ARYNews.tv | Urdu – Har Lamha Bakhabar

Tag: کھیلوں کی خبریں

  • ایشین گیمز ہاکی: سیمی فائنل میں پاکستان کو جاپان کے ہاتھوں شکست

    ایشین گیمز ہاکی: سیمی فائنل میں پاکستان کو جاپان کے ہاتھوں شکست

    جکارتہ: انڈونیشیا کے دارالحکومت جکارتہ میں منعقد ہونے والے ایشین گیمز ہاکی ایونٹ میں جاپان نے پاکستان کو ایک گول سے ہرا کر میڈل کی دوڑ سے باہر کر دیا۔

    تفصیلات کے مطابق پاکستان ٹیم جاپان کا پہلے کوارٹر میں کیا گیا گول برابر نہ کر سکی، پاکستان کے خلاف جاپان کی 0-1 سے کام یابی پر بھارت کے بعد پاکستان بھی فائنل کی دوڑ سے باہر ہو گیا۔

    جاپان سے شکست کھا کر پاکستان نے اولمپکس میں براہِ راست کوالیفائی کرنے کا موقع ضائع کر دیا، ایشین گیمز میں گولڈ میڈل کی آخری امید بھی دم توڑ گئی۔

    خیال رہے کہ اس ٹورنامنٹ میں پاکستان اور بھارت دو ایسی ٹیمیں تھیں جو اب تک اپنی زبردست کارکردگی کے باعث ناقابل شکست رہی تھیں، سیمی فائنل میں آ کر دونوں ٹیمیں مسلسل فتح کا ردھم کھو بیٹھیں۔

    ایشین گیمز ہاکی کا فائنل ملائیشیا اور جاپان کے درمیان ہوگا، دوسری طرف کانسی کے تمغے کے لیے مقابلہ سیمی فائنل تک ناقابل شکست رہنے والی ٹیموں پاکستان اور بھارت کے درمیان ہوگا۔

    یہ بھی پڑھیں:  ایشین گیمز: پاکستان ہاکی ٹیم کی لگاتار پانچویں فتح، بنگلادیش کو شکست

    مینجر ہاکی ٹیم کی بھارتی امپائر پر تنقید

    قومی ہاکی ٹیم کی شکست پر مینجر قومی ٹیم نے بھارتی امپائرز پر تنقید کرتے ہوئے کہا کہ سیمی فائنل میں بھارتی امپائرز نے جانب داری کا مظاہرہ کیا۔

    مینجر حسن سردار نے کہا ’ویڈیو دیکھ کر تھرڈ امپائر کی جانب سے غلطی کرنا سمجھ سے بالاتر ہے، فیلڈ امپائر کی جانب سے دیا گیا فیصلہ تھرڈ امپائر نے غلط طور پر تبدیل کیا۔‘

    منیجر قومی ہاکی ٹیم حسن سردار نے الزام لگایا کہ بھارتی امپائر کی جانب سے متعدد فیصلے ہمارے خلاف دیے گئے۔

  • پاک فوج کے فزیکل انسٹرکٹر قومی کرکٹ ٹیم کو آج فزیکل فٹنس ٹریننگ دیں گے

    پاک فوج کے فزیکل انسٹرکٹر قومی کرکٹ ٹیم کو آج فزیکل فٹنس ٹریننگ دیں گے

    ایبٹ آباد: ایشیا کپ کی تیاری کے لیے قومی کرکٹ ٹیم کی سخت ٹریننگ شروع ہوگئی، بھرپور فزیکل فٹنس کے حصول کے لیے پاک فوج کے فزیکل انسٹرکٹر کھلاڑیوں کو ٹریننگ دیں گے۔

    تفصیلات کے مطابق قومی کرکٹ ٹیم کی ایشیا کپ کے لیے ٹریننگ کی غرض سے پی سی بی نے پاک فوج کے فزیکل انسٹرکٹر کی خدمات حاصل کرلی ہیں۔

    فٹنس ٹریننگ کے لیے قومی کرکٹ ٹیم کا 26 رکنی اسکواڈ ایبٹ آباد پہنچ گیا، تربیتی کیمپ پانچ دن تک آرمی پی ٹی اسکول ایبٹ آباد میں جاری رہے گا۔

