ARYNews.tv | Urdu – Har Lamha Bakhabar

Tag: کھیل کی خبریں

  • تیسرا ٹیسٹ: جنوبی افریقہ کا پاکستان کے خلاف کلین سوئپ

    تیسرا ٹیسٹ: جنوبی افریقہ کا پاکستان کے خلاف کلین سوئپ

    جوہانسبرگ: پاکستان اور جنوبی افریقہ کے درمیان تیسرے ٹیسٹ میچ میں جنوبی افریقہ نے فتح حاصل کر کے سیریز میں کلین سوئپ کرلیا۔ پاکستانی بیٹنگ لائن سیریز میں بری طرح ناکام ہوگئی۔

    تفصیلات کے مطابق پاکستان اور جنوبی افریقہ کے درمیان 3 ٹیسٹ میچز کی سیریز میں جنوبی افریقہ نے کلین سوئپ مکمل کرلیا۔

    پوری سیریز میں پاکستانی بیٹسمینوں نے بدترین کارکردگی دکھائی، اظہر علی نے 3 میچوں میں صرف 59 رنز بنائے، کپتان سرفراز احمد نے 3 میچز میں 112 رنز جبکہ امام الحق نے سیریز میں 149 رنز بنائے۔

    میچ کے تیسرے روز (گزشتہ روز) قومی ٹیم نے 3 وکٹوں کے نقصان پر 153 رنز بنائے تھے، قومی ٹیم کو جیت کے لیے مزید 228 رنز درکار تھے تاہم بیٹنگ لائن بری طرح لڑکھڑا رہی تھی۔

    دوسری اننگز میں اوپنرز نے 67 رنز کا عمدہ آغاز فراہم کیا تھا۔ امام الحق 35 اور شان مسعود 37 رنز بنا کر آؤٹ ہوئے۔ اظہر علی ایک بار پھر ناکام ثابت ہوئے اور صرف 15 رنز پر پویلین لوٹ گئے تھے۔

    قبل ازیں جوہانسبرگ ٹیسٹ کی دوسری اننگز میں جنوبی افریقہ نے وکٹ کیپر کوئن ٹن ڈی کاک کی شاندار سنچری کی بدولت 303 رنز بنائے تھے اور پاکستان کو جیت کے لیے 381 رنز کا ہدف دیا تھا۔

    کوئن ٹن ڈی کاک نے 129 رنز کی شاندار اننگز کھیلی تھی، انہیں شاداب خان نے حسن علی کے ہاتھوں کیچ آؤٹ کرایا۔ فلینڈر 17 اور ربادا 21 رنز بنا کر نمایاں رہے تھے۔

    پاکستان کی جانب سے فہیم اشرف اور شاداب خان نے 3، 3 کھلاڑیوں کو پویلین کی راہ دکھائی۔ محمد عامر نے 2، عباس اور حسن علی نے ایک، ایک وکٹ حاصل کی۔

    پہلی اننگز

    پاکستانی ٹیم اپنی پہلی اننگز میں صرف 185 رنز پر ڈھیر ہوگئی تھی، کپتان سرفراز احمد نے 50 جبکہ بابر اعظم 49 رنز بنا کر نمایاں رہے تھے۔

    دوسری جانب جنوبی افریقہ نے اپنی پہلی اننگز میں 262 رنزبنائے تھے۔ قومی ٹیم کی جانب سے فہیم اشرف نے 3، حسن علی، محمد عباس اور محمد عامر نے 2،2 وکٹیں حاصل کیں تھیں۔

    یاد رہے کہ ابتدائی دونوں ٹیسٹ میچوں میں قومی ٹیم کو شکست کا سامنا کرنا پڑا تھا اور یوں جنوبی افریقہ کو 3 ٹیسٹ میچوں کی سیریز میں 0-2 کی فیصلہ کن برتری حاصل تھی جسے آج جنوبی افریقہ نے کلین سوئپ میں بدل لیا۔

  • کراچی کنگز: عماد وسیم کپتان، انگرام نائب کپتان مقرر

    کراچی کنگز: عماد وسیم کپتان، انگرام نائب کپتان مقرر

    کراچی: پاکستان سپر لیگ کے سیزن 4 کے لیے کراچی کنگز کے کپتان اور نائب کپتان کا اعلان کردیا گیا۔ عماد وسیم کپتان برقرار رہیں گے جبکہ کولن انگرام نائب کپتان ہوں گے۔

