Tag: کچے

مظفرگڑھ : کچے میں ڈکیت گینگ نے پولیس کے سامنے گھٹنے ٹیک دئیے اور چھینے گئے سو جانوروں سمیت خود کو پولیس کے حوالے کردیا۔

ترجمان پنجاب پولیس کے مطابق مظفرگڑھ پولیس اور کچا ڈکیٹ گینگ کے درمیان ایک ہفتہ تک مقابلہ جاری رہا جس کے بعد کچاگینگ کے 5 کارندوں نے ہتھیار ڈال دیے۔

تفصیلات کے مطابق مظفرگڑھ میں پولیس نے بڑی کارروائی کی، کچے کے علاقہ میں ایک ہفتہ پولیس سے شدید مقابلے کے بعد کچہ ڈکیت بوسن گینگ نے سرینڈر کردیا۔

ابتدائی طور پر گینگ کے 05 اہم اراکین نے اپنے اسلحہ سمیت خود کو سرینڈر کرکے جرائم کی دنیا سے توبہ بھی کر لی۔

گینگ ممبران نے 4 کلاشنکوف اور 02 ریپیٹر بھی پولیس کے حوالے کر دیئے ، سرینڈر ہونے والے ڈاکوؤں پر درجنوں دہشت گردی، قتل، اقدام قتل، ڈکیتی و راہزنی جیسے مقدمات درج ہیں۔

لوٹے گئے 100 جانور ڈی پی او ڈاکٹر رضوان خان نے اصل مالکان کے حوالے کردئیے تاہم پولیس کیطرف سے علاقے کا سرچ آپریشن بھی شروع کردیا گیا ہے۔

سندھ پولیس کچے کے ڈاکوؤں کی بیخ کنی کے لیے آپریشن کر رہی ہے ایسے میں ڈاکوؤں نے کوٹ شاہو میں 9 لکڑہاروں کو اغوا کر لیا ہے۔

اے آر وائی نیوز کے مطابق کچے کے ڈاکوؤں کی بڑھتی کارروائیوں پر آئے دن سندھ پولیس کی جانب سے آپریشن کیے جاتے ہیں۔ ان دنوں بھی ایس ایس پی شکارپور رینجرز کے ساتھ مل کر آپریشن کر رہے ہیں۔

اسی آپریشن کے دوران شکارپور کے علاقے کوٹ شاہو میں کچے کے ڈاکوؤں کے ہاتھوں ایک یا دو نہیں بلکہ 9 افراد اغوا ہوئے ہیں اور اس کی ویڈیو تیزی سے سوشل میڈیا پر وائرل ہو رہی ہے۔

پولیس کا کہنا ہے کہ تمام مغوی افراد کرم پور لاڑو کے رہائشی ہیں، جو گزشتہ روز علاقے میں لکڑی کاٹنے گئے تھے۔ انہیں بڈانی گینگ نے اغوا کیا ہے۔

تاہم اس حوالے سے اے آر وائی نیوز کے چیف رپورٹر سندھ لالہ اسد پٹھان نے پروگرام باخبر سویرا میں گفتگو کرتے ہوئے اس سارے ڈرامے کا پول کھول دیا ہے۔

انہوں نے انکشاف کیا ہے کہ یہ ویڈیو جعلی ہے جس کا مقصد ایس ایس پی شکارپور شاہ زیب چاچڑ کی جانب سے کچے کے ڈاکوؤں کے خلاف ہونے والے آپریشن کو متاثر کرنا ہے۔

انہوں نے بتایا کہ مغوی کسان معصوم نہیں بلکہ یہ ڈاکوؤں کے مخبر بھی ہیں۔ یہی لوگ ڈاکوؤں کے راشن پانی کا بندوبست کرتے، اخبارات اور اطلاعات فراہم کرتے ہیں۔ یہ ویڈیو بنانے کے بعد جان بوجھ کر وائرل کی گئی ہے کیونکہ ڈاکو بھی سوشل میڈیا کو استعمال کرنا اور اس سے فائدہ اٹھانا جان گئے ہیں۔

ملٹی میڈیا – ویڈیو خبریں دیکھنے کے لیے کلک کریں

https://urdu.arynews.tv/wood-artisit-video-report/

صادق آباد : پولیس نے کچے میں آپریشن کے دوران جزیرہ نما کچہ رجوانی میں ڈاکوؤں کے ٹھکانے تباہ کردیئے اور متعدد مورچے اڑا دیئے۔

تفصیلات کے مطابق صادق آباد پولیس کا کچےمیں آپریشن چالیسویں روز میں داخل ہوگیا ہے، جس میں پولیس کی پیش قدمی جاری ہے۔

