لاہور: ایچ بی ایل پاکستان سپر لیگ(پی ایس ایل) سیزن نائن کا آفیشل اینتھم رنگ جمانے کو تیار ہے۔
ایچ بی ایل کے آفیشل اینتھم ”کُھل کے کھیل“ کا ٹیزر گزشتہ روز جاری کردیا گیا جبکہ اب مکمل آفیشل سانگ بھی رنگ جمانے کے لیے تیار ہے جو کہ آج ریلیز کیا جائے گا۔
پی ایس ایل سیزن 9 کے گانے میں پاکستان کے صف اوّل راک اسٹار گلوکار علی ظفر اور آئمہ بیگ نے آواز کا جادو جگایا ہے۔
View this post on Instagram
پرومو نےسوشل میڈیا پردھوم مچادی، سوشل میڈیا صارفین کی جانب سے اینتھم کے ٹیزر کو پسند کیا جارہا ہے اور اس کی ریلیز کا بے چینی سے انتظار کیا جارہا ہے۔
اس کے علاوہ چند گھنٹے قبل راک اسٹار علی ظفر نے فوٹو اینڈ شیئرنگ ایپ انسٹاگرام پر ایک ویڈیو شیئر کی ہے جس میں انہوں نے پی ایس ایل سانگ سے جڑے اپنے اموشن سے متعلق گفتگو کی۔
View this post on Instagram
انہوں نے کہا کہ’ میں سیزن ون سے پی ایس ایل کا حصہ رہا ہوں اور شروع کے 3 سیزنز میں بھی میں نے کوشش کی تھی لوگوں کو خوب انٹرٹین کر سکوں اور اس بار بھی میری یہ ہی کوشش تھی، امید ہے آپ سب اس گانے کو بھی خوب انجوائے کریں گے‘۔