    تفصیلات کے مطابق سماجی رابطے کی ویب سائٹ ٹویٹر پر کراچی کنگز کے مالک سلمان اقبال نے ٹویٹ کرتے ہوئے کہا کہ ٹیم کی مینجمنٹ نے فیصلہ کیا ہے کہ عماد وسیم کراچی کنگز کے کپتان رہیں گے۔

    اپنے ٹویٹ میں سلمان اقبال کا کہنا تھا کہ کولن انگرام کراچی کنگز کے نائب کپتان ہوں گے۔

    پاکستان سپر لیگ کے افتتاحی سیزن 2016 میں شعیب ملک ٹیم کے کپتان تھے جبکہ سیزن 2 میں کمار سنگا کارا نے کپتانی کے فرائض انجام دیے۔

    گزشتہ برس عماد وسیم کو ٹیم کا کپتان مقرر کیا گیا تھا جو اس سیزن میں بھی برقرار رہیں گے۔

    خیال رہے کہ پاکستان سپر لیگ سیزن 4 کے شیڈول کا اعلان کیا جا چکا ہے۔ پی ایس ایل کا چوتھا ایڈیشن 14 فروری سے 17 مارچ تک ہوگا۔

    پی ایس ایل فور کے 4 میچز پہلی مرتبہ ابو ظہبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔

  • پاکستان سپر لیگ کی چھٹی ٹیم علی ترین نے خرید لی

    پاکستان سپر لیگ کی چھٹی ٹیم علی ترین نے خرید لی

    لاہور: پاکستان تحریک انصاف کے رہنما جہانگیر ترین کے صاحبزادے علی ترین نے پاکستان سپر لیگ کی چھٹی ٹیم خرید لی۔ علی ترین کا کہنا ہے کہ پی ایس ایل میں جنوبی پنجاب کی ٹیم کھیلے گی، جنوبی پنجاب والوں کے لیے خوشخبری ہے۔

    تفصیلات کے مطابق پاکستان سپر لیگ کی چھٹی ٹیم کی بڈنگ لاہور میں ہوئی جہاں علی جہانگیر ترین نے چھٹی ٹیم خرید لی۔

    علی ترین کو 7 سال کے لیے پی ایس ایل کی چھٹی فرنچائز کے حقوق دیے گئے ہیں۔

    علی ترین کا کہنا تھا کہ پی ایس ایل میں جنوبی پنجاب کی ٹیم کھیلے گی، جنوبی پنجاب والوں کے لیے خوشخبری ہے۔ جنوبی پنجاب کے ہر ضلع سے ٹیلنٹ تلاش کریں گے۔

    انہوں نے کہا کہ جنوبی پنجاب میں کرکٹ کو عروج پر پہنچائیں گے۔ ٹیم کا نام ملتان سلطان برقرار رکھنے کا سوچ رہے ہیں۔ چیئرمین کرکٹ بورڈ پر اعتماد ہے وہ کرکٹ کو بہت آگے لے کر جائیں گے۔

    علی ترین کا کہنا تھا کہ پی ایس ایل کا ویمن ٹورنمنٹ بھی ہونا چاہیئے، دنیا کو پاکستان کا ٹیلنٹ دکھائیں گے۔

    خیال رہے کہ پاکستان سپر لیگ سیزن 4 کے شیڈول کا اعلان کیا جا چکا ہے۔ پی ایس ایل کا چوتھا ایڈیشن 14 فروری سے 17 مارچ تک ہوگا۔

    پی ایس ایل فور کے 4 میچز پہلی مرتبہ ابو ظہبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔

  • پی ایس ایل 4 کا شیڈول جاری، کراچی کنگز پہلا میچ 17 فروری کو کھیلے گی

    پی ایس ایل 4 کا شیڈول جاری، کراچی کنگز پہلا میچ 17 فروری کو کھیلے گی

    لاہور: پاکستان کرکٹ بورڈ نے پاکستان سپر لیگ سیزن 4 کے شیڈول کا اعلان کردیا۔ فائنل میچ صوبہ سندھ کے دارالحکومت کراچی میں 17 مارچ کو ہوگا۔

    تفصیلات کے مطابق پاکستان سپر لیگ سیزن 4 کے میچز کے شیڈول کا اعلان کردیا گیا، پی ایس ایل کا چوتھا ایڈیشن 14 فروری سے 17 مارچ تک ہوگا۔

