Tag: کچل دیا

بھارت میں گزشتہ دنوں ایک افسوسناک واقعہ پیش آیا جب ایم پی اے کی بیٹی نے سوئے ہوئے شخص کو کار سے کچل دیا، جس سے اس کی موت واقع ہوگئی۔

بین الاقوامی خبر رساں ادارے کی رپورٹ کے مطابق آندھرا پردیش کی اپوزیشن جماعت وائی ایس آر کانگریس پارٹی کے رکن راجیہ سبھا بیدھا مستان راؤ کی بیٹی بیدھا مادھوری کو گرفتاری کے بعد ضمانت پر رہائی مل گئی۔

YSRCP Rajya Sabha MP Beeda Masthan Rao’s daughter Madhuri (33) was arrested for a #HitandRun case, she allegedly ran over a 24 year old painter, while sleeping on a pavement in #BesantNagar, #Chennai. Madhuri was later granted bail.#BeedaMasthanRao #YSRCP pic.twitter.com/PkbeM0lth5

— Surya Reddy (@jsuryareddy) June 18, 2024

رپورٹ کے مطابق خاتون پر سوئے ہوئے شخص پر اپنی کار چڑھانے، لاپرواہی سے ڈرائیونگ کرنے کا الزام ہے۔ کار چڑھانے کی وجہ سے سویا ہوا شخص ہلاک ہوگیا تھا۔

پولیس ذرائع کے مطابق مادھوری نے چینائی کے بسنت نگرعلاقہ میں فٹ پاتھ پر محوخواب شخص پر کار چڑھادی تھی جس کے بعد وہ، ایک اور شخص کے ساتھ وہاں سے فرار ہوگئی۔پولیس کا کہنا ہے واقعہ17 جون کی رات میں پیش آیا۔

کار کی ٹکر سے ہلاک ہونے والے کی شناخت21سالہ سوریا کے طور پر کی گئی ہے واقعہ کے بعد پینٹر سوریا کو سرکاری ہاسپٹل لے جایا گیا جہاں ڈاکٹروں نے اس کی موت کی تصدیق کردی۔

پولیس نے مقدمہ درج کرکے تحقیقات شروع کردی ہیں، لا پرواہی سے کار چلانے کے الزام میں مادھوی کو گرفتار کرلیا گیا لیکن بعد میں انہیں ضمانت پر رہا کردیا گیا۔

بھارت تلنگانہ میں ایک افسوسناک حادثہ پیش آیا، جب ووٹ ڈال کر واپس اپنے گھر جانے والی خاتون نرس ٹریفک حادثے میں ہلاک ہوگئی، ہولناک حادثے کی ویڈیو بھی سوشل میڈیا پر گردش کررہی ہے۔

 بین الاقوامی خبر رساں ادارے کی رپورٹ کے مطابق افسوسناک حادثہ فاطمہ نگر، قاضی پیٹ میں پیش آیا، حادثے کا شکار ہونے والی نرس کی شناخت 35سالہ کویتا کے نام سے ہوئی ہے۔

 بد قسمت خاتون اپنے گھر جارہی تھی کہ ایک تیز رفتار کار نے اسے زور دار ٹکر ماردی، حادثے میں خاتون کے سر پر شدید چوٹیں آئیں۔ علاج کے لیے ایم جی ایم اسپتال لے جاتے ہوئے راستے میں ہی خاتون نرس کی موت واقع ہوگئی۔

హనుమకొండలో ఒక ఎక్సైజ్ సీఐ కొడుకు రాష్ డ్రైవింగ్‌తో మహిళ మృతి pic.twitter.com/mkGbqFFM5K

— Telugu Scribe (@TeluguScribe) December 1, 2023

 پولیس ذرائع کا اس حوالے سے کہنا ہے کہ خاتون ہنوماکنڈہ ضلع میں درگاہ قاضی پیٹ کی رہائشی ہے، ووٹ ڈالنے کے بعد گھر لوٹتے وقت ایک کار فاطمہ نگر سے درگاہ کی طرف آئی اور کویتا کو ٹکر مار دی۔ جس کے باعث اس کی موت واقع ہوگئی۔

 خاتون کی ٹریفک حادثے میں ہلاکت کے بعد متوفی کے رشتہ داروں نے قاضی پیٹ برج پر نعش رکھ کے احتجاج کیا اور ایکسائز سی آئی کے بیٹے وامسی کے خلاف کارروائی کا مطالبہ کیا جس کی لاپرواہی سے یہ حادثہ رونما ہوا۔

 پولیس نے واقعہ کا مقدمہ درج کرلیا ہے، جبکہ ہر زاویے سے تحقیقات کا آغاز بھی کردیا گیا ہے۔

بھارت میرٹھ میں ایک تیز رفتار SUV گاڑی نے پیدل چلنے والوں کو کچل دیا، اطلاعات کے مطابق گاڑی ڈرائیور کے کنٹرول سے باہر ہوگئی اور لیمپ پوسٹ سے جا ٹکرائی، واقعہ کی ویڈیو سوشل میڈیا پر گردش کررہی ہے۔

غیر ملکی ذرائع ابلاغ کے مطابق یہ واقعہ پیر کی رات اس وقت پیش آیا جب ایک SUV گاڑی جسے اس میں موجود شخص انتہائی تیز رفتاری سے چلا رہا تھا، قابو سے باہر ہوگئی اور سڑک کے کنارے ایک لیمپ پوسٹ سے جا ٹکرائی۔ حادثے میں ایک شخص گاڑی کی زد میں آگیا۔

پولیس کے مطابق حادثے کے دوران گاڑی کی زد میں آنے والا شخص غبارے فروخت کررہا تھا، جس کی شناخت بھانو کے نام سے ہوئی ہے، متاثرہ شخص تیز رفتار گاڑی کے پہیوں تلے کچل کر موقع پر ہی دم توڑ گیا۔

#Meerut में तेज रफ्तार #Scorpio के सड़क दुर्घटना का #LiveVideo आया सामने…… #viralvideo #Palestine #Israel_under_attack #PalestinianGenocide pic.twitter.com/2DAv236kit

— UP मंथन (@upmanthan) October 25, 2023

پولیس کے ایک سینئر عہدیدار نے بتایا ہے کہ پولیس نے گاڑی کے اندر سے شراب کی کئی بوتلیں برآمد کی ہیں اور اس کی جانچ کی جارہی ہے کہ آیا حادثہ کے وقت ڈرائیور نشے کی حالت میں تھا۔

اہلکار نے بتایا کہ اس سلسلے میں ایک مقدمہ درج کر لیا گیا ہے اور پانچ افراد کے علاوہ گاڑی کا ڈرائیور بھی حادثے میں زخمی ہوا ہے اور اسے طبی علاج کے لیے قریبی اسپتال میں داخل کرایا گیا ہے۔

تاہم، رپورٹوں کے مطابق، ابھی تک اس معاملے میں کوئی گرفتاری عمل میں نہیں آئی ہے۔