کراچی:کراچی سپر ہائی وے پر مسافر کوچ کو حادثہ پیش آیا اور مسافر کوچ کھائی میں جا گری، حادثے کے دو افراد جاں بحق اور چھ زخمی ہوگئے۔
سپرہائی وے پرغوثیہ چڑھائی کے قریب تیز رفتاری کے باعث کوچ کھائی میں جا گری، جس کے نتیجے میں دو افراد جاں بحق جبکہ چھ افراد زخمی ہوئے، جنہیں قریبی ہسپتال منتقل کر دیا گیا ہے۔
یہ کوچ کراچی سے اندرون سندھ جارہی تھی، جس میں دس سے بارہ افراد سوار تھے ۔
نواب شاہ : نواب شاہ کے قریب قاضی احمد قومی شاہراہ بائی پاس پر تیز رفتار ویگو گاڑی موڑ کاٹتے ہوئے کھائی میں جا گری۔
کھائی میں پانی بھرا ہوا تھا، جس کے نتیجے میں ایک خاتون سمیت چار افراد موقع پر ہی ڈوب کر جاں بحق ہوگئے، جاں بحق افراد کا تعلق سکھر کے علاقے ملٹری روڈ سے بتایا جاتا ہے، ایک شخص کی شناخت اختیار علی ملک کے نام سے ہوئی ہے۔
پولیس ذرائع کا کہنا ہے کہ جاں بحق افراد کا تعلق ایک ہی خاندان سے ہے، پولیس نے ایدھی رضا کاروں کی مدد سے چاروں لاشیں تحصیل اسپتال قاضی احمد منتقل کر دی ہیں۔