    واضح رہے کہ ایشیا کپ ٹورنامنٹ میں چیمپیئنز ٹرافی کے بعد پہلی بار پاکستانی ٹیم کا بھارت سے مقابلہ ہوگا، اس لیے قومی ٹیم بھرپور تیاری کے ساتھ میدان میں اترنا چاہتی ہے۔

    خیال رہے کہ ایشیا کپ 2018 ایک روزہ بین الاقوامی کرکٹ ٹورنامنٹ ہے جو متحدہ عرب امارات میں ستمبر 2018 میں منعقد ہوگا، اس میں چھ ٹیمیں حصہ لے رہی ہیں جن میں افغانستان، بنگلہ دیش، انڈیا، پاکستان، سری لنکا شامل ہیں جب ایک ٹیم کا ابھی اعلان نہیں ہوا ہے۔

    ایشیا کپ میں بھارت کے خلاف اچھا کھیل پیش کریں گے‘ سرفراز احمد

    قومی کرکٹ ٹیم کے کپتان سرفراز احمد کا کہنا تھا کہ گزشتہ سال جشن آزادی چیمپئنز ٹرافی کے ساتھ منایا تھا، کوشش ہوگی اگلے برس جشن آزادی ورلڈ کپ کے ساتھ منائیں۔

    کھلاڑیوں کی کارکردگی کے حوالے سے کپتان کا کہنا تھا کہ نئے اور پرانے کھلاڑیوں نے گزشتہ دو سالوں میں اچھی پرفارمنس پیش کی اسی وجہ سے آج ہم سرفہرست ہیں۔

  • انگلینڈ نے بھارت کو پہلے ٹیسٹ میں 31 رنز سے شکست دے دی

    انگلینڈ نے بھارت کو پہلے ٹیسٹ میں 31 رنز سے شکست دے دی

    برمنگھم: پانچ میچوں کی سیریز کے پہلے ٹیسٹ میچ میں انگلینڈ نے انڈیا کو زبردست مقابلے کے بعد 31 رنز سے شکست دے کر سیریز میں ایک صفر سے برتری حاصل کر لی۔

    تفصیلات کے مطابق بھارت کا انگلش سرزمین پر جیت کا خواب پورا نہ ہوسکا، انگلینڈ نے پہلے ٹیسٹ میں بھارت کو اکیتس رنز سے شکست دے دی۔

    میچ کے آخری دن کپتان ویرات کوہلی کے آؤٹ ہوتے ہی بھارت کی شکست واضح ہو گئی تھی، بھارت کو کوہلی، انوشکا شرما کا شگن کافی نہیں رہا، خیال رہے کہ حال ہی میں کرکٹر کوہلی اور بالی ووڈ اداکارہ انوشکا شادی کے بندھن میں بندھ چکے ہیں۔

    قبل ازیں چوتھے دن کا کھیل شروع ہوا تو بھارت کو جیت کے لیے 84 رنز، انگلینڈ کو 5 وکٹیں درکار تھیں، تاہم دن کے پہلے ہی اوور میں جیمز اینڈرسن کی گیند پر کارتھک آؤٹ ہو گئے، انھوں نے صرف 20 رنز بنائے۔

    پہلی اننگز میں سینچری اسکور کرنے والے بھارتی کپتان کریز پر موجود رہے، تاہم وہ زیادہ دیر ٹکے نہیں رہ سکے اور 51 رنز بنا کر بین اسٹوکس کے پہلے ہی اوور میں ایل بی ڈبلیو ہوگئے۔

    شاہد آفریدی کا کرس گیل کو سنگل وکٹ کا چلینج

    ویرات کوہلی کو آؤٹ قرار دینے والے امپائر پاکستان کے علیم ڈار تھے، کوہلی کو اپنے آؤٹ ہونے کا یقین نہیں تھا اس لیے ریویو لیا لیکن فیصلہ نہیں بدل سکا، ان کے آؤٹ ہونے کے ساتھ ہی بھارت کی جیت کی آخری امید بھی ختم ہوگئی۔

