کراچی : پرانی سبزی منڈی عسکری پارک کے قریب کچرہ کنڈی سے کمبل میں لپٹی ہوئی لاش برآمد ہوئی ، مقتول کو گولی مار کر قتل کیا گیا ہے۔
تفصیلات کے مطابق کراچی کے مختلف علاقوں میں فائرنگ کے واقعات میں دو افراد جاں بحق جبکہ دو زخمی ہوگئے۔
ریسکیو حکام نے بتایا کہ پرانی سبزی منڈی عسکری پارک کے قریب کچرہ کنڈی سے کمبل میں لپٹی ہوئی لاش برآمد ہوئی، مقتول کو سینے میں گولی مار کر قتل کیا گیا ہے۔
دوسرے واقعے میں نیو کراچی شفیق کالونی کے قریب فائرنگ ایک شخص جاں بحق ہوگیا جبکہ کھوکھراپار نمبر1کے قریب فائرنگ سے ایک شخص زخمی ہوازخمی شخص کی شناخت 18سالہ علی گل کے نام سے ہوئی۔
ماڑی پور نیو ٹرک اڈے کے قریب ڈکیتی مزاحمت پر فائرنگ سے ایک شخص زخمی ہوگیا،جاں بحق اور زخمیوں کو اسپتال منتقل کردیا گیا۔
