اسلام آباد: رمضان المبارک کے دوران کھجور کی مقامی ضروریات کو پورا کرنے کے لئے درآمد کنندگان نے اسی ہزار ٹن کھجور درآمد کی۔
پاکستان میں مقامی کھجور کی پیداوار جولائی اور اگست میں مقامی منڈیوں میں پہنچتی ہے، جو نومبر کے آخر تک جاری رہتی ہے، جس کی وجہ سے رمضان المبارک کے دوران مقامی ضروریات کو پورا کرنے کے لئے گذشتہ دو ماہ کے دوران اسی ہزار ٹن کھجور درآمد کی گئی۔
حکام کے مطابق پاکستانی درآمد کنندگان زیادہ تر کھجور ایران اور عراق سے درآمد کرتے ہیں اور یہ درآمدات بارٹر سسٹم کے تحت کی جاتی ہیں۔