    انگلینڈ کی جانب سے بن اسٹوکس نے چار، جیمز اینڈرسن اور اسٹورٹ براڈ نے دو دو کھلاڑیوں کو پویلین بھیجا، چار بھارتی بلے باز دہرا ہندسہ بھی عبور نہ کر سکے۔

    پانچ میچوں پر مشتمل ٹیسٹ سیریز کے پہلے میچ میں بھارتی ٹیم 162 رنز پر ڈھیر ہوگئی۔ خیال رہے کہ یہ انگلش کرکٹ ٹیم کے ٹیسٹ کیریئر کا 1000 واں میچ تھا، اب تک ٹیسٹ کرکٹ کھیلنے والے ممالک میں انگلینڈ واحد ٹیم ہے جس نے ایک ہزار میچ کھیلنے کا سنگ میل عبور کیا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستانی کرکٹرز نے بھی ووٹ کاسٹ کر کے سیاہی لگی انگلی کی تصاویر ٹویٹ کر دیں

    پاکستانی کرکٹرز نے بھی ووٹ کاسٹ کر کے سیاہی لگی انگلی کی تصاویر ٹویٹ کر دیں

    کراچی: پاکستان کرکٹ کے اسٹار کھلاڑی بھی الیکشن 2018 میں اپنا حق رائے دہی استعمال کرنے کے لیے پولنگ اسٹیشن پہنچ گئے۔

    تفصیلات کے مطابق پاکستان کرکٹ ٹیم کے موجودہ اور سابق اسٹار کھلاڑیوں نے بھی اپنے اپنے حلقوں میں ووٹ کاسٹ کر کے اپنے ٹویٹر اکاؤنٹس پر سیاہی لگی انگلی کی تصاویر اپ لوڈ کیں۔

    پاکستان کرکٹ ٹیم کے سابق کپتان اور اسٹائلش بلے باز محمد یونس خان نے اپنا ووٹ کاسٹ کرنے کے بعد اپنے ٹویٹر اکاؤنٹ پر سیاہی لگی انگلی کی تصویر پوسٹ کی۔

    لیجنڈ کرکٹر یونس خان این اے 339 میں متحدہ مجلس عمل کے امیدوار کو سپورٹ کر رہے تھے، انھوں نے ایک دن قبل کراچی کے حلقے این اے 239 میں بھی ایم ایم اے کے امیدوار کو ووٹ دینے کی اپیل کی۔

    یونس خان نے ٹویٹر اکاؤنٹ پر رہنمائی کے لیے بنائی جانے والی ووٹ کی پرچی کا عکس بھی پوسٹ کیا جس پر ان کا نام اور سرکل نمبر درج تھا، انھوں نے ووٹرز کو ووٹ ڈالنے کی ترغیب بھی دی۔

    قومی کرکٹ ٹیم کے سابق اسٹار کھلاڑی اور دنیا کے تیز ترین بولر شعیب اختر نے بھی گھر سے نکل کر ووٹ کاسٹ کرنا ضروری سمجھا، انھوں نے ووٹ ڈالنے کے بعد ویڈیو ٹویٹ کی اور سیاہی لگی انگلی دکھائی۔

    انھوں نے لکھا ’اللہ سے دعا ہے کہ وہ ایسے حکمران لائے جو ملک کے لیے بہتر ہو، قوم کو سلام پیش کرتا ہوں جو بڑی تعداد میں نکلی خصوصاً عورتیں اور نوجوان۔‘

    ویڈیو میں سابق راولپنڈی ایکسپریس نے کہا ’میں شعیب ہوں، ووٹ ڈال چکا ہوں، اپنا فریضہ پورا کرچکا ہوں، میں نے گھر میں بیٹھ کر باتیں نہیں کیں بلکہ ملک کو سنوارنے کے لیے ووٹ دینے گیا، آپ سے بھی گزارش ہے کہ ووٹ کیجیے، ٹائم بہت کم رہ گیا ہے۔‘

    قومی کرکٹ ٹیم کے ایک اور تیز ترین بولر عمر گل نے بھی ووٹ کاسٹ کیا اور ٹویٹر اکاؤنٹ اپ ڈیٹ کرتے ہوئے اپنی تصویر پوسٹ کی اور سیاہی لگی انگلی دکھائی۔

