سکھر : محکمہ صحت کی مجرمانہ غفلت سامنے آگئی ، ہزاروں روپے کی مالیت کی سرکاری ادویات کچرا کنڈی کی نظر کر دی گئیں۔
تفصیلات کے مطابق سکھر میں محکمہ صحت نے لاپروائی کا اعلٰی مثال قائم کرتے ہوئے سرکاری ادویات شہر کی کچرا کنڈی میں پھینک دیں۔
کچرے کے ڈھیر سے بڑی مقدار میں سرکاری ادویات برآمد کرلیں گئیں ، شہر کے گنجان آبادی والے علاقے شکارپور پھاٹک کے قریب واقع کچرا کنڈی سے ملنے والی سرکاری ادویات تین سال تک قابل استعمال ہیں۔
کچرے سے ملنے والی ادویات میں بخار ، سر درد سمیت دیگر امراض کی ادویات شامل ہیں، کچرہ کنڈی سے ملنے والی ادویات کی وڈیو سوشل میڈیا پر وائرل ہوگئی
ایک جانب سرکاری اسپتالوں میں ادویات کا فقدان ہے تو دوسری جانب قابل استعمال ادویات کچرے میں پھینک دی گئیں۔
کراچی: شہر قائد میں لاک ڈاؤن کے دوسرے ہفتے 2 دل دہلا دینے والے واقعات سامنے آ گئے ہیں۔
اے آر وائی نیوز کے مطابق کراچی میں کرونا وائرس کے سبب نافذ کیے جانے والے لاک ڈاؤن میں غریب شہری شدید متاثر ہو چکے ہیں، اس دوران دو ایسے واقعات سامنے آئے ہیں جنھیں دیکھ کر نرم دل شہریوں کی آنکھیں نم ہو گئیں۔
شہر میں لاک ڈاؤن کے باعث بے روزگاری سے تنگ ایک نوجوان معذور بن کر بھیک مانگنے لگا۔ نوجوان معذور بن کر مخیر حضرات سے راشن بھی طلب کرتا رہا، تاہم راشن تقسیم کرنے والے رضا کاروں کی ایک ٹیم نے نوجوان کا بھانڈا پھوڑ دیا۔ پکڑے جانے کے بعد قانون نافذ کرنے والے اداروں کے حوالے کرنے کے ڈر سے معذور نوجوان اٹھ کر بھاگ کھڑا ہوا، رضاکاروں نے نوجوان کو تھپڑ بھی مارے۔
معذور بن کر مفت راشن لینے کی کوشش کرنے والا نوجوان، جو بعد ازاں اٹھ کر بھاگ گیا
دوسرا واقعہ کراچی کے علاقے لیاری میں پیش آیا، کراچی کے اس قدیم علاقے لیاری میں بھیم پورا پی ایس 109 میں بھوک کا مارا ایک شخص کچرے کے ڈھیر سے کھانا کھانے پر مجبور ہو گیا۔ شہری کی جانب سے اس منظر کی ویڈیو بھی بنا لی گئی جس میں بھوکا شخص کچرے کے ڈھیر سے کھانا چن کر کھاتے دیکھا گیا۔
لیاری کے علاقے میں کوڑے دان سے کھانے کی اشیا ڈھونڈ کر کھانے والا شخص
خیال رہے کہ لاک ڈاؤن سے متاثرہ شہری تاحال سرکاری امداد کے منتظر ہیں، سرکاری راشن نہ ملنے پر یو سی چئیرمینز نے ازخود راشن باٹنا شروع کر دیا ہے، اس سلسلے میں یو سی چیئرمین رات گئے ضلع وسطی کے مختلف علاقوں میں راشن لے کر پہنچ گئے، انھوں نے گلبرگ، فیڈرل بی ایریا، غیریب آباد کے علاقوں میں راشن تقسیم کیا۔
یو سیز اور شناختی کارڈ کی تفصیلات کے مطابق بنائی گئی فہرست پر مستحقین میں راشن کے بیگز تقسیم کیے گئے، یو سی چئیرمین حسن نقوی کا کہنا تھا کہ راشن بیگز میں دو ہفتوں کی ضروریات زندگی کی اشیا موجود ہیں۔
