Tag: کھلاڑیوں

کھلاڑیوں کے لیے کچھ ادویات کا استعمال منع ہے تاہم اب ممنوعہ دوا استعمال کرنے والے کھلاڑیوں کے لیے انوکھے ٹورنامنٹ کا اعلان کیا گیا ہے۔

دنیا کے تقریباً تمام کھیلوں میں کچھ ادویات کا استعمال کھلاڑیوں کے لیے ممنوع ہے اور اگر کوئی کھلاڑی ممنوعہ دوا کے استعمال کا مرتکب پایا جاتا ہے تو وہ اینٹی ڈوپنگ قانون کی زد میں آتا ہے اور پابندی کی سزا کا سامنا بھی کرنا پڑتا ہے۔

تاہم اب ایسے کھلاڑی جو اینٹی ڈوپنگ قانون کے خلاف ممنوعہ دوائیں استعمال کرتے ہیں۔ ان کے لیے انوکھے ٹورنامنٹ کا اعلان کیا گیا ہے۔

خبر رساں ادارے روئٹرز کے مطابق کھیلوں کے پروگرام ’افزودہ کھیل‘ (Enhanced Games) نے لاس ویگاس میں اگلے برس مئی 2026 میں ایسے پہلے ٹورنامنٹ کے انعقاد کا اعلان کیا ہے جس میں وہ کھلاڑی بھی حصہ لے سکیں گے جو باضابطہ کھیلوں میں ممنوعہ دوائیں استعمال کرتے ہیں۔

رپورٹ کے مطابق اس ٹورنامنٹ میں تیراکی، دوڑ اور ویٹ لفٹنگ کے مقابلے منعقد ہوں گے۔

پروگرام کے بانی آرون ڈی سوزا نے بدھ کو کو لاس ویگس میں آغاز کے موقع پر کھلاڑیوں سے کہا کہ وہ اس انوکھے مقابلے میں قسمت آزمائیں، کیونکہ یہ کھیلوں کی سائنس میں انقلاب لا سکتا ہے۔

اعلان کردہ شیڈول کے مطابق 2026 کے افزودہ کھیلوں کا مقابلہ لاس ویگاس میں 21 سے 24 مئی تک منعقد ہو گا۔

اس ٹورنامنٹ میں شریک کھلاڑی فی مقابلہ 50 لاکھ ڈالر تک انعامی رقم جیت سکتے ہیں، جبکہ عالمی ریکارڈ توڑنے پر اضافی بونس بھی ہو گا۔

تیراکی میں 50 میٹر اور 100میٹر فری سٹائل، 50 میٹر اور 100میٹر بٹر فلائی شامل ہوں گے۔ دوڑ میں میں 100میٹر دوڑ، 110میٹر اور 100میٹر ہرڈلز ہوں گے، جبکہ ویٹ لفٹنگ میں سنیچ اور کلین اینڈ جرک مقابلے ہوں گے۔

ورلڈ اینٹی ڈوپنگ ایجنسی نے اس منصوبے کی سخت مخالفت کی اور خبردار کیا ہے کہ کھلاڑی نہ صرف پابندی بلکہ صحت کے خطرات مول لے رہے ہیں۔

پاکستان کرکٹ بورڈ کے چیئرمین محسن نقوی سے ڈومیسٹک کرکٹ میں بہترین کارکردگی پیش کرنے والے کھلاڑیوں نے ملاقات کی ہے۔

اے آر وائی نیوز کے مطابق پاکستان کرکٹ بورڈ کے چیئرمین محسن نقوی سے ڈومیسٹک کرکٹ میں بہترین کارکردگی کا مظاہرہ کرنے والے کھلاڑیوں سے ملاقات کی۔ اس موقع پر چیئرمین نے کھلاڑیوں سے کرکٹنگ اسکلز، پرفارمنس، ڈائٹ پلان، فٹنس اور ٹریننگ کے امور کے بارے تفصیلی بات چیت کی۔

کھلاڑیوں نےہائی پرفارمنس سینٹرز میں تربیت سے متعلق مسائل سے آگاہ کیا اور تجاویز بھی پیش کیں۔ چیئرمین پی سی بی محسن نقوی نے کھلاڑیوں کی تجاویز کو نوٹ کیا اور احکامات جاری کیے