ترجمان کا کہنا تھا کہ آپریشن میں جزیرہ نما کچہ رجوانی میں ڈاکوؤں کے ٹھکانے تباہ کردیئے گئے، ترجمان پولیس نے بتایا کہ بھاری ہتھیاروں سے بھرپور حملہ کرکے متعدد مورچے اڑا دیئے ہیں۔

ترجمان نے بتایا کہ نو گو ایریا سمجھا جانے والا کچہ کراچی ڈاکوؤں سے خالی کرا لیا گیا ہے ، کامیاب منصوبہ بندی اور حکمت عملی کے تحت کچہ رجوانی میں کارروائیاں جاری ہیں۔

پولیس نے کہا کہ متعدد کیمپس، او پی پوسٹس اور داخلی و خارجی راستوں پر چیکنگ پوائنٹس قائم ہیں، آپریشن میں تین ڈاکو ہلاک، اٹھائیس گرفتار اور پانچ سرنڈر ہوچکے ہیں جبکہ آپریشن میں بڑی تعداد میں اسلحہ اور گولہ بارود برآمد ہوا ہے۔

ترجمان کے مطابق ڈاکوؤں سے کلیئر کرائے گئےعلاقوں میں مفاد عامہ کے کاموں کا آغاز کر دیا گیا ہے۔

کشمور : کچے کے علاقے میں ڈاکوؤں کے حملے میں دو پولیس اہلکارشہید جبکہ ایس ایچ او سمیت چار پولیس اہلکار زخمی ہوگئے۔

تفصیلات کے مطابق کشمور گیھلپور کچے کے علاقے میں پولیس چوکیاں قائم کرنے کے دوران اچانک ڈاکوؤں نے حملہ کردیا۔

ڈاکوؤں کی فائرنگ سے دو پولیس اہلکار شہید ، 1 ایس ایچ او سميت 4 پوليس اہلکار زخمی ہوگئے، زخمیوں کو رحیم یار خان اسپتال منتقل کردیا گیا جبکہ شھید پولیس اہلکاروں کو کشمور ہسپتال منتقل کیا گیا ہے۔

ڈاکوؤں کی فائرنگ سے دو پولیس اہلکار صابر علی اور احد علی ڈومکی شہید ہوئے ، ایس ایس پی عرفان علی سمو نے بتایا کہ نئی چیک پوسٹ قائم کرنے کے دوان ڈاکوؤں نے پولیس پر فائرنگ کی، زخمی ہونے والوں میں ایس ایچ بخشاپور گل محمد مھر سمیت 4 پوليس اہلکار شامل ہیں۔

واقع کے بعد ضلع بھر کی بھاری پولیس نفری کچے کی طرف روانہ کر دی گئی ہے واضح رہے کہ چند روز قبل ایک ایس ایچ او شہید جبکہ ڈی ایس پی سمیت 2 اہلکار زخمی ہوئے تھے۔

صادق آباد: کچے میں ڈاکوؤں کے خلاف پولیس کے گرینڈ آپریشن کے دوران ایک ڈاکوہلاک اور 6 کو گرفتار کرلیا گیا۔

تفصیلات کے مطابق صادق آباد کچے میں ڈاکوؤں اور ملک دشمن دہشت گردوں کے خلاف گرینڈ آپریشن تیسرے روز میں داخل ہوگیا، پولیس کے تازہ دم دستوں کی پیش قدمی جاری ہے۔

ترجمان پولیس نے بتایا کہ آپریشن کی قیادت آئی جی جنوبی پنجاب کررہے آر پی او بہاول پور آر پی او ڈی جی خان اور راجن پور اور رحیم یار خان کے ڈی پی او رضوان گوندل بھی انکے ہمراہ ہیں۔

ترجمان کا کہنا تھا کہ پہلا پولیس کیمپ تھانہ بھونگ کے علاقے گڑھی خیر محمد جھک میں قائم کیا گیا ، پولیس کی پیش قدمی کے بعد ڈاکوؤں اور پولیس کے درمیان فائرنگ کا تبادلہ جاری ہے۔

پولیس نے کچے کے علاقے کچہ کراچی گڑھی خیر محمد جھک کوٹلہ جعفر لعل میں ڈاکوؤں کے ٹھکانوں کو جلا دیا گیا اور سینکڑوں ایکڑ رقبہ ڈاکوؤں سے آزاد کرکے کلیئر کر دیا گیا ہے، اس آپریشن میں ابتک 1 ڈاکو ہلاک 6 کو گرفتار کیا جاچکا ہے۔

پولیس کا کہنا ہے کہ انٹیلیجنس کے تعاون سے تیار کئے جانیوالے ہیٹ میپ کے تحت قومی سلامتی کونسل کی ہدایات کے تحت آپریشن جاری ہے کچے میں ریاست کی رٹ کو بحال کرکے خطرناک ڈاکوؤں اور ملک دشمن دہشتگردوں کے خاتمے تک آپریشن جاری رہے گا۔