    پشاور سے تعلق رکھنے والے بولر عمر گل نے لکھا ’میں نے پاکستان کی بہتری کے لیے اپنی ذمہ داری نبھا لی اور ووٹ ڈال دیا۔ یہی وقت ہے کہ سب لوگ گھروں سے نکلیں اور پاکستان کے لیے ووٹ دیں۔‘ انھوں نے لکھا کہ ہر ووٹ کی اہمیت ہے۔

    قومی کرکٹ ٹیم کے نئے باصلاحیت فاسٹ بولر حسن علی نے بھی گھر سے نکل کر انگلی پر سیاہی لگوائی اور ووٹ کاسٹ کرکے ٹویٹر اکاؤنٹ پر پاکستان کے لیے ووٹ ڈالنے کی ترغیب دی۔

    سیالکوٹ سے تعلق رکھنے والے بولر نے سیاہی لگی انگلی کی تصویر پوسٹ کرتے ہوئے لکھا ’میں نے اپنا ووٹ ڈال دیا ہے، کیا آپ نے بھی ڈال دیا ہے؟‘

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سپر باکسنگ لیگ: لاہور کی ٹیم کے ٹرائلز مکمل، 10 مرد اور 2 خواتین باکسرز کی ٹیم منتخب

    سپر باکسنگ لیگ: لاہور کی ٹیم کے ٹرائلز مکمل، 10 مرد اور 2 خواتین باکسرز کی ٹیم منتخب

    لاہور: سپر باکسنگ لیگ کے لیے گوجرانوالہ کے بعد لاہور کی ٹیم کے ٹرائلز بھی مکمل ہوگئے، 10 مرد اور 2 خواتین باکسرز پر مشتمل ٹیم کا انتخاب کر لیا گیا۔

    تفصیلات کے مطابق پاکستان کی پہلی سپر باکسنگ لیگ کی ٹیموں کے انتخاب کے لیے ملک بھر میں باکسرز کے ٹرائلز جاری ہیں، ٹرائلز کے ذریعے لاہور کی ٹیم کا انتخاب عمل میں آ گیا ہے۔

    قبل ازیں گوجرانوالہ میں بھی باکسرز کی ٹیم کے انتخاب کے لیے ٹرائلز کیے گئے تھے، ملک بھر میں باکسنگ لیگ کے لیے ٹرائلز کا سلسلہ 11 اگست تک جاری رہے گا۔

    سپر باکسنگ لیگ میں ٹیموں کے انتخاب کے لیے ٹرائلز کے شیڈول کے مطابق اسلام آباد میں 28 کو ٹرائلز ہوں گے جب کہ پشاور میں 29 جولائی کو ہوں گے۔

    کوئٹہ میں سپر باکسنگ لیگ کے ٹرائلز 2 اگست کو شیڈول ہیں، جب کہ کراچی میں 5 اور 6 اگست کو سپر باکسنگ کے ٹرائلز ہوں گے۔

    پاکستان کی پہلی سپر باکسنگ لیگ کے ٹرائلز شروع

    فیصل آباد سے باکسنگ ٹیم کے انتخاب کے لیے ٹرائلز 10، جب کہ ملتان سے ٹیم کے انتخاب کے لیے 11 اگست کو شیڈول کیے گئے ہیں۔

    واضح رہے کہ ملک میں پہلی سپر باکسنگ لیگ کے لیے ’روڈ ٹو دا رِنگ‘ ٹرائلز 20 جولائی سے شروع ہیں، جن کا اختتام گیارہ اگست کو ملتان میں ہوگا۔

    سلمان اقبال اور باکسر عامر خان کی کاوش، پاکستان میں‌ سپر باکسنگ لیگ کا انعقاد

    ملک میں باکسنگ کے فروغ کے لیے پاکستان میں پہلی سپر باکسنگ لیگ کا شان دار آغاز اے آر وائی ڈیجیٹل نیٹ ورک کے سی ای او سلمان اقبال اور ممتاز باکسر عامر خان کی مشترکہ کاوشوں سے ہوا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • اکیڈمی سے کئی کھلاڑی جونیئر ہاکی کیمپ تک پہنچ چکے ہیں: چیئرمین اصلاح الدین اکیڈمی

