کارڈف: برطانوی ملک ویلز میں بے گھر خاندان کے دو بچوں کی زندگیاں بچ گئیں۔
غیرملکی خبررساں ادارے کی رپورٹ کے مطابق ویلز میں سیوریج اور کچرے کے حوالے سے قائم کیے گئے ادارے کے اہلکار نے بتایا کہ جب وہ کچرا دان ٹرک میں خالی کررہا تھا تو اچانک اسے دو بچے سوتے ہوئے نظر آئے۔
دیو پیان نامی عملے کے اہلکار کا کہنا ہے وہ گزشتہ 16 سال سے جنوبی ویلز میں کچرا اٹھانے اور اسے مقرر ٹھکانوں پر تک پہنچانے کا کام کررہا ہے، اس دوران انہوں نے متعدد بار بچوں کو کچرا دانوں کے اندر سوتے ہوئے دیکھا ہے۔
خیال ہے کہ بے گھر افراد اور ان کے بچے سڑک پر کسی حادثے سے بچنے کے لیے کچرے کے ڈبوں میں سوجاتے ہیں، کئی ڈرائیور زکے مطابق سڑک پر سوتے ہوئے بچوں کے پیر متعدد بار گاڑیوں کی زد میں آئے ہیں۔
دیو پیان نے بتایا کہ ایک دفعہ صبح سویرے وہ کچرا دان خالی کرنے کے لیے آئے تو انہیں دو بچے ڈبے میں سوتے ہوئے نظر آئے، مختصر وقفے کے بعد ہی وہ جاگ گئے اور فوراً کچرا دانی سے چھلانگ لگا کر دوڑ لگا دی۔
عملے کے اہلکار نے اندازہ لگایا کہ ان کی عمریں 9 سے 10 سال کے درمیاں تھیں۔
دوسری جانب محکمہ صحت نے خبردار کیا ہے کہ اس طرح کچروں کے ساتھ سونا موت کا سبب بھی بن سکتا ہے، گزشتہ پانچ سالوں کے دوران تقریباً 7 افراد مارے جاچکے ہیں۔
