Tag: کپتان بابر اعظم

پاکستان کرکٹ ٹیم کے کپتان بابر اعظم کے والوں نے بیٹے پر تنقید کرنے والوں کو آرام سے بیٹھنے کا مشورہ دیا ہے۔

تفصیلات کے مطابق بابر اعظم کے والد عظیم صدیقی نے بیٹے کی کپتانی کے حوالے سے ایک ایڈیٹ شدہ تصویر شیئر کی، جس میں بابر اعظم کی قیادت میں پاکستان ٹیم کے اعزازات جن میں 2021 کے ٹی ٹوئنٹی ورلڈکپ کے سیمی فائنل، 2022 کے ٹی ٹوئنٹی ورلڈکپ کے فائنل اور ایشیا کپ کے فائنل تک کی رسائی نمایاں تھی۔

فوٹو اینڈ شیئرنگ ایپ انسٹا گرام پر انہوں نے تصویر شئیر کرنت کے ساتھ لیپشن میں لکھا کہ یہ تصویر کسی نے کیا اچھی بنائی تنقید کرنے والے لوگوں کے لیے ان ریکارڈز کے ساتھ بابر کا ولڈ ریکاڈ ہے۔

والد عظیم صدیقی نے کہا کہ بابر سب سے لمبے وقت تک ٹی ٹونٹی نمبر 1 رہے اور پاکستان کی طرف دو مرتبہ نمبر 1 اور دوسنچریوں کا بھی ان کے پاس ریکارڈ ہے میرا خیال ہے یہ سب کچھ حادثاتی طور پر نہیں ہوتا۔

 بابر اعظم کے والد کا کہنا تھا کہ اللہ کا کرم بیٹے کی شدید محنت سے یہ سب ممکن ہوا ہے، ہر وقت ایک جیسا وقت نہیں رہتا بُرا تھا چلا گیا پوری دنیا کے لیجنڈز بابر کی کپتانی کو سہراتے ہیں۔

انہوں نے کہا کہ ہمارے ماضی کے بابر کو اُلٹے سیدھیے مشورے دے رہے ہیں اُن کو مشورہ ہے کہ آرام سے بیٹھیں بابر کا ریکارڈ ٹی ٹو نٹی میں اب تک کے تمام پاکستانی لیجنڈز سے اچھا ہے۔

 

View this post on Instagram

 

A post shared by Azam Siddique (@azam.siddique56)

بابر اعظم کے والد عظیم صدیقی نے مزید لکھا کہ دعا ہے کہ یہ ریکارڈ اچھا ہی رہے گا، بابر اللہ کی رحمت سے کپتان بنا اور اللہ نے جب تک چاہا وہ کپتان رہے گا انشاء اللہ پاکستان زندہ باد۔

واضح رہے کہ ٹی ٹوئنٹی ورلڈ کپ میں بابر اعظم کی پرفارمنس اچھی نہ ہونے پر انہیں سابق کھلاڑیوں نے تنقید کا نشانا بنایا تھا۔

سڈنی: پاکستان کرکٹ ٹیم کے کپتان بابر اعظم نے کہا ہے کہ ہم نےپاورپلےکواچھی طرح استعمال کیا،بابراعظم اب ہماری تمام تر توجہ فائنل پر ہے۔

میچ جیتنے کے بعد بر اعظم نے اپنی گفتگو میں کہا کہ ہم نے فیصلہ کیا تھا کہ پاور پلے میں جارحانہ کرکٹ کھیلیں گے۔

بابراعظم نے کہا کہ محمد حارث ایک نوجوان اور جارحانہ  مزاج کے بلے باز ہیں، وہ شاندار کھیل رہے ہیں، ہماری پوری ٹیم نے بہت زبردست کرکت کھیلی ہے۔

بابر اعظم نے کہا شائقین کا شکریہ ادا کرتے ہوئے کہا کہ ایسا لگ رہا ہے جیسے ہوم گراؤنڈ میں کھیل رہے ہیں۔

 

View this post on Instagram

 

A post shared by ICC (@icc)

کیوی کپتان کین ولیمسن نے کہا کہ پاکستان نےبہت اچھی بولنگ کی، جبکہ بابر اعظم اور محمد رضوان نے ہمیں آؤٹ کلاس کیا۔