    اکیڈمی سے کئی کھلاڑی جونیئر ہاکی کیمپ تک پہنچ چکے ہیں: چیئرمین اصلاح الدین اکیڈمی

    کراچی: پاکستان ہاکی فیڈریشن کی سلیکشن کمیٹی کے چیئرمین اصلاح الدین نے کہا ہے کہ ان کی اکیڈمی سے کئی کھلاڑی جونیئر ہاکی کیمپ تک پہنچ چکے ہیں۔

    قومی ہاکی ٹیم کے سابق کپتان اور سابق چیف سلیکٹر نے کہا ’اصلاح الدین اکیڈمی سندھ حکومت نے بنا کر دی ہے، یہاں بڑی تعداد میں بچے فٹ بال اور ہاکی کھیل رہے ہیں۔‘

    اصلاح الدین اکیڈمی کے چیئرمین اصلاح الدین کا کہنا تھا کہ اکیڈمی میں ہاکی اور فٹ بال سیکھنے والے بچوں کو بغیر فیس اور رجسٹریشن ٹریننگ دی جا رہی ہے۔

    اصلاح الدین نے اکیڈمی کے اخراجات کے بارے میں بتایا کہ اکیڈمی کے تمام خرچے اطراف کی دکانوں کے کرایوں سے پورے کیے جا رہے ہیں۔

    انھوں نے کہا ’پاکستان ہاکی ٹیم کا تربیتی کیمپ بھی اسی اکیڈمی میں جاری ہے، ایک دن اسی اکیڈمی کے بچے آگے بڑھتے ہوئے پاکستان کی نمائندگی کریں گے۔‘

    حکومت کا خزانہ اور ہاکی فیڈریشن کے اکاؤنٹس خالی، ایشین گیمز کی تیاریاں متاثر

    اکیڈمی کے چیئرمین نے مزید کہا کہ اس وقت اکیڈمی سے انڈر 14 کیٹیگری کے بچے تیاری کے مراحل میں ہیں، بہت سے کھلاڑی جونیئر کیمپ تک پہنچ چکے ہیں۔

    واضح رہے کہ پاکستان ہاکی فیڈریشن کے پاس فنڈز کی کمی اور حکومتی عدم توجہی کے باعث ملک کے قومی کھیل ہاکی کی صورتِ حال نہایت خراب ہے، آئندہ ماہ انڈونیشیا میں ہونے والے اٹھارویں ایشین گیمز کی تیاریاں بھی متاثر ہونے کا خدشہ پیدا ہو چکا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ہاکی ٹیم کے کھلاڑیوں کے گھروں کے چولھے ٹھنڈے پڑنے لگے، ایشین گیمز کے بائیکاٹ کی دھمکی

    ہاکی ٹیم کے کھلاڑیوں کے گھروں کے چولھے ٹھنڈے پڑنے لگے، ایشین گیمز کے بائیکاٹ کی دھمکی

    کراچی: پاکستان ہاکی ٹیم کے کھلاڑیوں کے گھروں کے چولھے ٹھنڈے پڑنے لگے، کھلاڑی تا حال ڈیلی الاؤنس اور معاوضوں سے محروم ہیں۔

    تفصیلات کے مطابق پاکستان ہاکی ٹیم کے کھلاڑیوں کی معاشی حالت ناگفتہ بہ ہوگئی، حکومت کے بعد پاکستان ہاکی فیڈریشن نے بھی آنکھیں پھیر لیں۔

    ہاکی ٹیم کے کھلاڑیوں کو نہ ڈیلی الاؤنس ملا ہے نہ ہی ان کے معاوضے مل رہے ہیں، ایشین گیمز کے لیے تربیتی کیمپ میں شامل کھلاڑیوں نے بائیکاٹ کی دھمکی دے دی۔

    خیال رہے کہ پاکستان ٹیم کے کھلاڑی کئی سال سے سینٹرل کنٹریکٹ سے محروم ہیں، ٹیم کی ناقص کارکردگی کے بعد حکومت نے پی ایچ ایف کی گرانٹ روک لی تھی۔

