ ہوسکتا ہے، جس کے پیشِ نظر کویت ایئرویز نے ”لبنان سے شہریوں کو نکالنے کے لیے پہلا طیارہ روانہ کردیا ہے۔

    جمعے کے روز ایک بیان میں کویتی وزارتِ خارجہ نے شہریوں کے لئے ہدایات جاری کیں کہ خطہ میں سکیورٹی کی مسلسل پیش رفت اور بدلتے ہوئے حالات کے باعث لبنان جانے سے گریز کریں۔

    اس وقت لبنان میں موجود جن شہریوں کو وہاں رکنے کی فوری ضرورت نہیں، انہیں بھی ”جلد ازجلد” وہاں سے نکل جانے کو کہا گیا ہے۔

    رپورٹس کے مطابق کویتی شہریوں نے لبنان سے شہریوں کی واپسی کے لیے ”ہوائی پل” قائم کرنے میں تعاون پر متعلقہ حکام کا شکریہ ادا کیا۔

    واضح رہے کہ گزشتہ دنوں اسرائیل کی جانب سے لبنان میں حملے کے دوران آتش گیر سفید فاسفورس استعمال کرنے کا انکشاف ہوا تھا۔

    انسانی حقوق کی بین الاقوامی تنظیم کا کہنا ہے کہ اسرائیل نے حملوں میں آتش گیر سفید فاسفورس گولے استعمال کیے جو عالمی قوانین کی خلاف ورزی ہے اور جرم ہے۔

    سوشل میڈیا پر سامنے آنے والی مختلف تصاویر اور ویڈیوز میں لبنان کے مختلف علاقوں میں رہائشی عمارتوں پر سفید فاسفورس کے گولے گرتے دیکھے جاسکتے ہیں۔

    روس میں دہشتگردوں کے حملے میں ہلاکتوں کی تعداد 20 ہوگئی

    ہیومن رائٹس واچ کی رپورٹ کے مطابق سفید فاسفورس کیمیکل انسانی گوشت اور ہڈیوں کو جلا سکتا ہے اور عمارتوں کو آگ بھی لگا سکتا ہے۔ مقامی آبادی کی جانب سے بھی فاسفورس کے استعمال کی تصدیق کی گئی ہے۔

  • کویت کی رہائشی عمارت میں آتشزدگی سے ہلاک افراد کی تعداد 49 ہوگئی

    کویت کی رہائشی عمارت میں آتشزدگی سے ہلاک افراد کی تعداد 49 ہوگئی

    کویتی وزارت داخلہ کا کہنا ہے کہ المنقف کے علاقے میں واقع ایک رہائشی عمارت میں آتشزدگی سے مرنے والوں کی تعداد 49 ہوگئی ہے۔

    کویتی خبر رساں ایجنسی کونا کا اس حوالے سے کہنا ہے کہ خوفناک حادثے میں زخمی ہونے والے 43 زخمیوں کا اسپتال میں علاج جاری ہے۔

    امیر کویت کا کہنا ہے کہ آتشزدگی کے اسباب کی مکمل تحقیقات کی جائیں گی اور ذمہ داروں کو انصاف کے کٹہرے میں لایا جائے گا۔

    کویتی نائب وزیر اعظم، وزیر دفاع اور قائم مقام وزیر داخلہ شیخ فہد یوسف سعود الصباح نے کہا ہے کہ آگ کا شکار ہونے والی عمارت کے مالک کو تحقیقات مکمل ہونے تک حراست میں لیا گیا ہے۔

    انڈیا ٹوڈے کی رپورٹ میں بتایا گیا کہ جھلس کر ہلاک ہونے والے 40 افراد کا تعلق بھارت سے ہے۔ عمارت میں آگ چھوٹے پیمانے پر لگی تھی جس نے تیزی سے پوری بلڈنگ کو اپنی لپیٹ میں لے لیا۔

    عمارت کویت کے بڑے تعمیراتی گروپ این بی ٹی سی نے تعمیر کی تھی۔

    شیخ فہد یوسف سعود الصباح نے واقعے کا ذمہ دار رئیل اسٹیٹ کے مالک کو ٹھہراتے ہوئے کہا کہ ریئل اسٹیٹ مالک کی لالچ کی وجہ سے افسوسناک حادثہ پیش آیا۔

    حزب اللہ کی اسرائیل پر شدید گولہ باری، سائرن بجنے لگے

    کویت پولیس کے سینئر افسر نے بتایا کہ آگ علی الصبح 6 بجے ایک کچن میں لگی تھی، عمارت میں زیادہ تر تارکین وطن مقیم ہیں۔ انہوں نے بتایا کہ بلڈنگ میں پھنسے دیگر رہائشیوں کو بحفاظت نکال لیا۔

  • کویت کے شہری حج کے لیے ہیوی بائیکس پر مکہ مکرمہ رواں دواں، وائرل ویڈیو

    کویت کے شہری حج کے لیے ہیوی بائیکس پر مکہ مکرمہ رواں دواں، وائرل ویڈیو

    اگلے چند روز میں مناسک حج کا آغاز ہو جائے گا کویت سے شہریوں کی حج کیلیے ہیوی بائیکس پر سعودی عرب آمد کی ویڈیو وائرل ہو رہی ہے۔