کراچی : ایئرپورٹ کے اطراف کے علاقوں میں کچرے اور گندگی کی وجہ سے پرندوں کی آمد کا سلسلہ شروع ہوگیا، کراچی ایئرپورٹ پر اندرون و بیرون ملک سے آنے والی پروازوں کے طیاروں کو پرندوں سے خطرات لاحق ہوگئے۔
اس حوالے سے ذرائع کا کہنا ہے کہ سی اے اے کے شعبہ تحفظات اور ماحولیات نے ایئرپورٹ کے اطراف گندگی پر تحفظات کا اظہار کردیا، گندگی کے ڈھیر کی وجہ سے کراچی ایئرپورٹ پر طیاروں کی لینڈنگ اور ٹیک آف پر پرندوں کی آمد کی وجہ سے خطرے کا سبب بن سکتی ہیں۔
ذرائع کے مطابق شعبہ انوائرمنٹل کنٹرول آفیسر کا بلدیاتی اداروں سے مسلسل رابطہ ہے، ایئرپورٹ کے اطراف اور شہر کے بعض مقامات پر گندگی کے ڈھیر سے جہازوں کو نقصان پہنچ سکتا ہے۔
انوائرمنٹل کنٹرول آفیسر کا کہنا ہے کہ گندگی کی وجہ سے پرندوں کی آمد کا سلسلہ شروع ہوچکا ہے جس سے جہازوں سے پرندے ٹکرانے کے واقعات رونما ہوسکتے ہیں۔
سی اے اے نے کراچی کی انتظامیہ سے رابطہ کیا ہے، سول ایوی ایشن اتھارٹی دو اگست کو صفائی ستھرائی کے حوالے سے بھی ضلعی انتظامیہ کو خط لکھ چکی ہے۔
جہازوں کو پرندوں سے بچانے اور فضائی سفر کو محفوظ بنانے کیلئے ادارے اپنا کردار ادا کریں جبکہ سی اے اے کی جانب سے کراچی لاہور پشاور سمیت دیگر ائیرپورٹ پر آگہی مہم بھی شروع کی گئی ہے۔
سکھر : سنگدل اور بد نصیب بیٹوں نے بوڑھی ماں پر بہیمانہ تشدد کرکے بے ہوشی کی حالت میں کھلے آسمان تلے کچرے کے ڈھیر پر پھینک دیا، بوڑھی ماں کا جرم بیٹوں سے دو وقت کی روٹی مانگنا تھا۔
تفصیلات کے مطابق سکھر کے علاقے بس ٹرمینل کے قریب سنگدل بیٹے بوڑھی ماں کو تشدد کے بعد نیم بے ہوشی کی حالت میں کچرے کے ڈھیر پر پھینک گئے،80 سالہ بوڑھی خاتون کئی گھنٹے تک کچرے کے ڈھیر پر روتی تڑپتی رہی کچھ خدا ترس لوگوں نے بوڑھی خاتون کو اٹھا کر طبی امداد کے لئے سول اسپتال پہنچایا۔
اے آر وائی نیوز پر خبر نشر ہو نے کے بعد سربراہ بحریہ ٹاؤن ملک ریاض نے فوری ایکشن لیتے ہوئے80 سالہ بوڑھی خاتون کا بیڑا اٹھا لیا، خاتون کو فوری طور پر لاہور بحریہ ٹاؤن اولڈایج ہوم منتقل کرنے کے احکامات جاری کر دیئے۔
ملک ریاض کی بحریہ ٹاؤن کی ٹیم کچھ دیر بعد کراچی سے سکھر پہنچ کر بوڑھی خاتون کو لاہور اولڈ ایج ہوم منتقلی کے لئے لے جائیں گے چار گھنٹے گزرجانے کے بعد پولیس حسبِ روایت تاخیر سے اسپتال پہنچی، بوڑھی خاتون کو اس وقت لیڈی کانسٹیبل کی نگرانی میں سکھر سول اسپتال میں رکھا ہوا ہے۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