واضح رہے کہ آئی سی سی ٹی ٹوئنٹی ورلڈ کپ کے پہلے سیمی فائنل میں پاکستان نے نیوزی لینڈ کو شکست دیکر فائنل کے لیے کوالیفائی کر لیا ہے۔

کراچی: قومی کرکٹ ٹیم کے سابق کپتان معین خان نے کہا ہے کہ بابر اعظم کو سیمی فائنل میں اوپننگ نہیں کرنی چاہیے۔

نجی چینل میں گفتگو کرتے ہوئے معین خان کا کہنا تھا کہ نیدرلینڈ نے جنوبی افریقہ کے خلاف بہترین میچ کھیلی ہے، ہمیں ان کا شکریہ ادا کرنا چاہیے۔

انہوں نے کہا کہ نیدرلینڈز کی جیت سے ہی ہماری سیمی فائنل میں پہنچنے کے راستے ہموار ہوئے ہیں، ورلڈکپ کے بعد نیدرلینڈز کی ٹیم کو پاکستان جلد از جلد بلانا چاہیے۔

معین خان کا کہنا تھا کہ بابر اعظم کو سیمی فائنل میں اوپننگ نہیں کرنی چاہیے، سیمی فائنل میں حارث سے اوپننگ کرانی چاہیے، شاہین شاہ آفریدی نے آج بہترین پرفارمنس دی ہے۔

قومی ٹیم کے سابق فاسٹ بولر عاقب جاوید کا کہنا تھا کہ فاسٹ بولرکے لیے انجری سےکم بیک کرنا آسان نہیں ہوتا، محمدحارث کے حوالے سے ان کا کہنا تھا کہ ٹی ٹوئنٹی میں اگلے دو تین سال حارث کے ہیں۔

قومی ٹیم کے آل راؤنڈر عماد وسیم کا کہنا تھا کہ میں آج بہت پُرجوش تھا، بہت خوشی ہوئی، اب ہم ورلڈکپ جیتیں گے، یہ ورلڈکپ ہمارا ہی ہے۔

قومی کرکٹ ٹیم کے کپتان بابر اعظم نے اپنے کرکٹ آئیڈل کا نام بتادیا۔

انٹرنیشنل کرکٹ کونسل (آئی سی سی) کی جانب سے فوٹو اینڈ شئیرنگ ایپ انسٹاگرام پر پاکستان کرکٹ ٹیم کے کپتان بابر اعظم سے مختصر سوال و جوابات کے سیشن کی ویڈیو جاری کی گئی جس میں بابر اعظم سے ان کی زندگی اور کرکٹ کے حوالے سے کچھ سوالات کیے گئے۔

بابر اعظم سے سب سے پہلا سوال کیا گیا کہ انہیں پیار سے کس نام سے پکارا جاتا ہے؟ جس کے جواب کپتان بابر اعظم نے بتایا کہ انہیں پیار سے ‘بوبی’ بلایا جاتا ہے۔

آئی سی سی کی جانب سے جاری کردہ  ویڈیو میں جب بابر سے ان کے کرکٹ آئیڈل کے بارے میں سوال کیا گیا تو انہوں نے جنوبی افریقا کے سابق کپتان اے بی ڈی ویلیئرز کا نام لیا۔

پاکستان ٹیم کے کپتان سے ان کا پسندیدہ شاٹ بھی پوچھا گیا جس پر قومی ٹیم کے کپتان  نے بتایا کہ ان کا فیورٹ شاٹ کور ڈرائیو ہے۔

 

View this post on Instagram

 

A post shared by ICC (@icc)

  اس کے علاوہ ویڈیو میں بابر سے پوچھا گیا کہ وہ کونسا بولر ہے جسے وہ چھکا مارنا چاہتے ہیں؟، اس سوال کے جواب میں انہوں نے انگلینڈ کے فاسٹ بولر مارک ووڈ کا نام لیا، کرکٹ کے علاوہ کیا مشغلہ ہے کہ سوال پر بابر نے بتایا کہ انہیں گھومنا، شاپنگ کرنا اور اسنوکر کھیلنا کافی پسند ہے۔