    حج سیزن کا آغاز ہوچکا ہے اور آئندہ چند روز میں مناسک حج شروع ہو جائیں گے۔ دنیا بھر سے لاکھوں زائرین اس فرض کی ادائیگی کے لیے حجاز مقدس پہنچ چکے ہیں۔

    کویت سے ایک ویڈیو سوشل میڈیا پر وائرل ہو رہی ہیں جس میں چند افراد کے گروپ کو ہیوی بائیکس پر فریضہ حج کی ادائیگی کے لیے مکہ مکرمہ کی جانب رواں دواں دیکھا جا سکتا ہے۔

    احرام باندھے یہ عازمین حج خوشی سے سرشار سفر حج پر روانہ ہیں اور گوگل میپس کے مطابق موٹر سائیکل سوار عازمین حج کو کویت سے مکہ پہنچنے کے لیے 15 گھنٹے لگیں گے۔

    https://urdu.arynews.tv/saudi-arabia-pakistani-pilgrim-was-saved-from-going-blind/

  • کویت : غیرملکیوں کے ورک پرمٹ سے متعلق اہم فیصلہ

    کویت : غیرملکیوں کے ورک پرمٹ سے متعلق اہم فیصلہ

    کویت کے حکام نے غیر ملکی کارکنان کیلئے نئے ورک پرمٹ جاری کرنے کا کوٹہ اور اس کی فیس میں اضافہ کردیا۔

    اس حوالے سے کویت کے نائب وزیر اعظم اور دیگر حکام نے وزارت افرادی قوت کے ایک خصوصی اجلاس میں مختلف ممالک سے آنے والے تارکین وطن کو ورک پرمٹ کے ساتھ اقامہ ٹرانسفر کرنے اور ان پر اضافی فیس عائد کرنے کے طریقہ کار میں ترمیم کرنے کی منظوری دے دی۔

    غیر ملکی خبر رساں ادارے کی رپورٹ کے مطابق کویتی ذرائع ابلاغ کا کہنا ہے کہ افرادی قوت کے بورڈ آف ڈائریکٹرز نے متفقہ طور پر اس طریقہ کار میں ترمیم کرنے کا فیصلہ کیا جو پہلے سے ورک پرمٹ دینے کے لیے موجود تھا۔

    کویت

    آجر کمپنیاں (کفیل) اب بیرون ملک سے تارکین وطن کارکنوں کو اپنے لائسنس کے کوٹہ کے مطابق ملک میں لاسکتے ہیں جبکہ اس سے پہلے بیرون ملک بھرتی کے لیے 25 فیصد اور مقامی بھرتی کے لیے 75 فیصد کوٹہ مقرر کیا گیا تھا۔

    اس کا مقصد ملک میں مزدوروں کی کمی کے نتیجے میں زیادہ تنخواہ ڈیمانڈ کرنے کی روایت کو کم کرنے کے ساتھ ساتھ کاروباری ماحول کو فروغ دینا ہے۔

    مذکورہ فیصلہ یکم جون 2024 سے نافذ العمل ہوگیا ہے۔ پچھلے فیصلے نے کاروباری مالکان کو بیرون ملک سے ایک خاص کوٹہ کے مطابق ورک پرمٹ حاصل کرنے اور مقامی بھرتی کے ذریعے بھرتی مکمل کرنے کا پابند کیا تھا جس سے اس سے مزدوروں کی تنخواہوں میں اضافہ ہوا اور شہریوں پر زیادہ بوجھ پڑا۔

    Work Permit

    نئے قواعد و ضوابط کے مطابق پہلی بار ورک پرمٹ جاری کرنے پر 150 دینار فیس وصول کی جائے گی۔ کسی کارکن کو ملک میں قیام کے پہلے تین سالوں کے اندر موجودہ آجر کی منظوری سے کسی مختلف کمپنی میں منتقل کرنے کے لیے 300 دینار کی ٹرانسفر فیس لاگو ہوگی ، اس اقدام کا مقصد آجروں کے لیے روزگار میں زیادہ استحکام حاصل کرنا ہے۔

    اس فیصلے کا مقصد ویزا تجارت کو محدود کرنا اور آجروں کے لیے اپنی تجارتی سرگرمیاں انجام دینے اور کاروباری ماحول کو فروغ دینا اور مزدوروں کی لاگت اور اجرت کو کم کرنا بھی ہے، جس سے ملک میں تعمیراتی اور ٹھیکیداری کے شعبے اور دیگر سرگرمیوں میں کم لاگت آئے گی۔

    دوسری خبر میں پبلک اتھارٹی برائے افرادی قوت نے لیبر قوانین اور مخصوص ضوابط کی تعمیل کو یقینی بنانے کے لیے اداروں اور سروسز کے باقاعدہ اور جاری معائنے کے لیے ایک جامع پروگرام تیار کیا ہے۔

    اتھارٹی نے اس بات پر زور دیا کہ ورک پرمٹ کے مطابق کام تفویض کرنے میں ناکامی جرمانے کا باعث بن سکتی ہے، جس میں 3 سال تک قید اور 2ہزار سے 10ہزار دینار فی کارکن کے درمیان جرمانے، یا دونوں شامل ہیں۔