    پی ایس ایل فور کے 4 میچز پہلی مرتبہ ابو ظہبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں 3 میچ لاہور اور 5 میچ کراچی میں ہوں گے۔

    لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔

    شیڈول کے مطابق پی ایس ایل 4 کا افتتاحی میچ اسلام آباد اور لاہور قلندرز کے درمیان ہوگا۔

    کراچی کنگز اپنا پہلا میچ 15فروری کو چھٹی ٹیم سےکھیلے گی، دوسرا میچ 16 فروری کو لاہور قلندرز، تیسرا 21 فروری کو پشاور زلمی، چوتھا 23 فروری کو اسلام آباد یونائیٹڈ، پانچواں 24 فروری کو کوئٹہ گلیڈی ایٹرزسے ہوگا۔

    کراچی کنگز کا اگلا مقابلہ 27 فروری کو اسلام آباد یونائیٹڈ، 28 فروری کو لاہور قلندرز، 4 مارچ کو چھٹی ٹیم، 7 مارچ کو پشاور زلمی اور 10 مارچ کو کوئٹہ گلیڈی ایٹرز سے ہوگا۔

    پاکستان سپرلیگ 4 کا ایلی منیٹر ون 12 مارچ کو لاہور میں کھیلا جائے گا۔ اس کے اگلے روز یعنی 13 مارچ کو کوالیفائرز میچ کراچی میں کھیلا جائے گا۔ لیگ کا ایلی منیٹر ٹو 15 مارچ کو کراچی میں ہوگا۔

    پی ایس ایل 4 کا فائنل 17 مارچ کو نیشنل اسٹیڈیم کراچی میں ہوگا۔خیال رہے کہ پاکستان سپر لیگ کا آغاز سنہ 2016 میں کیا گیا تھا۔ لیگ کی پہلی ٹرافی اسلام آباد یونائیٹڈ نے اپنے نام کی تھی۔

    سنہ 2017 میں پشاور زلمی لیگ کی فاتح رہی جبکہ رواں برس 2018 میں اسلام آباد یونائیٹڈ ایک بار پھر فاتح ٹھہری۔

  • ابو ظہبی ٹیسٹ: نیوزی لینڈ نے پاکستان کو 4 رنز سے شکست دے دی

    ابو ظہبی ٹیسٹ: نیوزی لینڈ نے پاکستان کو 4 رنز سے شکست دے دی

    ابو ظہبی: پاکستان اور نیوزی لینڈ کے درمیان جاری پہلے ٹیسٹ میچ میں پاکستان کو 4 رنز سے شکست ہوگئی۔ قومی ٹیم آسان ہدف کے تعاقب میں 171 رنز پر آؤٹ ہوگئی۔

    تفصیلات کے مطابق ابو ظہبی ٹیسٹ میچ کے چوتھے روز پاکستانی بولرز نے آسان ہدف کو مشکل ترین بنا لیا۔ چوتھے روز پاکستان کی ایک کے بعد ایک وکٹ تیزی سے گرتی چلی گئی۔ پہلی وکٹ 40، دوسری 44، تیسری 48 اور چوتھی وکٹ 130 رنز پر گری۔

    پانچویں وکٹ 147 پر گری، بابر اعظم 13 رنز بنا کر رن آٹ ہوئے، چھٹی اور ساتویں وکٹ 154رنز پر گری، سرفراز احمد نے 3 رنز بنائے جبکہ بلال آصف صفر پر آؤٹ ہوئے۔

    اگلی وکٹ بھی 155 رنز پر گری، یاسر شاہ بھی صفر پر پویلین لوٹ گئے۔ نویں وکٹ 164 رنز پر حسن علی کی گری۔

    گزشتہ روز تیسرے روز کے اختتام تک پاکستان نے بغیر کسی نقصان کے 37 رنز بنائے تھے۔

    نیوزی لینڈ کی ٹیم اپنی دوسری اننگز میں 249 رنز پر آؤٹ ہوگئی تھی اور سرفراز الیون کو جیت کے لیے 176 رنز کا ہدف دیا تھا۔ بی جے واٹلنگ 59 اور ہنری نکولز نے 55 رنز کی اننگز کھیلی۔

    دوسری اننگز میں قومی بولرز نے شاندار بولنگ کی تھی اور نیوزی لینڈ کی 6 وکٹیں حاصل کیں۔ گرینڈ ہوم 3 رنز بنا کر پویلین روانہ ہوئے، سودھی 18 رنز بنا کر آؤٹ ہوئے، ویگنر اور ٹرینٹ بولٹ بغیر کوئی رن بنائے پویلین لوٹ گئے۔