چیئرمین پی سی بی نے یقین دلایا کہ کھلاڑیوں کی فزیکل ٹریننگ کیلیے ٹرینرز کی دستیابی یقینی بنائی جائے گی۔ انہوں نے کھلاڑیوں کی فنٹس کیلیے خصوصی طور پر ڈائٹ پلان تیار کرنے کی بھی ہدایت کی۔ اس کے علاوہ تمام اکیڈمیز تک اسٹار کھلاڑیوں کو رسائی دینے کا فیصلہ کیا گیا۔

محسن نقوی نے نوجوان کرکٹرز کو مخاطب کرتے ہوئے کہا کہ آپ پاکستان کے مستقبل کے اسٹارز ہیں۔ آپ کیلیے وسائل کی فراہمی پاکستان کرکٹ کے روشن مستقبل پر سرمایہ کاری ہے۔

چیئرمین پی سی بی سے ملاقات کرنے والے کھلاڑیوں میں محمد علی، علی رضا، احمد دانیال، نثار احمد، محمد ابتسام، محمد سلمان، آفاق آفریدی، عبدالصمد، سعد مسعود، خواجہ نافع، معاذ صداقت، عرفات منہاس، مبصر خان، حیدر علی، حسان نواز، فیصل اکرم، طاہر بیگ اور قاسم اکرم شامل تھے۔

View this post on Instagram

A post shared by Pakistan Cricket (@therealpcb)

واضح رہے کہ چیمپئنز ٹرافی میں پاکستان ٹیم کی شرمناک کارکردگی اور سینئر کرکٹرز کی مسلسل ناکامیوں کے بعد دورہ نیوزی لینڈ کے لیے بڑے اسٹارز کو آرام دینے اور نئے کھلاڑیوں کو آزمانے کا فیصلہ کیا گیا ہے۔

قومی ٹیم نے 12 مارچ کو نیوزی لینڈ روانہ ہونا ہے۔ جہاں پہلے مرحلے میں 5 ٹی ٹوئنٹی میچوں کی سیریز 16 مارچ سے شروع ہوگی، بعدازاں 3 ون ڈے میچز بھی کھیلے جائیں گے۔

https://urdu.arynews.tv/champions-trophy-2025-pcb-big-announcement-for-fans/

آئی سی سی ورلڈ کپ میں ٹاپ 4 تک رسائی حاصل کرنے کی جنگ بھارت کے گراؤنڈز میں جاری ہے تاہم آج پاکستان آج کا اپنا اہم نیوزی لینڈ کے خلاف کھیل رہی ہے۔

آئی سی سی ورلڈکپ کے 35  ویں میچ میں کپتان بابراعظم نے ٹاس جیت کر نیوزی لینڈ کو بیٹنگ کی دعوت دی تو کیوی بیٹر پاکستانی بولرز پر قہر بن کر ٹوٹ پڑے۔

اے آر وائی نیوز کے ورلڈ کپ اسپیشل پروگرام ’ہر لمحہ پرجوش‘ میں گفتگو کرتے ہوئے اسپورٹس جرنلسٹ نے پروگرام میں سوال اٹھا دیے۔

انہوں نے کہا کہ میچ سے پہلے کہا کیا ہمارے کھلاڑیوں نے وکٹ جاکر دیکھی تھی، یا ایسا تو نہیں کہ انہوں نے سارے فیصلے مکی آرتھر پر چھوڑ دیے ہیں۔

اسپورٹس جرنلسٹ نے کہا کہ خود بھی کھلاڑی کو کچھ کرنا ہوتا ہے، ہمارے کھلاڑی کو بھی وکٹ دیکھنی چاہیے کہ وکٹ کیسی ہے اور کیا فیصلہ لینا ہے۔

یاد رہے کہ نیوزی لینڈ نے ورلڈکپ کے اہم میچ میں پاکستان کو جیت کےلیے 402 رنز کا ہدف دیا جس میں 46 چوکے اور 8 چھکے شامل تھے۔

نیوزی لینڈ نے ورلڈکپ کے ایک میچ میں سب سے زیادہ چوکوں کا ریکارڈ بھی بنایا اس سے قبل جنوبی افریقا نے سری لنکا کےخلاف اس ہی ایونٹ میں 45 چوکے لگائے تھے۔

