Tag: کچرا کنڈی

کراچی : کچرا کنڈی سے لڑکی کی لاش ملنے کے واقعے میں اہم انکشاف ہوا تاہم تلاش ایپ اور دیگر طریقوں سے بھی لڑکی کی شناخت نہیں ہو سکی۔

تفصیلات کے مطابق کراچی کے علاقے ملیر کھوکھرا پار میں کچرا کنڈی سے لڑکی کی لاش برآمد ہوئی ، پولیس نے بتایا کہ ملنے والی لاش مبینہ طور پر اسکول طالبہ کی ہے اور مقتولہ نےاسکول کایونیفارم پہناہوا تھا۔

جس کے بعد پولیس اسکول پہنچ گئی، جہاں پرنسپل نے کہا کہ لڑکی جویونیفارم پہنی ہوئی اس پر موجود مونو گرام  2سال پراناہے، دو سال پہلے ہم نے اپنے سکول کا مونوگرام تبدیل کر دیاتھا۔

پرنسپل نے بتایا کہ کوئی والدین کسی لڑکی کی گمشدگی کے حوالے سے ہمارے پاس نہیں آئے، اسکول بند ہیں اور خالی اسٹاف اسکول میں آرہا ہے۔

پولیس کا کہنا ہے کہ واقعے کی تمام پہلوؤں سے تحقیقات کر رہے ہیں تاہم تلاش ایپ اور دیگر طریقوں سے بھی شناخت نہیں ہو سکی۔

کراچی : کچرا کنڈی سے تین نومولود بچوں کی لاشیں برآمد ہوئی ، لاشوں کو ایک شاپر میں ڈال کر کچرا کنڈی میں دبایا گیا تھا۔

تفصیلات کے مطابق کراچی کے علاقے نارتھ ناظم آباد بلاک 6 فاروق اعظم مسجد کے قریب 3 نوزائیدہ بچوں کی لاشیں ملیں، ریسکیوذرائع نے بتایا کہ تینوں نوزائیدہ کی لاشیں کچراکنڈی سے ملی ہیں۔

ریسکیوذرائع کا کہنا تھا کہ تینوں لاشیں تین بوتلوں میں رکھی گئی ہیں، کچرہ کنڈی کے قریب موقع پر پہنچ کر لاشوں کو تھانے منتقل کردیا گیا ہے۔

ذرائع نے کہا ہے کہ تینوں بچوں کی عمریں ایک ماہ کے قریب بتائی جارہی ہیں، لاشوں کو ایک شاپر میں ڈال کر کچرا کنڈی میں دبایا گیا تھا جبکہ نامعلوم افراد نے شاپرکےاوپر مٹی بھی ڈال دی تھی۔

یاد رہے رواں سال اگست میں کراچی کے علاقے نارتھ ناظم آباد کے اسپتال میں افسوسناک واقعہ پیش آیا تھا ، اسپتال میں واش روم کےکچرادان سے پری میچور 2 بچوں کی لاشیں برآمد ہوئیں تھیں۔

پولیس نے بتایا تھا کہ تھانہ حیدری میں خاتون کے خلاف مقدمہ درج کرلیا گیا، مبینہ طور پر خاتون پری میچوردو بچوں کی لاشیں چھوڑکر فرار ہوئی۔

کراچی: بلدیہ ٹاؤن میں کچرا کنڈی سے لاش کے ٹکڑے برآمد ہوئے، پولیس نے کہا کہ اعضاء میں بند ہاتھ اور پیر ملے ہیں۔

تفصیلات کے مطابق کراچی کے علاقے بلدیہ ٹاؤن سے دو روز کے دوران مختلف مقامات سے نامعلوم شخص جسم کے ٹکڑے برآمد ہوئے ہیں۔

پولیس نے بتایا کہ بلدیہ ٹاؤن سعید آباد کے علاقے میں کچرا کنڈی سے نامعلوم شخص کی بوری میں بند ہاتھ اور پیر برآمد ہوئے جبکہ گزشتہ روز بھی اسی علاقے میں کچھ فاصلے پر کچرا کنڈی سے نامعلوم شخص کا دھڑ ملا تھا، جس کے سر اور ہاتھ موجود نہیں تھے۔

پولیس کا کہنا ہے کہ برآمد ہونے والے ہاتھ اور پیر اسی شہری کے معلوم ہوتے ہیں ، جس کا دھڑ ایک روز پہلے ملا تھا تاہم جسم کے اعضاء کے ڈی این اے ٹیسٹ کروائے جا رہے ہیں۔

یاد رہے کراچی میں پاپوش نگرقبرستان میں شاپنگ بیگ سے انسانی اعضاء برآمد ہوئے تھے ، پولیس حکام نے بتایا تھا کہ ملنے والے اعضاء کسی مرد کے ہیں تاہم ہاتھ ،پاؤں اورسرموجودنہیں۔

حکام کا کہنا تھا کہ قبرستان میں انسانی اعضاء کیساتھ ایک ہتھوڑی بھی ملی ہے جبکہ کچھ فاصلے پر بنارس پل کے قریب سے ایک انسانی بازوبھی ملا ہے۔