    پاکستان کی جانب سے حسن علی اور یاسر شاہ نے شاندار بولنگ کرتے ہوئے 5، 5 وکٹیں حاصل کیں۔

    نیوزی لینڈ نے پاکستان کے خلاف اپنی دوسری اننگز کا آغاز 56 رنز پر ایک کھلاڑی آؤٹ سے کیا تھا۔

    کپتان کین ولیمسن اور جیت راول نے ٹیم کے اسکور میں اضافہ کیا تاہم 86 رنز کے مجموعی اسکور پر کین ولیمسن 37 رنز بنا کر یاسر شاہ کا شکار بنے۔

    اس سے قبل نیوزی لینڈ کی ٹیم پہلی اننگز میں 153 رنز پر ڈھیر ہوگئی تھی، پہلی اننگز میں قومی ٹیم نے نیوزی لینڈ کو 153 رنز پر آؤٹ کرکے نیا ریکارڈ قائم کیا تھا۔

    پاکستانی ٹیم اپنی پہلی اننگز میں 227 رنز ہی بنا سکی تھی۔

    خیال رہے کہ نیوزی لینڈ کا 153 رنز کا اسکور ابو ظہبی میں اب تک کھیلے گئے ٹیسٹ میچ میں کسی بھی ٹیم کا پہلی اننگز میں سب سے کم اسکور تھا، اس سے قبل یہ ریکارڈ سری لنکا کے پاس تھا جو پاکستان ہی کے خلاف 197 رنز پر آؤٹ ہوگئی تھی۔

  • سرفراز احمد ورلڈ کپ تک ٹیم کے کپتان ہوں گے: چیئرمین پی سی بی

    سرفراز احمد ورلڈ کپ تک ٹیم کے کپتان ہوں گے: چیئرمین پی سی بی

    کراچی: پاکستان کرکٹ بورڈ کے چیئرمین احسان مانی کا کہنا ہے کہ سرفراز احمد ورلڈ کپ تک ٹیم کے کپتان ہوں گے، آئندہ پی ایس ایل کے تمام میچز پاکستان میں کروانے کی کوشش کریں گے۔

    تفصیلات کے مطابق چیئرمین پاکستان کرکٹ بورڈ احسان مانی نے نیوز کانفرنس کرتے ہوئے کہا کہ بورڈ کے معاملات شفاف ہوں گے، پی سی بی میں تبدیلیاں آئیں گی۔ ہمیں بہت کچھ ٹھیک کرنا ہے۔

    احسان مانی کا کہنا تھا کہ نجم سیٹھی نے لیگل نوٹس دیا جس کا انہیں جواب دے چکے ہیں، گزشتہ پیٹرن ان چیف نے 2 لوگوں کو فائز کیا تھا وہ مستعفی ہوچکے۔ جسٹس قیوم رپورٹ پر لاہور میں سوال اٹھایا گیا تھا، بہت کم لوگ ہیں جنہوں نے یہ رپورٹ پڑھی ہے۔

    انہوں نے کہا کہ محسن حسن خان اچھے کرکٹر تھے، کپتان پر تنقید محسن حسن خان نے سال پہلے کی تھی۔

    چیئرمین پی سی بی نے کہا کہ سرفراز احمد ٹیم کے کپتان ہیں، سرفراز کا تنازعہ میڈیا نے کھڑا کیا۔ وہ ورلڈ کپ تک ٹیم کے کپتان ہوں گے۔

    پاکستان سپر لیگ کے بارے میں گفتگو کرتے ہوئے ان کا کہنا تھا کہ پی ایس ایل کا فائنل انشا اللہ کراچی میں ہوگا۔ آئندہ پی ایس ایل کے تمام میچز پاکستان میں کروانے کی کوشش کریں گے۔ باہر کے پلیئرز کے یہاں آکر کھیلنے سے دیگر کھلاڑیوں کو سپورٹ ملتی ہے، نامور کھلاڑی پاکستان آئیں گے اور بہت اچھی خبریں ملیں گی۔

    احسان مانی نے کہا کہ پی ایس ایل، پی سی بی کے تحت ہوگا کوئی اپنا بزنس نہیں کرے گا۔ بھارت سے کرکٹ سے متعلق بات چیت چل رہی ہے۔ بھارت میں انتخابات ہو رہے ہیں اس لیے سرد مہری ہے۔ ’انتخابات کی وجہ سے کرکٹ کے معاملات بھی سیاسی ہوجاتے ہیں‘۔

