Tag: کچے میں آپریشن

حیدر آباد : حیدرآباد، ٹھٹہ اور سجاول میں جرائم میں اچانک اضافہ ہوگیا،متاثرہ لوگوں کا کہنا ہے کہ حیدرآباد کے کچے میں ڈاکو آگئے ہیں۔

تفصیلات کے مطابق کشمور اور شکارپور کے کچے میں آپریشن کے بعد ڈاکوؤں  نے حیدرآباد کا رخ کرلیا۔

حیدرآباد کے آس پاس کے علاقوں اور قومی شاہراہ پر اچانک ڈکیتی اور لوٹ مار کی وارداتوں میں اضافہ ہوگیا ہے۔

متاثرہ لوگوں کا کہنا ہے کہ حیدرآباد کے کچے میں ڈاکو آگئے ہیں، حیدرآباد میں لوٹ مار کے واقعات سے نہ صرف تاجر برادری پریشان بلکہ زمیندار طبقہ بھی عدم تحفظ کا شکار ہے۔

ڈی آئی جی حیدرآباد طارق رزاق دھاریجو نے کشمور اور شکارپور کے کچے میں ڈاکووں کے خلاف آپریشن کے بعد جرائم پیشہ افراد کے حیدرآباد کا رخ کرنے کی تصدیق کی تاہم وہ امن و امان کی اس بگڑتی صورتحال کو بڑا چیلینج نہیں سمجھتے۔

ڈی آئی جی حیدرآباد نے ڈاکوؤں کو آباد کرنے والے زمینداروں کے خلاف کارروائی کا عندیہ دے دیا ہے۔

کراچی : کچے میں آپریشن کے دوران ڈکیت گینگ کا سرغنہ امداد بھیو ہلاک ہوگیا، سندھ حکومت نےاس کے سر کی قیمت3 لاکھ مقرر کی تھی۔

تفصیلات کے مطابق رینجرز اور پولیس نے اندرون سندھ کچے میں جرائم پیشہ افراد کیخلاف آپریشن کیا ، آپریشن کے دوران مقابلے کے بعد بدنام زمانہ ڈکیت گینگ کا سرغنہ امداد بھیو ہلاک ہوگیا۔

ترجمان رینجرز نے بتایا کہ سندھ حکومت نے ڈکیت گینگ کے سرغنہ کے سر کی قیمت 30 لاکھ مقرر تھی اور وہ 3 تاجروں سمیت 5 بینک ملازمین کے اغوا میں ملوث تھا۔

ترجمان کا کہنا تھا کہ دوران آپریشن رینجرز، پولیس اور بھیو ڈکیت گینگ میں فائرنگ کا تبادلہ ہوا ، ہلاک ڈکیت قتل،اقدام قتل، ڈکیتی، رہزنی اور دیگر جرائم میں ملوث تھا۔

بھیو ڈکیت گینگ کے دیگر ساتھیوں کی گرفتاری کیلئے پولیس اور رینجرز کا آپریشن جاری ہے۔

ایس ایس پی کشمور بشیر بروہی نے بتایا کہ کارروائی کے دوران بہیو گینگ کے 4 کارندے زخمی حالت میں گرفتار کئے ہیں۔

بشیر بروہی کا کہنا تھا کہ پولیس کی جانب سےہلاک ڈاکوپرایک کروڑانعام کی سفارش کی گئی تھی، بہیوگینگ پولیس پکٹس پر حملوں، قتل اور اغوابرائے تاون میں ملوث ہے۔

کراچی : وزیرعلیٰ سندھ سید مراد علی شاہ کی زیر صدارت اجلاس سیف سٹی پراجیکٹ ، کچے میں آپریشن سے متعلق اہم فیصلے کرلئے گئے۔

تفصیلات کے مطابق وزیرعلیٰ سندھ سید مراد علی شاہ کی زیر صدارت اجلاس ہوا ، جس میں سیف سٹی پراجیکٹ، کچے میں آپریشن اور سی ٹی ڈی کومزید سہولتیں دینے سے متعلق فیصلے کئے گئے۔

مرادعلی شاہ نے کہا کہ سیف سٹی منصوبہ ایس 4 کاگزشتہ روز افتتاح کیا ہے،اب مجھے سیف سٹی پر کام ہوتے ہوئے نظر آنا چاہئے، سیف سٹی کیلئےجون کےآخرمیں سی سی ٹی وی کی شپمنٹ آجائےگی، آئی جی پولیس سیف سٹی منصوبے کیلئے ضروری سہولتیں مہیا کریں۔

وزیراعلیٰ سندھ نے بتایا کہ فائبر آپٹک کیبل بچھانے کیلئےرائٹ آف وے کی این اوسی لی جارہی ہے، ایمرجنسی رسپانس وہیکل ہری پورسےاس ہفتےآناشروع ہوجائیں گی۔

انھوں نے بتایا کہ کراچی میں اسٹریٹ کرائم کنٹرول کرنے کیلئے پولیس پیٹرولنگ بڑھادی ہے، جس علاقےمیں اسٹریٹ کرائم زیادہ ہووہاں پولیس افسران کوجوابدہ کریں۔

