ماہ رمضان میں افطار کا آغاز عموماً کھجور سے کیا جاتا ہے، جو ایک اچھا عمل ہے تاہم افطاری میں کھجور کتنی تعداد میں کھانا صحت کیلئے بہتر ہے؟
اس حوالے سے مصنوعی ذہانت (اے آئی) سے کھجوروں کی تعداد کے بارے میں پوچھا گیا تو اس کا جواب کچھ یوں تھا۔
رمضان میں افطاری کے دوران اور اس کے بعد کھجوروں کی تعداد ہر شخص کے لیے مختلف ہوسکتی ہے لیکن افطاری کے بعد تین سے پانچ کھجوریں کھانا بہتر ہے۔
کھجور کے فوائد :
کھجور میں قدرتی شکر ہوتی ہے جو طویل وقت تک روزے کے دوران جسم کو توانائی فراہم کرنے میں مدد کرتی ہے۔ کھجور میں فائبر ہوتا ہے جو نہ صرف ہاضمے کو بہتر کرنے میں مدد کرتا ہے بلکہ اگلے دن کے روزے کے دوران بھوک کو کم کرنے میں کارآمد ہے۔
اس کے علاوہ کھجور میں اینٹی آکسیڈنٹس ہوتے ہیں جو دل کی صحت کو بہتر بنانے میں مدد دیتے ہیں۔
یاد رکھیں بوڑھے لوگوں کو افطاری میں کھجور کم کھانی چاہیے اور جو لوگ موٹاپے کا شکار ہوتے ہیں انہیں بھی کم کھجوریں کھانی چاہئیں۔
افطاری میں کھجور پانی کے ساتھ کھانے سے ہاضمہ بہتر ہوتا ہے دیگر کھانوں کے ساتھ کھجور کھانا بھی ہاضمہ کیلیے بہترین ہے۔
زیادہ مقدار میں کھجور کھانے سے پرہیزکرنا چاہیے کیونکہ اس سے جسم میں کیلوریز کی مقدار میں اضافہ ہو سکتا ہے اور وزن بڑھ سکتا ہے۔
کھجور غذائیت سے بھرپور اور صحت سب سے بہترین پھل ہے، خاص طور پر بھیگی کھجور ذیابیطس کے مریضوں کیلئے انتہائی مفید ہے۔
ماہرین صحت کا کہنا ہے کہ کھجور کا باقاعدگی سے استعمال ہڈیوں کو مظبوطی اور جسم کو توانائی فراہم کرتا ہے۔
کھجور کا ذائقہ بے حد مزیدار ہوتا ہے، اس میں کیلوریز کی مقدار بھی دوسرے خشک میوہ جات جیسے کشمش اور انجیر کی طرح ہے۔ اس میں ریشہ، پروٹین، پوٹاشیم، میگنیشیم، آئرن اور وٹامن بی سکس کی بھرپور مقدار موجود ہے۔