    انہوں نے کہا کہ نیشنل اسٹیڈیم پر بہت پیسہ خرچ ہو رہا ہے بڑے میچز یہاں ہوں گے، جو کرکٹرز کراچی سے آئے ان کا متبادل نہیں ہے۔ کراچی کرکٹ کی نرسری ہے یہاں سے بہترین پلیئرز دیے گئے۔

    چیئرمین کا مزید کہنا تھا کہ پاکستان کرکٹ بورڈ 8 اسٹیڈیم چلا رہا ہے، دنیا میں کوئی ایک بورڈ بتا دیں جو 8 اسٹیڈیم چلا رہا ہو۔

  • دوسرا ون ڈے: پاکستان نے نیوزی لینڈ کو 6 وکٹوں سے شکست دے دی

    دوسرا ون ڈے: پاکستان نے نیوزی لینڈ کو 6 وکٹوں سے شکست دے دی

    ابوظبی: پاکستان نے نیوزی لینڈ کو دوسرے ون ڈے میچ میں 6 وکٹوں سے شکست دے دی، تین میچوں کی سیریز 1-1 سے برابر ہوگئی، شاہین شاہ آفریدی کو میچ کا بہترین کھلاڑی قرار دیا گیا۔

    تفصیلات کے مطابق پاکستان نے نیوزی لینڈ کو دوسرے ون ڈے میچ میں باآسانی 6 وکٹوں سے شکست دے کر سیریز 1-1 سے برابر کردی، فخر زمان نے شاندار 88 رنز کی اننگز کھیلی، شاہین آفریدی میچ کے بہترین کھلاڑی قرار پائے۔

    نیوزی لینڈ کی جانب سے دئیے جانے والا 210 رنز کا ہدف قومی ٹیم نے 40.3 اوورز میں‌ پورا کرلیا، گرین شرٹس نے محتاط انداز میں بیٹنگ کی، اوپنر امام الحق13 ویں اوور مییں فرگیوسن کی پہلی باؤنسر کھیلنے کی کوشش میں زخمی ہوگئے انہیں نے 16 رنز بنائے تھے، ڈاکٹر نے اوپنر بلے باز کو 72 گھنٹے آرام کا مشورہ دیا ہے۔

    امام الحق کے جانے کے بعد بابر اعظم نے فخر زمان کے ساتھ ذمہ دارانہ بیٹنگ کی اور فخر زمان 88 رنز بنا کر آؤٹ ہوئے جبکہ بابر اعظم نے 46 رنز کی شاندار اننگز کھیلی، شعیب ملک 10 اور سرفراز احمد 13 رنز بنا کر آؤٹ ہوئے۔

    محمد حفیظ نے 27رنز کی ناقابل شکست اننگز کھیلی، شاداب خان نے 2رنز بنائے، نیوزی لینڈ کی جانب سے فاسٹ بولر فرگیوسن نے تین کھلاڑیوں کو پویلین کی راہ دکھائی، اسپنر سودھی نے ایک وکٹ حاصل کی۔

    ہدف کے تعاقب میں نیوزی لینڈ کے خلاف پاکستان کی بیٹنگ جاری ہے، اوپنر امام الحق کیوی بولر فرگوسن کا خطرناک باؤنسر ہیلمٹ پر لگا جس کے باعث وہ ریٹائر ہرٹ ہوکر گراؤنڈ سے باہر چلے گئے، بال ہیلمٹ پر لگتے ہی امام الحق وکٹ پر گر گئے تھے۔

     ابوظبی میں کھیلے جانے والے دوسرے ون ڈے میچ میں کیویز نے گرین شرٹس کو جیت کے لیے 210 رنز کا ہدف دے دیا، نیوزی لینڈ نے مقررہ اوورز میں 209 رنز نو وکٹوں کے نقصان پر بنائے، روس ٹیلر نے نصف سنچری اسکور کی، شاہین شاہ آفریدی نے چار کھلاڑیوں کو آؤٹ کیا۔

    نیوزی لینڈ کے کپتان کین ولیم سن نے ٹاس جیت کر پہلے بیٹنگ کا فیصلہ کیا تو 14 رنز کے مجموعی اسکور پر کولن منرو 13 رنز بنا کر پویلین لوٹ گئے، 25 رنز پر کیم ولیم سن بھی آؤٹ ہوگئے، نیوزی لینڈ کی تیسری وکٹ 74 رنز پر گری۔

