Tag: کھیلوں کی خبریں

لاہور: پاکستان کرکٹ ٹیم کے سابق کپتان شعیب ملک نے کہا ہے کہ انھیں جنوبی افریقہ کے خلاف اچھی سیریز کی توقع ہے۔

تفصیلات کے مطابق قومی ٹیم کے مایہ ناز آل راؤنڈر شعیب ملک نے کہا ہے کہ جنوبی افریقہ کی ٹیم دنیا کی بہترین ٹیموں میں سے ایک ہے، جنوبی افریقہ کے خلاف اچھی سیریز کی توقع ہے۔

[bs-quote quote=”جنوبی افریقہ کے خلاف سیریز ورلڈ کپ کی تیاریوں کا حصہ ہے۔” style=”style-7″ align=”left” color=”#dd3333″ author_name=”شعیب ملک”][/bs-quote]

جنوبی افریقہ کے خلاف ون ڈے سیریز کے حوالے سے شعیب ملک نے پریس کانفرنس کرتے ہوئے کہا کہ سلیکشن کمیٹی کھلاڑیوں کو مستقل موقع دے رہی ہے۔

اسٹار کھلاڑی شعیب ملک کا کہنا تھا کہ جنوبی افریقہ کے خلاف سیریز ورلڈ کپ کی تیاریوں کا حصہ ہے۔ کہا نوجوان کھلاڑیوں کو گائیڈ اور کرکٹ انجوائے کر رہا ہوں۔

خیال رہے کہ پاکستان اور جنوبی افریقہ کے درمیان 5 ایک روزہ میچوں کی سیریز کا پہلا میچ 19 جنوری کو پورٹ الزبتھ میں کھیلا جائے گا۔

یہ بھی پڑھیں:  تیسرا ٹیسٹ: جنوبی افریقہ کا پاکستان کے خلاف کلین سوئپ

جنوبی افریقہ کے خلاف ون ڈے سیریز کے لیے 16 رکنی قومی ٹیم کا اعلان بھی کیا جا چکا ہے، جنید خان اور حارث سہیل کو ون ڈے ٹیم سے ڈراپ کر دیا گیا ہے، جب کہ محمد عامر، شان مسعود، حسین طلعت، محمد رضوان کی ٹیم میں واپسی ہوئی ہے۔

پاکستان اور جنوبی افریقہ کے درمیان 3 ٹیسٹ میچز پر مبنی سیریز بھی کھیلی گئی جس میں جنوبی افریقہ نے کلین سوئپ کیا۔

لاہور: قومی کھیل ہاکی پھر فنڈز کی کمی کا شکار ہو گیا ہے، قومی ہاکی ٹیم نے پروفیشنل ہاکی لیگ سے دست برداری پر غور شروع کر دیا ہے۔

تفصیلات کے مطابق مالی مسائل کے باعث قومی ہاکی ٹیم نے پروفیشنل ہاکی لیگ سے دست برداری پر غور شروع کر دیا ہے، ہاکی لیگ میں شرکت میں فنڈز ایک بار پھر رکاوٹ بننے لگے۔

[bs-quote quote=”پی ایچ ایف کا کھلاڑیوں کے ساتھ ناروا سلوک، ایک کمرے میں 12 سے 16 کھلاڑیوں کو ٹھہرا دیا۔” style=”style-7″ align=”left” color=”#dd3333″][/bs-quote]

سفری انتظامات نہ ہونے کی وجہ سے پاکستان ہاکی فیڈریشن پرو لیگ میں عدم شرکت کا فیصلہ کر سکتا ہے، تاہم ایونٹ میں حصہ نہ لیا تو پابندی اور جرمانہ بھی ہو سکتا ہے۔

پاکستان ہاکی ٹیم نے پرفیشنل لیگ میں شرکت نہیں کی تو اس پر دو سال کی پابندی لگ سکتی ہے، پاکستان اولمپکس میں شرکت سے بھی محروم ہو جائے گا۔

دوسری طرف تربیتی کیمپ میں شامل ہاکی کھلاڑیوں سے بھی پی ایچ ایف نے ناروا سلوک اختیار کیے رکھا، اسٹیڈیم کے چینجنگ روم میں انھیں رہائش دی گئی۔

پاکستان ہاکی فیڈریشن نے ایک کمرے میں 12 سے 16 کھلاڑیوں کو ٹھہرا دیا۔

یہ بھی پڑھیں:  ورلڈ کپ میں ناقص کارکردگی، ہاکی ٹیم کے سینئیر کھلاڑی پرو لیگ اسکواڈ سے باہر

خیال رہے کہ پاکستان ہاکی ٹیم کو پرو لیگ میں شرکت کے لیے ارجنٹائن کم از کم 7 روز قبل پہنچنا ہے، جب کہ 2 فروری کو پاکستان کا پہلا میچ شیڈول ہے۔

یاد رہے کہ پی ایچ ایف سنیئر کھلاڑیوں کے خلاف آپریشن کلین اپ کرتے ہوئے پرو لیگ سے قومی ہاکی ٹیم کے کئی سینئر کھلاڑی ڈراپ کر چکا ہے، اولمپک کوالیفائنگ راؤنڈ کے لیے جونئیر کھلاڑیوں پر تجربہ کیا جا رہا ہے۔

اسلام آباد: بھارت کے ساتھ کرکٹ سیریز کے مالی تنازعے پر پاکستان کرکٹ بورڈ نے انٹرنیشنل کرکٹ کونسل (آئی سی سی) کو اپنا تحریری جواب جمع کرا دیا۔

تفصیلات کے مطابق پاک بھارت کرکٹ سیریز مالی تنازعے پر پی سی بی نے آئی سی سی کو تحریری جواب جمع کرا دیا، پی سی بی کا مؤقف ہے کہ بھارتی بورڈ کے معاہدے کی خلاف ورزی سے بورڈ کو مالی نقصان ہوا ہے۔

[bs-quote quote=”پی سی بی کا جواب سو سے زائد صفحات پر مشتمل ہے” style=”style-7″ align=”left” color=”#dd3333″][/bs-quote]

پاکستان کرکٹ بورڈ نے آئی سی سی کو تحریری جواب میں کہا ہے کہ بھارت کے ساتھ معاہدے میں حکومتی اجازت سے متعلق کوئی شرط نہیں تھی۔

پی سی بی کا جواب سو سے زائد صفحات پر مشتمل ہے، پاک بھارت سیریز کیس کی زبانی بحث تین اکتوبر کو ختم ہوئی تھی اور آئی سی سی نے دس روز میں تحریری جواب جمع کرانے کی ہدایت کی تھی۔

واضح رہے کہ پاک بھارت معاہدہ 2014 میں ہوا تھا جس کے تحت دونوں ممالک میں 6 سیریز ہونے تھے، بھارتی بورڈ نے ایک بھی سیریز نہ کھیلی جس پر پی سی بی کی جانب سے 70 ملین ڈالرز ہرجانے کا کیس کیا گیا تھا۔

یہ بھی پڑھیں:  پاک بھارت کرکٹ قانونی جنگ، سماعت کا آغاز، نجم سیٹھی بطور گواہ پیش

دونوں بورڈز کے درمیان معاملہ بات چیت سے بھی حل نہ ہوا، جس کے بعد پی سی بی معاملے کو آئی سی سی کی ڈسپیوٹ ریزولشن کمیٹی کے پاس لے گیا، جو اب کیس کا حتمی فیصلہ کرے گی۔