میلبرن: قومی کرکٹ ٹیم کے کپتان بابر اعظم نے آل راؤنڈر شاداب اور نواز کو ٹیم کا اہم ستون قرار دے دیا۔
میلبرن میں پریس کانفرنس کرتے ہوئے بابر اعظم کا کہنا تھا کہ آل راؤنڈر محمد نواز اور شاداب خان یہ دونوں ہمارے لیے پلس پوائنٹ ہیں، آسٹریلیا کے گراؤنڈ میں بڑے شاٹس نہیں لگتے، بھاگ کر جتنا زیادہ رنز کریں گے اتنا فائدہ ہوگا۔
کپتان کا کہنا تھا کہ پاک بھارت ٹاکرے کے روز موسم ہمارے ہاتھ میں نہیں، بطور کپتان میں یہی چاہوں گا کہ پورا میچ ہو، ہر کوئی اس میچ کا منتظر ہے، ہر صورت حال میں ہماری ٹیم بہترین کارکردگی دینے کے لیے تیار ہے۔
بابر اعظم نے پیس اٹیک پر اعتماد کا اظہار کرتے ہوئے کہا کہ ہمارا پیس اٹیک بہترین پرفارم کر رہا ہے، آف دی فیلڈ ہمارے ہر پلئیر کے ساتھ تعلقات اچھے ہیں۔
شان مسعود کی طبعیت کے حوالے سے بابر کا کہنا تھا کہ ان کا ٹیسٹ کلیئر آیا ہے وہ فٹ ہیں اور کل کے میچ کے لیے ریڈی ہیں۔
پلیئنگ الیون کے حوالے سے کپتان بابر اعظم کا کہنا تھا کہ ابھی وکٹ نہیں دیکھی، ذہن میں گیارہ پلیئر موجود ہیں لیکن کنڈیشن اور وکٹ دیکھنے کے بعد ہی فائنل فیصلہ کروں گا۔ انھوں نے کہا ہر پلیئر کو ذہن میں رکھ کے پلان کرتا ہوں، فخر زمان اس مکمل فٹ نہیں ہیں وہ کل کے میچ میں پلئینگ الیون کا حصہ نہیں ہوں گے۔
کپتان بابر اعظم کا مزید کہنا تھا کہ ٹی ٹوئنٹی میں کسی بھی ٹیم کو آسان نہیں سمجھ سکتے، مختصر فارمیٹ میں کسی ٹیم کے پاس غلطی کی گنجائش نہیں ہوتی ہے۔
انہوں نے کہا کہ حارث رؤف یہاں بگ بیش کھیلا ہے، انھوں نے یہاں کے بارے میں کافی بتایا ہے، انہوں نے پاکستان کے لیے کافی اچھا پُرفارم کیا ہے، مجھے ٹیم کے ہر پلئیر پر پورا اعتماد ہے۔