    لیتھم 1 رنز بنا کر آؤٹ ہوئے، گرینڈ ہوم نے تین، ساؤتھی اور سودھی نے 13، 13 رنز کی اننگز کھیلی، نکولس نے راس ٹیلر کے ساتھ شراکت قائم کی اور ٹیم کے اسکور میں اضافہ کیا۔

    نکولس کو 33 رنز پر حسن علی نے کلین بولڈ کیا، ایک اینڈ پر راس ٹیلر ڈٹے رہے انہوں نے  86 رنز کی شاندار اننگز کھیلی۔

    پاکستان کی جانب سے شاہین شاہ آفریدی نے چار وکٹیں حاصل کیں، حسن علی نے دو کھلاڑیوں کو آؤٹ کیا جبکہ محمد حفیط اور شاداب خان کے حصے میں ایک، ایک وکٹ آئی۔

    قبل ازیں ابو ظہبی کے شیخ زید اسٹیڈیم میں جاری دوسرے ون ڈے میچ میں نیوزی لینڈ نے پاکستان کے خلاف ٹاس جیت کر بیٹنگ کا فیصلہ کیا ہے۔ پچھلے ون ڈے کی شکست خوردہ قومی ٹیم بھرپور تیاری کے ساتھ میدان میں اتری۔

    پاکستان اور نیوزی لینڈ کے درمیان 3 روزہ ون ڈے میچوں کی سیریز کے پہلے میچ میں پاکستان کو 47 رنز سے شکست ہوچکی ہے۔

    اس سے قبل دونوں ممالک کے درمیان 3 میچز کی ٹی 20 سیریز میں پاکستان نے آخری میچ میں نیوزی لینڈ کو 47 رنز سے شکست دے کر وائٹ واش کردیا تھا۔

    پاکستان سنہ 2011 سے نیوزی لینڈ کے خلاف کوئی ون ڈے سیریز نہیں جیت سکا۔ آخری بار گرین شرٹس نے 2014 میں نیوزی لینڈ کو ون ڈے میں ہرایا تھا۔

    دوسری جانب نیوزی لینڈ مسلسل 11 میچز جیت چکا ہے۔ سرفراز الیون ابو ظہبی ون ڈے جیت کر نیوزی لینڈ کی فتوحات کو بریک لگا سکتی ہے۔

    سیریز جیتنے کے لیے قومی ٹیم کو آج اور پرسوں بروز اتوار کو ہونے والے ون ڈے میچز میں فتح حاصل کرنی ہوگی۔

  • پہلا ون ڈے، نیوزی لینڈ نے پاکستان کو 47 رنز سے ہرادیا

    پہلا ون ڈے، نیوزی لینڈ نے پاکستان کو 47 رنز سے ہرادیا

    ابوظبی: پہلے ون ڈے میچ میں نیوزی لینڈ نے پاکستان کو 47 رنز سے شکست دے دی، عماد وسیم اور سرفراز احمد کی نصف سنچریاں بھی کام نہ آسکیں، ٹرینٹ بولٹ نے ہیٹ ٹرک کی۔

    تفصیلات کے مطابق ابوظبی کے شیخ زید اسٹیڈیم میں جاری پہلے ون ڈے میچ میں نیوزی لینڈ نے پاکستان کو 47 رنز سے شکست دے دی، قومی ٹیم 47.2 اوورز میں 219 رنز پر ڈھیر ہوگئی، سرفراز احمد اور عماد وسیم کی سنچریاں بھی کام نہ آسکیں۔

    نیوزی لینڈ کو تین میچوں کی سیریز میں ایک صفر کی برتری حاصل ہوگئی، نیوزی لینڈ کی جانب سے فاسٹ بولر ٹرینٹ بولٹ نے ہیٹ ٹرک کی، فرگیوسن نے تین کھلاڑیوں کی پویلین کی راہ دکھائی، گرینڈ ہوم کے دو وکٹیں حاصل کیں۔

    پاکستان نے 267 رنز ہدف کا تعاقب کیا تو 8 رنز پر تین کھلاڑی پویلین لوٹ گئے، فخر زمان ایک رن، محمد حفیظ اور بابر اعظم بغیر کوئی رن بنائے پویلین لوٹ گئے، شعیب ملک 30 رنز بنائے۔