    پاکستان ہاکی فیڈریشن کی انتظامیہ معاملات کو سلجھانے کے لیے حکمت عملی ترتیب دے رہی ہے، تاہم وہ کھلاڑیوں کے معاوضوں سے متعلق سنجیدہ دکھائی نہیں دے رہی۔

    ذرائع کا کہنا ہے کہ کھلاڑیوں میں بغاوت کو روکنے کے لیے کھلاڑیوں کے مسائل حل کرنے کی بہ جائے مقامی کوچز اور اولمپئنز کی خدمات لینے پر غور کیا جا رہا ہے۔

    ڈیمز کی تعمیر، باکسر عامر خان نے 10 لاکھ روپے عطیہ کردیے

    ذرائع نے سوال اٹھایا ہے کہ اگر ہاکی فیڈریشن کے پاس فنڈز نہیں تھے تو ڈیولپمنٹ اسکواڈ کو کینیڈا کیوں اور کیسے بھیجا گیا؟

    واضح رہے کہ اٹھارویں ایشین گیمز آئندہ ماہ انڈونیشیا میں 18 اگست سے منعقد ہوں گے جو جکارتہ اور پالمبنگ میں 2 ستمبر تک جاری رہیں گے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سہ ملکی ٹی ٹوینٹی سیریز جیتنے پر سیاست دانوں کی مبارک بادیں اور ٹویٹس

    سہ ملکی ٹی ٹوینٹی سیریز جیتنے پر سیاست دانوں کی مبارک بادیں اور ٹویٹس

    کراچی: پاکستان ٹیم نے آسٹریلیا کو چھ وکٹوں سے شکست دے کر سہ ملکی ٹی 20 سیریز جیت لی، سیاست دانوں نے ٹیم کو مبارک بادیں دیں۔

    تفصیلات کے مطابق چیئرمین پی ٹی آئی عمران خان نے قومی ٹیم کوجیت پر مبارک باد دیتے ہوئے کہا کہ قومی ٹیم نے عمدہ کھیل کا مظاہرہ کیا۔

    عمران خان نے کہا ’میری دعائیں اور نیک تمنائیں قومی ٹیم کے ساتھ ہیں، جیت پر کپتان سرفراز کو خصوصی مبارک باد دیتا ہوں، سرفراز احمد نے ٹیم کی بہترین انداز میں قیادت کی۔‘

    چیئرمین پی پی بلاول بھٹو زرداری کی جانب سے بھی قومی کرکٹ ٹیم کو مبارک باد دی گئی، انھوں نے بیان جاری کرتے ہوئے کہا ’قومی ٹیم نے سہ فریقی سیریز جیت کر عوام کو خوش کر دیا ہے۔‘

    عوامی مسلم لیگ کے صدر شیخ رشید نے ٹویٹ کرتے ہوئے پاکستان زندہ باد کا نعرہ لگایا اور کہا ”لڑکے اچھا کھیلے.“ انھوں نے گراؤنڈ ریالٹی نامی یوزر کی ٹویٹ کو بھی ری ٹویٹ کیا جس میں لکھا تھا کہ ”فخر آسٹریلیا کے خلاف اس طرح کھیلا جس طرح خلائی مخلوق مسلم لیگ ن کے خلاف کھیلی۔“

    پاکستان نے سہ ملکی ٹی ٹوینٹی سیریز جیت لی،آرمی چیف کی مبارکباد

    تحریک انصاف کی خاتون رہنما شیریں مزاری نے ٹویٹ کرتے ہوئے کہا کہ پاکستان ٹیم نے زبردست کارکردگی سے سہ ملکی سیریز میں فتح حاصل کی، بالخصوص آسٹریلیا کے خلاف شان دار جیت دیکھ کر بہت خوشی ہوئی۔