آئی جی سندھ نے بریفنگ دیتے ہوئے بتایا کہ کچے کے علاقوں میں ڈاکوؤں کے خلاف آپریشن جاری ہے، آپریشن میں پولیس اور رینجرز کی مشترکہ کارروائیاں جاری ہیں،14ڈرون کیمرےسکھر، گھوٹکی، کشمور اور شکارپور کو دیئے ہیں، ڈرون کیمروں سے کچے میں ڈاکووں کے ٹھکانوں پر نظر رکھی جائی گی۔

وزیر داخلہ سندھ ضیاالحسن لنجار نے کہا کہ مزید20 ڈرون کیمروں کی ضرورت ہے،وزیراعلیٰ نے آئی جی کو ہدایت کی کہ کچے کے پولیس اہلکاروں کوجدیدہتھیارکی تربیت دیں۔

آئی جی سندھ نے بتایا کہ سکھر ،لاڑکانہ کے پولیس اہلکاروں کی تربیت کی ہے مزید کررہے ہیں، جس پر مراد علی شاہ نے کہا کہ سندھ ،پنجاب میں کرائم کرنیوالے ڈاکوؤں کیلئےٹرائی بارڈرمینجمنٹ سسٹم بنائیں۔

ٹرائی بارڈر سے متعلق اجلاس فروری 2024 سے جاری ہیں ۔ بہاولپور، رحیم یار خان اور راجن پور کے سینئر پولیس افسران سے رابطہ رہتاہے۔

وزیراعلیٰ سندھ کی سی ٹی ڈی کے 4ریجنل کمپلیکس بنانے کے کام کو تیز کرنے کی ہدایت کرتے ہوئے کہا کہ سی ٹی ڈی کے 4ریجنل کمپلیکس حیدرآباد، میرپورخاص، سکھر اور لاڑکانہ میں قائم کئے جارہے ہیں۔

وزیراعلیٰ نے سی ٹی ڈی ریجنل کمپلیکس کیلئے 2.8 ارب روپے کی منظوری دے دی اور کہا سافٹ وئیر اور فرانزک ٹولز کیلئے 400 ملین روپےپولیس کودیئےہیں۔

وزیراعلیٰ سندھ نے سافٹویئر کو فوری فعال کرنے کی ہدایت دے دی، وزیر داخلہ سندھ نے بتایا کہ دہشت گردی کے مقدمات کی پراسیکیوشن بہتر ہوئی ہے،2023کے 7مقدمات اور 2024 میں 11 کیسز میں سزائیں ہوئی ہیں۔

کراچی: سندھ حکومت نے کچے میں آپریشن کیلئے کھانے پینے اور تیل کی مد میں 3 کروڑ روپے منظور کر لئے ہیں۔

تفصیلات کے مطابق چیف سیکریٹری سندھ کی زیر صدارت اجلاس میں پولیس کو 3 کروڑ روپے اضافی دینے کا فیصلہ کیا گیا ہے، یہ اضافی رقم گھوٹکی،کشمور، جیکب آباد، سکھر میں ڈاکوؤں کیخلاف آپریشن کیلئے نئی پولیس کے لیے منظور ہوئے ہیں۔

پولیس کا کہنا ہے کہ مزید نفری کی تعیناتی سے کھانے پینے، تیل کی مد میں اخراجات بڑھ گئے ہیں، پولیس کو اضافی فنڈز کی ضرورت ہے جو3 کروڑ روپے بنتے ہیں۔

ترجمان پولیس کا کہنا ہے کہ کچے میں آپریشن کے لیے کانسٹیبل، ہیڈ کانسٹیبل کی پوسٹیں کم کر کے انسپکٹر کی پوسٹوں میں اضافہ کیا جائیگا۔

راجن پور : کچے کے علاقے میں پولیس کے آپریشن کے دوران سنگین جرائم میں ملوث گینگز کے 12 انتہائی مطلوب ڈاکوؤں نے سرنڈر کردیا۔

تفصیلات کے مطابق راجن پور میں کچے کے علاقے میں پولیس کا ڈاکوؤں کے خلاف آپریشن49 ویں روزبھی جاری ہے۔

آپریشن کے دوران سنگین جرائم میں ملوث گینگز کے 12 انتہائی مطلوب ڈاکوؤں نے سرنڈرکردیا،ڈی پی اوراجن پور محمد ناصر نے بتایا کہ ڈاکوؤں سےبھاری تعداد میں اسلحہ اور ایمونیشن برآمد ہوا ہے۔

ڈی پی او راجن پور کا کہنا تھا کہ سرنڈر کرنے والے ڈاکو درجنوں مقدمات میں پولیس کو مطلوب تھے۔

محمد ناصر نے مزید بتایا کہ چک کپڑا میں ڈاکوؤں کی کمین گاہوں کی جانب پولیس کی پیش قدمی جاری ہے ، پٹ گینگ اور گورا گینگ کے ڈاکوؤں کی جانب سے مزاحمت اور فائرنگ کا تبادلہ جاری ہے۔

ان کا کہنا تھا کہ پولیس نےبھاری اسلحہ اور بکتربند گاڑیوں کےساتھ علاقے کاگھیراؤکرلیا، اب تک آپریشن میں سرنڈر کرنے والے ڈاکوؤں کی تعداد 25 ہوگئی۔

ڈی پی اوراجن پور نے کہا کہ آپریشن میں 7 ڈاکو ہلاک اور 43 ڈاکو گرفتار کئے جا چکے ہیں۔