    عماد وسیم اور کپتان سرفراز احمد نے ٹیم کو سہارا دیا دونوں کھلاڑیوں نے نصف سنچریاں اسکور کیں تاہم ان کی نصف سنچریاں بھی ٹیم کے کام نہ آسکیں اور پوری ٹیم 219 رنز پر ڈھیر ہوگئی۔

    قبل ازیں ابوظبی کے شیخ زید اسٹیڈیم میں کھیلے جانے پہلے ایک روزہ میچ میں نیوزی لینڈ نے قومی ٹیم کو جیت کے لیے 267 رنز کا ہدف دے دیا، روس ٹیلر نے 80 رنز کی شاندار اننگز کھیلی، شاداب خان نے تین وکٹیں حاصل کیں۔

    نیوزی لینڈ نے ٹاس جیت کر پہلے بیٹنگ کا آغاز کیا تو 13 رنز پر پہلا نقصان اُٹھانا پڑا جب جی ایچ ورکر 1 رنز بنا کر شاہین آفریدی کی گیند پر سرفراز احمد کو کیچ دے بیٹھے، کیویز کی دوسری وکٹ 36 رنز پر گری کولن منرو 29 رنز بنا کر شاہین آفریدی کی گیند پر ایل بی ڈبلیو ہوگئے۔

    کیویز کی تیسری وکٹ 78 رنز پر گری جب کپتان ولیم سن 27 رنز بنا کر آؤٹ ہوگئے، لیتھم اور راس ٹیلر کے درمیان 130 رنز کی شراکت قائم ہوئی، راس ٹیلر نے 80 اور لیتھم نے 68 رنز کی اننگز کھیلی۔

    لیگ اسپنر شاداب خان نے چار گیندوں پر تین وکٹیں حاصل کرکے نیوزی لینڈ کی شراکت کا خاتمہ کیا، اس کے بعد عماد وسیم نے راس ٹیلر کو 80 رنز پر پویلین پہنچایا، نیوزی لینڈ کے دو کھلاڑی گرینڈ ہوم اور نکولس کھاتا کھولے بغیر پویلین روانہ ہوئے۔

    پاکستان کی جانب سے شاداب خان نے چار کھلاڑیوں کی پویلین کی راہ دکھائی، فاسٹ بولر شاہین شاہ آفریدی نے چار وکٹیں حاصل کیں، عماد وسیم کے حصے میں ایک وکٹ آسکی، فاسٹ بولر حسن علی کے اوورز میں 62 رنز بنے اور وہ کوئی وکٹ حاصل نہ کرسکے۔

    قومی ٹیم کے کپتان سرفراز احمد کا کہناتھا کہ اگر ٹاس جیت جاتے تو پہلے بیٹنگ کرتے۔ ٹیم میں خاص تبدیلی نہیں، امام الحق کی واپسی ہوئی ہے۔

    دوسری جانب نیوزی لینڈ کے کپتان کین ولیمسن کا کہنا تھا کہ نیوزی لینڈ پاکستان کو بڑا ٹارگٹ دینے کی کوشش کرےگا۔

    اس سے قبل دونوں ممالک کے درمیان 3 میچز کی ٹی 20 سیریز میں پاکستان نے آخری میچ میں نیوزی لینڈ کو 47 رنز سے شکست دے کر وائٹ واش کردیا تھا۔

    پاکستان سنہ 2011 سے نیوزی لینڈ کے خلاف کوئی ون ڈے سیریز نہیں جیت سکا۔ آخری بار گرین شرٹس نے 2014 میں نیوزی لینڈ کو ون ڈے میں ہرایا تھا۔

    دوسری جانب نیوزی لینڈ مسلسل 11 میچز جیت چکا ہے۔ سرفراز الیون ابو ظہبی ون ڈے جیت کر نیوزی لینڈ کی فتوحات کو بریک لگا سکتی ہے۔

    اگر گرین شرٹس نے سیریز 0-3 سے جیت لی تو ون ڈے رینکنگ میں پاکستان کی پوزیشن پانچویں سے چوتھی ہوجائے گی۔

    اس سے قبل دبئی میں آسٹریلیا سے کھیلی جانے والی 3 میچز کی ٹی 20 سیریز بھی پاکستان نے 0-3 سے اپنے نام کرلی تھی۔