    واضح رہے کہ آج ہرارے میں کھیلے جانے والی سہ ملکی ٹی ٹوینٹی سیریز میں آسٹریلیا کو ہرا کر ٹرافی اپنے نام کرلی، آسٹریلیا نے پاکستان کو جیت کے لیے 184 رنز کا ہدف دیا تھا، جواب میں پاکستان کا آغاز مایوس کن رہا تاہم فخر زمان کی شان دار 91 رنز کی بلے بازی کی مدد سے پاکستان نے آسٹریلیا کو چھ وکٹوں سے شکست دے دی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لارڈ ٹیسٹ : پاکستان کی نو وکٹوں سے شاندار فتح، انگلینڈ کو شرمناک شکست

    لارڈ ٹیسٹ : پاکستان کی نو وکٹوں سے شاندار فتح، انگلینڈ کو شرمناک شکست

    لندن : قومی کرکٹ ٹیم نے لارڈز ٹیسٹ میں انگلینڈ کو نو وکٹوں سے شکست دے کر شاندار فتح اپنے نام کرلی،   پاکستان نے64 رنز کا ہدف ایک وکٹ پرپورا کیا ، پاکستان کی یہ مسلسل دوسری فتح ہے۔

    تفصیلات کے مطابق پاکستان اور انگلینڈ کی ٹیموں کے درمیان کھیلے جارہے پہلے ٹیسٹ میچ میں لارڈز کا میدان پاکستان کے نام رہا، انگلینڈ کی ٹیم کو ہوم گراؤنڈ پر بدترین شکست کا سامنا کرنا پڑا۔

    چوتھے روز جب کھیل کا آغاز ہوا تو انگلش بلے باز چند منٹ کے مہمان ثابت ہوئے، دوسرے ہی اوور میں محمد عباس نے بٹلر کو ٹھکانے لگادیا، نئی گیند ملتے ہی محمد عامر کی سوئنگ بھی واپس آگئی جس کے بعد اسٹورٹ براڈ اور ڈومینک بیس بھی جلد رخصت ہوگئے۔

    اس طرح انگلینڈ کی پوری ٹیم 242 رنز آؤٹ ہوگئی، چوتھے روز صرف7 رنز کے اضافے سے انگلینڈ کے چار کھلاڑی پویلین واپس لوٹے۔ پاکستان کو جیت کیلئے معمولی 64 رنز کا ہدف ملا تو اظہرعلی چار رنز پر بولڈ ہوگئے، اس کے بعد حارث سہیل اور امام الحق نے اور کسی اور کھلاڑی کو وکٹ پر آنے کی زحمت نہ دی۔

    حارث سہیل نے وننگ شاٹ لگا کر کرکٹ کے گھر لارڈز میں پاکستان کو پانچویں فتح دلوائی، محمد عباس نے میچ میں آٹھ وکٹیں حاصل کیںاور مین آف دی میچ قرار پائے۔ محمد عامرنے 5 وکٹیں جبکہ حسن علی نے کل 4 اور شاداب خان دو وکٹیں حاصل کرنے میں کامیاب ہوئے۔

    یاد رہے کہ قومی کرکٹ ٹیم کی لارڈز میں یہ مجموعی طور پر پانچویں جبکہ مسلسل دوسری فتح ہے، اس سے قبل مصباح الحق کی قیادت میں پاکستان نے لارڈز کے میدان میں ٹیسٹ میچ جیتا تھا اور یادگار پش اپس بھی لگائے تھے۔

    انگلش ٹیم بیٹنگ بالنگ اور فیلڈنگ تینوں شعبوں میں آؤٹ کلاس ہوگئی، میچ میں پاکستان کے بالرز اور بلے باز چھائے رہے۔ پاکستان کی جانب سے پہلی اننگز میں ہی چار ففٹیز بنائی گئیں، اظہر علی، بابر اعظم، اسد شفیق اور شاداب خان نے انگلینڈ کو بیک فٹ پر دھکیل دیا۔

    مزید پڑھیں: لارڈز ٹیسٹ، تیسرا روز، انگلینڈ کے6وکٹوں کے نقصان پر235رنز

    ایک موقع پر انگلینڈ اننگز کی شکست سے بال بال بچا، میچ میں پاکستانی کھلاڑیوں کی فیلڈنگ بھی بہت بہترین رہی، عمدہ کیچز پکڑ کر میچ کو اپنی گرفت میں کیے رکھا۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