یوں تو چکن کھانا ہماری زندگیوں کا معمول ہے تاہم آج ہم آپ کو چکن کو کچھ مختلف طریقے سے بنانے کی ترکیب بتا رہے ہیں۔
یہ ترکیب تھوڑی مشکل ضرور ہے لیکن اسے پکانے کے بعد جب آپ کو گھر والوں کی داد ملے گی تو آپ کی محنت وصول ہوجائے گی۔
اجزا
چکن: 1 عدد
لیموں: 4 سے 5 عدد
نمک: 1 چائے کا چمچ
سویا ساس: 2 کھانے کے چمچ
کالی مرچ کٹی ہوئی: 1 ایک چائے کا چمچ
پیپریکا پاؤڈر: 2 کھانے کے چمچ
لہسن: 2 کھانے کے چمچ
چکن پاؤڈر: 1 چائے کا چمچ
ووسٹر شائر ساس: 2 کھانے کے چمچ
پیری پیری ساس (ترکیب ذیل میں بتائی گئی ہے): 4 کھانے کے چمچ
تیل: 1 چوتھائی کپ
کچری پاؤڈر: 1 چائے کا چمچ
پیری پیری ساس بنانے کے لیے
کشمیری لال مرچ: 6 عدد
لال مرچ ثابت: 12 سے 15 عدد
لال مرچ کٹی ہوئی: 2 کھانے کے چمچ
تیل: 1 چوتھائی کپ
سفید سرکہ: آدھا کپ
پیاز: 1 عدد
ٹاٹری: آدھا چائے کا چمچ
لہسن: 4 جوئے
دھنیہ کٹا ہوا: ایک چائے کا چمچ
نمک: 1 چائے کا چمچ
رائی پاؤڈر: 1 چائے کا چمچ
اسپائسی رائس بنانے کے لیے
چاول: 750 گرام
تیل: 1 چوتھائی کپ
پیاز باریک کٹی ہوئی: 1 کپ
لہسن کٹا ہوا: 1 کھانے کا چمچ
نمک: حسب ذائقہ
سفید مرچ پسی ہوئی: 1 چائے کا چمچ
شملہ مرچ کیوبز میں کٹی ہوئی: 1 کپ
ٹماٹر کیوبز میں کٹے ہوئے: 1 کپ
پیری پیری ساس: 4 کھانے کے چمچ
ترکیب
سب سے پہلے پیری پیری ساس تیار کرلیں۔ تمام اجزا کو بلینڈر میں ملا کر اچھی طرح بلینڈ کرلیں۔ پیری پیری ساس تیار ہے۔
چکن کو لیموں کا رس، نمک، سویا ساس، کالی مرچ، پیپریکا پاؤڈر، لہسن، چکن پاؤڈر، ووسٹر شائر ساس، پیری پیری ساس، تیل اور کچری پاؤڈر کے ساتھ میری نیٹ کر کے تین سے چار گھنٹے کے لیے رکھ دیں۔
اب چکن کے ٹکڑوں کو پہلے سے پری ہیٹڈ اوون میں پچیس سے تیس منٹ کے لیے 200 ڈگری سینٹی گریڈ پر پکائیں۔
جب چکن گل جائے اور پانی خشک ہوجائے تو اسے گرل پین میں نکال کر پانچ سے سات منٹ پکائیں۔
رنگ سنہرا اور گرل کے نشان آجائیں تو چکن تیار ہے۔
اب اسپائسی رائس بنانے کے لیے ایک پتیلی میں چاولوں کو ابال لیں۔
پھر پین میں تیل گرم کریں۔ اس میں پیاز نرم کرلیں اور لہسن ڈال کر پکائیں۔
اب اس میں ابلے چاول ڈالیں۔
ساتھ ہی نمک اور سفید مرچ شامل کر کے اچھی طرح مکس کرلیں۔
آخر میں شملہ مرچ، ٹماٹر اور پیری پیری ساس ڈال لیں۔
ایک پلیٹر میں نکال کر گرلڈ چکن کے ساتھ سرو کریں۔