پاکستان نے گزشتہ روز دوسرے ایک روزہ میچ میں افغانستان کو سنسنی خیز مقابلے کے بعد ایک وکٹ سے شکست دی اور گرین شرٹس کو جیت دلوانے کیلئے نسیم شاہ نے ایک بار پھر اہم کردار ادا کیا۔

افغانستان کے خلاف میچ کے بعد قومی ٹیم کے ہیرو نسیم شاہ پاکستان میں سوشل میڈیا پر ٹاپ ٹرینڈ بن گئے اور ہر کسی نے بولر کو داد دی۔

تاہم اب پی سی بی نے افغانستان کے تین میچوں کی سیریز کے دوسرے ون ڈے میں سنسنی خیز جیت کے بعد پاکستانی ڈریسنگ روم کے جذبانی مناظر کی ویڈیو سامنے آ گئی۔

Still not over last night's incredible finish❓

Revisit the winning moments and reactions of the players after the second ODI 🤩#AFGvPAK | #BackTheBoysInGreen pic.twitter.com/ZORuk52Blj

— Pakistan Cricket (@TheRealPCB) August 25, 2023

ویڈیو میں دیکھا جاسکتا ہے کہ امام الحق جیت پر جذباتی ہوجاتے ہیں جبکہ تمام کھلاڑی کوچز ایک دوسرے سے ملتے ہوئے نظر آئے، دوسری جانب کچھ کھلاڑی نسیم شاہ کی جانب بڑھے اور ان کی اننگز کو سراہا۔

ویڈیو میں افتخار احمد نے کہا کہ ہم نے نسیم شاہ کو افغانستان کے لیے ہی رکھا ہوا ہے جبکہ محمد وسیم جونیئر کا کہنا تھا ناقابل یقین نسیم شاہ۔

اس موقع پر نسیم شاہ کی آنکھوں میں بھی خوشی کے آنسو دیکھے گئے اور ان کا کہنا تھا کاش میری والدہ زندہ ہوتیں اور دیکھ سکتیں، بعد ازاں نسیم شاہ نے گراؤنڈ میں کھلاڑیوں کو آٹو گراف بھی دیئے اور تصاویر بھی بنوائیں۔

نسیم شاہ کا جیت کے بعد شاداب خان کے لیے پیغام

دوسری جانب نسیم شاہ نے فوٹو اینڈ شیئرنگ ایپ انسٹاگرام پر اسٹوری بھی شیئر کی جس میں انہوں نے اپنی متوفی والدہ سے محبت کا اظہار کیا۔

واضح رہے کہ پاکستان نے گزشتہ روز سری لنکا کے شہر ہمبنٹوٹا میں کھیلے گئے دوسرے ایک روزہ میچ میں افغانستان کے خلاف جیت کے لیے آخری اوور میں 11 رنز درکار تھے، نسیم شاہ نے فضل الحق فاروقی کے اوور میں دو چوکے لگا کر جیت اپنی ٹیم کے نام کی۔

قومی کرکٹ ٹیم کے کھلاڑیون نے فاسٹ بولر حارث رؤف کو دلچسپ انداز میں ویڈیو پیغام کے ذریعے شادی کی مبارکباد دی ہے۔

قومی کرکٹ ٹیم کے فاسٹ بولر حارث رؤف گزشتہ روز اسلام آباد سے اپنی دلہنیا لینے کیلئے بارات لے کر روانہ ہوئے، ان کی بارات کی تقریب میں قومی ٹیم کے کرکٹرز شریک نہیں ہوسکے۔

تاہم قومی ٹیم کے کپتان بابر اعظم سمیت کئی کھلاڑی کراچی میں تربیتی کیمپ سے ویڈیو کے ذریعے حارث رؤف کو شادی کی مبارک باد دی۔

ٹریننگ کیمپ کے دوران پاکستان ٹیم کے سیلفی بوائے شاہین آفریدی نے بابر اعظم سمیت دیگر کھلاڑیوں کے ہمراہ سیلفی ویڈیو میں کہا کہ’ ہیری ہم سب کی طرف سے آپ کو بہت مبارک ہو، جیو میرے یار‘۔

واضح رہے کہ بارش اور خراب موسم کے باعث پاکستان ٹیم کے کچھ کھلاڑی آج بھی حارث رؤف کے ولیمے کی تقریب میں شرکت نہیں کر سکیں گے۔