  • اظہر علی کا ون ڈے کرکٹ سے ریٹائرمنٹ کا اعلان

    اظہر علی کا ون ڈے کرکٹ سے ریٹائرمنٹ کا اعلان

    لاہور: قومی کرکٹ ٹیم کے سابق ون ڈے کپتان اظہر علی نے ون ڈے کرکٹ سے ریٹائرمنٹ کا اعلان کردیا۔ اظہر علی کا کہنا ہے کہ میری زیادہ پہچان ٹیسٹ کرکٹ ہے، وہاں ریکارڈ مزید بہتر کروں گا۔

    تفصیلات کے مطابق سابق ون ڈے کپتان اظہر علی نے ون ڈے کرکٹ سے ریٹائرمنٹ کا اعلان کردیا۔

    اپنی ریٹائرمنٹ کا اعلان کرتے ہوئے اظہر علی کا کہنا تھا کہ میری زیادہ پہچان ٹیسٹ کرکٹ ہے، وہاں ریکارڈ مزید بہتر کروں گا۔ سرفراز احمد ٹیم کو اچھے طریقے سے لیڈ کر رہے ہیں۔ ’میری پوری سپورٹ سرفراز احمد کے ساتھ ہے‘۔

    اظہر علی کا کہنا تھا کہ ٹیسٹ کرکٹ میں میرا فوکس بیٹنگ پر ہے، ٹی 20 کرکٹ میں نے کھیلی ہی نہیں تو اس سے ریٹائرمنٹ کا اعلان کہاں سے کروں۔

    انہوں نے کہا کہ میں نے پوری کوشش کی اور پرفارمنس دی، چانس ملنا نہ ملنا اللہ کی طرف سے ہوتا ہے۔ میرے حساب سے یہ ریٹائرمنٹ کے لیے اچھا وقت ہے۔ اپنے فیصلے سے پہلے چیف سلیکٹر سمیت سب سے بات کی۔

    اظہر علی کا کہنا تھا کہ انجری سے ریکوری کے بعد فٹنس مزید بہتر ہوئی ہے۔ پاکستان کی کپتانی کرنا کبھی بھی آسان نہیں رہا۔ ریٹائرمنٹ لی تاکہ جو لڑکے کھیل رہے ہیں انہیں پورا موقع ملے۔

    سابق کپتان اظہر علی نے سنہ 2011 میں ون ڈے ڈیبیو کیا تھا۔ انہوں نے 53 ون ڈے میچز میں پاکستان کی نمائندگی کی۔

    اظہر علی نے 53 ون ڈے میچز میں 1 ہزار 8 سو 45 رنز بنائے۔ انہوں نے 3 سنچریز اور 12 نصف سنچریز اسکور کیں۔

  • ٹی 20 رینکنگ: بابر اعظم نمبر ون بیٹسمین بن گئے

    ٹی 20 رینکنگ: بابر اعظم نمبر ون بیٹسمین بن گئے

    انٹرنیشنل کرکٹ کونسل کی نئی ٹی 20 کی رینکنگ میں پاکستان کے بابر اعظم بیٹسمین رینکنگ میں پہلے نمبر پر آگئے۔

    تفصیلات کے مطابق انٹرنیشنل کرکٹ کونسل نے ٹی 20 کی نئی رینکنگ جاری کر دی۔ پاکستان کے بابر اعظم بیٹسمین رینکنگ میں پہلے نمبر پر آگئے۔

    آئی سی سی رینکنگ میں فخر زمان پانچویں نمبر پر موجود ہیں۔ بولرز رینکنگ میں پاکستان کے شاداب خان کی دوسری پوزیشن برقرار ہے۔

    آئی سی سی ریکنگ کے مطابق عماد وسیم بھی ٹاپ ٹین بولرز میں شامل ہیں۔ آل راؤنڈرز رینکنگ میں شعیب ملک کا بارہواں نمبر ہے۔

    خیال رہے کہ چند روز قبل بھی انٹرنیشل کرکٹ کونسل کی خواتین ون ڈے رینکنگ میں پاکستانی خواتین کرکٹ ٹیم کی سابق کپتان ثنا میر خواتین بولرز میں پہلے نمبر پر براجمان ہوئیں۔

    خواتین بولرز میں پہلی 3 میں سے 2 پوزیشن پاکستان کے پاس تھیں۔ ثنا میر رینکنگ میں 663 ریٹنگ پوائنٹس کے ساتھ سرفہرست رہیں۔

    ٹی 20 بولرز کی رینکنگ میں پاکستان ویمن ٹیم کی ایک اور کھلاڑی انعم امین بھی شامل تھیں جو تیسرے نمبر پر تھیں۔